嘉樂冰廳 (新村街)

营业中

休息中

什麼什麼馳名, 原來只是如此, 不知是期望太高, 還是真的是事實呢?雖然(小)的份量都很大, 但大可能成為賣點而叫人忘記留意味道, 實際上味道絕不出息, 毫無特別, 真不可能成為鎮店之寶, 蛋不是特別香或滑, 而且實在太多水份在碟底流出, 雖然是半生熟, 但水份真的多得不正常! 牛腩滑, 河粉難得的滑及彈牙, 可讚! 咖哩味正常而不特別, 但不難吃呢....此店有很多食物種類, 連這炸雲吞都有, 真令人摸不著頭腦, 但無奈此小吃是出名的, 不妨一試, 新鮮炸好, 很熱很香, 內裡餡料算多, 味道不錯, 再點些泰式雞醬, 不錯的配撘!對環境及服務均不可以有要求, 需撘頭之餘, 快吃快走才是這裡的style呢!

每次經過這條街, 見到這間嘉樂都排長龍, 次次都變咗去隔離蘭香茶餐廳,今日見到門口排得兩個,就排入去看看內有咩咁吸引.入到去,內裡逼澀無比,四圍望, 半張上牆餐牌都沒問侍應, 係未呢度無叫餐架?佢好唔客氣咁, 話無, 就閃咗去....OKAY, 咁草草地叫個咖喱牛腩意粉+杯凍奶茶總共四十蚊咖喱牛腩意粉很普通, 牛腩原本是湯牛腩( 茶廳另賣牛腩麵.....)咖喱汁是後來燴上土的, 牛腩沒咖喱味意粉還未充份乾水就上碟, 一碟好似湯意粉咁, 加埋淋上去既咖喱汁, 根本就係牛腩還牛腩, 咖喱還咖喱, 意粉還意粉,劣.....凍奶茶...BLACK AND WHITE牛奶香還有,只是紅茶葉其實用了很久吧,,,沒有茶澀味=___=再來段小插曲...隔離位果阿叔, 問侍應可唔可以俾杯茶佢一般幾歹都會答: 等等, 好, 轉頭俾個侍應竟然話: 我地都唔夠杯!!!心諗, 付出比正常餐廳貴的價錢, 味道不好, 服務不到下次還是去返隔離果間, 廿八一個大餐=___=.....

(1)火腿奄列 - 食品水準名不乎實，出名的火腿奄列出來碟底竟然會有一氹水！蛋無蛋香，出名在份量大，就真係只是份量大。(2)甜酸菜腩肉米線 - 腩肉似隔夜瘦叉燒非常"鞋"又無味。(3) 酥炸鮮蝦雲吞 - 味道還可以，但真係等了超過四十分鐘，當你追問疑似老闆娘的職員時，她竟然回應一句唔知喎你問幫你落單個嗰，今時今日仲有這樣的服務態度真喺！！！連座對面的食客也不禁搖頭。(4) 紅豆冰 - 只可以說是一般水準無什麼特別是次消費火腿奄列 $22甜酸菜腩肉米線 $20酥炸鮮蝦雲吞 $27紅豆冰 $16 x 2總數 : $101總結：在門外等了半小時，在裡面又等四十分鐘，得出來的是如此質素(包括食品及服務)！！ 很多店鋪在出名後食品的質素難以保持，我想這家是典型的例子。

小妹第一次寫食評就係因為它...實在差到令我....o咀.....今日特登黎荃灣食早餐,離遠見到一間野排隊以為係嘉樂...排左一陣先知係隔離既蘭香~心諗點解荃灣d餐廳間間都要排隊=.=之後叫左男朋友搵下間嘉樂係邊...佢行左過去...見到落左閘...當時應該係10:30左右以為未開門...但有人排隊!咁我男朋友就分開一人排一間...最後,係嘉樂有位先....一入到去...個閘依然未開....我入到去...已經滿坐...心諗唔係剛開門嗎?!一連串既疑問....我同男朋友分別叫左牛根河同豬扒通 加凍o tea原本諗住叫蛋牛三文治...但佢星期六,日及公眾假期唔整....已經覺得佢好大支野......算.....之後,2位朋友仔黎到...打黎話點解間野無開門....原來佢仲係落左閘....感覺很不安=.=""""我叫個伙計阿姐幫忙開閘有朋友在外....佢個樣....勁不滿咁....>0<之後佢地一人叫左一碗牛肉通 同一杯凍o tea由於沒有早餐叫,飲品同食物分開計....朋友a話未試過食一間咁貴又普通既茶記早餐$37杯凍o tea $15 ooooo不過算係好飲...係幾有茶

之前係Openrice同電視之中，得知e間餐廳好出名，出名在份量大.....所以我(學生^^)今日早放學，所以就同呀媽去試下啦....今日係星期三，所以唔洗排隊，但係裡面其實都好多人，我地都要同人地搭枱，對於我黎講，d枱唔算好迫，但係如果係兩個大人坐係一張既話，都係岩岩好我同我呀媽諗住左好奈，心大心細咁，樣樣都想試下....最後叫左 - 菜肉雲吞麵 $20- 薑蔥撈麵 $20- 碎牛蛋治 $20- 凍鴛鴦 $15個waiter好好心，同我地講，現家冇晒套餐，只可以散叫，而且個碎牛蛋治，要等半個鐘....我諗....d麵我都會食到差唔多半個鐘啦，所以就同個waiter講，冇乜所謂，等就等啦....過左7分鐘，我既薑蔥撈麵黎啦薑蔥撈麵 - 首先講下薑&蔥，我覺得薑唔會話太hot，唔錯，D蔥都唔少，但係我覺得冇乜蔥味，個麵反而好好味， 好爽口，又彈牙，但我希望佢地可以剪一剪d麵，因為d麵好長，好難食到，D醬汁唔錯，而個拌汁，我就認為係雲吞湯咁....好 清，最後比我污染晒，油左d...過多3分鐘，雲吞麵&凍鴛鴦黎啦....菜肉雲吞麵 - 有五隻雲吞，全部係個底，所以有

連唔鍾意茶餐廳食野的姨丈都鍾意去的冰室，就系屋企樓下的市場，到處都是人，小小的店面，外面排隊，其他都很滿意，就是座位好窄，以前好少留意，因為經常經過都見到又人排隊，有次得自己一個人食飯，就落樓試試，最鍾意就系鮮牛蛋治+阿華田奶昔+豬扒包，差唔多次次都點鮮牛蛋治和阿華田奶昔，以前無紅色假期蛋治唔賣的，有時候唔記得左（我姨丈唔系住荃灣，經常放假先來，經常無得食），去到先想起，上次就試左個咖喱牛腩撈意粉，感覺好好味，牛腩應該煮很耐（食落去好似好快容左），前幾日又去點左，點知道今次的水平一般，牛腩好硬啊（煮唔耐，打大塊肉，一絲絲的，薯仔都唔系好冧），我排左7個人到我，無睇Menu直接點的（咖喱牛腩撈意粉+凍利賓納），凍利賓納是我口快快講錯的（本想叫凍檸賓），凍利賓納真系非常甜，牛腩又硬，所以食左一半都無就走人，希望下次去水平會上返去啦，豬扒包系食到唔知食咩時候叫的，點知有意外驚喜，一D都唔“漏”，好清爽（番茄等材料好新鮮），系表妹好鍾意蛋，次次去一系叫細庵列或鮮牛蛋治，次次蛋都系佢食曬，哈哈牛肉系我食（食肉獸）

我絶對懷疑奄列用10隻蛋去炒,超大碟,會爆膽固醇有蛋香又滑,不過真係唔需要咁大碟囉又貴,我覺得平d細份d會比較ok2個人都食唔晒一碟奄列建議健康著想唔好2個人黎食雞翼都算ok,不過係同碟甜酸醬超唔夾紅豆冰勁正,大大杯又多豆牛腩面係敗筆之作,不食也罷....牛腩好鞋...豬扒包意想不到咁好味絶對比d 乜乜馳名既豬扒包好味10倍皮鬆肉軟~~必食之選!!!

wow, 看相真的想不到是這麼大份的我真的感到好意外有點想一睹大份的風采但是至少要排隊半小時才可以入座我認為來這里是好玩多於好食大大份好得意好充料好抵食但絕對談不上美味没有興趣排隊千萬不要來

今日11點幾去到,已經見到有一條龍,大約10個人,入到餐廳見到d裝修keep 住80年代既風味!一條通道二邊卡位,牆上面有幅大璧畫,好懷舊,依家好少呢d餐廳,2個人叫咗火腿小奄列,牛肉通粉,阿華田奶昔火腿小奄列>>份量多,不過就加咗豉油有d咸!餐包就無牛油,但麵包都鬆軟!多蛋&火腿牛肉通粉>>通粉ok,唔會太淋,但牛肉就硬,同味道有d 咸!阿華田奶昔>>好味,好特別!若困可以減番d甜味會更好味!!

我同大少都係蛋痴, 知道呢度有巨大化奄列都想試好耐, 6點鐘左右過到黎當食晚飯, 超多人!叫左火腿小奄列, 喱腩撈意粉, 雲吞河, COT同埋阿華田奶昔。個火腿小奄列一拎埋黎我已經皺晒眉頭, 我唔知點解佢要落豉油, 搞到份奄列好咸。又唔係煎太陽蛋, 我未見過有人整奄列係落豉油架喎!!! 蛋味俾豉油味完全蓋過晒, 我寧願自己沈少少鹽落d蛋度, 都總好過而家只係食到怪味! 至於d蛋都算唔錯, 唔會好乾, 但係食食下又發現, 呢份根本唔可以算係奄列, 因為佢係蛋還蛋, 火腿還火腿! 即係有3-4塊蛋皮, 每層中間又夾d火腿, 佢地只係一層蓋過一層, 根本唔係用蛋包實d火腿, 係咪趕收工所以求求其其煎出黎? 隨奄列附上既餐包, 同隔夜貨冇咩分別, 凍冰冰好難食。 今次真係希望越大, 失望越大~大少話佢個喱腩撈意粉幾好食, 個汁好香, 牛腩又淋又入味。鮮蝦雲吞河都唔錯, d蝦好爽, 只可惜俾份奄列頂住個胃, 食唔晒。茶味香濃既COT個人覺得杯阿華田奶昔貴左少少, 又未至於好飲到驚為天人, 只係平日唔會咁樣飲華田。

難得去到荃灣 即刻search 下呢頭有咩好野食見到呢間有咁多好評 點都要黎試下!11 點到 過左breakfast 但係又未到lunch人未算好多 一去到就有位～見到個menu 花多眼亂 樣樣都想食XD 得2個人諗住唯有order 個細嘅點知一黎就發覺原來都係有返咁上下份量個買相好吸引! 味道相當好D 蛋同火腿都好足料 加埋D美極真係好正! D通粉仲係用緊冇坑紋果種＝）叉燒肥瘦適中 加埋D蔥好香 好立克奶昔一點不比食評推介既阿華田奶昔遜色!好立克味好夠！ 濃到好似食好立克糖咁！D 冰一 D 都冇整淡杯野既味! 冇咩突別 味道較淡咁多加埋用左$ 79好抵食!！

今次去嘉樂叫左雞翼牛腩米線,茄蛋治.先講茄蛋治,真係好大舊.由於太大舊,食到勁核突.食完整舊已經飽到...雞翼牛腩米線,雞翼牛腩都沒乜問題.味好濃,但係米線出左事.硬既叫左阿姐再煮一煮佢.點知都係咁...雪得耐,搞到咁.唯一敗筆.

今日返晏所以去食完先返工.去到大約十一點半, 入到去仲有4-5個空位, 今次應該係第4/5次黎, 上幾次都試小奄列, 今次試旦牛治 ($20).都等左差唔多十分鐘, 都幾大份, 旦果邊個包熱，另一面凍, 可能因為有塊生菜, 凍冰冰, 令到塊包好凍.我差唔多食哂個旦牛治杯飲品都未黎, 我隔離d客人飲品都未黎, 我地個個都有d鼓譟十幾份鐘後熱谷古 ($13) 到, 即係dark chocolate, 都ok, 不過好似好甜咁, 我冇落sugar, 不過而家個口都好確.下次要試下curry 牛腩先

話說女朋友係荃灣大, 細細個經已知有嘉樂呢間嘢,但又唔豬典解, 一路都冇試過~有一日, 兩傻(媽媽+我)又係前灣行下HEA下~媽媽突然話想試嘉樂, 話細佬試過讚好~就係拱, 兩傻就去咗嘉樂排排排喇~呢度永遠都有條人龍係門口,我記得我講過要拱排法我先唔會食~但係....幾叫你媽媽想試咩~哈哈~不過呢度其實啲人快嚟快去,我地等咗三個字就有位喇~噢, 巨人蛋治限時供應的~大家要留意喇~今次我叫咗阿華田奶昔~唔豬呢個嘢飲係咪佢發明, 但好有創意+好飲~媽媽試飲凍檸茶~佢話呢度既茶係佢試過荃灣茶記入面最正既一間~個茶好香好濃, 一流~牛腩雞翼撈麵---牛腩要咬下但都好味, 雞翼味道好但肉鞋咗啲, 撈麵冇乜梘水味~GOOD~炸鮮蝦/菜肉雲吞---雖然比較多油, 但兩款都好味~點埋豆辦醬更正~埋單$93~唔貴~由其一杯靚茶真係可遇不可求的~加上兩位亞姐超級好招呼~相信呢到會係我同媽媽會返兜再返兜既地方~更多=在我家~

「嘉樂」這個名字，相信區內市民不會陌生。說了幾年，仍找不到一個合適機會去試：不是假日人龍不絕就是平日放工趕唔切。直到沒有上班的日子，二人下午來到不用等位。看了一輪餐牌，本已鎖定目標：小奄列（改蛋白），雞翼，華田奶昔。但落單阿姐堅決奄列不可改全蛋白，除非吃蛋牛治加$4 就可以。好吧，又試試～等了15分鐘終於有得吃了～這份蛋牛治真的厚得過份！連麵包，牛肉及生菜足足超過4" ！蛋白其實並非全蛋白，包含一隻蛋黃左右以保留其蛋黃香。拿上手一刻絕對可以用狼狽來形容，無論先咬那邊餡料都會跌出，哈哈。 蛋白煎至７成熟，清香嫩滑，底層的牛肉亦切得大塊，不會過韌，最抵讚是還有數塊生菜絲襯托，平均一下膩感，感覺更健康！豉油王雞翼：$27/6 只. 不算便宜，但既然是名物當然要一吃。雞肉似乎熟了一丁點，不夠嫩滑，朋友說可能中午的一轉會浸得好一點，不過味道是不錯的。最後不忘飲品：阿華田沙冰：已吩咐不要加糖，阿姐嘮叨地說：無加架！　但一喝就覺得甜度頗高，奶昔如沙冰一樣，打得幼滑，天時暑熱大大口啜下去真透心涼～