嘉樂冰廳 (新村街)

营业中

休息中

阿華田奶昔真係無得頂~下次可唔可以淨係外賣杯阿華田奶昔呢...咖哩牛腩雞翼河 - 我覺得個咖哩牛腩唔錯....其實雞翼我都覺得唔錯....個河粉又幾滑，加上超抵，$20~~~所以呢個對我黎講係good既....鹵水豆腐 - 唔掂，完全唔滑既豆腐，下次唔好試，貴時浪費quota~酥炸鮮蝦雲吞 - 好脆，隻蝦都幾爽，但係唔係粒粒都有兩隻蝦嫁....不過個人黎講都可以再encore~~阿華田奶昔 - 必飲，雖然係要等好耐，佢係遂杯遂杯咁整出黎，但係真係無得頂，超正~~好幼滑既沙冰，仲有好濃既阿華田味道，仲好食過雪糕添呀~~超正~~~火腿小奄列 - 真係好大份，同埋個蛋係半生熟既，啱曬我同波兒，d火腿亦都係厚切嫁~~都唔錯~~~如果唔係食咗個豆腐，應該係食得曬嫁~~~

1) 等候時間耐: 前面得個5個人, 都要等成8個字. 之前以為係間野細, 所以要等得耐。但最大的原因, 係佢地出得慢, 得2個人係廚房, 唔耐就假啦!2) 奶茶: 之前睇個BLOG, 講到咁鬼好，以為杯奶茶應該會有返咁上下. 點知, 差到爆。我飲咁耐奶茶, 真係最難飲。飲到鞋鞋聲, 一D都唔滑。仲要成杯野, 同水一樣。茶同奶比例極差, 茶仲要係得一種 (LIPTON). 自己整仲好味過佢.3) 態度差: 環境差唔在講啦, 叫左勁耐都無人理到我地囉, 反而遲來既先上岸可以叫野食先, 個老闆娘既物體又企係 cashier唔幫手。仲有佢地好唔LIKE我只係點2樣野, 係後面指指點點。4) 火腿細殗列: 成$20, 唔大都唔得啦~ 個大, 仲要成$40. 一間咁差的冰廳, 仲要咁貴, 真係O嘴。好味的話, 我就覺得值。點知不見得有咩好味,只係夠大件,蛋炒得好求其,一味靠鼓油調味。差! 差! 差!總結, 一間勁差的冰廳. 唔值得再試. 239笑臉vs111OKvs39喊瞼. 原來笑臉是假的, 喊瞼才是真的.

火腿奄列 真係好大份，淨食呢樣，一餐已經夠飽。跟牛油方包，方包都幾軟熟，牛油亦搽得夠。講番主角，個炒蛋真係麻麻，係大份，但唔滑，有d位係鞋鞋地，好明顯熟過頭。炸鮮蝦雲吞 d蝦都唔錯，唔會霉，都算新鮮，不過皮太大塊，好似食緊炸雲吞皮咁，兩者balance番d會好d。牛肉麵 牛肉唔錯，幾滑，d麵都剛剛好，唔會煮得好淋。呢樣係3樣之中最好食。整體感覺普通，冇咩驚喜，唔會再特登入荃灣食~

叫咗個小庵烈,雖然係小,不過都好大碟,我食晒之後真係捧住個肚,早知飲凍檸茶啦,我仲叫咗杯凍朱古力(叫佢開濃D,佢真係開到好濃,好好飲,不過肚都脹)食咗三十幾蚊,味道幾好,不過小庵烈太大了,我想叫雞亦同個FD一齊食都唔得。我個FD就叫咗個咖哩牛腩湯河,佢話好好食,我下又試下先。雖然要等位,不過都會再食。

:火腿小奄列>>$20.....小既都已經咁大..真係好難想像佢果度$40既大奄列會大成點.... 旦唔夠滑....但勝在夠大份囉....:::滷水雞翼>>$25.....好入味....唔會太咸or太甜......不俗好立克奶昔>>$20.....d冰沙打得夠幼...但甜左少少...飲左幾啖就開始覺得膩......阿華田奶昔>>$20.....甜度適中!!!!YuMmY!!!!!鮮牛旦治烘底>>$20....好厚..肉汁豐富...味道唔太特別....但由於太大份既關係....食既時候真係好難控制....一拿上手就已經散晒....食既時候真係要好小心喲!!!由於我地去既時候係閒日+aBoUt 4:00P.M...所以都唔使點等位...但如果你要我等咁耐去食呢間野的話...我會同你講.....唔值囉!!!

這間餐廳的員工服務態度極差!我從老遠走到此處光顧這間餐廳, 竟得到冷漠的招待,令我感到不是味兒!我已曾光顧這間餐廳一次的了,由於本人極愛食蛋,故今次再次冒着膽固醇過高的危險嘗試甫到門口,已看到長長的人龍了, 過了15分鐘後, 我終於在頭位, 一名阿嬸走出來要我先下單, 我告訴她我要蛋治, 她竟用不太友善的語氣跟我說 蛋治要等半至一個鐘播! 她并游說我吃其他食物, 我問她可否外賣, 她叫我同另一個阿姐落單,那名阿姐同樣用不太友善的語氣跟我說 今日冇得外賣有關蛋ge食物 我感到不受歡迎和憤怒這間餐廳的員工恃着多人食, 便態度招積, 令人反感其實蛋是一高膽固醇食物, 多食對身體害處很大,故此我對這間餐廳沒有多感覺只是人家既不歡迎自己, 我亦無謂強人所難不過真不明有些人受同樣不友善對待後, 竟低聲下氣地下單...這種必需的物質一旦過多，會對身體造成危害。尤其是低密度脂蛋白膽固醇，對身體害處很大。肉類、牛奶、蛋和黃油等動物類食物，都含有很多膽固醇。http://www.readersdigest.com.hk/rd/rdhtml/ce/communities/food

昨天(1 March, Mon) 和雷蒙李去嘆下午茶,唔想食 cake,就醒起朋友少爺B介紹一間係荃灣既冰室,搭巴士係楊屋道街市落車,行5分鐘就到.好彩唔使等位,但係裡面的服務就有別一般冰室,因為無論落 order 抑或收碟都非常......慢!終於等到我地d食物有好 juicy o既 chicken wings ($25)唔係咁多地方有o既阿華田奶昔 ($20)同爆到出o黎o既蛋牛治 ($18)!http://hk.myblog.yahoo.com/nklo/article?mid=1690

今日好想食D清少少的三文治,就叫左個蕃茄蛋治,其實我鐘意食吞拿魚三文治烘底因為佢呢度D吞拿魚醬有好多西芹,好正架,就算我叫呢個蕃茄蛋三文治,裡面都會有D西芹沙律汁,但佢D蛋就唔多滑,有D過熟,不過佢真係好鬼大份,食死我而飲品方面,我最鐘意飲呢度D熱奶茶,又香又滑,不過今日想飲熱朱古力走糖,夠朱古力味又夠濃,大大杯12蚊好鬼滿足

見到有好多讚既食評,咁岩去開荃灣睇戲,咁岩有位,就黎呢度試下,叫左凍奶茶,茄旦治,西多士個價錢其實比茶餐廳差唔多(應該貴1,2蚊),凍奶茶: 太奶, 我覺得唔係太好飲西多士: 見到之前0的食評話普通,其實我覺得比一般既難食,佢連面包皮都未切就拿去整 "澳洲"好食好多多茄旦治: 唔知係咪可取既地方係牛肉,因為我唔食牛,我覺得除左0的旦大小小外,一0的可取 地方都冇至於排隊既原因,我覺得係因為間野細同埋等野食都等左25至30分鐘,呢個應該係排隊既原因

好耐冇寫食評，依家得閒寫番幾篇先^^確實日期我就唔記得喇，不過見有咁多好評有一日終於忍唔住去試咗。查實成日經過嘉樂都會見到有條人龍喺出面等，好彩我去嗰次冇啫，一入去就有位^^叫咗個皇牌細火腿奄列+雲吞麵+凍奶茶。個火腿奄列一嚟，的確好大份，但除此之外無論味道賣相都好一般，連附贈的麵包都係普通到唔普通嗰隻，10多元嚟講(唔記得幾錢，但該在$20內)係算低，但又唔係話超值囉。講真我自己喺屋企用幾隻蛋加火腿絲一樣整到，賣相更好也說不定。其他雲吞麵同凍奶茶都唔特別，招呼又唔係特別好，所以個人覺得除咗舖面細呢個原因外，實在想唔出點解呢度要排隊等入去食咁厲害!

禮拜六特登陪蛋痴皇太后過去荃灣出巡, 係開飯呢度就見到呢間野所以順路一試! 個日接近收舖時間去, 好彩等左大概5-15分鐘左右就有得坐, 店入便真係人頭湧湧坐無虛席 由於皇太后長年食素關係所以佢特別點左客剩炒蛋. 本來本沙律想點蛋牛治, 點知阿姐話要等半粒鐘 anyway最後本沙律就點左客細火腿奄列 每兜奄列都搭塊牛油方包, 可能本沙律主要係九龍蒲頭, 佢D牛油嗒落真係幾特別, 早知叫阿姐烘底喇! 兜蛋真係唔講得少, 完全睇唔出有幾多隻蛋係入便, 直頭可以當一兜飯食! 奄列應該都有加少少美極, 鍾意原味或齋鹽吊味記得叫阿姐走美極 論好食程度, 皇太后比較鍾意牛奶公司, 不過兜蛋點都值回票價, 18蚊咁大兜仲想點! 同枱睇到隔離情侶孖住食蛋牛治同西多真係好大份同睇落唔錯, 下次行開荃灣都會再翻卓一次

由於份量大, 加上經常要排半小時才可入坐, 入坐後再等15-30min食品才上枱. 平日確實無時間閒情去食, 通常都係星期日才去. 巨型奄列是必食的, 但大件=抵食嗎? 外面一個奄列只不過十元八塊, 現在是雙倍價錢, 三倍份量而已...而且, 除了大以外, 其實也不是很特別. 加上此餐廳無早餐及午餐, 以個人計, 一份奄列+一碗粉麵+一杯飲品 = $45至$50, 一點不平宜...但難得的正宗冰室, 吃得到的地度風味, 間中來懷舊一下也是值得的.

十二月下旬款式多、抵吃夾大件乃近代港式文化，這天心血來潮，想吃庵列，就來到荃灣「元祖」級的巨無霸庵列店嘉樂冰廳，一間從來由朝排到晚的經典冰室，靚姐今天竟對生客話招牌作是炆牛腩？未被炒作前，奄列雖然味道偏鹹，但蛋漿總是僅熟，滲溜著蛋汁，$18（小）的分量依舊是一碟KO，所以一直以來都不敢挑戰大碼級數．．．想知靚姐點解推介牛腩的故事＠http://foodxfile.blogspot.com/2009/12/blog-post_30.html

嘉樂冰廳是口碑不錯的餐廳，一直以來，只光顧過兩次，印象只覺抵食夾大件，每次見到長長的龍時，都是改變主意走人了。今日天陰陰...凍凍地...門前不見人龍，便步入餐廳內，幸運地仍有兩個搭枱的對家位。我們選吃了如下的食物：火腿小奄列： 賣相不甚好看，不似奄列，火腿走晒出來，樣子比較亂，雞蛋算好大份，火腿也是不少，另附上餐包一件，可用來夾雞蛋與火腿同吃的，雞蛋雖然無乜特別，但配上輕輕的甜豉油味道，也是不錯的。熱奶茶：喝起來時，茶味唔錯，應該是(立頓)茶沖製的，奶滑茶香，是好飲的一杯奶茶。餐蛋麵：這裡的餐肉質量麻麻，蛋就是一般對辦，麵質ok，湯底的配味也是可以的。熱杏霜：沖得夠濃，杏仁味夠香，好飲。這裡的食物水準仍然一樣，環境也是迫迫的，每次總是要搭枱，每張枱面仍是看到大大份的蛋，難道個個都是喜歡吃蛋的嗎？還有對面的那位女孩，她面前的那份不少的奄列，不到2分鐘便從她的口中消失了，犀利喇！莫非她就是傳說中的雞蛋殺手？不喜歡吃蛋者，是否不要來了嗎？非也！這裡還有好喝的奶茶呢！

睇到咁多好評咪試下~~搵左一陣先找到這間野無計超級唔起眼好鬼細丫媽就叫左個牛腩米-上算ok啦我就一定叫最出名ga小火腿蛋庵列等左好耐.......一叫到嚇一下真係好大丫我估起埋用8隻蛋不過只是份量大,如果只講味道就真係不外如事了