嘉樂冰廳 (新村街)

营业中

休息中

今日係荃灣見完客，又係Lunch time , 更要試下本區野啦，行左兩條街，見到有間冰室門口有人排隊，上上開飯睇，有蛋食叫左三樣野，蛋牛治，咖哩牛腩撈意，雞翼。先講下蛋牛治，隻蛋有啲過分，大份到有啲無禮貌嘅感覺，雖然唔係流心蛋，但都唔係實的的，好滿足到一班蛋怪（好似我咁），牛肉味唔太驚喜，但總括黎講，食得好開心！跟手咖哩牛腩撈意粉，咖哩同牛腩味道其實唔錯，係當撈左落意粉之後有小小唔襯，覺得如果係油麵口感可能會好啲（純個人口味）。鹵水雞翼，我會比好高分，好入味，絕對唔係得個表面鹵過下就上枱，可能有人會覺得個鹵水太甜，但我覺得剛剛好。嘉樂，我下次會再排隊

今日放假黎嘉樂冰廳試下佢出名既蛋牛治同奄列首先講下味道先！堅冇乜特別的！蛋份量多啲 厚啲囉....普通料！勝在份量多！ 出名巨大蛋治...但係沒有食完要反兜既感覺...仲要我真係覺得好貴...29蚊呀！--仲有呢...佢地...1. 餐牌價錢錯的...2. 餐牌食物又係錯的...（應該update下😂）另外叫左佢既奄列係hea到冇朋友...散既！勁多蛋同埋有厚切火腿...但係唔似奄列...　蛋不滑...同埋有點咸..今日排隊排左20分鐘左右...真的冇下次！謝謝！-..

落雨天.. 同男朋友行街行到肚餓，估吾到佢會話想去嘉樂食😳上次排隊佢都已經咿咿哦哦🙈仲諗住佢吾會再去（因為佢係一個好懶排隊既人😂）上次試過牛肉通，雞翼同小奄列.. 除左雞翼（覺得雞翼吾太入味）整體都吾錯😋今次可能5點幾加落雨既關係，完全吾洗排隊👍🏻

點了菜肉雲吞雞翼米線加奶茶作午餐。菜肉雲吞皮薄肉很香，但太少菜非我所喜愛那種。豉油雞，好好味，不太咸或甜，雞翼全熟但很滑。米線的湯底無特別，勝在多葱，米線很爽。奶茶，奶太多，合喜歡淡味奶茶的人仕。

在茶記吃個三文治，吃出個低調中的奢華。鮮牛蛋治，叫價29大元，心裏满有期望。等了好一陣子，上菜囉。平時在家中常會煎蛋，見這厚厚的煎蛋，心知非等閒之輩可泡製出來。加上絕不欺埸的鮮牛肉，感覺非常之奢華。如果你不是大胃王，建議你最好找個伴，分享此道美味。

食左炸雲吞，咸牛蛋三文治同埋豉油皇雞翼，樂正，夠懷舊，雲吞個味道真係好好，炸完之後脆卜卜，聽到食嗰下嘅聲好清脆，咸牛肉蛋三文治嗰隻蛋真係夠晒大，一份都有排食，啱晒大胃王嘅口味，豉油皇雞翼，好嘅係本身唔需要點醬都好夠味，食落去唔會鹹，點醬後味道都好好

想食小食我最中意黎嘉樂冰廳，呢間唧囱水鷄翼每一個都好飽滿，香濃囱水熬至而成，光睇賣相己經令人好有食慾，每一啖口感肥美香嫩，鬆軟入味，入口即化鷄翼味濃十足非常美味！！

黎嘉樂冰廳我每次都會揀呢道炸雲吞，新鮮雲吞攞去油鍋炸至金黄色，熱辣辣外皮特別香脆，里面啲餡料嫩滑多汁，肉味濃郁料十足，虽然係油炸一啲唔覺得油腻，反而多左一種特別香脆可口的口感！

與男友中午時間抵達，排隊要等候大半小時，入坐後，發現店內保留了傳統冰室的設計，全是4人卡位，坐位較窄，2人坐亦有少許擠迫，加上排隊人流，無可避免要與別人共坐今次點了幾樣食品👇🏻鹹牛肉蛋治：蛋既份量比一般蛋治多，有香滑蛋汁，鹹牛肉不會太鹹👍🏻 （原本想試鮮牛肉蛋治，但已售罄，唯有等待下次🤔）炸雲吞：雲吞皮十分薄，炸到十分香脆，中間包住蝦同豬肉，十分鮮美，再配上泰式雞醬，感覺唔會好肥膩👍🏻豉油王雞翼：雞翼十分入味，咬落有雞油滲出，雞肉十分嫩滑，配上泰式雞醬，味道不錯👍🏻阿華田奶昔：坊間較少見，阿華田味濃郁，頂層有少少沙冰，必點👍🏻

今日与同事黎左間嘉樂冰廳，因為我哋只想搵個地方坐落黎聊天，點左幾個小食，其中我最中意炸云吞，外表炸至金黄色，咬一啖熱辣辣好松脆，里面啲虾同肉特別鮮甜弹牙，馅料好足又新鮮，再點甜辣醬汁一起食更加好味！

隨着時代的轉變，又有幾多間舊式店舖仍屹立不倒？現在香港大部分的冰室都提升到售賣多元化的食物，中西合璧，務求滿足不同要求的客人。嘉樂冰廳除了有一群忠實街坊食客外，也吸引不少慕名以來的遊客來品嘗。每次經過，見到的都是很長的人龍。終於這天有空去吃個早餐，其實冰廳不是很大，搭檯就少不免。和朋友各叫了一個鮮蝦雲吞湯麵，再叫一個火腿奄列互相分享。幸好，因為吃的途中才得知奄列是由七隻雞蛋而煮成。為免吃不完浪費和健康着想，大家可以選擇和家人朋友share來吃比想像中意外，雲吞麵的鹼水味不重，加上多粒新鮮的雲吞，這個早餐真的吃得很飽最後再飲一杯熱咖啡，整天都能量十足啊！看看左右附近的老街坊親切地問好聊天，我們在享受地道美食的同時，又可以感受一下人情味

是日屬於短週嘅星期六，係時候又出黎搵野食喇。今次專程帶媽媽入黎荃灣食野，成日聽朋友講荃灣好多又平又好食嘅野。嘉樂聽好多人介紹過，所以都幾期待。但係又好似話要排好耐。。。本來都預左有排排，但我地又幾好彩，條龍唔算長，喺門口等左大約15分鐘就入得。入到黎，基本上大家都要搭枱。都冇所謂啦。呢度主打超厚蛋牛治，又點可以錯過呢?本來想叫鮮牛蛋治，但侍應姐姐已經即刻話冇哂鮮牛肉，得鹹牛肉。。。有少少失望啦。不過都試下啦!同埋可能真係太多人叫，嗌嘅時候佢仲話要等10分鐘，睇得出真係幾受歡迎。另外仲叫左個豉油王雞翼，好入味呀! 佢有隻類似甜酸醬可以點，但我地都覺得原汁原味仲好食!等左一陣，黎到喇。。。果然名不虛傳!!見到都幾驚喜。。。雖然一早知道佢係超厚，但都覺得好得意呀!蛋香好濃，牛肉又足，加上烘過嘅麵包，更加係特別好食! 鍾意食蛋嘅我食到停唔到呀!!食完野梗係要飲番杯野啦。。。叫左呢度嘅另一招牌野 - 阿華田奶昔。飲左第一啖，我發覺與其叫佢奶昔，不如叫佢沙冰。感覺仲貼切!又夠凍，冰粒又起哂沙，透心涼呀! 真係消暑最佳飲品呀!!媽媽就叫左杯滾水蛋，我望落覺得幾好飲，但問番媽媽意見，佢就覺得淡味左啲，

嘉樂係一間好地道既港式茶餐廳，店內只有數十個位每次黎都係會排長龍的一間小店...因為大家都係比佢地著名的奄列吸引住,所以就算多人都會排隊試下.今次我都算好彩, 排左15分鍾左右就可以入去請不要想這間港式小店有什麼好既服務態度！每次我都必食火腿奄列，已經唔係叫大份，但份量都大得驚人！一個小奄列都可以3個人SHARE！奄列煎得岩岩好，唔會過份熟，火腿份量多！一食落去除左覺得個但好滑外，仲食到美極既味道，絕配^^炸雲吞外皮炸得好脆，裡面仲包滿蝦！沾埋個泰式辣醬，成件事更好！豉油王雞翼雞肉好滑，但我略嫌未夠入味！ 

終於食到 開心 但飲唔到阿華田奶昔 傷心想黎呢度好多好多年了，今日去玩前，終於山長水遠黎到，成功朝聖，感覺真開心呢。火腿小奄列30份量果然不少，兩小口子平日不吃早餐，今天早上二人開心share已經好夠了。奄列煎得也不錯喔，煮得沒有老，而火腿是火腿扒切成的粗條狀，並不是平常茶餐廳吃到的片塊，口感增加，但還是喜歡吃一片片的。雞蛋煎得未見滑旦汁，但質地是剛好，旦皮部分好好吃，原來是創意的加上了一些瑞士汁，有了一份甜美，沾著吃也ok呀，但我們還是更喜歡有香溜旦汁的味道，愛嚐火腿奄列的小妹，自家煮的更正斗，wahaha 自high mode 但也的確是事實，嘻嘻嘻！凍奶茶19好傷心呀，一心想來試名物，阿華田奶昔，怎知沒得喝，話說是太早，十一點多都沒有得叫，店員說有排都未有wor。。。太失望了。。。但亦只好面對現實，奶茶吧! 茶味足，好冰凍，順滑潤喉也ok，但大半杯冰，一下子就沒有了。因為是有名餐廳，一場來到，大家也不要太介意要答枱吧！！下次會去試一下旦牛治，件頭也是好巨型抵食的，最重要是：希望飲到奶昔啦。。。。不過，下次下次，又不知會是何年何月了，嗚嗚嗚嗚嗚…特別鳴謝：老公咁遠都陪我攀山涉水黎朝

其實小仙女之前與男朋友由沙田特地到荃灣想一嘗冰廳，但每次都失望而回，有一次是因為星期五例假，故此下一次我們星期四來，又發現餐廳門外貼了東主有喜，不知道是不是太好彩在街市旁邊的這間嘉樂冰廳細細的，門口擺放著不同的調味料和飲品沖調粉內裡亦是十分細小，只能容納40人左右，怪不得經常要排隊，但我們這次是大約兩點零到，所以碰巧不用排隊便可以內進點了兩個火腿小奄列、一個蛋牛治、一杯檸樂火腿小奄列 $30火腿小奄列一點也不少，聽說是用了10隻蛋而成的，蛋滑滑的，吃到最尾吃得出奄列是好像加了一些醬油去煎成的，有以前鼓油煎蛋的味道，而且還有牛油方包附送。蛋牛治 $29 +2牛肉好入味，但同時亦好濟，方包烘底加2蚊檸樂 $19可樂充滿活力，迫使飲管升了出來