嘉樂冰廳 (新村街)

营业中

休息中

在附近睇完醫生差不多12點, 今天下著勁大雨, 在附近找地方食lunch, 選了嘉樂冰廳, 平時應該好多人要排隊的, 今天就不用。幾傳統的冰廳, 餐牌有窩蛋鮮奶, 好新奇! 咖喱牛腩米$27近來吃好多河粉, 有感河粉索水很快, 所以轉叫米, 但原來米粉的索水能力也不弱咖喱很香, 不辣, 作為湯米的湯汁蠻好吃的, 可惜的是, 牛腩很硬如石頭, 看見也不想咬, 而薯仔只得一塊。 淨鮮蝦雲吞$27鮮蝦雲吞裡的蝦新鮮彈牙, 有好多隻十分之抵! 火腿小奄列$29據聞用7隻蛋做成的, 火腿略咸, 蛋略淡, 一起吃的話味道剛好, 但蛋已全熟, 奄列我prefer有點半生熟的狀態, 所以不太欣賞這個奄列。其實兩個人吃三樣東西是吃不完的, 七隻蛋太多了! 嘉樂冰廳的食物大件夾抵食, 且阿姐會說說笑笑, 街坊味人情味十足, 如果是住附近的, 也樂於幫襯啊! 至於專程慕名而去的, 我覺得可以不用去了!

响荃灣打躉咗5年，只幫襯過一次，因為每次經過都大排長龍，lunch時段分分鐘要等20分鐘或以上。今次可以試到係因為老公早收工去攞位，但平日夜晚呢度七點閘門，所以我放6點都要一支箭標去，仲要快食(驚比人趕走)，但其實呢度d人好nice，差唔多七點都無趕人走，無唔收客，亦無黑面，咁下次我都可以食得輕鬆d火腿小奄列$30～真係一d都唔少，以女仔食量計食晒一碟已經好飽，蛋因為無加牛奶關係，所以會比較鞋，同埋煎得耐咗，所以今次口感麻麻，但仍有好香蛋味炸雲吞$34～大約有7粒，炸得好香脆可口，裡面有好多蝦肉，熱辣辣食到停唔到口豉油王雞翼$34～一碟有6隻，每隻都肥嘟嘟熱辣辣，一啖咬落去覺得好豐富好實在，豉油味又帶點花椒八角味，入味非常，我非常推介熱阿華田奶茶$19～不試也罷，阿華田只得嗅覺嚮受，飲落口只有奶茶味，但當然傳統冰室茶味香濃，只當作奶茶看待也是不錯選擇二人共消費: $117

住係荃灣多年，一直都想試下這間嘉樂冰廳。今日剛好到附近買野，諗住唔係太趕時間，便排隊試下呢間餐廳吧。等咗大約40分鐘終於到我，我點咗阿華田奶昔同火腿小奄列。等了十五分鐘都未到，問下個待應，佢求其向我話未出呀，鬼唔知咩未有咩，問你只係想你幫我跟下。五分鐘後終於阿華田奶昔，其實似沙冰多啲，不過幾好飲的！可惜，再過十分鐘我問同一個待應，話真係等咗好耐，可唔可以再CHECK下，佢已經黑面同埋講番之前一樣的說話。之後收錢的女士問我叫咗咩，我話奄列，已經等咗30分鐘了。佢望下出食物的位置，給我一個經典的回覆：“嗯，係喎，無見到有奄列出喎，應該未整。”之後佢繼續收銀，不過大聲同我講“有幫你落單架！”最後我飲咗1／3杯奶昔，放棄再等份奄列去埋單。同收銀女士講聲取消份奄列，佢一丁點唔好意思都無，仲問我做咩唔飲埋杯奶昔。真係好無奈，又憤怒又肚餓，點飲得落成杯冰。成件事只有一肚氣，呢間食店真係要改善下。食物質素有幾好都無用，服務態度差成咁，點會想再幫光顧。

成日見人地po大大個奄列今次仲唔列我食去到已經係下午2點幾依然好多人排隊因為入邊座位好少搭檯是一定架啦，除非你4個人可以坐一張卡位3點鐘終於入到去叫佐一碗牛腩麵牛腩好淋同好足料好好味 由於我地唔太想依奄列，所以叫佐個蛋牛治烘底一嚟到，見到已經好飽牛肉幾嫩，因為蛋太厚的關係整體味道較淡自己不太推薦呢個 呢個炸雲吞係超好味我地叫佐雙拼有鮮蝦餛吞同菜肉餛吞自己就比較中意食菜肉雲吞，因為好重韭菜味即叫即炸，超熱超脆而家想起都想再食😋😋野飲方面：我叫佐阿華田奶昔好味，但太大杯，飲唔哂提提大家，千其唔好嗌紅豆冰好伏，好難飲整體野食嚟講係好味嘅而且好抵食又足料但環境就真係差啲位置好逼食得唔太舒服食完就急急腳走了

怎麼也沒想過一家位處露天街市街的冰廳會讓我倆打破有生以來的紀錄！以我的理解冰廳/冰室是茶餐廳的前身，賣的是滲著西方風格的奶茶、咖啡、雞批等，形成獨特的港式口味，算是早期的 Fushion 吧！我對茶餐廳沒有特別的喜惡，不過好奇源自每次經過門口那條長長兼密密守候的人龍！那主角正是「嘉樂冰廳」。乘著到荃灣行山的機會，大概早上九時抵達「嘉樂冰廳」，我倆可暢快地直闖而入，左邊還有兩列卡座任擇。原來左邊卡座要承受風口的強風，怪不得右邊卡座全滿了，這個是熟客的小貼士，要緊記心中！兩名傻人左盼右顧竟找不著茶餐廳的早餐A、B、C、D，而右邊的熟客也不似在嚐早餐，我倆望著餐牌有點迷惘！原來「嘉樂冰廳」是沒有早餐的，其後從食友得知星期日更不做其特厚的蛋治，小貼士又來了！晨早流流沒有要上紅豆涼粉冰的特色飲品，伴著我的還是較為穩妥的老朋友熱檸檬水！用上水杯，容量較多，檸檬片也不少，正合我這個水袋及檸檬王！老公要的小甜凍檸檬茶，杯上特別套有橡皮圈作識別，比其他茶餐廳認真！沒早餐A、B、C、D 的情況下，老公選擇了午餐肉蛋公仔麵，看似平平無奇呢！不過午餐肉頗厚，一面煎得香脆。原來內附三大片的午餐肉，我們已很久沒嚐

話時話，又有幾年沒到訪荃灣的嘉樂冰廳。冇計啦，餐餐都大排長龍，令人卻步。我唔會排半粒鐘去食茶記囉。氣溫下降至個位數字，加上非繁忙時間，人客變得相對少。筆者一個人，很幸運地，一秒都唔使等，便找到位置，似乎開始行運。吃什麼，大概己心中有數，只循例瞄一瞄個餐牌，便可以落單。落柯打後，慢慢的等，四周看看人生百態。有熟客跟老闆娘吹水，講生活慘況；有人呻緊工作有幾辛苦、工時長，老婆唔肯同佢生，話生左無人照顧；有個阿伯帶個幾歲小朋友食嘢，但嗰個唔係佢既孫，而係佢個仔。總之一切皆是十分畸型。香港地，原來不知不覺間，變得悲慘。飲品率先送到，我的熱奶茶，感覺就是偏薄身，不是我杯茶。若天氣不是那麼寒，我大概會要杯凍飲。但，大氣不似預期，已是常識了吧！蛋牛治制作依舊需時頗長，先來的，是炸雲吞。一碟十粒，即叫即炸，肯定香脆熱辣，蝦肉都爽，沾上酸酸甜甜的汁醬，醒胃。要挑剔的是，稍為油膩。待我完成十粒的雲吞，鮮牛肉蛋治亦奉上，時間岩岩好。雞蛋依舊的大得誇張，鄰檯的客人笑說手工粗糙，三文治凸起晒。烘底的麵包咬落微脆，鮮牛嫩口，蛋是多，卻有欠蛋香，總之跟全盛時期的出品，是有點距離。筆者聽見人人走時，也會說句：「飽到好頂

呢間出名食大大份蛋我知～但估唔到牛治都係咁大份！牛肉係用鮮牛肉整既！ 唔似平時食個d三文治！鮮牛個味係濃d, 牛個種so味濃d~烘多士唔駛加$，抵左！夾埋大大份蛋食，好飽！蛋就味道一般啦，咪就係蛋囉不過佢咁足料，又係幾好食既！如果唔駛排隊就仲正喇！順便一提，咖啡好好飲，香濃細滑！必定要試下

同朋友咁岩黎左荃灣，佢地推介一定要食呢間嘉樂冰廳！佢地話食一次都要排半個鐘以上😱😱勁誇張橫店今日有時間，就一於試下啦！去到門口真係不出所料，已經有一條龍排到隔離個燒味鋪😵😵不過我地都預左要等，排左大約20分鐘終於入得！其實鋪頭入面唔算大，得8張枱左右，真係坐蛋兩個都無位個隻💦💦😅好啦！開始點野食！我地黎之前一早已經做好research睇定要食咩💪🏻 所以我地都嗌左幾樣必食既招牌食物！ 第一樣要嗌緊當然係炸雲吞啦！佢有兩款雲吞：鮮蝦同菜肉！我地兩款都想試，所以就嗌晒兩款 哈哈！😂😂呢個炸雲吞炸得岩岩好！完全唔會太脆或太林，新鮮炸起熱辣辣！正👍🏻👍🏻👍🏻👍🏻呢兩杯奶昔又係必點之選！好評如潮💪🏻💪🏻💪🏻好立克奶味好濃郁，不過略甜；而阿華田就岩岩好，如果鐘意飲朱古力既朋友一定要試下！包你話正😏 兩杯奶昔都好有口感，好似食緊沙冰咁😜😜😝夏天既時候飲一定仲好味😆聽聞呢個傳說中既奄列用左7隻蛋再加忌廉打成，既香滑又有蛋味！老闆果然一d都唔吝嗇😏😏😏食落又真係好多蛋汁同好滑$33 6隻雞翼⋯朋友勁鐘意食雞翼，一黎就話要食呢個😅😅即管試下！第一啖咬落去覺得有少少鹹，仲覺得好似公仔面個湯粉d味😂希望係我既

身為一個愛食蛋之人,當然要走遍各地,食盡所有蛋一早就知道荃灣的嘉樂冰室出名食蛋治,在一次偶然既機會下黎到荃灣,點都一定要試下下午茶時間黎到,人龍已經好長等左大半個鐘終於有位啦!!不過等到位又點咼,叫極都冇人落單,人手極度不足火腿小奄列一份小奄列居然有咁大既份量,如果叫大既點算?入面好多火腿,仲有兩塊包蛋未算好嫩滑,有點過熟,加上佢落左少少美極美極真係美極架,加係邊度,個樣野就一定好味所以覺得奄列好味,美極佔了大部分至於雞蛋本身,就是普通到不得了勝在份量大,價錢不貴蛋牛治又是厚厚的蛋,食完小奄列,基本上我同朋友都快投降了已經漏到不得了,但既然一場黎到點都要試埋佢個蛋治今次隻蛋就冇過熟,比小奄列好但份量太多,我地真係食唔哂啦

今日去開荃灣做野, 突然想起一間門外總有一條人龍的舊式冰室。「嘉樂冰廳」藏身於街市內, 一點也不起眼。平日的四點不用排隊可以直入冰廳。環境氣氛都充滿六、七十年代的冰室原原始風味。餐牌選擇多, 但沒有套餐供應。鮮牛肉蛋三文治($27, 烘底+$2) 蛋的份量多得驚人! 蛋摺得整齊又有層次感, 非常有震撼。下層放了新鮮牛肉, 但是蛋的光芒蓋過牛肉。三文治材料豐富, 但拿在手中沒有散開的情況, 三文治壓得剛剛好。新鮮牛肉有沙嘜味, 肉質比較韌, 不容易咬開。一個人食這個巨無霸真是有些壓力, 食半件味道不錯, 食多半件覺得乏味。最好兩個人分享, 另加款小食。因為見不少客人點炸雞翼及炸雲吞, 賣相看起來都不錯。

巨型蛋牛治 hkd18蛋牛治非常足料，炒蛋非常非常厚非常重身，可惜老了一點，嫩滑少少會更好，配上罐頭鹹牛肉，不過吸了太多油而變得有點過軟和濕，不過又平又抵食💁

 咸牛肉蛋三文治 $27 (烘底+2)星期一下午茶梗係食啲好野啦由西貢黎到荃灣食呢個蛋牛治聽朋友話要排一個鐘 已經有啲驚點知自己排隊排左15分鐘 以為自己好幸運點知入到去坐低 到到個三文治送到黎 要45分鐘世界級份量嘅蛋牛治真係不枉等左1個鐘先有得食啊好清楚可以睇到蛋黃同蛋白分明而且仲食得出好香嘅蛋味 同埋豉油味咸牛肉方面 剁得好碎同埋好夠味兩者配埋烘得好香嘅多士一齊食 真係幸福死肯肯定會再番兜嘅一間茶記

早兩個月同老婆喺荃灣楊屋道街市買餸之前， 見有啲肚餓諗住歎返個下午茶， 咁啱行過竟然神積唔駛排隊， 就入去坐低食嘢！ 點知嘢食都未叫老闆娘送一肚氣比我食咗先!事發經過是咁的: 諗住落單咁就見到得老闆娘同一個女侍應， 但係個女侍應已經做到無停手， 老闆娘就係我前面張檯同熟客傾緊計， 咁就唯有要麻煩老闆娘幫手落單， 點知高高在上嘅老闆娘回我喺任何餐廳都無可能聽到嘅一句說話................如果老闆娘妳叫我等等或者唔啋我， 我都覺得正常， 但係老闆娘妳竟然回我無懈可擊嘅一句: 唔好阻住我啦！我無聽錯你哋都無睇錯.....真係<唔好阻住我啦!> 老闆娘講完一句<唔好阻住我啦!>之後， 我唔敢再打擾佢同熟客傾計， 唯有自己行過去揾個女侍應幫手落單。講返食物質素先， 個餐蛋冶其實真係得個大字， 雞蛋過熟無蛋汁可以用個<老>字來形容， 但係個凍檸茶真心講好耐未飲過一杯咁有茶味嘅凍檸茶， 係杯一百分滿分嘅凍檸茶!但係老闆娘態度傲慢! 不可一世！我知我唔係熟客， 都唔係勞煩老闆娘妳落單， 都要比妳鬧我阻住呱？咁不如掛個牌 <本冰廳只招

去城門水塘之前來了荃灣的嘉樂冰廳吃個豐盛的早餐。雖然我很少來荃灣，但是每次進過這家店都大排長龍！建議大家早上11點半前來，不用等位！我們10點半到等了5分鐘便能入座(≧∀≦)點了人氣的鹹牛蛋治，要等大約20分鐘。這蛋治的過人之處大概在中間夾的超級超級厚的蛋，我覺得大概用了5，6只蛋才煎得出那麼厚吧（´∀'）ｂ蛋很滑很香，配上柔軟的面包和鹹牛，感覺這早餐是吃得很美滿哈哈！很好吃難怪那麽多好評！！另外我們點了牛筋腩河粉，牛筋腩燜得很淋很入味！贊贊贊！這是豉油王雞翼。我覺得這雞翼太鹹太鹹了，雞肉雖然滑但是我吃了一個就放棄了。不推薦！

星期一下午茶時段幫襯 依然有條小小的人龍等候。 埋位即叫拿手鹵水雞翼， 炸豬扒， 鮮牛小奄列， 火腿通及雪糕咖啡。 先講雞翼， 入口雞肉滑溜溜，鹵水入味 ， 其實不用點配醬都已好好味。 再黎炸豬扒十分鬆脆， 口感一流， 配小小蕃茄醬更滋味。 接著鮮牛小奄列， 其體形大小已十分誇張， 配以鮮牛的蛋汁及蛋， 令胃口大開， 而且所有食物熱辣辣上碟， 新鮮。 火腿通一如所料 大碗加火腿落足料， 份量十足。最後飲品是雪糕咖啡， 咖啡粉味香濃 與溫尼那雪糕十分配合， 又不會太甜。總括而言， 好味， 推介。 但由於製作需時，客人需耐心一點等候 ，但美食當前， 等待一下也是值得