嘉樂冰廳 (新村街)

营业中

休息中

因為睇左大家既食評而去,今日假期就去等下位啦,期間都唔少人黎問等位既人入面食咩,入到去環境無咩special,太大份,未 完都已經好漏..唔想再 ..都唔會再去HA

本人已來過門口很四五次，次次都係排晒長龍，所以總是沒有機會進去。成了失業大軍 .... 二點幾在家很餓 , 決定下來會一會這間東西 , 我估平日三點應該不用排吧 , 果然正如我所料 .... 直入 !唔 .... 其實我成日見到這兒 D 人講得這間甘好 ..... 我就是來看看有咩甘好 ?! 蛋治普通野來者 ... 大塊 D ... 無咩特別咋 ?! 入到去坐底 , 唔知食咩 ? 其實已決定食蛋治 .... 但好像會不夠飽 , 只好看看家吃咩 , 跟著叫 。最後我叫了牛腩面 , 蛋治 同埋 熱奶茶 ! 等了五分鐘 , 先上的是面 , 嘩 ~ 賣相都幾討好 , D 汁很黑 (棕色) , 有很多蔥粒浮面 .... D 牛腩一層層 ..... 仲有 D 肥 , 大約有六大塊左右 ! 入到口 , 果然 ....... 嘩 ~~~~ 是我認為最合心意的腩 !!! 大部份都入口軟身 , 除有一塊很硬 ! 唔知係咪蛋治凍了, 無咩蛋汁 .... 果然隻蛋幾厚 , 但一般 ! 奶茶 GOOD ! 整體我比 80 分 , 推介牛腩 .... 不過我食到 "蘇" 味 , 不過本人這方面 OK 無

身為荃灣人，都係睇openrice先知呢間野係咁出名，就算排晒長龍都要試下啦。個個都話佢嘅食物抵食夾大件，所以2個人只係叫咗一件鹵水豆腐,細火煺蛋奄列,蛋牛治,雲吞撈麵& 2杯飲品。食到碟奄列同雲吞撈麵(有成8粒吞雲0架)各一半，已經飽晒見蛋牛治未到諗住取消，但佢哋話已經整緊取消唔到...咁冇計啦，轉外賣拎走遲啲食....老實講，呢度好多食家都真係講得啱，佢味道只係一般，未至於話好好食，唔可能排荃灣第一!!!! 總結>>> 平野未必冇好野‧但抵食夾大件又唔等於排第一位

一定係Openrice的緣故，以前嘉樂排隊真係唔需要咁耐..食飯時岑大約6個人左右，而家已經排到後面的燒味檔..仲有，今日光顧發覺嘉樂轉左menu，而我影的牛腩雞翼米入選呀..！呵呵，不過好高興..因為睇到自己ge作品都可以入選..希望嘉樂要好好做落去！仲有..嗯..之後來有無個九折打?呵呵！講下嘖..因為多人的關係牛腩唔夠腍..其餘都在水準之內，檸茶..雞翼..奄列，每次食完都嗌飽到上心口，奄列甚至可能隔一兩餐先會翻叮..感覺先會返返來，食太多..又會唔係咁好。所謂少食多滋味..多食就實會肥嘛..呵呵！嘉樂冰廳上上下下努力啊..好勤力好好耐性的阿姐，好有殺氣的腰封老闆同收銀姐姐等等..每次見到都份外親切..如果嘉樂可以買埋隔離間鋪就好了..以解我地呢d為食怪之苦..不過唸唸下，擴充左..又唔係果種感覺了..

今早不用排隊, 首次光顧了, 以下就是我們的brunch:1) 雞翼福麵: 雞翼好有媽媽做的感覺... 福麵沒有煮過熟, 很Q很好!2) 火腿奄列(小): 這一個一定要找人share, 有4隻蛋... 太多蛋了!! 正常奄列的味道, 除了它的特大份量, 不見得有何特別.....3) 滷水豆腐: 就是正常滷水豆腐味囉! @_@4) 吞拿魚三文治: 一定要試!! 加入很多西芹, 青瓜及雞蛋, 很不錯喔!不用排隊的話, 絕對可以一試! 以這小店食物的份量及其收費算很"抵食"... 不過要排隊還是吃別的吧!

本人係住係荃灣既.所以都會係荃灣搵野食.依度出名既蛋都唔洗多講啦.但如果你真係第1次黎食既話你真會比佢嚇親.真係睇相都無用.蛋好滑.粉麵既材料都好足.湯底都飲得出唔係淨味精水.叫1個餐夠曬兩個人食!如果大家有心黎試就要留意開門時間.因為好怪嫁...

都食左嘉樂一年有多, 次次去都有驚喜近排愛上左佢個牛肉公仔面D牛肉唔係一般貨仔, 係放湯前煮過,有紹興酒香!!正個湯又係佢自己煮, 絕對唔係一丁D味精粉整行貨ICED LEMON TEA, 真係好好飲,好FRESH, 之前飲都仲覺得飲完個口好''澀'', 但宜家改善左好多!!!! 仲可以有進步!!但開始無左已往抵食既感覺同埋我真係想知佢開咁大冷氣做咩...........好誇張

閒日下午4點幾去到,基本唔駛排隊不過卡位唔多,要搭檯兼坐得好迫硤,勝在冷氣夠凍,先唔會覺得侷促我叫了招牌的細奄列,真係傳說中的,味道無甚特別,但很足料奶茶大大杯,幾乎滿到瀉,不過我嫌奶太多,掩蓋了紅茶味~~試下都OK,如果要排好耐隊先有位就真係唔值得!!

今日請左假, 諗住難得請左假咪諗住一早o黎食常餐, 點知10:30am都仲未開門, o係附近行左陣之後, 終於等到佢開門lu, 不過好失望…因為門外貼住張暫停供應常餐的通告,唉… 算吧!雖然樣樣都散叫不過都仲有好多人幫襯, 我同我男朋友點左免治牛肉蛋治$12 + 奄列(細)$15 + 鹵水豆腐$5 + 凍華田….免治牛肉蛋治: 味道ｏｋ，好熱辣辣！奄列(細): 仍然係咁好食，成寸厚ｏ既蛋…鹵水豆腐: 超難食，豆腐好咸仲好鞋tim，咪食!!仲諗住叫多個粉食, 不過因為太飽真係食唔落, 所以都係留番下次再叫la…

當然係叫佢個招牌食品 - 火腿奄列夠份量, 味道好, 才$15, 好回味加1杯熱飲,唔使 $30, 抵!!

星期六係荃灣接完女朋友之後就出發去呢度諗住食好野!!因為唔識路既關係就諗住搭的士,.點知第一個司機都運吉既!!好彩後尾都仲有識路既司機,.去到都係要排隊,.大概等左半個鐘就可以入去食一坐底就發覺唔係好對路,.對住個冷氣位,. 女朋友係咁話好凍好凍後尾調完位之後好好多!!叫左一份,.一份雞翼,.一個炸醬撈麵同埋紅豆冰炸醬撈麵都幾好食,.因為第一時間到我地兩個都好肚餓好快就食哂!個細火腿奄列個size 1 d 都唔細,. 兩個人都食唔哂!不過講真就麻麻地,.裏面既火腿仲要係凍冰冰個雞翼都有好多隻,. 真係食唔哂不過就唔係好入味,.俾佢冒外表呃左可能我地兩個係最後兩個客人趕時間醃得唔係太夠!!最最最最好味就係杯紅豆冰,.做得好出色!!d 紅豆好'林' 都好好飲好creamy,. 又好大杯!!好抵食,.食咁多野都唔駛$100!!每碟都好有份量

等了又等,等到嘉樂開門,這間位於荃灣邊陲位的小小冰室,連早餐時段也放棄,都幾大"口氣".店內連甚麼特餐,午餐也沒有.來到只能散叫,果然巴閉.之前聽過其蛋類食品很出色,又說要等上差不多一小時才有位,聽罷真是非試不可.炒蛋多士配熱奶茶,我說要炒蛋,但似是煎到壞的煎蛋多一些,可能其炒蛋的風格是半煎半炒,既然如此,我當然要專重.炒蛋最緊要都係控制火喉最緊要,堂堂一間賣蛋治出名的冰廳,當然難不到她.耍些鹽上蛋面吃,又吃得幾滋味,可惜是,下面的多士,硬如石頭.熱奶茶又出奇地好,奶同茶味均衡,喝罷杯內壁的掛杯痕,清楚地呈現.說其為"掛杯"奶茶,也不為過.

嘩!!星期六要排隊入坐???仲要六日冇餐叫?要散叫都仲有咁多人食??…洗唔洗咁多人呀??原來好多人都係遠道而來, 有個仲話係元郎住tim…入面地方真係好細, 如果有五六個人一定要分枱, 因為入面只有四人二人枱…火腿蛋奄列(細) $15: 嘩!!!好大份比起一般餐廳大幾倍, 仲有個包食tim, 個包好好味, 奄列d火腿好多, 蛋都幾有蛋味…好正!!!蛋牛治$12: 都未見過咁大件蛋牛治, 蛋牛肉好好味又多, 如果平時食開o既茶餐廳可能係3份蛋牛治o既份量。雞絲通粉$1x: 哩個個賣想麻麻哋, 味道一般…凍華田$1x: 好好飲, 華田味好濃郁…真係好飽呀!!! 兩個人埋單60蚊都有找…其實味道未至於話好好食, 不過勝在大件夾抵食...

睇到好多網友話lee間茶餐廳好抵食，住得咁近架我無理由唔一試架…於是我就同老公去試一試！我地一去到就見要排隊，由於小妹無見過茶餐廳到要等位，所以堅持要等到位為止！一入去梗係叫晒d招牌菜食啦: 細奄列$15, 蛋牛治$12, 雞翼牛腩河$21, 炸雲吞$20(大約10-12粒), 紅豆冰$14細奄列: King Size…如果唔係有兩個人食真係好難一個攪掂，不過講味道就真係好一般，無咩咁突別！澄清: 佢地架奄列係加左鹵水汁落去，並非網友話加上豉油及上湯。蛋牛治: 件蛋真係好鬼厚，味道亦到係同普通蛋無咩分別，牛肉我就唔係咁鐘意佢地d汁，12蚊到算係咁啦！唔好有好大期望！紛紅色的紅豆冰: 非一般紅豆冰，紅豆好甜好好味…絕非出邊個d，下次黎到要再叫！鹵水雞翼同牛腩河: 味道仲差上當年樂華南記架牛腩少少，但牛腩同雞翼架味道簡直入晒骨，d汁令到河粉入晒味。D雞翼好鬼正！炸雲吞: 上網d網友都有叫…但食評一般，黎到當然要試下啦！一咬落去…脆爆之於…唔得忍唔住即刻講左幾句: 好好味呀…好好味呀…！老公到話好好味…！d蝦係成隻上，絕非人地出邊得果少少俾你。下次再黎要必食之作！由於我地狂叫表現失禮令到對面

現在糖又加鹽又加的時勢下, 許多食肆都加價.嘉樂無加價, 可惜就停止早餐, 午餐.久聞嘉樂美食, 但無奈一直沒時間造訪.第一次去, 是剛巧經過, 又剛巧肚餓.因為沒有茶餐, 就一心叫一個通粉加一個"小奄列" 來扮茶餐. 亞姐聽了後瞪大了眼, 但還是去了落單.點了菜後才感到奇怪, 火腿小奄列15蚊, 大奄列要上三十幾蚊, 到底是甚麼來頭呢?先來一碗通粉, 我叫火腿通粉, 但size 是我平時茶餐廳吃的兩倍@@ 心知不妙了~ 不過還是不管三七廿一的吃.通粉質地很厚, 很彈牙, 火腿也是厚厚的, 配上很多青豆, 感覺很清新.吃到半路, "小奄列" 來了! @@這是小奄列嗎? 未免太誇張吧! size 是平時的四倍, 甚至更多. 很厚的蛋包著許多火腿絲.一入口, 非常好味~ 不是普通的火腿奄列, 師父加了一點上湯炮製, 所以味道很特別. 我一個小妹, 當然只能吃一半, 但因為太好味關係, 也勉強吃了大半.昨天再次拜訪, 學聰明了!叫一個小奄列外賣, 老闆娘推介我吃蛋牛治烘底, 好la~拿著外賣回家途中, 因為很餓, 所以忍不住先吃一件蛋牛治. 一打開膠袋, 看呆了! 那是份量不輕的蛋和牛肉啊!