嘉樂冰廳 (新村街)

营业中

休息中

今日一個人去楼下揾野食，再次黎到嘉樂冰廳，今次點左個卤水鸡翅同埋炸云吞，鸡翅嫩滑多汁煮的好霖好入味，炸云吞炸的好脆，外脆裡嫩味道啱啱好，再加上一杯冰冻奶茶非常之好！

香港有一間冰室真係令我翻桌，翻桌，再翻桌！嘉樂永遠係我的最愛雖然次次食都要等，但係值架！嘉樂既野，基本上樣樣都好有份量，胃細啲都食唔落啊！仲要樣樣都真係好食，次次都好難選擇食乜，因為樣樣都想食！嘉樂既奄列真係世界級！我唔係好識煮野食，睇唔到呢份細奄列有幾多隻蛋，不過我諗最少都有五六隻每次食嘉樂都會食奄列，首先重量級，食完好滿足，而且火腿份量剛好，蛋都好香好厚，啖啖都係蛋既感覺真係一試難忘不過，加價都加得幾多，以前食廿幾蚊，依家已經要$30了炸雲吞一樣值得推介好多時係出面食既炸雲吞薄到同紙一樣，仲要無料到！呢度既鮮蝦雲吞食到入面真係有蝦既！炸得脆又唔重"揀"水味，ok架！食粉麵一定要食豬扒同雞翼，好似食肉獸甘食勁多肉，哈哈！豬扒好厚又juicy，勁大塊，好好味！雞翼三隻，yumyum!! 今次飲紅豆涼粉冰，反而麻麻，唔夠奶，太多水

連續兩星期到處找美食，發覺全部名過其實，如果要我來評分，我一定不會打這麼高的分數。今天打算到荃灣郵局，於是選了其中一間很想吃的食肆---嘉樂餐廳。它的招牌有厚蛋牛治，大雞蛋奄列，炸雲吞和雪糕奶昔。午飯時間到達，要排隊，不過很快。餐廳裏地方不大全是卡位，今天不敢試太多，只點了蛋牛治。 三文治等了好一會才來，上碟的時候沒有平常食評相片裏的山形形態，但都是厚的。蛋是熱的而且有咸味，所以我認為是合格的。這麼大大的一份，當午餐很飽肚，可以說是有濟的感覺。其實味道就沒什麼特別，跟一般茶餐廳吃到的蛋牛治一樣，就是厚了一點而已，而且內點圖文不符，餐牌上蛋的兩邊都是有牛肉碎的，但實物就只有一邊牛肉。不過尚算足料，27元我還是願意付我應該還會來光顧多一次吧，試試它出名的奶昔

好開心，無食勁耐！今日終於食返！Thxthx 友人排定隊, weekend 要排成個半鐘！🙇🏻🙇🏻由細食到大，而家越來越多人排隊，但真係勁好食，超脆超鮮味嘅炸云呑，香濃牛腩滑滑雞翼河，仲有教我如何一口食咬落去而不失霸氣嘅蛋牛治烘底，樣樣都係我favorite!! 個蛋牛治上到枱仲係好香脆，蛋濃，牛又香！人間極品！

第一次食，一開始等位唔派飛，亦無職員維持秩序，已經有點亂。 我地一行5人，等到我地既時候話2個入左先，之後再有台入埋三個，但變左5個人分開兩邊食，亦無職員諗過幫我地換返一齊坐，呢樣都其次。 原本茶餐廳係諗住食茶餐，但原來得散叫，咁就叫左個豬排米線，雞翼烏冬，豉油王雞翼同芝腿三文治。烏冬既雞翼同豉油王既明顯有分別，無咁入味。而豬排米線既豬排夠厚 都唔錯，米線無特別，但食食下豬排米線，有粒黑色野，睇真係有腳既昆蟲，都明白係得出面食，唔方乾淨得去邊，整走左就繼續食，點知又搵多隻，同上地整走左再食，點知前後總其搵到四隻，隻隻有腳，唔係鑊屎，最後真係食唔落，覺得唔乾淨到一個點。自問唔係個有潔癖，小小野嫌污租既人，但係同一碗野，發現有四隻蚊滋昆蟲加埋一開頭排隊同座位既安排，真係唔會有下次。

嘉樂冰廳一直都好想試下,早2日放學同同學做PROJECT,順便黎試下黎到下午茶都幾多人下,好在有位姐黎到一定要食最出名果個咸牛肉蛋治,個炒蛋真係好大份好大舊,影相效果一流個包烘得好脆,所以真係幾好食阿華田奶昔真係名不虛傳,有淡淡既朱古力香味,奶昔唔太甜,入口幾易野食幾好味,價錢又平,好抵食

香港發展步伐急速，舊事舊物彷彿像會阻住地球轉一樣，總被人千方百計鏟除而後快，即使是傳統的冰室，也不例外，能夠屹立不倒，在時間洪流中仍能站穩陣腳的，總有它們的本事。就好像這間自己只在多年前幫襯過，一嚐它的馳名巨型「火腿小奄列」的「嘉樂冰廳」，一別經年，當自己這天趁著公眾假期，再次往訪的時候，只見店外排著長長的人龍，盛況一點不減當年，便知道這舊式冰室確有它的吸引力和獨到的地方。經過差不多半小時的等候，兩夫妻終於可以入內用餐。兩人不約而同叫來店中有名的「阿華田奶昔」（$27）做飲品。這甜美冰凍的特飲正好為在冰室門外久候了將近半小時的我倆補給正能量。一客十隻的「酥炸鴛鴦雲吞」（$34）其實是炸鮮蝦雲吞與炸菜肉雲吞雙拼，兩者都炸得十分香脆，雖然可以蘸上附送的酸甜醬汁吃，但即使不蘸醬汁，都已夠味了。「西多士」（$19）緊接送上。雖然這「西多士」水準不算十分突出，口感和味道不算非常出色，但香甜的「西多士」仍能讓人吃得高興。雖然這天我倆沒有叫店中最有名的「火腿小奄列」，但也有叫來有異曲同工效果的「鹹牛肉蛋三文治烘底」（$29）來吃。這三文治的鹹牛肉雖然是少了點，只得薄薄的一層，但這兒的強項炒蛋就依然洶

成日排長龍，十二點開門前已有人龍未入門已經要叫定嘢，叫左鮮牛蛋治 三文治好巨型大份，鮮牛配蛋炸得一流，牛肉好軟淋，蛋炸得剛好熟，食落有少少蛋汁，浸入軟滑面包中，好味，蛋份量好多，好似食巨無霸咁再叫了阿華田奶昔 阿華田味好足，奶昔又軟又滑，咁熱飲杯真的解熱消暑

到底邊個發明星期六要返工架😡😡好不容易捱到1點放工 立馬約埋姐妹們走！食返個巨型午餐平均下心情先得😌長期排隊 不過又堅好食喎 吹咩😂 吞拿魚火腿芝士三文治烘底🤗厚到要不顧儀態咁張開咀口食 麵包烘得香脆👍🏼但略嫌吞拿魚有點少⋯ 咖哩牛腩米 咖哩味香濃 微微的辣牛腩滷得十分入味 而且軟林 送米粉一流👍🏼 黎得嘉樂又點少得最出名嘅火腿奄烈呢份量的確有點嚇人😂雞蛋味濃而滑配上絲絲厚火腿 雙重口感！ 👍🏼 除左奄烈 豉油王雞翼亦不容忽視滷得十分入味 雞翼隻隻都肥嘟嘟齋睇已令人垂涎三尺 入口肉質嫩滑又juicy👍🏼食完呢個咁豐富嘅午餐 上班嘅怒氣馬上全消

在荃灣這個美食天堂上班選擇真多啊！今天午餐連同兩位同事到訪非常出名的冰室。12：30pm就放lunch的我們到達後要等10分鐘左右才能入去，因為店都比較小，坐位比較迫，坐得不算舒服。火腿奄列是這裏其中一樣招牌，估計用了5隻蛋左右，火腿亦比平時的較厚，接近是火腿扒。其實一個人應該是吃不消的，二至三人夾份會比較好哦。吞拿魚火腿沙律三文冶（加烘底）很喜歡這個呢，吞拿魚加了西芹粒非常好，豐富了口感，沒那麼單調，平時我不喜歡西芹的味道，但加了沙律醬就辟去了西芹的怪味只剩下爽爽脆脆的感覺，整個配合得天衣無縫！ 咖喱牛腩湯米粉咖喱味頗濃郁，還是不錯的。 豉油王雞翼個人覺得咸了些少，但肉質是滑的，可以不叫。 其實還有招牌飲品是華田奶昔，可惜今天沒有。><另外就是人手不夠，除了我地吃完後飲品久久未到外，另一枱客人也是如此，最後取消飲品埋單算了。

由於男朋友住荃灣，所以我地成日都會去荃灣搵野食，由於我好鍾意食雞蛋，男朋友就帶我去荃新天地附近的嘉樂冰廳食奄列雖然係閒日，但我地仍然要排隊入去，可見嘉樂冰廳真係好出名今次目標係奄列，所以我地入座後只係叫左火腿小奄列火腿小奄列火腿小奄列份量十足，絕對唔小囉攪到我好好奇大奄列會有幾大，奄列非常厚身，入面好多火腿絲，都幾好味，但我覺得如果雞蛋可以整得再嫩滑啲就更好啦，食完真係好飽，好滿足

次次行開都會見到排哂長龍，已而又收7點，所以一直都味有機會去食咁岩今次一早10點半就去，等左一陣就有位 去到當然要叫最有名的火腿奄烈啦，分量好足 這份小奄列聽說用左成六隻雞蛋去製成，睇落好大份又足料，奄列仲跟埋牛油包。奄列不是全熟，內裡還帶點濕潤，包著大量的火腿絲，火腿絲味道咸咸地，蛋香的味道很重

蛋治（HKD27）﹣包薄身，香脆！蛋唔油膩，非常厚，2個人分！蛋汁唔算多，都算係全熟，所以想食炒滑蛋嘅可能就會失望。個人覺得蛋嘅熟度arm arm 好唔會老！凍檸茶（HKD19）﹣大杯，茶好濃，叫左走甜但係完全無苦澀味，反而茶香好出！！！牛腩麺（HKD29）﹣牛腩好入味，夠淋，湯底味道好，唔會超級咸味精好重咁！麺彈牙！份量幾大！服務正常，唔會催你落單gor d，會再來！

住係荃灣既人都一定聽過嘉樂冰廳啦，因為鋪頭真係好細，加上每次都好多人去食，外面一定排左一條長既龍,所以要食的話都要等下呀。下午茶時間等左20分鐘地終於入到去啦，入到去就叫左一個細火腿奄列，咖喱牛腩米同埋阿華田奶昔。首先就講下個細火腿奄列啦，一個細奄列已經夠晒兩個人食，因為佢係由起碼五隻蛋整成。係味道方面，入面既蛋仲係半熟既，會有d蛋汁漏出黎，感覺一d都唔乾，好好食。加上入面有好多火腿，食起上黎有豐富既口感。之後到個咖喱牛腩米，咖喱味非常濃，成碗米粉都被咖喱汁包圍住，每一啖都有咖喱味。薯仔既份量有好多,炆得好入味,牛腩方面，食落好軟林林，味道非常唔錯。最後到阿華田奶昔，係呢到出名既飲料之一。第一啖飲入口已經係好重既阿華田味，加上係奶昔，感覺似沙冰，可以慢慢飲，係夏天既時候食會非常消暑。最後，價錢黎講唔算係十分貴，大家都值得黎排下隊，食下架。

今日下午我們去咗荃灣新村街嘅「嘉樂冰廳」食下午茶！我們叫咗鮮牛蛋三文治、火腿小奄列、豉油王鷄翼、酥炸鮮蝦雲吞同熱杏仁霜！鮮牛蛋三文治嘅鷄蛋超級厚身，而且非常軟滑，鮮牛肉嘅肉質好鮮味嫩滑，口感極之豐富！火腿小奄列嘅份量十足，絕對唔係小奄列，而係大奄列，非常厚身，口感相當豐富，加埋美極豉油，令到味道非常惹味！豉油王鷄翼嘅鷄翼好肥美肉厚，豉油嘅味道唔會好鹹，而且好入味！酥炸鮮蝦雲吞炸得相當新鮮熱辣香脆，入面嘅蝦肉份量都幾多！