嘉樂冰廳 (新村街)

营业中

休息中

我由小學已經經常跟我媽黎嘉樂光顧印象中好似未遇過有吉位,唔使等可即入gei情況到依家食左十幾年愈大愈對佢有感情(尤其係火腿奄烈)其實我個人覺得..佢似屋企人煮飯gei感覺你對佢有感情,自自然然就會覺得佢煮得好食呢度gei賣點相信係"份量"所以想有"滿足"gei一餐呢度一個人$35樓下都可以做到不過如果抱住想環境坐得舒服,有高級餐廳gei食物質素又怕山長水遠黎gei排長龍的話要諗諗了至從佢地無左日日有常餐呢件事我反而多左幫襯因為我想見多"親人"幾面

大家好,小弟第一次打食評,雖然唔係話食過好多野,但係都希望同大家分享下我既個人感受.個人文筆唔好,希望多多見諒^^見到咁多好評,所以就去試下啦.其實呢間餐\\\廳係我上個禮拜食.個日我岩岩測完驗,放早,所以咪試下呢間野,同行既仲有我既女朋友^^\\\"唔係話搵好耐,不過個門口幾細,入到去同普通茶餐\\\廳無咩分別,全部都係卡位黎既.睇左陣之後叫左個火腿\\\"小\\\"奄列,炸醬撈麵同埋\\\"老\\\"水豆腐.火腿\\\"小\\\"奄列($15)份量既多,味道唔錯,入面d牛油都好.炸醬撈麵: ($21)唔記得左問佢\\\咩麵黎,黎到先知原來係幼麵.個人唔太鐘意幼麵,所以我覺得麻麻地.不過份量同樣好大,兩個人都會食唔晒@@\\\"老\\\"水豆腐($5) :見到其他網友話幾好味,咁咪試下.但係比估計差,豆腐入面無想像中咁入味,而且份量一般.值得一讚係waiter(定老闆娘??) 親切既笑容,可能果次十點幾..無咩人~所以服務唔錯.不過味道無想像中咁好,只可以話係一間比較平既茶餐\\\廳.

嘉樂之所以無餐叫, 是因為老闆兼大廚不能再應付勞碌工作所以無餐叫。雖然散叫的確貴左少少, 但是我覺得喜樂都是一個好去處。佢既細奄列仍然有睇頭，奄列內有香滑蛋汁配合疑似美極既醬汁，真係一流。加上佢既粉麪如:雞翼米粉都好有屋企感覺。希望老闆身體健康，因為我唔想一間咁有人情味既冰廳消失呀!

女朋友成日話要試,星期日就黎試下啦一去到見到要等,算啦...諗住出名要等好正常o丫入到去叫左5樣野: 奄列, 蛋治, 牛腩河, 火腿雞絲通粉同凍谷咕奄列: 大大件, 完全夠兩個人食, 不過唔係大就叫好食架!!先講味道就真係一般左d,無咩咁突別! 再講,奄列同炒蛋一樣,要嫩先叫好食! 但係嫩又唔代表生喎, 咁你話咁大件奄列,外面嫩裡面就生; 裡面嫩外面就死實實啦!邊可能煮得到嫩o丫....你話幾無謂蛋治: 件蛋成層樓咁厚, 味道亦係一般蛋治味囉, 唔係你想有咩味?! 11蚊唔係比蛋紙我, ok呢個我buy!牛腩河: 正正常常牛腩河味, 比好多粉麵檔做得好, good!不過亦唔可以話係難得, 因為我返工o個頭$12碗都可以有咁o既質素火腿雞絲通粉: 都係正正常常o既一個通粉囉!無咩好講! 通粉係比較難煮得難食, 如果大家去到一間可以將個通粉煮得難食o既, 你可以同個老闆講叫佢收皮啦! 得出結論: 無咩特別, 唔洗特登去排黎食囉! 星期日去無set叫, 係無良, 你不如打開我銀包直接攞啦! 最奇怪, 咩都落豉油! 通粉落都算喇, 奄列你都落你無野呀?! 奄列食茄汁架嘛!! 落哂豉油我點落茄汁

火腿小奄列確係幾大，兩個人食都好滯．料真係多，係平，不過味道只係普通．奇異嬌艷粉紅色o既紅豆冰.我o係星期六2:15pm到．等左好耐，半個鍾頭以上．等左咁耐，我就覺得唔係抵喇．味道普通但係佢o係全港排名係第十（7.4.2008）；荃灣佢排名係第一．我荃灣人話~唔值!

上星期六，我同我女朋友再次去荃灣添食，同樣地都是要等20 mins才入得去，未食之前大家先要付出體力，耐性和時間出來先可以入去食，果然是多了人看完食評之後都來幫親。今日我們都是如常地叫了: > 一份細的火腿奄列,> 一碗牛筋米線,> 一客期待已久的酥炸雲@,> 一碗豉油雞翼米線!P.S.對於我們而言，份量仍然是夠大份，好足材料，抵食...如果是肚餓去食或者是一對情侶或者三五知已去食，都應該會好好食和填飽，因為份量真是幾大份。E.g. 我想叫雞翼米線會(抵食>) 過一客豉油雞翼，一碗米線有4隻-$1X Vs 一客只有6隻- $2X;相比之下，大家認為會邊樣是抵食點?? 另外一客酥炸雲#就有8隻到($2X)，賣相好似不錯和抵食，但是大家就要比少少耐性先有得食，外層經炸過之後，我們都覺得苦了少少，可能下次叫湯之類會比較好點。雖然今次來食是加了價，但是老遠來食都是值得的，再者小子同女朋友都相隔了三個月先再來食，感覺都會有所不同。各位有心人都可以去嘗試一下!

今日同男朋友一行兩人，試下呢間荃灣排名第一嘅嘉樂，一去到係幾多人排隊，都要排廿幾分鐘自有得食！叫左：１）牛腩河：個湯好好飲，有５舊牛根，１舊牛腩，舊牛腩幾好食，舊根好硬，硬到要咬好耐先可以吞，不過個湯加好多分，總結都算好味２）火腿奄列：１５蚊真係好大碟，但係我自己本人唔係咁鍾意佢落ｄ豉油落去，如果唔係ｄ豉油都ｏｋ３）火腿雞絲通粉：係一個好普通好普通嘅通粉，可食可唔食，重要佢ｄ雞絲都落左ｄ豉油，我最憎豉油味４）雞治：都係一件普通，件雞幾厚嘅雞治，好多茶餐廳都係咁架啦！所以都係可食可唔食總總結：呢間野ｄ野食除左好大碟之外，都無咩特別ｄ野食嘅味道都係一般茶餐廳嘅味道，除左牛腩河個湯好好味之外，無咩野食要食完之後，下次都排隊再食

嚮介紹之前, 我想講下食後感...我相信大家去食只係羊群效應同澳門翠苑茶餐廳(旺角) 個case 係一樣兩間其實都無乜特色, 只係價錢平少少大家抱住人試我又試ge 心態去食大家清醒d 啦~ 呢兩間都絕對係普通過普通ge 食肆嘉樂嚮街市附近, 所以平時都唔會去留意自己住荃灣, 見咁多人話好, 都即管同女朋友去試下假日tea time去到有幾個人排緊隊, 不過好快入得裝修同格局只可以用舊同細黎形容, 望完環境都唔想食坐落一睇... 唔再出套餐呢d 仲唔係擺明坐地起價, 見多人黎就加價?淨係呢個做法已經叫人想走...不過都叫左... 鹵水豆腐　$ 5小奄列　　$15 定$16蛋牛治　　$12 定$13(確實價錢唔多記得...)鹵水豆腐味道唔錯, 但亦未至於出類拔萃個豆瓣醬亦好普通, 我寧願唔點等左陣個火腿小奄列終於黎, 果然幾大但未至於大到令我驚訝, 味道亦好普通, 淨係多料但我想講, 咁樣我不如番屋企自己整啦...如果你要同同類型比, 係ok但就唔值得特突去試喇~蛋牛治, 我揀左鮮牛肉蛋照樣大份, 牛有肉汁, 味道唔錯但有少少廟細燈籠大, 賣相亦唔係咁好食緊途中有個好大問題, 就係冷氣好凍

都有一段時間無幫襯佢,原因好簡單,成日都要等位撞今日放假,可以晏d起身,但心癢癢想食過豐富d早餐,就諗起嘉樂由於10點鍾關係,人客唔算多,臨叫我至愛火腿奄列,沙爹牛肉通同COT嘩,冇食一排,份量依然冇變,大到小弟都驚食唔晒個奄列好正,d蛋仲係咁滑,不過咸d,唔知係咪落得d鹽多得滯.定d火腿多得滯我食通粉通常都落大量胡椒粉,再加埋佢正正湯底,不消一刻就連湯都差不多飲晒.飽晒,可能成日都唔洗食

weekend 11:00左右到達, 我們二人排第2張台...心想,要這樣排隊等食的(沒有籌的,企定定在餐廳門口排隊入座),對我來說,可謂可一不可再.是日放假好得閒,唔趕時間,又不太肚餓,人龍又不算長,ok沒所謂啦.2人叫了牛肉通粉:-牛肉沒有拿得過份,有點韌凍檸茶:-ok一般腿旦治:-大大份,$12是超值火腿雞絲意:-好似屋企煮咁;好多料,非一般餐廳質數熱奶茶:-友人no comment整體來說是大件抵食;所以在荃灣區客似雲來.我反而最欣賞那些另類茶室食品好似-甜酸菜腩肉米線-鹵水豆腐-友人食既火腿雞絲意因為煮法/配搭同其他一般茶室有別,比較有心機.如果不用排隊,一定再去幫襯!!

睇到咁多人話正所以今日特地試食，叫左一個蛋治&火腿通粉，蛋治先到份量真係好大食左一半都知諗今次未必食得晒，點知通粉一送到個蝶野仲得人驚，真係出盡全力先食得晒，出到問口要鬆一鬆皮帶先得，至於味道蛋治d包止係普通野d蛋就ok好似加左小小調味，至於火腿通都唔錯，湯底加左好多蔥味道都ok通粉係細細粒我最中意個隻，總結是不錯的一餐下次要試下佢d雲吞因為好多人食。

第二次黎呢道食野, 今次在下食牛腩河, 男友吃火腿奄列, 再加多杯凍檸茶。三樣野總共45蚊。牛腩河好香! 不過牛腩好肥, d河粉多到食唔晒, 真係好大碗! 原來呢道d野食樣樣都咁巨型。(好似唔洗本咁??)火腿奄列同上次差唔多, 都係大大份, 懷疑佢用左3-4隻蛋黎整... 不過男友話d蛋偏咸; 另外佢話杯凍檸茶好甜!! 在下飲左一啖.... 真係好甜@@!其實唔算好好食, 不過係好平又大份, 吃到飽飽的, 所以OVERALL 是笑的。(ps. 呢道一向好人迫, 經常要等位的)

在荃灣我及女友的食堂,但有時見到排隊的人龍太多..真的打消了念頭..但怎樣也好,始終認為嘉樂是我最喜愛的飯堂!繼續狂熱推介炸鮮蝦雲吞夠脆蝦又不會縮皮細細粒,牛腩夠腍身入味,連米粉都吸晒牛腩汁又爽又好食..當然仲有檸茶的配搭,真的一流..慢慢開始變成熟客了!是次已經不知是第幾十次來光顧了,有時不夠飽,都會特地走來填一填肚!

這日來到荃灣開工，比舊石屎差0的撞死，好在無事﹗下午茶同工加來左呢度﹗先點左個迷你奄列，一來到同工友已經嘩然，咁大舊叫做迷你?你們看相便知，成個碟咁大仲要是厚厚的﹗蛋入口好滑好香，並唔係得個大字﹗食完已經已經滿足﹗再點左個咖哩牛腩意粉，咖哩是不辣甜甜椰味的﹗份量都係好大碟，兩個人share先搞得掂﹗最後試埋個鹵水豆腐，硬身有口感，質感是街邊的臭豆腐鹵水版，幾有咬口，鹵水味濃，蘸0的豆板醬食頂呱呱﹗不錯﹗

久仰嘉樂冰廳0既大大件奄列，專程走左去食~!坐低先驚見餐\牌上無套餐\，只可以散叫.....灰左.....諗住叫雞絲奄列，俾靚姐力勸我叫個火腿小奄列已經好夠食.....好~! 就聽佢\話叫左個食~! 仲以為奄列淨係得奄列，仲賴醒咁叫多件蛋治，結果出晒事.......火腿小奄列：份量一0的都唔小，食半份已經幾飽肚....但0個日我食0個個包唔係方包，而係類似熱狗包0既物體.....蛋治：嘩.....0的蛋厚到.....當堂呆左!!!總結：份量真係夠大，但味道就一般.....仲有，0的冷氣勁到我以為自己入左雪房囉，唔該~!