嘉樂冰廳 (新村街)

营业中

休息中

專程黎呢度食...1點40分到..要等半個鐘先入到去...D人多到太誇張啦...我地2個人都叫左好多野食=-= 小奄列$18-一D都唔少..太誇張...一份起碼有3,4隻蛋.入面好多火腿!!不過其實得個大字...唔係話特別好食...只係一般既奄列!!芝蛋治$14-芝士超厚..呢個幾好食!!~不過由於要呢個要等半個鐘...食到最後巳經完全食唔落..食淨一半鹵水豆腐$6-比較硬..不過味道都ok!叉燒烏冬$20-一般既烏冬..無特別華田奶昔$20-幾好味!不過又係要等好耐!~如果D冰粒無咁大會更加好!總括黎講....呢間只係一間普通既茶餐廳 除左份量比較大之外!有D失望~~不過又於太多egg!!!食到好濟~~食完仲有人龍係店外-0-

2：30pm去到，見到有人龍，一場o黎到，點都要試o下啦！3：15pm終入到去，原來間餐廳真係唔係大，得左右兩邊卡位。。。。我同老婆只係叫o左三樣o野：1.　細火腿奄列：雖然o的蛋唔係好滑，但真係好大份，係仲大過跟埋o個件牛油多士，兩個人都可以大大啖咁食，真係好過癮！2.　叉燒湯意粉ok 啦，原來加o左蔥o既叉燒湯意粉都幾香喎。。。3.　阿華田奶昔呢個真係正，應該阿華田奶昔＋沙冰，超濃！但製作雖時，差唔多食晒先o黎。。有機會真係想試o下個正常o既火腿奄列，睇o下有幾誇！！仲有見人食個牛腩雞翼面都好似好正，下次再試！！

最近,成了「開飯」人,就試寫食評。 記得去年聖誕節,我弧單地一個行街,一個度過。回家時,看到傳說中的冰廳終於沒人在外排隊。於是,下定決心進去試試看。 我要跟一對情侶塔台,好似成了電燈泡一樣。舉手不久,就有人來「落單」。我就叫了蛋牛治。然後,那大姐問:「冇喇?唔飲野」。我回答是,然後她立刻成了黑面神,可能我只叫蛋牛治,太不識趣。 我心想,這間餐廳忙吧,所以半個鐘也沒當西吃。我就只好拿功課出來做,做完,仍然是無。直到一小時後,才送來。那天心情好,不計較。 看見那蛋牛治,不禁嘩然,真的很大很大,一口恐怕不能盡吃。我也吃得很狼狽,建議大家有機會就用叉吧。我心想,等了一小時,該不錯吧。咬下去,包皮,蛋,牛肉,全都吃到了!但這我跟我幻想有點差異。原來那雞蛋,雖然是十分十分大,但不見得滑,煮得太久了,口感粗糙。而那鮮牛肉,犯下同樣的毛病:多也是多,但太老,肉質不嫩滑,比想像中差得遠。雞蛋是雞的味道,而這牛肉,卻幾乎無味道,只能依晞品嚐到一點鮮味。最後,我失望地走了。 幻想與現實,蛋牛治沒想像中,以及大家的食評中般好。我認為只屬一般貨色,沒有所謂獨特之處,但份量卻很大,吃後可飽肚數小時。

我試過去兩次都摸門釘.原來10:00am先開門!真係未見過冰廳/茶餐廳唔做早市!!!!今日11:00am去到唔駛等位叫咗鮮牛蛋治+柯華田奶昔8分鐘鮮牛蛋治到, 食完半份先有奶昔飲.鮮牛蛋治不過不失, d蛋真係好多但唔滑, 食完後4-5個鐘仲覺得好飽!!柯華田奶昔係好飲, 但好甜! 應該加咗朱古力雪糕.結論: 我一定唔會係門口排隊等位.

鐘意食蛋既人注意啦睇開openrice見到呢間野又咁岩去開荃灣拿拿聲用iphone搵番個地址去到1130am竟然唔使排隊喎不過裡面已經九成滿叫左招牌野同埋好立克奶昔真係好多火腿同蛋呀已經係小架啦唔小又有幾大份呢?早餐價錢當lunch都仲得~!杯奶昔成杯都好夠味唔會最底既變悶冰好淡~!

成日行過都好想試下嘉樂...見今日唔算多人咪去試下啦....唔試都仲話對佢有幻想....試左以後都唔洗諗...我地兩個人叫左一個細奄列,豉油王雞翼,鮮蝦云吞麵......先講下個細奄列...得個大字...d蛋又唔滑又無蛋味...仲要唔知點解要加美極...攪到得個咸味...個幾隻雞翼見佢d色水好似好靚....食落口就知道又中計...得塊皮有小小味...d肉完全係好似係白焯無味唯獨係個云吞有返d鮮蝦味

唔係第一次去嘉樂冰廳啦,上次都係行開荃灣同家人去,今次都係.一去到,就排晒隊咁,真係好想走先,因為前面有十幾人,入面又迫又細,應該要等半小時,結果真係比我估中,半小時後我地就入去了,不過入到去,仲未有位,老闆娘叫我地睇住餐牌先,我地就順手落埋單,佢話要等半個鐘先有得食,其實我地都預咗啦.無幾耐就有位了,不過就坐咗半個鐘先至來了一份蛋治,今次賣相普通,下次可以試叫烘底,可能好d.不過d蛋就好好味,好滑好厚!之後等咗好耐先有嘢飲,真係等到想走.我地叫了兩杯柯華田奶昔,不過就只來了一杯,我地問佢,佢話整唔切,叫我地等吓.又等了十分鐘再來第二杯,不過杯嘢真係幾好飲,好香,好有柯華田味,有人似沙冰,不過就飲唔到有冰.飲完成個人都凍晒,$55走人!

肥姑姐係節目介紹完 想去試下...咖哩牛腩意粉 不過不失鹵水雞翼 得d皮有鹵水味 入面d肉白雪雪一d味都無炸鮮蝦/菜肉 雲吞 好過街邊檔啦 都算香脆火腿奄烈(小) 份量驚人 可惜太咸 2個人都食唔晒 凍奶茶 夠大杯 but 唔係我杯茶 茶味唔夠香濃

成日見到咁多人排隊, 諗住個日見少d人排啦 , 得我一條友, 都要等左40分鐘,可能好多人見佢咁多評分,所以好多人都走去食, 好多人睇完餐牌都問, 有無餐 , 開頭我都會咁諗, 但諗吓, 咁高分實有佢d好野, 其實環境真係好一般, d枱好迫,但你用街坊價錢,仲想點呀 ! 今次叫左牛腩雞翼面, 同埋奶茶,佢地出餐d野係一輪輪, 我等食面,等左15分鐘先上,好彩唔係太肚餓去,否則 ... 一見緊係飲啖湯先啦,唔係味精湯, 好香濃牛腩味,而且d牛腩好淋, 雞翼好入味,d餸好多,食到好飽。同埋杯奶茶, 好有茶葉味, 唔係求其交行貨所以咁多人排有佢原因

下午去左食個下午茶，排左成個鍾先食到証明有幾多人去食。2個人叫左火腿庵列、牛肉意粉、炸雲吞，阿華田奶惜。牛肉意粉($20)就一般啦，因為牛肉好熟嘛嘛地。炸雲吞($23)就好大驚喜啦，估唔到佢用新鮮蝦整，食落真係幾正。火腿庵列($18)就真係好平，蛋好滑，好多火腿超平，重包牛油多士，真係值得一試。阿華田奶惜($20)，可能起門口排左成個鐘，太熱入到去即叫送來大口大口咁飲，所以覺得好正，但飲太多有點口渴，不過都好飲的。但服務就有d咩啦，因為聽到佢話三文治要等半個鐘，就真係幾耐，我地由等位到走食左2個鐘，因為佢庵列呀等左起碼半個鐘，重要我地來先，佢地比左未來個d人先，真係火都來呀不過食物質素真係幾好，最重要的係低食。

好長龍呀~~~等左半小時先有位, 可能係Lunch time關係掛.蛋牛治好食. 火腿(小)奄列, 但其實都好大份,一定要2個人share,否則就試唔到其他食品喇. 可能蛋太多, 唔滑囉 . 我鍾意炒滑蛋多D. 牛肉公仔麵, 一般啦....

當日同友人諗住去荃新行下之前就去o左嘉樂食個靚tea因為間冰廳細細位唔多再加上撞正下午茶時間所以都要等o左十分鐘先有位坐低諗都無諗就點o左份西多先因為友人來至台灣所以點都要介紹佢食下d hongkong style o既食物之後再慢慢睇menu之後先加單點o左份火腿小奄列一杯凍奶茶同一杯好立克奶昔可能佢真係好旺所以都等o左好一段時間先上齊所有食物份西多士同其他茶記差唔多無咩咁特別放o係面果塊牛油大舊o左d同埋佢香而唔太脆有進步o既空間而個火腿小奄列真係一d都唔小應該話係好大份佢仲要外加一塊面包兩個人食都好勉強先k.o.哂成份奄列份奄列唔單止個蛋好厚,d 火腿條都好厚每次一叉個奄列都會有蛋汁流出黎同埋個蛋都尚算幾滑唔太老之但係會越食越咸 no good no good飲品方面我杯好立克奶昔似係好立克碎冰多d而友人點果杯凍奶茶少冰真係唔太覺d冰有少到but anyway 佢都幾滿意因為奶味同茶味恰恰好題外話不得不提o既就係當我睇個menu果陣不禁呆一呆$40 一份奄列?! 唔係呀fa?$18一份o既小奄列都已經咁大份咁$40一份o既會係點樣呢?同埋意外聽到老闆娘講電話先得知原來佢地剛剛加o

好耐之前已經聽過呢間餐廳但係又唔知係邊,今日的起心肝去望下搵左好耐都搵唔到,差唔多要放棄就搵到喇入去之前梗係要等陣位先啦入到去見到:嘩...肥d都坐唔落wor.不過呢個就係香港舊式冰室既特色喇去到叫左:1.小奄烈 (本人其實好鐘意食奄烈,但係食完呢個,我真係想喊,唔係唔好食,係我自己唔好,應該同人share,實在太大份喇)2.牛腩河 (牛腩買相唔好,個樣好"鞋",但係其實都ok既**男朋友係牛腩迷)3.炸雲吞(我諗最普通係呢個喇)4.蛋牛治(拿..如果得兩個人去,叫左奄烈就唔好叫蛋治喇,真係會食唔晒)d野都好快黎到我覺得呢度服務唔錯d人都無乜野,有講有笑有個伯伯係咁送錯餐可能因為人多,個個都搭台同埋好多都係等緊位已經叫,所以d單唔清楚因為佢係老人家同埋都快手快腳,而且真係做到頭都暈所以我只覺得係好笑同埋都唔會怪佢完來呢間餐廳以前係大窩口既老一輩都知係好大份(我爸爸o個d)爸爸叫我帶佢去食,我話:唔得!太高膽固醇喇.唔建議三高人士進食同埋,同去任何賣點係食物大件既餐廳一樣,唔好眼闊肚窄我呢個禮拜都唔敢食蛋喇值得一試

自從見到雜誌介紹佢個巨蛋奄列同蛋治, 已經想黎好耐喇!!黎左兩次, 兩次都係有條人龍係出面, 兩次都要等起碼15分鐘先入得黎第二次既原因唔係因為巨蛋, 而係為左佢杯好立克奶昔好立克奶昔 $18 推介推介推介推介推介推介推介推介推介推介!!!一啜, 好杰!! 好鐘意要用力啜果種感覺!!好濃好香好立克味!! 較甜, 岩我!! 加埋少少冰沙透心涼,飲到底都仲係又濃又杰又滑又凍真係值得我為左佢黎多幾次阿華田奶昔 $18完全被好立克奶昔比下去唔濃阿華田味, 較淡, 較稀, 唔滑, 冰沙感覺重d不過夠冰夠透心涼, 都幾好味的=)鮮蛋奶昔 $18又係完全被好立克奶昔比下去有淡淡既甜味同奶味, 不過個蛋香好清, 飲落唔會好似好立克咁甜漏, 都唔錯的=)鮮牛蛋治 $16落單時阿姐話三文治要等30分鐘, 結果15分鐘就到了D蛋厚過兩個五蚊銀!! 真係好震撼呀!!眼見中間有少許蛋汁,不過食落唔算滑, 蛋香亦唔濃; 牛肉不過不失;但拎住巨而不滑既厚蛋治我都覺得好興奮, 哈哈好小朋友=V=火腿小奄列 $18據知小奄列用上5隻蛋, 而賣$40既大奄列係用上8隻蛋!!估唔到小奄列一黎到都係咁震

第一次幫親:下午未夠四點, 同Honey 去食tea....排隊排咗十約十分鐘多d, 都算快!!!入到去...嘩, 原來真係好細間.....我地order:奶油多 <-- 無乜特別, 同普通茶餐廳無乜分別叉燒湯意粉 <-- 感覺幾好, 的確好食過其他地方咖喱牛腩撈意 <--- 唔錯, 我最鐘意, 意粉唔會好 "淋", 牛腩就夠嫩, 辣度適中(但honey話太辣), 不過略嫌油咗小小細火腿奄列 <--- 老實講, 除咗份量大外, 唔覺有咩特式, 唔好食gei...蛋好鞋口, 好重雞粉味, 咁大份真係食到有d "滯"柯華田奶昔 <--- 好特別, 我唔鐘意食奶昔都覺得好好味, 奶味唔會好重加埋$99...在一間環境唔好兼要等位的茶餐廳食一個下午茶來說, 真係貴咗d試下就算, 應該唔會再去第二次~