嘉樂冰廳 (新村街)

营业中

休息中

好多時去荃灣想搵野食，第一時間總會諗起食米線，不過真係諗起都悶，荃新天地附近呢間聞名嘅舊式茶餐廳，原來我一直都無寫，決定放返上呢度作紀錄。老闆娘推介牛腩同豉油王雞翼，於是就柯打左個雙拼麵，黎到見到色水都唔錯，似乎真係落足料而且仲好鬼香添～麵係一般嘅全蛋麵，麵質夠彈牙幾好咬口，鹼水味亦好少，合格！雖然牛腩相對黎講冇雞翼咁outstanding，但份量都相當唔錯，而且咬落冇渣又夠焾，都幾好味！下次再黎可以試下出名嘅咖喱牛腩撈意～飲品方面呢間最出名就係"好立克奶昔"同埋"阿華田奶昔"，由於本人對好立克唔太喜歡，所以叫左後者...其實我真係有十年以上冇再飲過阿華田...呢杯阿華田奶昔真係好得！阿華田味好濃好香，雖然個名係奶昔，但飲落感覺似沙冰，奶味唔會好重，而且又唔會好甜，真係絕對值得再試～如果唔係已經飽肚，一定會食埋呢個著名嘅"火腿小奄列"！你地冇睇錯，佢地真係叫小奄列$20，普通火腿奄列份量就係double！其實佢地呢度所有三文治同奄列都係king size~大家下次黎試要有心理準備至得～哈哈！

慕名而來的一行四人( 兩男兩女), 等咗30分鐘...竟然為一間小小的冰室, 都真係奇怪, 但星期日無乜嘢做, 姑且容忍佢...點咗:1) 火腿奄列 (小)2) 鼓油雞翼3) 奶醬多4) 西多士5) 餐蛋麵 x 2 6) 菜肉雲吞7) 五香肉丁公仔麵8) 凍啡9) 熱奶茶 x 2值得一提:1) 火腿奄列(小)都好大份, 仲有件麵包伴碟, 四人分都食唔哂. 幾好味.2) 鼓油雞翼普普通通, 不特別3) 奶醬多有驚喜, 超多奶多醬, 豐富的感覺!4) 西多士, 由於最遲來, 已經飽飽哋, 主觀感覺無咁吸引, 但客觀睇趁熱食一定好好味.另外, 枱很細, 四人卡位很逼!!!到我走的時候, 出面條人龍已經兩倍長... 起碼要等一個鐘... ... 我覺得等within 15分鐘先會再考慮.

因為睇到OPENRICE食評既關係前幾個月同朋友1齊去嘉樂冰廳食LUNCH我地各自叫左2樣野食.本身以為佢D野食同出面既份量差唔多.點知大份到...我叫左果2樣野食夾埋都係38蚊.食到抱住個大肚腩出番黎!真係又抵又好食

尋日(25-1-2011 Tue)晏晝爸爸要去覆診,就叫佢唔使煮晚飯咁辛苦,出去打邊爐,佢答應.我都係屬意一個價錢任飲任食o個種,約埋男友同大哥,放工後我又記起,不如o黎買啲好食o既o野畀大哥同爸爸試,就買炸餛飩啦.o黎到,我話要一個炸餛飩拎走,收銀o既話醒我畀兩味,兩味?點兩味?佢話顏色唔同o既.顏色唔同,係皮唔同嗎?佢答餡唔同.佢叫我畀o左錢後,出去行吓,15分鐘後返o黎,因為佢o衣o家包緊畀我,哈哈.行完返o黎,收銀認得我,話我較o岩時間,o岩o岩炸好放低我就返o黎.呵呵,我快快行去酒樓會合屋企人,去到打開睇睇同影相,重熱辣辣o既,原來有啲餡睇得出係綠色o既.試吓先,啊,綠色餡o既原韭菜餛飩,今次我食到熱辣郊脆口餛飩喇,細細粒o既餛飩,韭菜味濃郁.而另一款係上次食過o既普通鮮蝦餛飩,蝦仁仍爽,真係keep住水準.

其實這餐廳本人及家人都非常熱悉,由細食到大ｏ因為工ＮＴＥRNE極度影响(因為多人識左,好多時要等很久),攪度小弟及家人已有一段曰子冇光顧,這天實在想食"嘉樂"的極品牛筋麵,同女友排了三＋分鐘。馬上叫了牛筋麵,軟硬適中,入味.蝦子麵無梘水味,正。火腿小奄列,我想鷄旦有五.六隻,火腿切成絲應該有三.四塊,吞拿魚三文治,內有青瓜再加特制沙律醬,超正。另外一人一杯熱奶荼,夠滑。雖然座位頗窄以及有時要等很久,而且樓面得一位阿姐,但我很明白及体諒,因為老闆两公婆在廚房埋頭苦幹,香港地人工貴,佢地地方細細,我地做食客嘅無胃要求多多,嘉樂嘉樂,我地支持你。

今日(4-1-2011 Tue)爸爸又上大陸,我就要買o野食喇,就o黎呢間前晚和味蘇介紹同我幾年前已經想o黎, o既嘉樂啦.今日女同事FC晏晝已經想o黎食,但有幾個人排隊,所以佢唔食.我放工就過o黎,未夠6:15pm都full晒,有三個人等o緊,等o左一陣有位喇.睇吓餐牌先,嗯,雞絲奄列,蘇玉華介紹,對面個女食客食o緊,好香o既鳳凰奶糊.好,落單也.哩一一個樓面叫我唔好食雞絲奄列,大份到我哽唔落.叫我食$20.00o既細火腿奄列.啊.之後都叫$17.00o既鳳凰奶糊,豉油皇雞翼同炸餛飩拎走.等o左一陣,細火腿奄列到喇,嘩!都好大份,重有件牛油方包.奄列面見到有啲蛋汁,食落,有啲係炒得嫩,但有啲太熟,可能一面太厚啦,內裡o既火腿絲有好多,而且食得出有已加o既醬油味,不過好彩只有好少,但我始終覺得奄列唔應該加醬油.而牛油方包呢,食到好重牛油味,望真啲,原來o個片未熔牛油好似一片芝士咁厚,o衣o家好少茶餐廳o既牛油方包唔會有咁多牛油o架喇.味道: 3.5分鳳凰奶糊到喇,一隻生雞蛋放o係黃色o既奶糊o既中間,我食完火腿奄列後,至學收銀教蘇玉華咁攪,由於冷氣太凍,奶糊起o左一層膜,攪勻後我就食喇

早放的平安夜，唱詩前先化身聖誕老人來到荃灣派禮物，之後時間尚早，一時興起就與老公一起重溫了近年超人氣的嘉樂冰廳。如我所料，平安夜的下午嘉樂終於不用排隊；不過二人仍然要逼坐單邊卡位，當日等待的一分鐘就是等阿姐安排「調位」。多年前來嘉樂，真的就是一間舊式冰室，現在紅了後，很多地方其實已經很不一樣了。店內所有食物都是散點，是日與老公一起分享了：　阿華田奶昔($20)-價錢增加了，份量卻縮水了不少，阿Q點想就當是聖誕另類加一。阿華田的甜品幾討好的，不過飲來冰味絕對比奶味強，實則是杯沙冰而非奶昔來的，而飲完，實在幾凍!豉油皇雞翼($25)-近日與雞有仇，這味雞翼也是重來的原因之一。這裡的雞翼煮得幾入味，肉也幾嫩，而最特別是配上泰式甜酸醬，一碟六隻雞翼可吃出兩款不同口味。算是較值推介的一味。最後是每次來都點的小奄列($20)，據店方講已經不會出大奄列了；的確，親身目睹／挑戰過這座小山的，實在幾難想像怎可完成一座更大的山?這裡的奄列大是夠大，蛋也炒得幾嫩，可早由忘了甚麼時間開始，這裡的蛋並無蛋香，今次也不例外，另外加多一項罪：奄列中的火腿完全是凍的!! 真的，凍的程度不是室溫，而是雪櫃內的溫度...

之前光顧過兩次，一次是和弟弟一塊吃，顧著聊天，不太記得吃過什麼；另一次自已單人匹馬前往，叫了個豬扒包，包冷扒硬，還不如“大家樂”的，沒什麼好感。 這次一家人在附近打球，他們沒來過“嘉樂”，我也不死心，怎麼說“嘉樂”也是“openrice”荃灣區綜合分數排第一的，我要再試一次看看！ 可能是早上剛開門，門口不見往常的隊伍，直接推門進內，狹窄的卡位剛好我們一家四口坐下，用不著和人搭台。叫了幾樣招牌菜。 炸蝦肉餛飩：小巧、香脆，可口，每個餛飩包著一小撮蝦仁餡，小小蝦肉倒也不霉，算不錯了。 咖喱牛腩撈意粉：份量頗多，賣二十三元算便宜了，牛腩較瘦，倒咬得開，薯仔是帶皮的，是為了有益呢還是沒時間處 理只有店家才知道了！ 火腿小奄列：知道是招牌中

幾年都唔會踏足既荃灣, 是日有幸順路到訪冰廳隱身於街市之內, 好似我呢D跨區黎既人就有D難搵, 不過正正就係鍾意呢種"搵食"既樂趣午市黎到, 等左25mins到, 時間剛剛好會合友人一齊覓食2個人, 點左2份小巨旦(即細火腿奄列), 炸鮮蝦雲吞同豉油皇雞翼見menu有少見既唂咕, 當然要點返杯當然啦, 小店人手唔多, 等係正常不過, 但也確保食物係新鮮熱辣炸鮮蝦雲吞先到, 一碟足有十粒, 炸得不慍不火, 加D泰式辣醬, 一啖一隻, 爽啊豉油皇雞翼, 色澤均勻, 也很入味, 有濃濃既花椒八角味, 食落感覺好住家feel~不過奇怪既係隨雞翼附上泰式辣醬一碟, 豉油皇雞翼+泰式辣醬, 味道唔係唔得既, 不過感覺都係怪怪地......最後黎小巨旦, 果然好巨, 旦本身用左美極調味, 火侯也適中, 尚有旦汁, 隨奄列仲有餐包一個, 點埋旦汁, GOOD!!唂咕, 即走左糖既朱古力, 呢度既唂咕濃淡適中, 很好飲~樓下既朋友講得啱, 嘉樂好味既唔止奄列, 炸雲吞同豉油皇雞翼都值得一試.......

住了荃灣這麼久，不知道有嘉樂冰廳的存在，也真孤陋寡聞，直至上年OPENRICE人氣指數爆燈，先知有這店子存在。當然住荃灣區，如果真是有好的東西食，一定捧場，但結果卻有點失望。佐敦那間食茶餐的，我食過也不知幾多遍，是一間比快餐更快餐的食店。但那裏的炒蛋真的無得彈，水準也很隱定。來到這裏，當然也要點一些啦! 一次過試了兩款，叫了人氣的夾滑蛋牛三文治和火腿奄列餐包(要小的但已好大件)。當日成場也好似只有一個呀姐做待應，不過也不打緊，因為好多人都得個坐字等食。首先滑蛋牛三文治，牛肉在茶餐廳裏面算是做得比較好，而蛋，食落去真的沒有甚麼特別，除了較為大件，亦因為大件，為到一半，裏面D 蛋和滑牛滑了出來，甚為難攪.....火腿奄列餐包，個奄列裏頭勁多火腿，但上面被淋上鼓油?? 真是抓頭，要加鼓油亦由我們食客去加吧! 蛋加鼓油?? 不太夾呢，除非喜愛中式的炒蛋送飯。件奄列厚得來似中式煎蛋，整奄列整得好食是要超高技巧的，不能太生(包唔起, 出蛋水)，也不能太熟(不滑溜)。看埋OPENRICE 其他食評和圖片，發覺這裏奄列一般炒得較熟，可能熟些少，個奄列包起不易穿，食客也不會有投訴? 但我寧可要滑滑薄薄

幫襯嘉樂已有好幾年，以前還未"出名"時，等位大約10分鐘就有位，現在反而很少去，經雜誌、電台介紹後，有很多慕名而來的新客，現在每每要等上30分鐘才能入坐。但是呢，見到這些新客人，來到就只會叫蛋治 or 火腿奄列，唉，咁就錯哂喇，除非是非常超級喜歡吃蛋，否則一定會過"劑"，只看其它人說，不管自己的喜好去吃，就當然不好味喇這裡的蝦肉、菜肉雲吞、鹵水雞翼、炸雲吞、奶昔、咸菜豬肚、熱奶茶、凍0茶，這些才是真正好味出品。還有，一看便知地方淺窄，只有一位姨姨落單，廚房就只有老闆、老闆娘、太子爺3位不停努力的煮煮煮，茶類全是即焗，這樣的格局當然不能與平時吃慣的茶餐廳出品時間相比。見到那些只會投訴、投訴、投訴的，真的無奈、無奈、無奈

今天來個厚蛋治大比拼比拼兩間專食炒蛋而受好評既食店:荃灣嘉樂冰廳vs佐敦澳洲牛奶公司荃灣嘉樂冰廳徹徹底底的令我失望....先說荃灣嘉樂冰廳:聽人講呢間野就算閒日都好多人排隊是日閒日星期四下午三點半去到無人排隊等位入去即坐,不過要搭檯因為成間野得果8卡位我唔敢叫火腿小奄列因為怕奄列太油膩15:30叫左個蛋治$16要等到15:46先有得食整個蛋治都要等咁耐完全令人失望既蛋治蛋:1. 食落去第一感覺係豉油味2. 好咸3. 油到爆炸4. 無蛋味5. 一d都唔滑6. 鞋到自己整既仲好食7. 真係得個厚字方包:1. 比炒蛋d油浸到淋patpat, 濕淋淋2. 一d都唔鬆軟真係無辦法再食落去了..食剩1/4塊油浸方包今次以後, 一定唔會再去幫襯 -_-我寧願食老麥/美X/大家快樂果D炒滑蛋仲好食得多嘉樂冰廳完全無法滿足我享受厚蛋治既欲望隨即想立刻走去試下佐敦大獲好評既澳洲牛奶公司厚蛋治食完佐敦澳洲牛奶公司既美味高水準厚蛋治更加覺得嘉樂冰廳唔掂完全唔明白點解有頗多人好評嘉樂冰廳既炒蛋?係味佢地覺得大件就好呢?定係......做horse....-_-難食$16仲貴過超好味既澳洲牛奶公司($13)

11月7日星期日1515 hrs，門口排隊12人(75%是年青人)，等了20分鐘才有位。點了炸蝦雲吞$25、豉油王雞翼$25、小omelet $20、炸豬扒飽$18、阿華田奶昔$20。全部即製及上碟，非超好吃，但計及份量，很抵食，esp. omelet。阿華田奶昔很凍及濃味，可口。炸蝦雲吞很有蝦味。4人以上不合同往，因無big table。地方狹窄。凡PH, Sat & Sun 無蛋類三文治供應。其他蛋類食品正常。衛生，收銀員載膠手套包雲吞及收銀，太過份。消費=$108

上星期3, 下午因為要去荃灣既小學教書, 教完2個中未夠中教下一堂就係荃灣行街街...之後肚餓就見到有間冰室出面有人排隊就同同事去試下~排左成10分中先入到去坐底, 星期6日可能要耐D添~入到去令我驚訝既係點解D人D蛋咁鬼大份既~XDDD我梗係唔執輸叫黎食啦~我呢就叫左火腿小奄列, 雖然個名話係小奄列, 但係一D都唔細LOL....大份到呢...成份都係13$, 但佢好似用左成5-6隻蛋LOL~成座山咁..同同事SHARE食喏喏好~佢既蛋又有蛋汁...一D都唔乾, 火腿都唔小架, 麵包又用嘉頓, 仲賣咁平..抵~!!!!!!另外叫左豉油王雞翼, 為起3$隻..又入味又好食~正!!!唔怪得咁多人排隊啦~

早兩天放假到荃灣行街,路經e間茶餐廳,見無咩人就入去試下law,平時經過次次都見到好多人,今天終於有機會試下一試之後,有點兒失望,個蛋味道都還可以,不過就好油膩D米粉偏韌一D都唔好食,果湯都OK,有味飲品我叫了冬檸茶,我覺得好甜,又無咩茶味,一般茶餐廳都比佢好價錢又貴,食早餐都要成30蚊,下次應該唔會再去都唔明點解咁多人排隊