嘉樂冰廳 (新村街)

营业中

休息中

第一次寫食評!!~被寫的就是多人讚好的嘉樂冰廳....前天一來空閒時間特多...二來極之鄰近工作地點(city walk)便專程來嚐嚐...幸好4點左右的時間不用候位...由於孤軍作戰,而且不太餓...又想試試小奄列....但怕只怕剩餘太多..浪費~所以猶豫了十分鐘才點菜~點了茄蛋治(因個人是番茄狂徒XD)+華田奶昔...茄蛋治($18..長飛滋沒加烘底)：形--大!!~真的很大....大到不知如何動口=.=....要用刀叉=.=.....三明治用刀叉...遭白眼=.=.....味--非常一般~~蛋不算滑....有點兒''鞋''口(像嚼綿布)蛋味少~~ 不知是否沙律醬大大pat...吃時大量溢出....沾滿手&刀叉華田奶昔($20)形--普通沙冰飲品的樣子....味--亦是普通沙冰飲品....只是變了華田味而已.....不過味算濃~~冰飲味道依然濃...不差!~總言...個人認為只是一家很普通很平凡的茶餐廳.....沒有任何驚喜....外省人不用特意來試...三明治真的不能一人獨吞....會飽死的...而且價錢來說2人以上來吃會較為''化''算~有空會再光顧的....嚐那小小

今次係第三次光顧, 我今日帶老公試試這裡的特大火腿小奄列我叫咗一杯熱杏霜 嘩~~比出面的更有杏仁味, 好大杯夠杰! 老公就要咗一杯紅豆冰, 起沙嘅感覺, 在出面的大集團快餐店也飲唔到! 牛腩米線也不錯

食果時係5月18日食的,,遲來的食評實在不好意思呢..其實這一次不是第一次食了喔..味道每一次去食都一樣...服務態度不算好也不算差的...收銀的那個人應該是老闆娘吧!?那個人很好人喔=]但幫我寫單的那個...有點兒..只能說COOL每次去這裡吃也是跟媽媽吃的..每一次也不能少的旦治和奄列巨旦火腿小奄列依然很大;依然很好吃=]..可能因為是我喜歡吃旦的關係..所以老不老的旦我也愛吃..但總覺得入面的火腿有點兒太多了個人不太愛吃火腿(((如果旦多過火腿就完美XD)))旦治走了牛油喔...旦旦很厚..很美味

老公好想試荃灣個間「嘉樂冰廳」，於是今日就算落雨都揸車入咗荃灣。 大約一點入到去，泊車泊咗去荃新天地，行過對面街就係嘉樂冰廳。 真係好多人排隊(我五年前去食係唔洗等位既)，我們足足等咗25分鐘才有位。 叫咗一份雞蛋三文治、凍熱奶茶各一、餐蛋麵和雲吞撈麵。 凍熱奶茶，都有水準; 雲吞撈麵，雲吞既豬肉和蝦比例ok同新鮮，okok!總的來說，物有所藉啊!

下雨天，去了荃灣，特地來這裡食野，得知"嘉樂冰廳"在網上挺有名氣，所以就來這裡食﹗ 來到時，已經有很有人在排隊等食野，等咗幾個字終於有位了﹗地方不太大，都係吃完就走嗰啲﹗一入到去就叫了個火腿奄列(小) ($20)、鮮牛肉蛋三文治($18)、牛腩雞翼麵($23)、阿華田奶昔($20)、凍咖啡﹗三個人食，食得好飽﹗野食嚟了﹗賣相十足﹗影出嚟個樣好靚﹗個火腿奄列味道卻麻麻，但係個粗麵就煙煙un un好好味，啲牛腩炆得好入味喎、阿華田奶昔從未食過，自覺好特別，味道超好﹗雖然二十蚊一杯，但偶爾一杯也不錯﹗

早排聽903電台有位DJ介紹話荃灣嘉樂好食,講到好勁甘今日經過就去試下,2個人叫左1個炸醬麵,1個細腌列,1個炸雲吞,1份牛肉蛋治,2杯朱古力沙冰 埋單$129炸醬麵我無食腌列好吾得,蛋又老,only得個多字,蛋真係得澳洲牛奶公司先整得好食炸雲吞 幾好食牛肉蛋治 牛肉太老,又無味,咬吾開,同d蛋好吾夾,食左都吾知好似食左咩落肚甘最極品都算係杯朱古力沙冰啦!!!!好好飲,正!!!本來叫左1杯之後吾夠侯再較多杯!招呼幾好,吾係你地講果d無禮貌,人地忙講野可能快左d,同埋可能聽吾到je,都要體諒下人架但我問個阿姐野,都好耐心話我知,我覺得幾好,臨走都有同我地講bye bye你咩態度對人人點對你架je,你黑曬面問人野人地梗係吾想採你啦整體我下次都會再去,為左杯沙冰同炸蝦雲吞=]

女朋友最近愛上嘉樂冰室的蛋牛治,愛到有點兒不能自拔一有空閒時間就要駕車去荃灣吃是日跟女友一家人幫襯,撞啱落大雨無乜人等位我等咗半個鐘左右就有得食嘞平時多人起上嚟等成粒鐘都試過收銀阿姨好好人,輪到我時未人齊都俾咗張枱我先咁我當然亦都好合作,渣渣淋嗌嘢食啦當日叫咗:1. 火腿奄烈(小),有相為證,手板咁大份,女友話應該襯五個人咁疊馬試吓個大奄烈有幾大,結果連個細嘅都食唔哂2. 奶醬西多,多煉奶多花生醬,咁揼本就緊係好食啦,不過有少少漏3. 鹵水豆腐拼蛋,平心而論,唔算出色,就以鹵水蛋嚟計,係地鐵站健康工房嗰啲熱辣辣茶葉蛋隨時好食過佢,6元一隻有啲貴4. 咖哩牛腩撈麵,咖哩腩比不上九記甚至乎生龍,其實唔可以怪嘉樂,咖哩並非他們專長5. 鮮牛蛋治,主角登場,山長水遠嚟就係為咗呢份18元嘅三文治,堂食兩件再外賣一件,好多人都知嘉樂特色就係份量好大,蛋牛治佢哋分開兩件仔,每件都有小朋友手板咁大,奇就奇在外賣買返屋企擺咗成三個鐘,凍哂先食都仲係咁好味,記得要鮮牛肉唔好要鹹牛肉.其他無影相嘅仲有炸雲吞(推介),鹵水雞翼,叉燒湯意,雲吞湯烏冬,阿華田奶昔,好立克奶昔埋單266元,茶餐廳食品平均每人要5x

終於有機會黎試喇！＜奶醬西多士＞超多奶油！超多花生醬！加上剛剛製起的西多士～好味到極點！！！雖然係”漏”左ｄ，不過呢個係必試推介！！！同朋友一人叫左一杯奶昔：＜阿華田奶昔＞比較香同濃味～下次都要再叫！！＜好立克奶昔＞比較之下，味道就較為淡左少少．．．不過都ｏｋ既～不過呢２杯奶昔都係即叫即整．．．所以等左好耐，我地食完個西多士都仲等左一陣先黎．．．大約都等左３－４個字～如果食麵先叫可能會好ｄ．．．可以慢慢食丫嘛

等候食物時間十分長......克意做成門口排隊的假象 ,服務態度差勁 ~食物質素差: 火腿奄列 普通,只係得個大碟, 一大堆的唔好食 雞翼 只有外表顏色,完全唔入味的華田奶昔 味道還可以的

為咗屋企人係麻麻地想嘅情況下再嚟呢度食第2次,原因係之前食過唔係咁好食唯有唔再揀上次覺得唔好食嘅,今次食返佢地d招牌--奄列,大大件低食味道ok愛美極人仕會加分 鹵水雞亦,個汁唔錯但隻雞亦裡面係完全冇味嘅,炸雲吞炸得香脆,但係我最火嘅係杯凍0茶,點解少甜的話會咁苦澀,我叫佢換過杯佢話少甜係架,仲叫我等d冰溶冲返淡,我唔係人生第一次飲凍0茶少甜呀化,杯茶係澀到苦,完全入唔到口,不知所謂的藉口,排長龍根本唔係d嘢好食而係佢地上菜慢到嘔,我呢世都唔會再去

襯今日放假 , 一個人搭西鐵去荃灣西站 , 再行過去呢間嘉樂冰廳一試期待已久既奄列同阿華田奶昔~~火腿小奄列 : 味道一般 , 冇想像中咁大份 , 下次有機會叫「正常」份試試 size , 美極味太重 , 蛋唔夠滑 , 有部份過老 , 但夠厚 , 好似食扒咁 , 對蛋既嫩滑度唔太高要求既會好滿足 阿華田奶昔 : 我食得甜野既都覺得呢杯好甜 , 只係阿華田味幾特別 , $20 真係唔太值得試.......

下午三四點空住肚來到荃灣，本來想是但在快餐店吃個下午茶醫肚，但又給我想起了吊腳的嘉樂，腳痛住都要行去搵食…今日算是好彩了，嘉樂有開門，而且人龍不算太長，等三四張枱就有位了。本來我們都拿不定主意要吃什麼，但見到人人都叫一碟火腿奄列，應該不錯吧，就跟住叫一個小的試試。想吃奶油多很久了，又叫一客。因為我們今日都冇食過嘢，就一人再多叫一個飽肚的麵，一杯飲品…第一樣上枱的是火腿小奄列，哇…真的好大份啊，好在沒有叫大的。而且賣相好吸引，拿拿聲影完相就開動囉…不過略嫌有小部份蛋煮得老了一點，而且火腿也不夠平均，而且加了美極的味道好像怪怪的，下次真的要記得走美極…之後到的是奶油多，真的好久沒吃奶油多了，多士烘得剛剛好，不會太乾，而且醬落得一點也不孤寒，好正!我的豬朳米都接住上枱，一拿起已經有好大陣薑蓉味，好在我都好喜歡吃薑蓉。米粉算是煮得可以，但豬朳好乾好硬。再來紅豆冰，未攪均時的顏色好靚呀! 一看以為紅豆會煮得好爛，但飲落才知道紅豆煮得剛剛好，又不會過甜，可以翻炒。紅豆冰上完後，已經催了一次咖哩牛腩麵和茶走。侍應忙到頭暈暈，應了我們一句：好，幫你跟呀吓…但等到我的豬朳米都差不多吃完，咖哩牛腩麵和茶走

其實也算是經常入荃灣，但就是沒有認真找一找什麼好吃什麼不好吃，多是做白老鼠亂試一通。今次就例外，因為我對這勁厚蛋治有一定的期待，我是專程來一試的。荃灣地鐵離荃新天地很遠，行到累才找到此店，我與友人一人半份蛋治醫肚，試了牛肉蛋治和蕃茄蛋治。因為我看過很多相片，所以來到不會被那厚度嚇壞，只是一心想著如何美味。牛肉不算鬆軟，醬汁濃味，而蛋比較熟，沒有什麼蛋汁，但一口咬下這樣厚身的蛋，也幾滋味幾過癮，如果是半熟的話，就不得了。蕃茹蛋治就比下去了，同樣厚身的蛋，底下蕃茄凍吃，加了些少沙津醬，味道不如牛肉的惹味。再來當然是阿華田奶昔和好立克奶昔，如果要我選擇，個人覺得阿華田的比較好，這些奶昔也是越濃味越好飲，好立克味不夠突出。不如麥當當的奶昔，這杯吃到不少碎冰粒，奶味也沒那麼重，但就比麥當當的杰身，飲完真的夠飽，不過二十元一杯，真的幾貴。每人三十八元，雙重份量，雙份價錢，不過吃一次半次也沒所謂。有機會試試奄列，也要一杯個人幾欣賞的奶昔。

wow wow~~~~遇上嘉樂有開門~~~~~~~也沒有等候的人群咁好彩唔食唔得呀打完羽毛球好餓..乜都試吓就點了很多　哈哈沒有套餐全部單點巨蛋奄列除了大份都冇乜特別反而薑葱撈麵好好味好好味喔!四人爭食唯有追加一個！好耐都冇咁飽濟下次遇啱唔洗排隊先再探你啦：)

嘩! 排長龍.. 好多人. 二大一小, 等咗半粒鐘, 入座..叫咗蛋治, 凍奶茶, 蓮子冰, 油占多.凍奶茶先到.... 嘩!!! 唔得, 非常唔得...只係一般嘅奶茶加冰. 無奶茶味. 有水味, 有冰味, 唔滑. 只可叫做cheap cheap 奶茶 + 水 + 冰 + 糖水. 蓮子冰 - 未食蓮子, 杯冰一般, 因為冇咩期望.. 一食蓮子, 就好似杯凍奶茶一樣..嘩!!! 唔得, 非常唔得...啲蓮子唔"林", 都算.. 連蓮子嗰心都啲起出呢. 如果自己啲將嗰心 "Til"出呢就食, 一定食到苦蓮子.油占多, ok 啦.. 無咩驚喜. Jam 同牛油都夠, 但係塊多士做得幾香, 不過唔夠厚.. 呢個 item 可以收貨.蛋治. 足足等咗 25分鐘. 呢25分鐘眼見其他枱客 1.坐底, 2.叫嘢, 3. 食, 4走人..Anyway, 有得食喇.. 一個字,"厚". 總評蛋治. 都係一個字,"厚". 啲蛋唔滑(可能要做得厚, 就唔會滑啦). 啲蛋無蛋味/香.. 同佐敦澳x就係天同地. 只係有啲千層芙蓉蛋嘅Feel. 總評: 唔算底. 啲嘢食唔