嘉樂冰廳 (新村街)

营业中

休息中

之前去過兩三次，食物不是特別出色，只是份量大，價錢也比其他茶餐廳貴。以前因有套餐比較抵食，現在已沒有套餐了，所以很久沒去，因覺得價錢貴，而且河粉太多，吃到很肥膩，怕怕！這天陪朋友才去，見有四個人排隊，應很快有位，所以陪等，排了半個小時，應該到我們，誰不知，老板娘見有幾個朋友到，即給他們進去，這也算了，你對我們客氣說對不起，請你們別介意讓一下，等一等，我和朋友條氣都順些，但是她很兇，還沒有禮貌說不準我們進去，態度差劣，認識的人就可以打尖了，另到我們谷了一肚氣，連後面排隊的情侶都說不吃了，去其他食店，所以我們都不吃了，而且一定要將此事公開，等多些人知道

見有咁多好評，於是就去試一試。12點幾去到，門口已有人在排隊，不過不用等太久就可進去食。自己叫左個甜酸菜腩肉米線$18，正體都唔錯。而朋友就叫左個雲吞烏冬$18。D雲吞有D細。最後夾分食火腿小庵列$18。哇...真的很"小"。- -"

如題，店子真小，所有卡位加埋都只是二三是個位子。有次中午到來時滿座到要排隊的，這次單獨來到，十一點鐘左右，有位，但在三分鐘后被逼搭臺！其實不打緊，一個人來，重點是食物。出名的“小庵列”，真係一點都不小！大約有四五隻蛋的分量！真有點驚人。食落蛋汁其實都不少的，有點soy的味不太中意，如果無左就好啦，甘先係純蛋汁。蛋中包住不少的火腿！另外有一塊冷冰冰的餐包，我建議不如不配在餐中，因為會令人有點灰，加上分量多的蛋，另餐包有點多余。坐對面的伯伯說“不如我比d你牛腩通你，我唔知甘大分啊”。其實我都想講，我都唔小心叫多左咖喱牛腩撈冬。咖喱牛腩撈冬無小庵列甘驚人，但都係一個餐分量！咖喱味係有但不夠辣，牛腩係ok的，不會散開一條條，都幾嫩的！一個人叫一分好啦...同埋如果有好多人一起去，不如叫個“庵列”instead of細庵列，看看會大成點樣！

喺嘉樂冰廳有雞翼牛腩伊麵真係好好食喎！其他美食真好好食！尤其是雞蛋奄列真係好食一百分

成日行過都見到佢有好多人排, 所以係平日去, 但係都要排半個鐘, 有位侍應唔會叫你入架, 你要自己見到有人走好醒目走入去坐啦, 如果唔係企係出面無人理你架鋪細細但人多多, 當然好迫啦, 我地2個又試哂佢出名既野, 一張4人枱都迫到爆炸1) 火腿小奄列- 好普通只係多火煺同D旦大份, 無乜技巧, 價錢又唔係特平, 都係合理,自己煮都煮到2)西多-都係好一般, 道道茶餐廳都食到呢種口味3)滷水豆腐-食一件都好飽, 一件SHARE好啦4)滷水雞翼-哇, 痴線, 咸到死, 食左成支豉油咁,不過問番D朋友佢話平時唔係咁喎..5)阿華田奶惜-係成餐最好, 真係值得一試我其實唔係好明呢間野點解咁多人, 佢D食物好普通又唔係平, 只係大件, 大件咁個價又收番高D, 都係一樣, 點解要黎排呢? 試一次夠, 唔會再返黎食LOR~

今天我們再到這間老字號茶室,約定大家下午2:00到,可是大河道修路塞車,累得豪和 shan 排隊久候,I"m sorry ! 我就是為了一份五吋特厚烘底鮮牛肉蛋治而來 鮮牛肉蛋治~~用新鮮牛肉有嚼勁,,又有肉汁和蛋液香,一份大堆頭的,可供我們四人分享甜酸菜腩肉米線~~菜甜酸度恰到好處,腩肉肥瘦相間不會膩,米線爽滑有咬口滷水豆腐~~花椒八角剛好完全入味的滷水汁, 豆腐夠滑。炸鮮蝦雲吞~~卜卜脆好惹味,炸至金黃色,吃時蘸上甜酸醬汁很醒胃

上次食唔到呢間嘢, 今日嚟荃灣,一 定要試下今天2:15PM左右都有好多人排呀~ 好勁呀, 呢間人成日都咁多人既~等咗20分鐘,終於有得入嘞~呢度D人全部都係食奄利架~仲有就係阿華田奶昔就等我試下啦~一份細奄利18元, 但己經好大份,好厚, 加埋PEPPER 仲好味喎~(鍾意食蛋及奄利既人,一定好LIKE IT ) <究竟佢吔用咗多少隻蛋嚟做呢份奄利呢?)咁食法, 膽固醇一定過高, 仲要用好多油去煎架~ 肥死定.....>_<阿華田奶昔($20) , 好貴呀~ 但好好味, 好濃既阿華田味道, 正呀~ 又滑WOR, 但就貴咗少少丫奶茶(茶走) 味道係奶味多過茶味, 不好呀, 我鍾意茶味多D, 不過都唔係太差既, OK 丫鮮牛肉蛋包(烘底2元) , 蛋好厚, 呢隻蛋反而有香味, 感覺似在家自己做既蛋治囉~ 牛肉都OK既但係我昨天係昌記食既牛肉好多得多^^總括說來講, 試過一次就夠,其實係好平凡既食物, 在家也能做到, 除了阿華田奶昔出色之外~ 其餘也是不般貨式~不值得排咁耐才能食既餐廳丫

整個下午在荃灣行了多個商場，無甚收穫，決定先去嘉樂食個 early dinner，下午六時許，門外仍有四人等候入座，受歡迎程度可見一班。嘉樂的鋪面狹窄，左右兩邊各設卡座，由早至晚，客人如川流不息的出出入入，的確是該區人氣最旺的食店。看看餐牌，除了馳名的奄列，蛋牛三文治外，也有一些較罕見的，例如阿華田／好立克奶昔、杏仁奶糊等。第一次來試食，當然以最出名的蛋類製品為主，分別要了火腿小奄列 ($18) 及鮮牛蛋治烘底 ($18)，再加一杯阿華田奶昔 ($20)，阿姐表示三文治要等耐少少，當然不是問題。等了一會，阿姐送來一碟「疑似奄列」，立即拿機大影特影一番，正準備開動之際，阿姐突然話好似無加火腿，結果成碟打回頭，有得睇無得食，好彩轉頭又送上一杯阿華田奶昔頂一頂檔。這杯阿華田奶昔，令我想起土司工房的美祿恐龍，想不到在舊式冰廳也有這種特飲，呷一口，充滿了阿華田粉的味道，卻比想像中順喉，奶味令整體味道更平均，很有創意，意想不到的好飲。仍在回味之時，火腿小奄列已經送到，奄列份量一點也不小，看似有約六至七隻蛋製成，把流心的蛋輕輕剖開，內藏一大堆火腿，連同附送的多士，確是奇觀。正常版的火腿奄列標價四十元

肥仔接肥妹放學, 本身諗住番屋企食意粉, 點知隻魔鬼引誘去荃灣, 咁就黎左食喇! 同肥仔一齊得個食字, 食到宜家個肚大到好似有左咁! 火腿奄列 - 我地叫左細, 都好大個, 2個人食都覺得好多。其實冇乜特別, 普通奄列一個, 佢只係用左好多蛋, 所以你會覺得佢好似好抵食咁。火腿叫做足夠, 集中哂係中間。 雞翼米 - 佢d 米粉唔好味, 可能係平價米粉。鹵水雞翼, 雞翼好味過雞槌. 入味d。 阿華田奶昔 - 超級好味, 必飲!!!!!! 真係好重阿華田味, 我相信佢其他奶昔都係咁好飲我地weekday 去所以比較少人排隊, 如果weekend 去一定要排好耐。排隊既地方好迫, 企街排, 會比人推撞, 所以都幾辛苦, 不過為左食, 冇法啦。

今日係荃灣行街~~順便黎試下呢間野......去到門口大排長龍’，排左40分鐘一坐低已經有個啊姐問食咩?(都未諗好)。。其間聽到啊姐同個客講:烘底要等30分鐘?我同男友、對面2個晒嘴。最後叫左浄雲吞、鮮牛蛋治(等10分鐘)、小奄列(20分鐘)。唔知個大奄列$40有幾大呢?冇得配野飲.....

滷水豆腐$6滷水雞翼$23豬扖福麵$18鮮牛疍治(烘底)$18奶茶$12合共$77.00食嘢先嚟落雨，點都要排隊，等咗成個鐘先坐得低佢啲滷水嘢幾好食，有滷水香，豆腐同雞翼好入味，咬落裏面啲肉嫩滑豬扖淡茂茂，好似冇醃到咁，福麵唔香，湯好淡大家係咪攪錯咗啲嘢呢？佢個疍治，真係麻麻，冇疍味又唔滑，淨係得個多字，鮮牛唔夠咸所以如果經過而又唔駛排隊嘅話，再食嘅嘢係佢啲滷水嘢而唔係疍治，見到有人叫奶糊，上面有隻生疍，賣相好似幾靚，心諗都可以一試，而家好少肯整，有啲舊式茶餐廳嘅餐牌有，但係你叫不得，好多都已經唔做奶茶都幾香滑，唔差

其實之前又有雜誌同起開飯都見好多人推介，今日一於去見識下5"厚的蛋牛治。其實我只是叫了蛋治+凍檸茶因為不想食牛的原固，所以放棄了蛋牛治，但我依然有叫烘底，好似話好食D。見到蛋治烘底時終於發覺廣告的威力(之前經過星期日排晒隊超多人)，真實的當然沒有5"厚(約2"多)，可能我少了牛肉，講到蛋只是炒得OK並不見得特別滑。都是失望了點，好彩我並不用排隊先有得食(接近中午時候，未放Lunch)否則會更不值凍梯茶好飲，好有茶味，飲完之後都依然感覺到茶味留在口中Summary:我坐在店內眼見大部份人都不是食蛋、牛治，而是食粉、麵多D，都有少部份人食炒蛋奄列。莫非........................

某日，剛好到附近辦事就過來光顧，附近是大型街市，雖然店舖門面較舊，位置都不容易找到，內部的坐位不多，但是食物份量大而且味道一流！火腿蛋奄烈(小)，蛋牛肉治，牛腩麵，凍檸檬茶！火腿蛋奄烈(小)：份量大大份，用料很足，好像一份就已經食了三四隻蛋，幸好是跟人分享才能清碟！蛋牛肉治：不能小看的程度，蛋依舊很多很厚實，就是牛肉不夠淋吧！牛腩麵：非常淋，比較起其他食物，更喜歡它們的牛腩，料多！凍檸檬茶：下單提示是小甜，否則會很甜！下午到來人流異常的多，不少街坊客之餘，還有不少年青男女來光顧，這裡的確是意想不到的驚喜，份量多到令我們都難以應付，感覺真的食了很多蛋！

今早特地到了一間雜誌、報紙介紹過好出名既嘉樂茶餐廳 @ 荃灣新村街。這裡沒有早餐A、B、C，係要散叫的。原來這裡有個好奇怪的現象，他們開工時間是十點，我們九點四十五分到達，等到十點零五分都仲未開門.等呀等呀... 開始有人龍出現我們後面，幸好有一位女仕排在我們前面，她可能是熟客仔！她識得敲鐵閘，敲了四五下左右有侍應開門啦！我地就好鬼鼠“捐”入去，吓？原來裡面已有半場客！開工手法咁特別？入了約六個食客後，他們又再次關好閘門，奇怪！半小時後入多五六個客，全場滿座後才正式開閘見天日！我地呢! 點了人人都話必食的火腿奄列（小）$18, 一碟炸雲吞 $23, 一份鮮牛肉旦三文治 $16, 人人試過都話奄列超大份，食左立即膽固醇超標，三文治超厚，有5cm之高， 炸雲吞好新鮮... ... 講得咁好味，咁誇張當然要試下啦！等...又係等食時間，足足等了半小時才有杯熱咖啡飲下！再等... 再等多二十分鐘鮮牛肉旦三文治才上枱，說得無錯，超厚！我們被它的賣相吸引住，試下先~ 鮮牛肉煎得過火了！有些韌，肉質也不滑，麵包呢~ 超簿喎！旦旦OK！！又等... 熱咖啡淨番半杯！炸雲吞才黎同我地打招呼，的而且碓好新

星期日，天下著毛毛細雨，但阻不了cheap 喱及友人前去獵食的慾望。曾幾何時，小弟我三到唔埋兩日就要去萬景峰開一次工，次次經楊屋道街市入都唔知呢頭有出位野，可笑也。冒雨到埗四點幾，食晚太早食晏太遲食TEA又唔上唔落，但係點都好，呢個時間竟然爆場要排隊﹗﹗﹗又冒雨等了三個字，終於有卡位坐，但係兩個人只能同人搭台坐埋一邊，唔可以面對面傾偈。睇餐牌，天啊，近七成的食物係1字開頭，好耐無見過一張有咁多一字頭的餐牌啦﹗就係特飲都係廿蚊有找，依家呢個時代呢個價錢算係咁啦。專程黎試佢個40蚊奄列，俾收銀姐姐笑道『你食得晒我地都唔做啦﹗一係你食兩個細奄列啦，整唔切架﹗』向主人家低頭，就叫兩個小奄列(每個$18)、加碟鮮蝦炸雲吞同鮮牛蛋治。上菜，奄列份量夠有睇頭亦內涵十足，不過一食之下，味道平平，純粹煎蛋加火腿絲，一句講晒，好的，就係幾乎有阿媽咁好，衰的，就係食佢不如食阿媽整的仲好。不過炸雲吞又真係做得幾好餡足料香口，出面酒樓都無的水準，本來一心只係黎試奄列，點知有驚喜的竟然係炸雲吞的呢個阿杜。同場加映份蛋牛治都落重料，不過老老實實，CHEAP 喱唔會俾價錢沖昏頭腦，鬆粉落得太重手，令肉質古怪地滑口，無