嘉樂冰廳 (新村街)

营业中

休息中

響門口排隊排左半個鐘頭，叫左：食品：熱鴛鴦評價：奶茶咖啡mix-and-match 比例咖啡較多，咖啡苦澀味強，質感滑溜！收貨！食品：酥炸鮮蝦雲吞評價：鮮炸，香口，但皂水味濃，較油！唔會再試！食品：阿華田奶昔評價：落單後等了40分鐘，只聽到打冰機和客人追單聲音，最後千呼萬喚。。。終於等到！保持水準，第二度真係搵唔到！味道一流！必點項目！不過如果店員昌哥要收工，咁奶昔便會停售！總結：嘉樂冰廳質素一流，不過如果好肚餓又趕時間，咁唔駛諗呢度！

9-1-2013 (三)是日放工後，約了朋友來「嘉樂餐廳」happy hour！眾所周知，「嘉樂冰廳」是荃灣的人氣店之一，當我這個荃灣人每次去楊屋道街市買菜，經過它的門外，都看見有很多食客排緊隊。今次是我第一次幫襯，聞名真正不如見面！我們 6 : 20pm 到達，大約排了 10 分鐘便可入內進食，我覺得算很快的了！ 真夠運！ 整體而言，全部均大大碟上桌，份量大是其特色之一，最適合大胃口人士前來。 煎炸物都夠燙熱及爽脆。 阿華田如昔最好飲，奶昔越濃味越好飲，口感純正柔滑、清甜甘醇，「嘉樂」絕對做得到，飲完後真的夠飽了！今晚 happy hour 後，再不用吃晚飯了！

見到條龍條長…但因為特登去荃灣，所以都照等，一等就等左45分鐘坐低又叫返例牌菜：火腿奄列，豉油雞翼，炸雲吞，阿華田奶昔其實都只係食開既火腿+雞蛋，就係解釋唔到點解嘉樂既火腿奄列特別好味! 大件夾抵食~勁入味既豉油雞翼，加埋酸甜醬，惹味﹗炸雲吞(蝦)，炸到卜卜脆，又唔會好油就算食到飽，都要飲埋杯阿華田奶昔!! 唔會好似平時D奶昔咁 (未飲到最後就變水)，呢到既奶昔又滑又足料，阿華田味又特別~

友人係電視節目中見到荃灣有一磅重既奄列食，對於厚蛋既感覺，仍然停留係澳門既一間茶餐廳內，同埋一磅重？點食呀！友人決定帶我去試試。 今日落住微微細雨， 三時多去到餐廳門口，門口排長龍，等候半小時進內。點選了火腿小奄列、鹵水雞翼、鹵水豆腐、阿華田奶昔、好立克奶昔。前面的婆婆正在包雲吞，每粒都有一隻大蝦。火腿小奄列，分量巨大！兩口子絕對夠食，蛋汁豐富，食到蛋內有美極味道，童叟無欺，蛋漿唔稀。鹵水雞翼，估計是叫即鹵，雞翼唔霉，入味不太咸，唔點醬好食啲。鹵水豆腐，熱辣辣，外皮硬身且內暖，加埋豆板醬增添美味。黑白配，阿華田奶昔較好立克奶昔稀，奶昔唔係沙冰，啖啖都飲到濃厚的味，友人鍾情阿華田，我就鍾意好立克！*注意奶昔的等候時間較長，伙記話因為一杯杯打出來！原汁原味，友人話要再去食！下次試下雲吞先！PS:眼闊肚窄，友人話夠食，好彩聽話。聽到另一對情人野食未到齊，已經大叫好飽。

第一次黎試傳聞中既6隻蛋奄列.好吸引間舖好細間, 全部卡位座位, 好彩我地早到, 等左15分鐘就有位啦 火腿小奄列$24 : 超大碟,食完一個已經飽晒 牛肉湯意粉$24 : 比我想像中大碗, 牛肉仲好淋, 好好味 煎雙蛋$1 6: 一黎到, 有三隻蛋黃既. 都幾好食, 如果煎香仲好 可華田奶昔$24 & 好立克奶昔$24 : 好似沙冰咁, 入口超冰凍, 我發現我都有敏感牙齒 以為唔會好大碟, 驚唔夠食, 仲叫左個炸薯餅 $19三件 : 好脆口好味呀, 不過仲好油添

早早 plan 好左呢個星期日入黎荃灣 , 仲揀好左要去邊度掃美食點知事事不順 , 第一站諗住去食台灣特式蛋餅 , 點知到左先知 ,呢間小店逄星期日係休息 , 於是回頭行返黎荃新天地呢邊 ,去嘉樂冰廳食馳名火腿奄列 , 但適逄上星期電視播出街坊廚神 ,門口條隊 , 可能上星期仲係排半個鐘 , 變成左排一個鐘先有得食呢間冰廳真係比我想像中仲要細 , 分左右兩排四座o既卡位 menu 除左如一般茶記 zip 左o係枱o既玻璃面下 , 另外 ...仲有一張己過膠o既用掛勾掛左o係牆度 , 都幾特別 ~ 呢度除左特大火腿奄列之外 , 厚厚o既雞蛋三文治都好出名可惜星期六 , 日及公眾假期都係唔賣有蛋o既三文治o既 而其餘o既就係雞翼 , 炸雲吞等小食 , 但價錢稍貴 , 因為我地係 lunch 都未食 , 怕叫奄列加小食會唔夠飽於是我地兩個人叫左一份小奄列 , 一個意粉加兩杯奶昔 1. 火腿小奄列~ 見到對面o個碟上枱 , 我地問阿姐呢碟係大定細 ....先知道原來叫小o既都咁大份 , 奄列跟一塊開半牛油方包火腿偏咸 , 份量真係好足 , 雞蛋係大餅 , 不過好厚身 ,由其係兩邊角位 , 仲有

吃「嘉樂冰廳」，就要先大排長龍，看來有不少「巨蛋系」粉絲也趨之若鶩地來潮拜一下。先來了杯「熱奶茶」及名物「阿華田沙冰」。「熱奶茶」個殘舊杯子充滿茶漬，有點令人害怕。。。「柯華田沙冰」則蠻特別，每杯即點製，要等一輪先上。質地是在碎冰中嘗到濃稠的柯華田味道，值得一試。點了一系列小吃。「豉油王雞翼」$29，很家庭式風味，說穿了就是沒有甚麼特別，肉質算滑及入味，還能求甚麼？「酥炸鮮蝦雲吞」$29炸雲吞每粒都足料鮮蝦及炸到脆卜卜，也不算太油，以茶餐廳油鑊出品來說算不俗。「火腿奄列」$54終於可以潮拜一下巨型奄列！老闆娘透露，每份巨型奄列大概有六至七隻雞蛋的份量，起碼有「36E」，足夠三、四個人分享一碟。蛋的確很巨型，炒得頗滑兼有蛋汁，包含大量火腿絲，調味則下了美極，鹹鹹香香的味道。是否超級好吃？我覺得不是，只是靠大取勝，有「兼覓」就是了。最後的「牛腩菜肉雲吞河」總結，「嘉樂冰廳」的食物水準不難吃的，至於值不值得特登到荃灣排隊潮拜「36E」奄列？那就看你是否重口味人士喇。

星期日的早上，媽媽一貫習慣自己動手煮早餐，不料今天竟有興緻叫我外出吃早餐，難得媽媽如此有興緻，我也是樂意奉陪的。還以為媽媽想去茶樓一盅兩件，原來她大老遠的拉我去吃嘉樂冰室！時近十一點多，嘉樂門外已見人龍，幾鋪之隔的蘭香茶餐廳同樣如此，仿佛大家競相炫耀自己店子的受捧程度一樣。我們一心一意在排嘉樂的隊，有些家庭則學會分散風險，每人排一條隊，務求盡快可以吃到東西。烈日當空下，也排了超過半小時，我們才能入坐。內全都是卡位，以這些人氣長龍店來說，搭枱是最基本常識，不過卡位並不太寬闊，坐起來略為擠迫。熱鴛鴦來到嘉樂，沒有早餐，常餐，特餐，全部單點，當然要試一試遠近馳名的奄列，媽媽則點了牛肉米粉及熱鴛鴦。媽媽的牛肉米粉及鴛鴦先到。牛肉米粉媽媽的牛肉米粉不算大碗，不過牛肉看起來還蠻多的；媽媽著我吃兩块牛肉，牛肉切得頗大，用了少許沙嗲醬汁醃過，不過吃起來頗硬，不夠腍軟，味道一般。媽媽說的更辛辣：「咬到牙痛！」小奄列聞說這裡的小奄列是用上5隻雞蛋的製作的，我一個人怎吃得了，因為就和媽媽Share著吃。小奄列用一小碟裝著，奄列鋪滿了整個碟子，上面還放上兩片牛油方包。奄列包裹著一推火腿絲，但包著的效果比較粗糙

上過網睇過呢間冰廳既食評, 見到吾錯!於是難得男朋友放假, 相約一齊黎呢到食野!!來到才發現星期六、日及公眾假期系無蛋類三文治供應的~但一心來到, 又排左隊咁耐~咁梗系要試下啦!一坐得我地就睇餐牌點野食~我一早就聽過人地話小奄列...一D都吾小XD但男朋友因為吾知情,話想叫個大既試,, 但問一問老闆娘,佢話多人系吾會做大既所以最後我地都系叫返個細, 老闆娘話如果大奄列系會比小奄列大一倍..哈哈哈!當我見到個"小奄列"時我真系吾敢想像大會系點...XDD我地點左: 5樣野食+2杯奶昔1. 餐蛋生麵 $262.炸薯餅(三大塊) $19 3.鼓油王雞翼 $29 4.滷水豆腐 $8 5.火腿小奄列 $24 6.阿華田奶昔 $24 7.好立克奶昔 $24呢到每一樣野既份量都系十分之大同埋足料!小奄列真系超好食!!!勁大份!!裡面勁多火腿絲,又有蛋汁!好好好味!!炸薯餅, 炸到出黎, 我完全感受到一種好有"炸"既感覺~好味!但女仔怕熱氣既就吾好食咁多^^試一兩口真系吾錯!滷水豆腐好入味, D汁十分濃烈!好夠味!正! 到我杯阿華田奶昔!!真系好好飲~勁有阿華田味,十分濃郁!成杯野好似沙冰咁,好夠凍,

傳說要等要排長龍，週末週日又暫停指定菜式，這樣有性格的，正是位於川龍街街市的嘉樂冰廳。運氣不錯，女子三人行中午12點來到冰廳門口，只要等一張檯就能進去了。看到店內的格局你會明白為何要等常現長龍。連頭都不用轉，全店一眼看清，左左右右兩邊約8張卡坐，廿多個坐位加上大部份菜式即叫即製，不需等才怪！如一貫荼記，除了馳名的蛋滑蛋奄列外，嘉樂還有各樣的三文治及粉麵。粉麵有大路一點的配料，豬扒、牛腩、雞翼、雲吞等，但竟然還有酸齋，雞翼是用上鹵水雞翼，牛腩可配上咖喱湯底，未夠喉還可追加小食鹵水豆腐、酥炸雲吞哩，最後甜品鳳凰奶糊或是紅豆冰畫上句號何樂而不為哩！火腿奄列@小（$23）一隻盛茶杯用的小碟，盛著大大份的奄列，看上去很大堆頭，而且感覺就像綿皮一樣又大又厚，旁邊還跟著小餐包。未吃己令人有飽滿感覺。先說餐包，雖然頗香口，但比較乾和硬，就像隔過幾夜的一樣，吃兩口已放棄了。蛋蛋內軟外硬，幾乎是僅熟，做到流心的效果，熟蛋包裹著半液體水流流的滑蛋和澎湃的火腿絲。這半生不熟蛋相信有四隻的份量，一個女孩子絕對招架不住。熟蛋的咬感和半生蛋的滑嫩感，口感確實相當討好。味道方面，除了加上足料火腿絲的咸香外，還有默默耕

見放假就帶丫媽去食好野第二次黎e間叫左個牛腩河、炸雲吞、雞翼、鮮油多仲有阿華田奶昔我最鐘意就係佢個鮮油多塊牛油大到呢~~炸雲吞都ok 卜卜脆又足料雞翼就冇咩特別個牛腩河ok 起碼牛腩唔會食到痴牙阿華田奶昔唔洗講啦 招牌貨黎ge整體黎講 好味！

是日來到荃灣, 為的是出席生日會, 想到或許待會沒有甚麼吃的, 就先跟文迪, 總管及公主來到這裡午餐. 十二時許來到, 也要等一會兒才有得入座. 這裡環境擠逼, 衛生程度一般, 但公主遲大到, 也要在這個環境裡慢慢等公主駕到. 星期六, 日沒有蛋類三文治, 但不緊要, 也可以吃奄列, 最大問題是沒有奶昔供應, 大家一場來到就是為了奶昔, 自然相當失望, 公主差點又要出動拳頭了!豉油王雞翼 $29: 4分, 不入味, 雞翼入面是沒有甚麼味道, 肉質偏實, 認真麻麻.酥炸鮮蝦雲吞 $29: 5分, 炸得比較油, 但不太香脆, 還好是熱辣辣的, 勉強合格啦.火腿小奄列 $24: 4分, 名物奄列也是令人失望, 沒有蛋香, 蛋汁不足, 碎濕濕的, 更奇怪的是配上方包, 原因不明.沒有奶昔, 唯有飲凍檸樂, 文迪就要了凍奶茶.整體食物水準是認真麻麻, 服務態度一般, 服務也不太行, 價位也不算便宜, 真是想不到為何這裡是長龍人氣店. 見時候差不多, 還是快快離開, 前往生日會吧.

住o係呢頭附近有邊個唔識呢度?係人都o黍食蛋治,但我食左好多年,反而最鐘意佢個炸雲吞.熱辣辣又脆口,熱到辣口,蝦肉夠爽口,好食到震!飲品都正,試下佢個奶茶紅豆冰,無老點.

平日的中午時間來到，店內一早已經人頭湧湧，幸好今天只是一個人前來，所以只等了一會便有位可以入座。這裡的座位比較窄，坐得比較辛苦一點。要了一份鮮牛肉蛋治及一杯好立克奶昔，三文治先送上來，果然十分巨型，厚度十分驚人。蛋的份量十分之多，但煎得全熟，欠了點蛋汁，所以乾了一點。蛋的下方有幾片鮮牛肉，有點梳打粉的痕跡，吃來一般。等了很久才送上的好立克奶昔也是十分大杯，喝起來好立克的味道十分之濃，質感也很濃稠，單是喝這個奶昔已可令我半飽，再吃完整份三文治，真的飽到不行了。

細細既一間茶餐廳, 成日大排長龍, 好耐之前食過一次, 今次再黎試下d招牌野; 咁岩坐係收銀附近, 個收銀阿姐好健談, 介紹我地食乜飲乜好:菜肉鮮蝦雙併炸云吞 (本來諗緊揀邊隻, 阿姐話可以雙併, 咁就梗係試晒啦; 上台時趺左一粒落地, 直想叫倒楣, 上菜個阿姐即刻話炸返一粒俾我地; 細細粒好易食, 皮唔會好厚, 即叫即炸無得彈) 免牛蛋治 (超厚既蛋, 免牛份量都唔少; 真係要張大個口先可以食到)鮮牛蛋治 (鮮牛比免牛仲誇張; 唔知係咪鮮牛既蛋仲厚d, 要張到個口好大先可以食到份三文治; 講真味道唔係話好突出, 係份量搭夠, 同埋下面塊包真係濕晒好難搞)雞絲湯意 (友人唔想食三文治想食叉燒意粉, 阿姐話叉燒唔好食, 雞絲正好多, 雖然無試到, 不過睇落真係幾正咁, 直情食雞柳咁)阿華田奶昔 (杯野真係逐杯逐杯做, 等左好耐先黎齊咁多杯; 類似麥當當既奶昔, 仲有少少似沙冰, 因為有d好細既冰粒既感覺; 味道略淡, 阿姐話朱古力味會濃d, 下次可以一試)