嘉樂冰廳 (新村街)

营业中

休息中

尋日同女友一齊去試左佢個 細火腿奄列 + 鮮牛蛋治 + 冷朱古力 埋單 $40 左右!佢個 細火腿奄列, 鮮牛蛋治係大，但真係得個大字 law! 質素來講真係唔掂 wor! 火腿奄列: 1. 因o的蛋抄得老過頭，所以令o的蛋的口感非常差! 2. 令奄列裡一o的蛋汁都無，做唔到火腿同蛋大家結合的感覺，火腿同蛋各自為政!鮮牛蛋治1. 同樣地o的蛋又係抄到鬼死咁老，o的蛋的口感非常差!2. o的鮮牛唔夠林，但叫做接受到!總結:得個"大"字! 咁樣的質素都可以入到全港十大內，大家食野唔係真係已經變到可憐到，只重"量"唔重"質" ar!!! or 其實佢咁高咁好的食評係佢地自己上網做出來 ga ja?????

全世界都話呢間野既奄列好得。我呢個鍾意火腿奄列既荃灣人試都未試過，實在太離譜啦。當日同第二次食(其實已經係五月幾既事)都唔駛點排。兩次都係食細版，都已經好大份@@"再＋埋另叫既炸薯餅（三件，都幾多油下但係口味同麥記有得揮)真係會撐死"(仲要+埋個牛油方飽更之>.....<")好味既原因除左大份之外，落既豉油亦都係其一因素。滑就好滑，如果Keep到最後一啖都暖既都唔錯

上週和朋友仔"出巡"荃灣區, 下午茶時間剛好經過嘉樂, 有見人龍不長不用排太久等候, 便決定在此開餐 剛坐下因時間關係很快地落單, 今天點了雞翼麵+豬扒包+小火腿奄列(因大的暫停)+凍奶茶等, 過了一會待應女士便快手快腳的捧來第一道食物....雞翼麵 : 卥水雞翼及麵都可以, 湯底則略多油(朋友仔評分)豬扒包 : 豬扒雖不是鮮貨但即炸熱辣辣配以新鮮番茄及青瓜片却非常不錯小火腿奄列 : 份量頗大, 適合與人分享(咁可以留口再試其他), 很喜歡那淋在旦上的豉油汁, 旦雖然炒得老了點, 但仍很有旦香這裏雖然沒有套餐提供, 但兩人吃飽飽也很經濟P.S. 當天看見一對胖男女點了不少食物, 但最後很却吃剩(最過份的是那一碟炸雲吞竟剩下三份二多), 要知道現在部份四川的災民可能吃也沒有, 怎能這樣浪費食物!!!

4月26日, 因為我好鍾意食蛋牛治, 見到呢度食評d蛋牛治大得甘誇張, 專誠同呀比走入黎試架!! 星期六晏晝2,3點入到去, 離遠已經見到條超長既人龍, 果真未見舖先見人龍... 足足排左成大半個鍾先入到去呀!! 入到去仲發現冇餐, 全部野散叫, 真係巴閉~::: 鮮牛肉蛋治 烘底 ::: $12 (+$2烘底)蠢左!! 食蛋牛治千祈咪烘底!! 雖然見過相亦見過隔離台食, 但係到自己個份黎到既時候都係呆左. 真係太勁啦! 由於太多料個包又烘硬左所以爆開左! 蛋老實講係多但係唔算滑. 係比較熟個種. 不過d牛肉就整得幾好味, 牛肉有個汁好好味~ 食半份都已經超飽!!::: 豬扒湯公仔麵 ::: $17比起蛋治就係正常size. 豬扒浸係湯度有d淋又冇乜味. 公仔麵又唔係一丁. 不過不失不食也可~ ::: 鹵水豆腐 ::: $5好大舊!!! 同埋真係超多鹵水!! 仲好體貼甘放左pat辣醬係碟邊. 豆腐皮有d老, 同埋可能浸鹵水浸得耐有點過鹹. 不過$5件甘大舊真係好抵食!::: 紅豆冰 ::: $14唔... 杯野d色水好怪. D椰汁係粉紅色的! 呀比仲問佢係咪士多啤利紅豆冰. 感覺上杯野

又一次來訪了..已成了這裡的常客我最鍾意的雞翼呀！！！又肥又入味..見到對面一對男女朋友係第一次來的..見到奄列、各式嘢飲都嘖嘖稱奇，覺得好有趣..我地都習以為常了。當食完一次又一次再望住不斷有新人入來食..見到d嘢食都嚇到呆晒..就覺得好有趣..唔好expect呢度會有好多時間鬆動活動空間傾計..但係總好過澳洲牛奶公司咁有"效率"啦..呵呵嘉樂，你係得ge..俾碗飯你！

睇完 救命寫 嘅食評，心思思走去見識 吓 點解呢度仲會有咁多人幫襯﹖！6:00pm 到達，雖然鋪頭坐滿人，但起碼唔駛排隊啦！ 要了一件鮮牛蛋治 ($12) 跟 熱奶茶 ($11)。 奶茶來到，滿到潟，試了一口奶茶，和一般茶餐廳的奶茶味道一樣，嘉樂的茶味重，也有奶味，祗是覺得 如果奶味可以再香啲會更好。鮮牛蛋治來了， $12 咁大件蛋牛治，嚇親之餘，亦無抱好大期望，吃了一口，點知原來好食喎，雖然醃汁蓋過了牛肉味，但個汁幾香甜，幾好味，另外加埋8 、9 成熟的厚雞蛋，有蛋汁的香味，好快食晒 鮮牛蛋治是一般茶餐廳的水準之上，咁嘅價錢，有咁嘅質素 和 size ，真係抵食喎，會再嚟幫襯 另外，食完之後明白 ‥ 呢度唔係有豬食嘅嘢，而係有豬幫襯完，起度亂講嘢唧！

哩間野除左大堆頭之外冇錢又想兩個人都食得飽先會去冇其他任何原因會去食大份唔一定好黎得快又算係點?我坐廚房口位彈尐油呀蛋呀全身都係飲品走單熱杏「相」黎到仲有尐白色膠狀物o係底(杏「相」未沖水前係奶粉狀遇山即溶」)搞黎搞去都仲係有果幾舊白色野o係度臨走前同收銀講杯野飲好唔得佢二話不說叫廚房整過杯外賣俾我逼我拎走但係一句都冇問過我之前杯野有乜唔得佢有幾有心機做飲食可想而知我窮姐唔係想食豬食o既野o既

約了跑友去操山路，晨早吃個早餐先。荃灣地膽就去大家樂就最多選擇，我話不如來這裡吃奄列，當大家仲唔知我講咩奄列時，我加一句「好大份，好抵食的」，一行5人就乖乖跟著來。來的時候很多人，座無虛席。我們也立即化整為零，很快也都全部有位坐。星期六、日沒有早餐，只有散叫，也沒有所謂，我也是一心想吃奄列而已，就要了火腿奄列及熱咖啡。奄列上檯，是滿滿的一大碟，份量實在是坊間罕見。再說這個也只是「小奄列」，要正常份量的奄列，相信份量會更驚人。蛋熱辣辣的，但切開一看，卻煎得薄薄的又不太鬆軟，可幸還有點點的蛋汁，配襯起大量的火腿絲來說，也非常豐富。還加一件豬仔包，雖然是凍凍的又實實的，在極需要能量補給的今天，真的是很適合。至少吃完也飽足非常，原來想再吃多士的，已經飽得吃不下了。街坊小店，經濟抵食，而服務也不錯的。加香濃啡走一杯，埋單26蚊，非常經濟。

5月17日同楊氏伉儷四人結伴黎食，黎到5點半有多，如食評一樣...要等位，尚好...十多分鐘後入得。嗌咗牛腩雞翼福麵﹑豬肚福麵﹑餐腸福麵﹑鹵水豆腐x4﹑火腿奄列(細)﹑鮮油多士1份﹑紅豆冰x2﹑熱奶茶x2。解說 ︰牛腩雞翼福麵...牛腩好香好淋(正) ，雞翼唔夠入味差DD，福麵又幾爽(好味)豬肚福麵...兩者味道唔係好夾，下次配生麵好D餐腸麵...餐肉兩塊都幾厚估6-7mm，亞姐話係芝士腸黎架啵，有五條唔少喇。鹵水豆腐...夠入味，五蚊件...值 火腿奄列(細)配牛油方包...細都大份到驚人，15蚊抵到爛，4個人食仲有淨鮮油多...嘩 舊牛油厚到丫，楊氏好like 我就驚死唔食紅豆冰...紅豆好淋都幾大粒唔錯，但較甜，下次要少甜熱奶茶...一般的香但唔夠滑埋單 150蚊...真係飽到晚飯都唔洗點食

見 openrice 咁多人讚呢間嘉樂, 一直都好想知佢到底有幾好味, 今日同老婆去一探究竟, 結果唔係好明點解咁多人讚呢間野. 今日叫左: 蛋牛治, 小火腿庵列, 咖啡牛腩米線, 炸雲吞, 阿華田 milkshake. (total $83)佢既蛋係好大, 但係得個大字, 煎得一d都唔好食, 蛋治同火腿庵列既第一大問題係蛋煎太耐, 變得好老, 煎蛋煎到咁老, 咁都有人讚, 我真係無野好講, 第二係佢用油太多, 而且係唔好食既油, 油味好重, 重到蓋過蛋香. 火腿庵列既問題係佢落左一d好難食既豉油, 鹹得好難食咖哩牛腩米線.........你見到佢浮係面既油已經唔多想食, 佢應該改名做 "油浸咖哩牛腩米線", 而且我見其他人食果d所謂湯意粉, 一樣係油浸湯意.............叫左5樣野都只係 $83, 講價錢係好平, 但係一d都唔好食, 講真, 如此質素, 我只會去一次

前排行近嘉樂附近~記起人人都讚ge蛋牛治於是就行入去食番餐正誰不知多人到不得了真係好厲害呀!!!!所以逼於無奈底下就叫外賣走...不過老闆娘真係超好人態度好好又有禮貌雖然只係買$12野都唔會黑口黑面~~服務一級棒!!!!!yeah!!!個蛋牛治真係令人回味無窮!!!!蛋o既份量多到嚇死人~又極有蛋香味d牛原來有兩種choices叫左鮮牛食~好多而且好鮮同好入味~加埋d蛋真係無敵!!!!!而且佢仲好好o甘幫你分開包到靚一靚o甘~以後一定多d去食佢地其他o既正野!!!!!

家樂冰廳食物0既特式就係大大份, 奄列超大, 三文治的材料仲厚過塊包包, 實在抵食. 至於係咪好似網友所講咁好食? 未至於此, 可能要試埋其他食物先可作進一步評論.昨晚我和男友叫左: 招牌火腿奄列(細) $15, 咖喱牛腩撈意 $21, 紅豆冰 $14一睇 menu 已經知唔惹少, 火腿奄列要 $3x ?! 一問之下, 原來係大份量的價錢. 再睇埋其他食客份奄列, 原來細份量都已經好大份, 體積比起一個正常大小的朱仔包更大, 賣相當然吸引, 但味道跟一般火腿奄列無異.而咖喱牛腩撈意和紅豆冰都係正常 size, 味道無乜特別驚喜, 但絶不偷工減料.下次有机會, 會試下佢哋0既大隻雞翼同有紹酒香0既牛肉

早幾日因為早收工, 特登去試下呢間響open rice名列前茅既食肆雖然大大話話響荃灣住左十幾年...不過都係上開飯先識呢間野...xdd當時本身唔係咁餓, 只係因為去試而試, 而亦都因為睇過食評知道呢到既野好大份, 所以都唔敢叫得多, 只係叫左一份小庵列果然非常之咁大份, 炒蛋裡面有粗條火腿絲, 配以似美極味既豉油做汁不過其實味道一般啦...講炒蛋的話同澳洲牛奶公司仲有好遠距離, 庵列餡只係得火腿絲亦都有點單調, 汁就更加唔好提了....不過15大元有咁既份量...大概唔可以要求太多吧結果我食剩包返屋企, 晚餐加埋餸

男友姐姐介紹,她說3個人都吃不完小奄列,唔信~! 有冇咁誇AR~唔信邪同男友走去食嘩~~~真的勁大~~入面D火腿好似都爆出黎咁2個人食完都飽左一半真想知佢用左幾多隻蛋另外他的鹵水雞亦都好出色好香好入味又大隻 (市面太多發育不良的雞亦....)不過唯一要彈就是上菜速度有點慢趕時間就唔好去喇~

睇openrice 發現呢間茶餐廳勁獲好評，住係荃灣咁多年都無嘗試過，於是決心試試。間餐廳不大，坐滿了人，要等位...我地叫了個小奄列，咖哩牛腩撈意粉同鹵水豆腐yi? 小奄烈咁大的，係唔係搞錯左....原來一d都無錯，佢就係聞名荃灣的份量驚人的奄烈。嘩~正呀! 蛋汁多到漏哂出來，滑滑的蛋，味道剛剛好，好味指數爆燈!咖哩牛腩撈意粉-咖哩很香，牛腩很正鹵水豆腐-熱騰騰，很入味，加埋它附上的豆瓣醬辣辣地簡直係wonderful!美中不足係位太少，有些狹窄的感覺。而且服務態度一般上菜亦慢...雖然沒有視覺的享受，單是味覺的享受已經值回票價啦!