嘉樂冰廳 (新村街)

营业中

休息中

之前都食過小奄列, 係好大份既, 所以今次都陪朋友黎食, 順便試埋其他野, 而且都排住杯奶昔.豉油王雞翼 :果然必叫, 的確夠哂入味, 仲要D肉好滑唔老. 當食到第3隻個時先覺得太咸.但點左個甜辣醬, 就唔會甘咸, 個味仲特別左.火腿小奄列 : 出名大份, 所以價錢都同樣貴返既, 其實都唔係特別好味. 今次仲差過以前.今次唔嫩滑, 中間直頭老左, 有煎蛋脆邊個D 係奄列中間度. 甘厚身緊係有難度啦, 但佢而家退步左.不過以前好咸既, 而家咸度岩岩好. 火腿分量係少左既.同埋我都知冇方包片會轉小餐包, 但我中意方包片.炸鮮蝦/菜肉雲吞 :我問左句可唔可以2溝, 緊係俾人串, 炸鴛鴦丫. 我都唔想玩落去, 心諗咪即係雙併.....(甘記住唔好叫2溝/ 雙併之類, 跟佢炸鴛鴦就冇死錯人架啦 , HAHA)鮮蝦雲吞有2隻蝦, 爽彈好味.  菜肉雲吞好香好香, 菜肉比例都適中. 炸雲吞細細粒, 好易入口. 炸得好香脆, 唔油膩. 食哂都冇問題.阿華田奶昔 :呢杯阿華田奶昔, 係沙冰甘既, 只不過佢阿華田 + 奶既沙冰. 好好飲, 所以都好掛住.好重阿華田, 特濃版甘, 又重奶味. 而且沙冰都夠哂

叫左兩樣野,蛋牛冶洪底,牛腩麵蛋牛冶洪底,即叫即整,夠熱,蛋夠濕,牛夠滑,非常好個蛋牛冶好多蛋,食完飽到上心口牛腩麵,牛腩好淋,一流享受只可散叫,有點貴地方淺窄,坐得唔太舒服

久仰大名，Vi小編終於黎到嘉樂冰廳一件大大份既下午茶喇！個地點其實都幾難搵，係街市附近，好辛苦先行到黎火腿蛋奄列($29)Lam脷: 3/5抵食: 4/5相機: 3/5先黎個必食火腿蛋奄列！果真夠大件，個蛋會整得有ｄ老,但都係滑ge，當然份量一定係佢地既賣點啦 火腿係入面爆哂出黎！一啖滿口火腿！不過火腿真係太多, 有d太heavy, 好彩配有面包夾下d火腿蛋奄列中和下華田沙冰($26)Lam脷: 4/5抵食: 4/5相機: 3/5另外要左個華田沙冰，出得好慢....等左成半個鐘先有當Vi 追一追order既時候，顯然d伙記老板都好唔耐煩可能呢d就係香港既特色喇  個沙冰好濃華田味, 好飲唔怪得台台都有叫

人不多，等好快，星期六日早上，十二時前較少人，不消二十分鐘可進店。蛋牛治與奄列一樣大大份，奄列的蛋較流心，蛋牛治如流心成手都係。像平日的蛋牛治的幾倍厚度，咸牛薄薄一層，如多些更佳，蛋微咸，多層，豐富飽滿。豉油皇雞翼空口吃較咸，幸好不太肥膩，下次再吃可以叫碗麵，佐麵較佳。伴泰式辣醬其實不太搭調，而且會極濃味。奶醬多醬不多不少，烘了底有點脆，花生醬薄薄，十元抵吃。茶走，杯子極廣闊，不是厚玻璃保溫杯子，勝在夠大杯，底下煉奶甜濃。唂咕反而濃而不甜，要加糖方有味。如只需等十五、二十分鐘，值得一等

到了荃灣，又餓了，剛好經過這店又沒有長龍，更是有空位，所以重遊舊地。//見到餐牌，真的有點嚇親，一份蛋牛治要27元，一杯凍飲要18元，如要華田沙冰更要25元；店出了名，多人食，加上（大台口吻的）土地問題、貴租，食材人工上漲，經濟環境，生活質素blahblahblah⋯⋯（下刪一百字），可能「係咁架啦」，但真的和「翠記」可媲美，有點誇張⋯⋯//公平點，要看看是否真的咁好食，可不可以值回票價⋯//先來凍飲：so sweet 甜到要飲水，我沒有叫少甜是我不對，但如果一杯正常size 的凍飲收18，真的有點誇張。//鮮牛蛋治：蛋比之前少了蛋味，牛肉又少了薄了一些，牛肉有些還帶筋，有點難咬，真的不太值27元。（我找回我上次寫食評時，自己食鮮牛蛋治的相作比較，真的少了薄了。//服務：只有一個伙計，雖然佢有禮貌，但每一步驟都等的蠻久，不如請多一伙計分擔一下。//簡單說，店已出名，已變了，好難變回以前所認識的嘉樂，可能自己以後少來了。//

成日聽朋友講大件夾好食, 多次路過也被門外人龍嚇怕。 今天立心排隊一試, 由於下午茶時段, 結果一排便90分鐘。點了炸鮮蝦雲吞, 可能由於即炸, 等了大約20分鐘才上台, 一大碟約十粒, 每粒也落足料, 咬開見到粒粒蝦肉, 脆脆的, 兩口一粒, 約10分鐘便吃完。 雖然大大粒落足料, 但已反映在價錢上, 幾十蚊一客炸雲吞, 再加上大熱天時排隊等候咁耐, 不值得再排一次吧....

舊時喺荃灣返工, 經常都幫襯嘉樂. 今日一家三口出開嚟荃灣, 當然要嚟朝聖啦! 去到門口, 一如既往都係要等, 數數前面人龍, 剛好十個. 邊個叫想食吖, 等就等啦!等咗約35分鐘, 到我哋喇!鮮蝦雲吞撈麵--一碟有8粒雲吞, 蝦與肉比例剛好. 麵質彈牙爽口, 但鹼水味頗重.牛肉湯通粉--通粉爽滑, 唔會過林. 牛肉唔韌, 連百厭仔都食到.瑞士汁雞翼--夠入味, 入口嫩滑, 骨與骨之間又無滲出血水, 正!火腿奄列(小)--嘩! 雖然係(小) 但份量絕不欺場. 百厭仔食到lam lam 脷.埋單$123.00

之前去左食深水埗既蛋牛治，食完又好想食過喎。男朋友仔就上網搵左呢間荃灣區既大佬，一齊去試試蛋牛治烘底雖然價錢貴過出面，但份量都相應大好多坐對面既街坊同我地講蛋牛治用成3定唔記得成4隻蛋食完膽固醇應該超左標不過我仲後生，要努力繼續食先個蛋係滑，麵包烘得岩岩好，有D茶餐廳既包入面會好實，但呢到係外面香口，中間軟綿綿呢點應該關來貨或者存貨時間長度問題牛無深水埗果間咁味濃，同埋比較易散，但因為蛋好多，食完好似得蛋同麵包落左口，如果個牛可以相應多返少少，感覺就更BALANCE

途經荃灣街市 必定看過於嘉樂冰室前長長嘅人龍原因有二嘉樂奄列遠近馳名坐位較少 未能容納大量客人人龍反而引起別人注意 間接已為嘉樂冰室宣傳 以致客似雲來不過歸根究底 嘉樂冰室奄列的確有其留住粉絲嘅「必殺技」 必殺技一 「大石擲死蟹」嘉樂雖稱其為火腿「小」奄列 但一啲都唔小 斷估用左三至四隻蛋本人完成後飯都食唔落必殺技二「足料唔握秤」本人先品嚐在旁嘅牛油方包 發覺「啖啖牛油」好奇之下打開麵包 發覺佈滿牛油 導致「啖啖油香」再切開奄列 火腿量何其之多從此可見嘉樂實行「以本足人」嘅政策必殺技三「美味沒法擋」火候剛好 雞蛋一啲都唔老 非常滑表面加上少量美極豉油 為淡淡嘅雞蛋加入美極獨有嘅「鮮咸味」可謂錦上添花火腿嘅口感上雖與雞蛋未算太夾 但味道上一拍即合 火腿自身嘅咸味剛好成為雞蛋嘅調味品正因如此 美極份量不用太多 否則反客為主一字記之曰：「正」

二人在餐廳門外等候了大約20分鐘便可入座，坐底後叫了：1/ 咸牛肉蛋治：蛋很厚，但蛋超級咸，竟可咸過咸牛肉。2/ 小奄列：大大一份的，料很多，主角嘅蛋又係超級咸。3/ 炸雲吞：好吃，新鮮炸起的。4/ 阿華田奶昔：好飲，沙冰溶化後都不會淡。5/ 凍檸水少甜：好飲，甜度剛好。食物賣相是很吸引的，蛋是厚厚的大大份的，好可惜主角“蛋”實在太咸，咸味蓋過了蛋香，完餐後口腔有種被鹽醃鞋了的感覺，久久不散。在我們離席時，見到員工收了一碟其他客人吃淨的小奄列，小奄列的火腿被吃光了，但蛋的部份全未動過，不知是否其他客人也有同感。希望餐廳可留意一下。

其實呢間嘢我都三個月到來一次。見都有咁上下冇來諗住入來食吓啦，過去個大半年都知佢們冇再出蛋牛治架啦，所以臨行入去前己經同個朋友講好，等一陣叫個牛治，再加份蛋治。。。我相信好多人係過去呢段時間好多都好似我咁做過，因為咁先可以食到佢們最出名的蛋加鮮牛肉三文治。長話短說坐低就第一時間再問吓落單呀姨係咪冇。。好驚喜地佢竟然話有，咁更係第一時間叫啦。重有我們兩個還叫了一碗牛腩麵和炸雲吞…都係佢們最有名個幾款。再言歸正傳，蛋牛治真心講告，差咗，牛肉質感冇已前咁正，冇牛肉味，份量少咗。已前食覺得佢的蛋同牛係多到爆，現在只覺得佢蛋份量還在但是牛就只得三兩片。。唔係好有嘩個種感覺。炸雲吞都冇咩同之前大出入，水準保持到，不過不失。牛腩麵我冇食，但係我個朋友就話啲都幾彈牙唔錯!

今次冇上次咁多人排隊，但都keep住有客黎haha 都唔算"小"掛奄列份量還是很大老闆娘說有7隻蛋呢但味道退步了d蛋過熟 火腿也太少牛肉係一粒粒散開既太少牛肉了咬落只要蛋味炸雲吞是今餐最好食既有多燈雲吞炸得卜卜脆配上酸甜汁更能帶出蝦味呢個麵唔記得咩名但都好好食有好多紅豆的紅豆冰2個奶昔差唔多一樣樣所以要飲啖先知口感似飲沙冰個味道都做得很出值得一試題外話：位子小小都有好處，我地竟然同搭檯個師奶傾計，感覺好有人情味XD

今日排隊排左20分鐘倒就有位 真係好多人 叫左奶醬多 蛋牛治同火腿奄列 首先奶醬多 哄到脆一脆 超多花生醬同煉奶 我覺得三個之中最好味☺️ 而蛋牛治真係好大份 蛋超厚 而咸牛肉味道好似午餐肉😂 十幾蚊咁大份真係好抵 而最出名既火腿奄到 真係比普通大三倍 我反而覺得火腿少左d 食落去蛋有好香奶味 最後太口渴 叫左杯紅豆冰 紅豆幾多但細粒 反而淡奶味比較香滑 幾好飲 份量大 叫左三樣野同一杯紅豆冰對兩個人黎講係食唔哂 建議唔好咁兩碟有蛋既食物 因為好濟 八十幾蚊兩個人又咁飽 抵食

幾年前黎過，我地突然想再食，親未閂門去，門口依然咁多人排隊，排咗15分鐘就入得。坐低後, 我地叫咗雞絲奄列，蛋牛治烘底，牛腩河，瑞士鷄翼，朱古力奶昔。老闆娘話假日唔做雞絲奄烈，得火腿奄列。我地就話ok la~先來個價值$53勁厚火腿奄列(好貴呀), 再來朱古力奶昔。之後有趣既事情就發生喇…伙記放低咗個鮮牛治，我地問係咪黎錯咗呀，D蛋呢？老闆娘走過黎：你地係叫鮮牛治我：唔係，係蛋牛治老闆娘：你地係叫鮮牛治，因為我地假日無蛋牛治賣既，所以你睇下個牛治D牛係俾多D我地: 嚇？明明我地(指住個餐牌張圖)要蛋牛治老闆娘：唔係，我地假日唔做蛋牛治既，唔信我拎張order你睇 (心諗拎張order俾我睇有咩用)我: 咁（指住隔離枱）個個咩黎？老闆娘：個個係碎牛蛋治我：哦～～咁我落order時你唔講，仲話我叫咗鮮牛治？痴線㗎老闆娘: (繼續repeat) 我地假日唔做蛋牛治既，我以為你地知咪照落單，你地又話知知知（餐牌無註明只限平日發售）我地: 我地知咩？點知你地餐牌有但原來無？老闆娘：你咁想食蛋，咪係個奄列夾D落個鮮牛治咪一樣囉我倆：（無言）有無搞錯，明明要蛋牛，係都要迫我食鮮牛？老闆娘：得！你係咪

炸雲吞，即叫即炸，香脆可口，絕不會食到一口油膩。用足7隻蛋炒，蛋味濃郁，芳香滑溜，一食自動跌落喉嚨。必食鮮蛋牛治，夾住有兩吋厚嘅蛋，同牛肉嘅味道啱啱好，唔會互搶味覺