嘉樂冰廳 (新村街)

营业中

休息中

今次見冇人排隊,即刻入去試試~食左鮮牛蛋治~真的很巨啊!!!!!!足足有一隻手指尾咁厚!!蛋雖然不是太滑~但厚度撘夠!!鮮牛是沙爹牛肉~ 牛肉剛剛好!!!很多汁!本身自己喜歡食麵包~所以很滿足!!雖然取消了特餐\\\\\\\~但是現在通漲,其他東西沒有加價都算係咁~但是一件咁有分量的蛋牛治都是賣12蚊,實在好抵!!!!

見咁多人介紹呢間家樂冰廳，自己又住得咁近，咪點都諗住去食下lor。去之前又沒有留意原來佢已經除消晒d特餐，覺得好唔扺，同埋有少少俾人搵笨tim。嚟得o食既都係俾佢扺食挾大件吸引，點知人怕出名豬怕肥，一多人去食，就即刻坐地起價，而家叫奄列都要散叫，但諗住咁多人讚，點都叫嚟食下啦，但個奄列真係有點老，同埋要等好耐，我估等得耐係因為個阿姐有點攪錯，因為明明見到d客遲過我嚟，但佢地竟然食先過我，到我再吹佢，佢先識得送番俾我。所以個人覺得呢間餐廳已經唔值得食，又或者唔可以再叫扺食挾大件lor。所以應該唔會再去幫襯(嘻!應該話唔再做老襯先啱)。

估唔到會係街市入面, 但係都咁出名.試左茄蛋三文治,真的比別的餐廳大份,都只係12, 好抵.而且好細心,分開黎裝,唔知真係以為佢比錯其實啲蛋真係無特別,而且我覺得老左少少添,但係份量就都平時的1.5, 啲萫茄好新鮮同大塊,但略為生了點,變得有點硬. 配上少少吞拿魚沙律醬,都幾好味, 如果再多啲醬就perfect 啦~~ 黎見識下佢既size都可以,但係味道就真係普通不過吧~~

我係荃灣人見openrice呢排嘉樂咁hit 真係好想試下我係下晝1點幾食飯時間去到多人到呢真係一定要搭檯囉佢啲卡位好窄坐4個人真係好辛苦手會辛唔直我得1個人去對面坐兩個學生隔離坐個阿姐因為真係好逼下又唔似飲茶可以隔開啲 所以當其時都幾尷尬啲嘢食比一般茶記嚟得有心機同好食同埋真係好大份我叫咗一個蛋治一個爹牛通蛋治真係幾好食但爹牛通啲牛肉好似切錯紋搞到好”un”抵唔抵食就見人見智喇因為而家無餐嗌早餐午餐常餐特餐全部都無哂變成要自己另外嗌嘢飲我又唔捨得10幾蚊加杯奶茶所以無飲嘢始終呢度又唔好坐又隔涉仲要喺街市隔離最搞嘢我食完想走又唔想麻煩隔離未食完阿姐起身又坐低搞到等埋佢食完先走得我估都係一年貪得意去一兩次就算另外阿事頭婆係幾好禮貌呢個值得一讚

集體回憶熱下，憑珍寶奄列成為該區的星級爆場店；靚仔時候老爸間唔時帶來吃特餐，當年仲未旺場到要拉閘截客。再來，都唔記時幾多年之後的事，十一點左右，要拍門叫老闆開閘。同同事分別叫了蛋治同奄列，$26餐比出面貴幾蚊，當然以今時今日的名氣，加上無敵份量，呢個mark up絕對可以接受。蛋治叫了走火腿，屬於king size份量，一個人吃絕對夠飽，對比起厚蛋，薄三文治明顯變得兒戲起來，裡面塗上了牛油，厚蛋不過老，滲著微量蛋液，「走腿」後不會過鹹，配杯Lipton奶茶，飽足半天。同事的奄列，滲流出澎湃蛋液，下了不少火腿，令本來很鹹的奄列變得更鹹，對比此品，還是蛋治來得穩陣。望望餐牌，原來同事的奄列只屬正常版，仲有$34既珍寶級待焚化級的客人挑戰。面對拉閘唔憂做的情況，靚姐依舊面帶笑容地招呼客人，認真有人情味的街坊老店。

如沒大的要求，基本上三文治可以吃飽，但質素就一般水準，麵包太薄，完全失去三文治的基本要求，雖則料很多，但不合比例，蛋太多又老，一點也不滑，牛肉也是，普通水準！

見到咁多人推介e間野好食,咪特登走去試下我地去到真係要排隊,排左十幾分鐘左右我地叫左一碟奄列,兩份蛋牛治,一碟炸醬撈麵d奄列真係好大份,食唔晒,都算ok,但唔係真係講得咁好食我比較鍾意食蛋牛治,因為件野真係幾厚下,而且咬落去d汁留晒出黎^^碟撈麵都ok既,又係食唔晒,所以兩個人食都係唔駛叫咁多野

從未食過的巨蛋蛋治，正！(餐蛋、蛋牛更佳)所有鹵水的食物，包括豆腐、雞翼，很入味，但個心稍凍。昨天假日暫停特餐，單叫價錢稍貴。屬老店，故食物選擇少。荼餐廳中味道屬高水平，有風格。

前排同朋友一齊去食,去到叫左個大奄列,同埋每人叫個麵...我就點左個炸醬麵,碟麵本身都幾多,味道ok...重點係個奄列,真係很大...d料有大量火腿,青豆等等,蛋的質感唔錯,幾滑....而我又點左杯"荷蘭谷咕",其實係杯濃朱古力,又係幾大杯下...整體黎講,食物質素雖然唔差,但也不是最top,不過以size與價錢來講,又幾抵的

今日下午我朋友黎搵我，問我荃灣有咩特色餐廳我就帶左佢黎呢度勒其實我都係第一次黎架咋!!去到都要等幾分鐘先有位，幾多人架入到去見到間鋪真係幾舊同細，但真真係好乾淨整齊一塵不染!!相信同行都好難做到咁整潔，地下真係好乾淨我係一個極怕汀污漕既人，呢間野真係抵讚!!之後我地叫左4樣野，牛肉通粉,雞翼公仔麵，老水豆腐，小奄列牛肉好lum好入味，雞翼有4隻又夠味，一d雪藏味都無小奄列就一d都唔小ar!!好大份!!我朋友係咁話好味，我都覺ar!!最後我地2個都食唔哂d野!不過佢地係無set叫架,一定要散叫，野飲好貴anyway,,,依間old school得黎又咁乾淨好味的餐廳真係好少有架na!!我會再黎架，好開心我朋友都話好食^^好滿足有望佢今日未試順利啦!!

聽聞嘉樂冰廳的巨蛋庵列已很久,一直都很想試但荃灣對我黎講真係好遠..難得今日考完Mock,就慰勞下自己啦!今日放學同朋友黎左呢到食lunch..門外無人排隊,不過都係要等下...我一心想黎食特餐,點知暫停供應等的時候問阿姐拿張餐牌黎睇睇先由於無左特餐..所以要諗下食乜東東先啦>"<最後同朋友決定左要2份小庵列,1碗雞翼米,1個鹵水豆腐-火腿小庵列份庵列真係好巨..,聽聞係用左4隻蛋黎整wow..我今日膽固醇超標份庵列用左美極豉油淋係面,不過豉油好似落得太多了....d火腿塞滿哂係個庵列入面而個庵列初頭食都仲好熱辣辣既,不過入面d火腿就唔太熱啦蛋都炒得幾滑,不過份庵列月食月濟..但都比我ko哂=3=唔算特別好食..見識過就算啦而方包既牛油好似同平時食開既有d唔同朋友仲有食剩tim-雞翼湯米粉成碗粉好大份,米粉份量多,2個人夠哂食!d雞翼都幾好食,有d似媽媽煮既雞翼既味道-鹵水豆腐舊豆腐熱騰騰,鹵得好入味點埋豆瓣醬辣辣地幾好食不過豆腐就唔滑囉總括來說,個人認為試過就心息啦,唔係話太特別只係佢個庵列真係好巨..可以一試,但唔會再特登入荃灣食啦可能我太大食,食完都係得6成飽去7

的確, 講唔上特別好食... 至於份量都唔見得好"巨"!!冇乜特別既1間冰室, 不過經常性都full晒~我諗, 1試無妨既" 唔好抱太大期望, 完全唔明白點解有咁多好評?? 去完之後, 有感俾d好評呃左既感覺"自己雖然講唔上話係乜野食家, 但係點都識分乜野係有誠意既食肆, 我係個度1d都唔覺得d好好食!!奄列? 的確好大既... 三十幾蚊去食大蛋(究竟整到咁大為乜? 宣傳ja, 可恉根本唔好食!)

心血來潮要來這裏，六點多來到就要排隊了，都等了好一會才能入座。先來一碗牛腩麵($17)，是最快做好的了。一夾起麵條就放進口中，是太硬了。好在用湯浸一下就比較好，不過口感卻是一般。有牛腩亦有好多牛根，不錯呀。可是湯實在太多油了。特餐($26)︰包括肉絲意粉、多士(+$1)、火腿奄列和凍奶茶(+$1)。最快來的是多士，這$1真的沒有加錯，多士是烘了的，又塗上牛油，脆脆的。吃完再等一會才有肉絲意粉和奶茶。肉絲真的很好味，加上一些香菇，是大多茶餐廳都不會這樣細心的。奶茶是又大杯又好喝。當我倆吃完以上的東西，都沒有火腿奄列，於是就追了追單，以為漏單了。不過我倆在呆呆地坐了超過十分鐘才上桌，就真的有點慢了，畢竟其他食物都吃完了嘛。我不是太好炒蛋之類的，所以沒有多吃，不過份量真的很多呢。可能我對奄列的喜好程度一般，而且又要等位又要等奄列，真的用盡了我的耐性。

見到個個都話好大件，於是同老婆去了二次，第一次去到食了個我常常在家中自製的罐頭咸牛肉蛋治，牛腩河、凍咖啡；第一次見到這樣大件的三文治，是很震撼的，食落口感覺OK；但個牛腩河真係唔得，D牛腩唔係好夠味（八角的味道，你們吃到嗎？）；至於第二次去吃了那個聞名荃灣的（細蛋包火腿）講真的，入面包住的火腿實在太多了，又比較凍，食落口好似成堆野塞入口似的，你們硬要話好大件好底我實在無話可說，但大件也不代表好吃，不過還沒有試個那雞翼和炸wonton，下次再試多次吧！

早前在網上看到這間餐\廳，很多人都話大件抵食，今日終於走去試下先，餐\廳的位置不太起眼，之前要做定功\課(看地圖)會易找d，d枱好細，我坐下看看餐\牌，叫左特餐\ 加喱牛腩通粉,火腿奄列,包包,凍奶茶(只加1元)，不過加左價就由24元加至26，通粉份量味道ok,奄列就真係好大呀！火腿又多，抵食