嘉樂冰廳 (新村街)

营业中

休息中

因工作關係要到荃灣三日,本來一早打算到此冰室午膳,但其他食評所列出的等位時間最終令我卻步直至第三日放工,步行往西鐵站其間(1730時),因緣際會路經此店,見時間尚早,而又竟然無人等位,便決定入去食個下午茶知道此店的奄列巨大,故只敢叫小奄列,另外又叫了一杯阿華田奶昔大約幾分鐘,阿華田奶昔先到,濃濃的阿華田味令每一淡奶昔都滿足再來便是所謂的小奄列,老實講,係見到坐我對面那位先生的小奄列上場時,本人已擔心食唔晒,而事實亦證明我並無擔心錯最終是次用膳消費了48元,以冰室來說稱不上便宜,但念在那杯精彩的阿華田奶昔倒也無所謂了

與熊小O出街到荃灣去, 首站帶他到排隊熱店嘉樂冰廳, 幸好中午12時半剛好有半卡吉位今次目的是要嚐嚐上次目睹的巨型豬扒, 另外要把小朋友至愛的火腿蛋奄列推介給熊小O等......依舊是永遠等待 (其間聽到有暫停接三文治的消息, 硬要order?? 請等45分鐘)火腿小奄列$24 ... 把它與9歲半熊小O的臉兒對比一下, 是真的佔半塊臉咁大份 熊小O看見已滿心歡喜, 口裏吃着用美極醬油來調味的嫩嫩雞蛋, 沒有煎過的火腿絲, 還要忙着咧開嘴兒來笑 可愛極了~熊媽的豬扒湯河粉$22 ... 巨型帶骨重肥膏煎豬扒一大件, 半煎炸得香口, 豬扒肉是沒有鬆肉粉過, 吃到肉質纖維但不失軟滑 河粉是厚身幼條款, 米味重, 不易折斷, 好味最後, 熊小O當然不能完成這份火腿小奄列, 還要有少少火腿雞蛋恐懼症 (哈哈...唔洗再靜雞雞開雪櫃偷食火腿)

入面好逼，不過又唔係五星級，唔洗話坐得太好先黎既係炸雲吞，真係即炸果種熱，入面隻蝦都完整，唔似來貨既要左份細既火腿奄列，都大份過我兩個拳頭加埋。好多蛋汁漏出黎，不過係熟既，都幾好食華田沙冰，普通野

午餐時間將至，突然想吃嘉樂的茄蛋治，換了件衫就搭車出去，這排的「突發性」真強。一點正的時間，預了等待是必然，但站在店外，雪櫃排氣口就在腳下，不好受，除非你是獨行就可順利入座。點了雞翼米、茄蛋治、豆腐、華田奶昔，但呀姐說沒有蛋類治，奄列多士就有。明明今天不是假日，為何沒有蛋治類.，同時就有奄列多士，製法大同小異，McDull?我只想吃茄蛋治，最後不順氣地問問收銀的老闆娘可否落單，她交待可能要等得耐，我不介意，結果最後呀姐上菜時很不憤氣，覺得我們跳過她點了蛋治我的執著未必全對，但疑問是有，奄列多士與蛋治烘底分別在那? 雞翼鹵水味淡，自覺我做的更好吃，豆腐卻太鹹，太極端，華田奶昔依然好喝，份量足華田味濃，茄蛋治姍姍來遲，我也不想霸著位置太耐，快手吃，番茄新鮮切片配合吞拿醬和厚蛋，相片中只是一半，最後另一半我就讓了給大比解決，已經太飽了。下次突然想吃也要挑非繁忙時間

已經過這家店好多好多次了,因為不想排隊一直沒有試~直到最近女朋友要求才去試一次,當天叫了奄烈,面等等東西,味道只可以說過得去,食物好大份,但唔代表低,因為佢價錢係貴過出面5成左右o既~d人都係貪d野食大份姐,總括而言,除了大份就真係冇咩特別之處!

爐頭只得兩個，蛋治推開後，才輪到另一輪的庵列，好運的話就如搭檯的客人可以「遲來先上岸」，自己的卻要足本地等上廿分鐘，華田頗淡的，喝完已半飽，庵列來姍姍來遲，快靚正絕對是茶記基本功，這方面已給講求效率的澳洲牛奶公司比下去。

見好無無去過嘉樂, 所以小虎同小小熊就去左食.時間大約係兩點左右，但等到成三點筅有得食去 .....叫左個細火腿奄列、酥炸雲吞、凍檬茶同埋奶油多。火肥奄列仍然係大得誇張，但係味道真係好好好一般，叫做有小小蛋汁同幾多火腿，但一定唔係好味。一個人係食唔曬嫁，就算食曬都無胃口食其他野。酥炸雲吞就比較油，蝦都算大隻，味道一般唔算特別，但就夠熱。凍檬茶就好難飲，佢個茶味係太澀。奶油多就燶到極，除左食到陣炭味之外就咩味都無。總體而言，要等咁耐食咁既質責(越來越差)係唔值，但如果為飽肚而去就叫抵食既。想去食既朋友要諗清楚啦。

是次光顧原因：open rice 指數是次落單： 小火腿奄列落單心情：整份餐牌以單叫為主（沒有套餐提供），唯有選擇其招牌菜吧光顧心情：等待45分鐘後只獲一席已坐了三位客人的四人卡座。想佔一邊卡座的機會也不允許（是被建議到那「坐滿」的枱去）。但亦能理解，在外還有無數客人在等候。最令人失望是其招牌也毫無特色(唔知點解要等咁耐食D咁既野)。只是普通的大份加了美極做調味的火腿奄列。（這樣也能出名難道香港人連炒蛋也不懂？）要說有名於滑蛋的茶餐廳，要到位於佐敦的一間更物有所值。這裏的滑蛋級數，連連鎖式快餐店都不如。 最想像不到，是其火腿奄列的份量，應該有4隻蛋之多！大概是適合二人享用吧！真係食到反胃。猜度出名原因：有舊式餐廳風味吧！（即多年來未曾翻新）

平時食野既時候一向我都唔會同餐廳既人嘈，原因當然唔係我脾氣特別好；只係細細個就做過食市既我，知道得罪人無咩好結果，為左自己既肚皮著想我都係乖乖地比較好。多年前我已經黎過依到食奄列，厚厚既蛋係依到既招牌菜。但除左個厚字真係一d味都冇囉！過左7年咁岩經過，只係想坐低回憶一下。order左一份蛋牛冶＋凍奶茶．．．等呀等… 遲黎既客人order奄列，麵食通通都到了。十五分鐘過去我先追問一下我份三文冶既下落，換來既答案係：”三文冶係咁耐Ga la 要快就食奄列” “你唔要咪唔好要囉”其實三文冶都只係多2塊麵包，點解要耐咁多呢　？經過一輪不負責任唔憂做既回應，最後三文台係用左二十五分鐘先到至於味道方面雞蛋厚而不滑,加上沒有任何味道可言,可能是開得太多水/雞湯既關係。牛肉是發粉牛肉,是但加d汁上去掩飾佢地冇肉味既牛肉。凍奶茶尚算正常沒有放過時的茶味, 茶奶比例適中。大家仲會唔會為左隻淡厚蛋去試依間野，就自己諗la

豬扒飽塊豬扒好似乾柴甘，飽尚算0K!奄列係大件，可惜等超耐，阿姐又亂出單，遲黎早有得食，同一款野是旦亂俾客，客人嘈又唔知邊個先!阿姐上野飲手指插係杯入面，咪玩啦，你估廿年前大排檔咩！冷氣好似冇開甘，熱到爆炸!係門口自己排隊，自己睇有位自己入，夏天真係咪預我!

以前聽過呢到個阿華田奶昔好飲, 已經買過一次外賣, 結果係超普通既一杯奶昔, 價錢仲要$24, 超唔抵咁飲咗杯超普通既奶昔~今次媽媽話見好多人幫襯, 所以陪佢黎食~我叫左$24既火腿奄列連麵包媽媽要左個炸雲吞首先講吓份奄列係好大份, 但係大家要知係索價$24, 得份火腿奄列連麵包, 冇野飲即係其他快餐連鎖店係已經買倒個有飯連埋野飲既tea, 但呢到只係食倒個好咸好大份既奄列, 一d都唔抵其實份量大又點, 謄固醇咁高, 而且一個人跟本唔會食得晒咁"流"既奄列, 食唔晒就等於浪費, 我情願比一平既價錢$12買一半既份量講返味道: 個奄列係好普通, 同埋一個字 "咸"食物既衛生程度超越惡劣!!!!雖然我知出去食飯都係dirty d, 少不免會有人用手拎野食, 但我望住個女人呢頭用手執完枱, 跟住再用手執起地上面既雞骨, 再即刻去用手, 記住係直接用隻手去拎塊麵包放上你個奄列, 之後送上你枱面我望住當堂呆咗....因為我係一個好鐘意食麵包既人, 都忍唔住咬咗淡, 但愈諗愈覺得污糟, 最後都唔敢再食 呢到除左食物衛生程度惡劣之外, 卡位枱底既地面都好惡劣, 好多骨同一舊舊既紙巾~漏咗一提, 佢地

夜晚去左嘉樂食飯,,6點幾開始排隊,,6點9左右先有得坐低上次記得佢一閂閘就播老歌,,上次係陳慧嫺,,跳舞街,傻女, 貪貪貪....可惜今次冇播 ><兩個人,叫左一個蝦雲吞,一個細奄列,一個鮮牛意,一杯柯華田沙冰先講講個炸蝦雲吞 :: 同上次食一樣咁好味,,塊皮唔會(好似酒樓啲炸雲吞咁)太大塊,,佢size好似雲吞麵果啲雲吞咁,,細細粒,,mark大啲個口都可以一啖食晒,,即炸,又熱又好味!!!鮮牛意 :: 味一般,,但冇澳牛咁多味精,,超大碗!!!柯華田沙冰 :: 真係冇嗌錯,,好杰,,,好多碎冰,,鍾意飲朱古力既人一定要試下細奄列 :: 主角果然係最尾先出埸..,唔好以為佢叫細奄列就真係好細份,,最少有5顆蛋,,,仲加上勁多火腿,,真係大碟到嚇親人,,因為先前已經食左個意,,真係食唔晒,,佢蛋醬冇打勻,,所以都會分別見到蛋白同蛋黃既色,,成份奄唔會炒到太熟,,入面個心啲火腿同啲蛋黃汁澇埋黎食真係一流

荃灣區工作，同事話帶我食好野，原來就係黎食奄列，聽就聽得多，食就未食過，一場黎到，又試下。有大有細，要個細好了，一大堆頭，細都幾大份下，裡面係滑蛋，面頭係大量滷水汁，咸咸地，其實只係正常奄列味，賣點只係大大件。伴有份麵包腍哂，仲要好油，救命。要杯咖啡，係奶了點，不過都可以叫做正常茶記水準。地方小小，平日都人氣爆旺，食完要即閃。

　香港人可能吃盡珍俢百味，吃怕了連鎖式的食肆，依家好興懷舊，一窩蜂一齊排隊，條龍越長，就越要走埋去排埋一份，可能這類型的舖頭買少見少，我們大概是想重拾一些兒時的回憶吧！呢間舖頭，其實我朋友廿幾年前已經常常來吃，只不過是一間街坊的茶餐廳罷了，母須排隊，不過近年經電視介紹過之後，就變成明星茶餐廳，攪到成日排長龍，老闆做到氣咳呢。　呢度最特別之處是所有食物都大大件，招牌炒蛋聽聞要用上10隻雞蛋做成的；豬扒厚厚的，牛油厚厚的，但好唔好食就响咁嘅環境已經唔係最重要的了，玩味嘛！懷舊嘛！　

星期六放工已經非常肚餓咁岩男朋友在荃灣一於去試下我地早前好想去試,不過咁岩摸門釘既嘉樂真係估唔到一間茶餐廳係要排隊既我地去到先見到條隊 真係有少少O咀不過.......既然一場黎到 0)-(0就係咁...排左40分鍾排隊期間都有"裝"下入面有幾多個位大概得廿零個位....真係心急C人我都係第一次係街市到排隊等食茶餐廳就黎去到門口已經有餐牌睇但外面又貼住星期六日同公眾假期無蛋類三文治食都有少少費解終於入到去已經超級肚餓所以喪叫左好多樣野點知份份都大大碟食到一半已經飽到無晒朋友阿華田奶昔 - 最GOOD依個,非常濃郁的阿華田奶昔,又夠冰涷,都唔知佢落左幾多阿華田先有依個效果,不過等左好耐先有涼粉冰- OK.....但黎到D冰已經溶左少少火腿小奄列 - OK 超巨的奄列,但只有一塊包送蛋有少少唔夠喉,而蛋亦太油炸雲吞 - GOOD!依個好味,外脆內蝦彈牙,配埋個泰式醬,真係VERY GOOD!如果少D油會仲好會伊麵- GOOD!冬菇同銀牙配埋個獻,好清新,而且伊麵彈牙,好味火腿吞拿魚三文治 - 燶左,一開始我地比佢大大件,新新鮮既外表吸引左,由其是內面D蛋同菜,YUMMY!不過......