嘉樂冰廳 (新村街)

营业中

休息中

咁啱來荃灣，就預早到嘉樂冰廳食個靚早餐！呢度寫佢十點鐘開門，十點二行到門口仲未開，而且正正喺門口就有一檔生果小販，唔講以為呢度無左 XD 不過都見有D街坊等佢開門，仲有人送貨入去，先知等多陣，十點三度就拉閘開門。入到去即叫都未有得食，估唔到等左成四個字先有，唔係淨係我，其他客都一樣，剛剛開店就好似未準備好咁，所以大家都係坐喺度等佢開爐，不過，等咁耐都抵既，送上來個下都嚇一嚇！叫既都只係小奄列（＄24），不過超大份！我相信佢都用左4﹣5隻蛋做呢一份奄列，只有外層係熟既，裏面都係滑蛋，面再淋上佢地特製既滷水汁，所以係甜甜地又鹹鹹地，味道唔會好鹹，剛剛好，亦唔會好油，D蛋亦好滑！講真，同澳牛比，呢度D蛋比較好食，澳牛既滑蛋真係全部滑既，呢度係外硬內軟，有個對比喺度，口感當然比較豐富，加上有埋少許滷水汁，比較突出到炒蛋既香味。自已一個食晒一份實在有點吃力，有點想近期內也不吃雞蛋XD

聽朋友講幾特別所以就特登黎試-,-叫左個最有特色都係最出名既火腿小奄烈要記住我叫既係24蚊既小奄烈而唔係40蚊既普通size-,-我完全冇expect過咁大舊 (之後仲要食野呀大佬!)味道其實同一般茶餐廳早餐送既奄烈冇咩分別,油油地, 咸咸地-,-其實食評話到個旦好滑又好好食我又唔係好覺-,-總之舊野就好普通囉, 平時黎頂下個肚就冇咩問題野..但加上個環境其實幾污糟, 又好多人好迫, 所以都食得其實幾麻煩-,-

成日都經過楊屋道街巿都見到嘉樂排長龍但同老爺飲完茶都飽哂食唔落了今日本來想去睇戲但冇位 咁就去o左嘉樂食 tea + dinner了排o左隊20分鐘終於有位了D位超迫上菜速度亦慢唔怪得要大排長龍了$22河粉好大碗幾好味但略嫌牛腩唔夠熱同唔夠多$29好味真係啖啖蝦肉而且炸得唔硬$24真係好大份呀~$24等o左成半小時先來都幾好味但我覺得貴o左D$20之前o係電視見過令我好期待但食落我覺得有D怪怪地又講唔出有咩怪不過應該唔會再試奶茶 $14呢個唔多得D茶得lipton味冇乜奶味

1點鬆d去到，都係等一枱就到我地了，等緊o既時候會有張大menu俾你睇住先。舖頭得8張4人卡位枱，枱枱都坐滿人！之前睇左食評所以就叫左一個小火腿奄列、一件鹵豆腐、一份雞翼，朋友見到個豬扒個樣好似好得咁，又叫多個豬扒湯米！野食好快就開始慢慢送黎。。。d汁都ok，不過8蚊一舊就... 試過就好了~~29蚊6隻雞翼，隻隻脹卜卜，不過就一d都唔入味！得個皮有少少味... 無其他人講得咁好食... 唔怪得佢有個醬跟上.. 失望主角終於黎到啦！！！有奄列之餘仲有個餐包跟埋，大家睇個餐包同個奄列嘅比例就知佢有幾大件。。可能個奄列太大件，邊位嘅蛋已經老左，中間就仲有滑蛋感覺！豬扒湯米黎到緊係試左豬扒先啦！點知... 豬扒同普通茶餐廳食嘅無咩分別.. 仲有d"鞋"添...兩個人食完真係好飽，飽到個日晚餐都無食到... 呢間餐廳d野就真係幾大份下，不過全部食物同飲品都係散叫，無套餐.. 如果想試多d野就真係要叫幾個人去先得...不過如果去開荃灣都會再去試埋佢個阿華田奶昔(天氣太凍無叫到)，佢d大大份三文治，同對面枱個個人叫既咖哩湯河，見佢個湯河嘅湯都係咖哩汁黎嘅，哈哈！

位於菜場內 所以比較難找一些 花了點力氣來回在小小的菜市街道上尋覓一番 終於在一個水果攤后找到了它~ 眾裡尋他啦 都被水果攤的大傘給遮住視線了。。。生意幾好啊！！！排了整整10分鐘有餘的隊~ 店內面積甚小衛生環境的話不能給到很高的評價 不過本人倒不是很介意這一點 O(∩_∩)O哈哈~ 偶是來自百毒不侵的地區滴 （神秘狀~~~~）小觀察一下菜單 選擇倒也不少 不過還是直接切入主題 點了招牌《火腿小奄列》 木有點《阿華田奶昔》怕是吃不下了。。。事實證明 我的做法是100%正確的！《小》奄列豐富到彈眼綠睛了！！！先來看一張等待期間隨便照下的餐廳一角很有趣的擺設喜歡上面的兩張貓咪照片 明顯是有點時間的照片了 會不會是店家的招財貓呢？嘿嘿~ (*^__^*)大約10分鐘后就有的吃了~還好點的是《小份》 看到上桌的這一碟堆得高高的蛋！都是蛋啊~~~~ 我瞬間感激自己的睿智未動叉之前的照片！很是完整 看得到滿滿一疊炒蛋鋪滿整個碟子不說 還硬是要紅杏出牆~ 從顏色就看得出這個炒蛋要有多嫩就有多嫩啦！火腿絲是包在炒蛋中間的所以暫時還看不出其規模 不過照這個趨勢推斷估計量也不少咕~~(╯﹏╰)b 擔心自己

尋日(21-2-2012 Tue)放工後同男友去葵芳睇戲,睇戲前食個晚飯,但由於唔想o係葵芳食啲冇特色o既o野,於是帶男友o黎呢間食,我一早叫佢留定肚,但我就因為女同事FC請o左我o地食下午茶而留唔到肚.呢日有啲毛毛細雨,我o地o黎到時唔見有人龍,入到去好似冇位,樓面問我o地幾多個?我答兩個,佢帶我o地去其中一張只有一個女食客坐o係o度o既卡位話可以坐埋一邊,我見佢對面張凳有包o野,知道有人同佢一齊,樓面就請個女食客就吓,畀我o地坐.女食客答冇問題啊,樓面問佢想點坐?佢o地坐埋一邊定想打對面坐?佢答坐埋一邊.但我見佢都重唔拎走包o野,所以我唔郁.不過意識到佢o地覺得我奇怪,於是我開口話有包o野o係o度,佢o地至知,我就將包o野拎畀個女食客,然後坐低喇.坐低後同男友諗叫咩o野食,男友見到人o地o既三文治好大份,我就叫佢唔好食三文治,試吓呢o度o既火腿奄列,於是我o地叫o左:4. $17.00o既紅豆冰呢個係男友o既,紅豆冰大大杯,我試吓,味道好淡,紅豆夠腍,尤幸冰粒唔多,咁就覺得冇咁呃錢.味道: 2.5分3. $20.00o既鳳凰奶糊由於男友未試過,所以一定要叫,冇諗到呢個會咁快o黎.影

週末特地過海到荃灣光顧嘉樂，可惜吃不到最想吃的蛋牛治，週六、週日和公眾假期不供應蛋類三明治，无奈。看來和嘉樂的緣分有些薄，就算願意平日放工后再過海來荃灣，也趕不及它關門前到。沒有蛋牛治，就鮮牛治好了，外加熱奶茶。奶茶端上來已不太熱，也不好喝，完全不滑，口感比較澀，以香港茶記奶茶的水準，絕對是平均水平以下。差不多喝完奶茶（天氣凍，再不喝完就變凍奶茶了），鮮牛治終於姍姍來遲，的確好大份，牛肉夠多。吃到口中覺得味道並不好，吃不到牛肉的鮮味，口感油膩，更有數片牛肉味道怪怪的；伴牛肉的醬汁不清楚是什麽，和牛肉一樣的沒味道；牛油沒有凃均勻，一塊堆在底部，要麽吃不到，吃到就是滿口都是牛油。鮮牛治22蚊，考慮到份量夠大，這個價格也算合理，如要烘底加2蚊；奶茶14蚊。服務有欠周到。負責收銀的可能是老闆娘，態度很好，笑容可掬；但拾碗和落單只有一個阿姐負責，可能是太忙，面色不太好看，你不叫她點單，她是沒空也沒心情理你的，點單很是倉促，亦不會主動問你要不要烘底。因為是三明治，既沒有餐具也沒有紙巾給你，一切全靠自己雙手解決，那麼大一分三明治，自己想辦法吧。廚房似乎也不夠人手，落完單，10分鐘后才來奶茶，而鮮牛治

我鼓起勇氣, 不怕萬千山火, 半逼半請的狀態下拉我丈夫來陪我排隊......我好運呀~ 無耐性大王居然無發我脾氣...萬歲! 萬歲! 萬萬歲!點解排極都唔郁嘅!?幸好當天都有得食, 沒有浪費我的一番唇舌排了半小時左右, 終於有位啦~由座位向前望, 咦~ 鋪頭都幾細間, 得8張四人枱左右, 每張都坐到密痲痲；如果唔想同陌生人有肌膚之(碰)親, 還是拖男帶女才好來幫襯, 因为我倆離座付款, 立刻有一男一女來補上, 依我8掛觀察, 情侶檔? no way 男人入先, 女人隨後坐旁边, 男人坐到差d貼埋牆, 女人坐到去椅邊, 還不時眼向男人送超超。 最重要係侍應生問佢地幾多位, 佢地異口同聲答: 一位。嚟食之前做哂research, 邊個叫得, 邊個唔得, 我睇得出！依照research不過得半張枱嘅位置, 只能叫少量食物來試... 根據我的食後感來排了個嘉樂榜, 由尾數上來分別是:第6位火腿小奄列 $24原本想叫雞絲奄列, 不過唔做啦 咁只好叫火腿奄列(大嗰個 $46, 想睇吓有幾大), 又唔做啦 唯有要細奄列...等咗十五分鐘左右終於到...嘩~ 好大份 應該有6隻蛋嘅份量,

有些人對飲食的要求，不是以味道先行，而是要抵食夾大件，無須好吃得驚艷，只求不大難吃便何，在這個所謂美食天堂的香港，這一類人佔大多數。所以，那些性價比高的食肆，永遠客似雲來，論味道不算超班，但是門外的人龍從不間斷，原因很簡單：價錢便宜。貴網內十大最多好評的食店，有不少屬於這一類，澳牛，時新是表表者。荃灣的"嘉樂冰廳"，從不賣套餐，亦不像其他冰室般，早上六，七點已開門營業，十點才施施然打開門。平日早上十時一刻來到，還找到位坐，十五分鐘後，旋即滿座。奶茶沖得香滑，奶與茶味均等，有奶的香，亦有茶甘。鮮牛蛋治賣＄24，份量是平常的二人份量，究竟，一個蛋治，用上多少隻雞蛋？蛋身不夠滑，有點過火，不過牛肉的確無添加，真正的新鮮牛肉，沒有鬆肉粉洗禮過的鬆弛，有牛肉應有的嚼勁，和牛肉的鮮味。坐在對面的兩位年青女生，眼闊肚窄，點了麵食，再點奄烈，吃到未夠三分一，已經停手，可惜可惜，人心不足，怎能蛇吞象？環境是非常之逼狹，一個人來便要容忍與其他人搭檯，彼此左手碰右手，絕非好受，除非，對方是一名美女，哈哈！

今日打電話去叫左個早餐..本身話我知半個鐘後可以拎..點知去到仲要我等4-5個字...我已經就遲到...再望下個餐牌..發現原來我尋日打電話叫o既外賣收多左我7蚊..我問個職員..火腿奄列$24奶醬多$9 點解收左我$41蚊..個職員答我唔清楚..~翌日當知道收多左我錢...我打電話去問點解收多我錢..佢話..咁你而家食左未....好過份...之前果日買我點會未食....好無禮貌~似住自己出左名就咁..野又唔係特別好食...我唔會再幫襯..

話說上個月先第一次食嘉樂, 試咗必食的幾款~但係兩個人一次食得幾多呀!! 今次再嚟試埋佢雞翼上次都有叫, 但無論有幾多人嚟過幾多次都好, 都一定會叫...滷水雞翼...真係咬落去要有水份, 唔會熟到肉都爛, 仲要夠味為之正, 睇吓就知喇...滷水豆腐...全場最廉價食品之一, 不過呢次就真係要點埋佢個豆辦醬一齊食先得, 始終入面會淡啲嘛...炸雲吞有菜肉同鮮蝦可選擇, 份量可以三至四人都得, 正常都會揀鮮蝦雲吞, 好似抵啲嘛...其實想飲阿華田奶昔多啲, 不過都試咗先啦, 飲落去好杰同好甜, 應該似沙冰多啲...紅豆冰就OK啦, 同坊間一般紅豆冰相近, 其實本來叫涼粉紅豆冰既...聽講牛腩係出名啲既, 食多啲唔同嘢嘛, 所以食豬肚...豬肚都係滷水既, 食落都OK, 已經好飽喇~~:講真...火腿奄列真係無乜特別, 不過响其他茶餐廳又唔會尊登叫嚟食, 呢度既特別之處就係"大"得閒行開呢頭而又見到唔係好多人排隊就可以試下

其實呢間我幫襯左十年有多,最初真係幾ok.但出名後真唔掂,好多人都唔知本來奄列是跟餐上,而家就拆開逐樣計,開鋪賺多D無可厚非,但食物確係差,1.牛腩鞋口;2.炸云吞無特別;3.奶茶超一般;4.唯一奄列夠大件外,但價錢已計埋入內,抵唔抵真係諗清楚;5.餐牌已無古老茶餐廳feel(相比隔鄰蘭香);6.座位勁迫夾;7.服務勁差 今日路經見無人排,姑且入內再試,知後悔都黎唔切,俾人吹叫野,吹埋單,但你吹佢食物未到,就睬你都 ,此時見一單身人入內,俾伙計來去zip位,驚死人地阻住少做生意,結果人地梗係一肚氣走人唔食啦,呢間野我都無下次,真唔明D人咁犯賤,排鬼死咁耐,食到一肚氣,食物普通,錢超貴(以此價荃灣區好過佢大把),大家要盲目信人吹捧啦

今天和兒子來到聞名已久的嘉樂冰室，幸運地有位子，不用等。之前多次經過都是有長長的人龍在排隊。據聞該店最出名的是鮮牛肉三文治和火腿奄列，入到店內看到其他人點的超大份，因為不是很餓沒有點。點了另一招牌小吃炸雲吞，還有一個咖哩牛腩撈意粉，和兒子一起吃。上餐的時間很長，差不多20多分鐘才上炸雲吞，不過炸雲吞份量很足，材枓也很足，好味!!至於咖哩牛腩撈意粉，配搭新穎，估唔到又OK全店只有32個位，本來可以做的生意不會多，但憑著老闆用心的經營，堅持用足料嘅食材，一樣可以客似雲來。出店時，又見到長長嘅人龍了。

講起都搞笑…自己飲荃灣水大…<嘉樂冰室>就嚮舊居附近…見佢近年忽然咁名揚…成日聽話要排晒隊等開門咁厲害?!…但我居然從未去過!! 彷彿已往嚮荃灣十多年o既日子都係虛渡似的…哈哈!!到今日先黎尋找早已遺忘的…選上午11點幾哩D”卡啦”時間…應該吾駛等位啦掛?!...不過都吾係冇客架!!...男女老少街坊坐滿呀...好彩剛好入口有一空卡座咋!!...叫左雞蛋三文治一客兩人share…兩杯奶茶!!份三文治最出奇制勝o既地方…就係一份蛋等於人地三份…甚至四份咁o羅…用層層疊o既煎法…好在亦吾會話煎得好老!!...如果大家係好似我咁, 係個從細”捧蛋” 捧到大o既人(哈哈哈!!)…咁就一定會捧場o羅!!...落單時口多混亂…多黎左份腿蛋治添…真係……….笑!!至於杯奶茶…OK算滑!!

到達門口時 門口已經大排長龍 見唔趕時間就排隊等候等了大約30mins 終於有位 裏面座位擠迫 由於我同朋友2位 所以需要撘台2個人點左：火腿小奄列、炸餛飩、2杯凍奶茶奶茶：重奶味 正合我心水炸餛飩：普普通通火腿小奄列：份量好大 奄列內有蛋汁 NICE