嘉樂冰廳 (新村街)

营业中

休息中

在荃灣街頭漫無目的地走著，大名鼎鼎的嘉樂冰廳，竟然就在眼前。推門而進，很懷舊的冰廳，店面不大，可能只容得下30餘人。快到12時，碰巧有兩個位，店員讓我一個人霸兩個位，加上樓面只有一個收銀，一個落單和傳菜，氣氛悠閒，沒有茶餐廳的急促，心想，名氣沒傳聞中誇張。等了20分鐘，店員完全沒有催促之意。友人急步走進來，大熱天時趕過來，辛苦了。可是有個壞消息，奶昔哥哥不在，沒有奶昔供應，我倆都有點失望。火腿小奄列據聞有7隻蛋的小奄列，大得誇張。蛋的面和底都煎熟，只有中間的流心，看來友人傳來的照片是經過加工的。唯有提醒自己這是奄列，不是炒蛋。蛋本煎得幾香，但不太喜歡蛋配豉油，其實有火腿便不需豉油調味。整體不錯，賣相和份量都值高分，以奄列而言，它的蛋香、厚度、中間的濕度、火腿的份量，也是超水準的。唯獨是不應出現的豉油和過高的期望，拉低了分數。叉燒米粉喜歡它大量的蔥花，湯底不算太重味，米粉帶點咬口。叉燒瘦得有點嚡。雪糕咖啡友人本想點杯凍飲降溫，卻等到食物吃光才來，人都涼下來了。就是正常的茶咖廳咖啡，加了雲尼拿雪糕，預期內熟悉的味道。還以為人氣度不高，後來門外等位的人越來越多。門外的人著急，一門之隔的店內卻

荃灣人氣傳統冰廳，因為不做晚市，令到大家要迫在午餐至下午茶時段來朝聖~~店外的龍只有越排越長~~ 但無論條龍幾長，天氣幾熱，仲要一路排對腳都好似有蚊滋仔咬咁樣....都好想食呀真係!!冰室內部沒有怎樣翻新過，仍然充滿懷舊感。座位窄、亦要搭檯，小小的舖位但用盡每一個空間!冰廳內的員工分工很有趣，可以幫大家落單的只係得一位阿姐架炸~~ 所以大家要落單加單，都要認住阿姐，同其他人講...佢地都只能搵返阿姐黎同你落單~~ 第一朝聖目標......鄧鄧鄧鄧!!像「蛋扒」一樣巨型的火腿小奄列($29)   巨形的奄列由厚厚的蛋層包著數十火腿絲，兩樣材料都份量十足，才能造出如此的「蛋扒」效果!基本上以豉油作調味，簡單得黎好味咸牛肉蛋治 $27承接「蛋扒」的巨蛋...蛋牛治一樣有令人驚喜的厚蛋撐場~! 不同的是，沒有了豉油作調味，更容易食出炒蛋真正的味道，配料由火腿換上咸牛肉，咸味與蛋味互搶，又有另一番滋味。同深水埗的蛋牛治是完全唔同感覺，不過都算幾好食第二朝聖目標......阿華田拉昔!!($26)話就話奶昔，但因為雪到好凍，口感其實似沙冰。但佢最的地方係好濃味，唔會好似飲凍飲果D咁比

聽了很久這個遠近馳名既巨型奄列大名，星期日和男朋友去荃灣拜訪它。等了一陣就有位，卡位偏細，地方狹窄。叫了份細奄列和牛油方包，份量已經很大，入面有好多火腿絲。味道方面跟普通茶餐廳一樣，煎到半生熟，中間流有蛋汁，巨型奄列真的只是在size取勝，試過一次就夠了！炸雲吞炸得好乾身，裡面有啖啖蝦肉，炸皮很薄，和泰式甜辣醬好夾，減小油膩感。阿華田奶昔竟然驚喜地好飲，係傳統平平無奇既飲品中加添創意，好濃阿華田味，亦唔會變水汪汪，又唔太甜，係消暑佳品，大大杯好抵飲。豉油王雞翼淡而無味，得表層有小小滷水味，應該是醃得唔夠耐，但雞肉尚算嫩滑，跟泰式甜辣醬很不夾，味道怪怪的，無下次。 

一直想試巨大版奄列，但知道星期六日黎會好多人排隊，所以難得閒日放假，就同朋友兩個人去食。兩個人叫咗三樣野，埋單大約一百蚊左右，算抵食。閒日大約3點到，都坐爆場，餐廳好細，都係以卡位為主。1) 細奄列- 原來奄列有分大同細，大既$5X，細既$3X，我地叫咗個細既，仲有個牛油方包。細既都好大份，粗略估計大約有4隻蛋左右，入面仲有火腿絲。味道方面好普通，真係得個外形吸引，試過就未必會再叫。2) 炸雲吞- 炸雲吞香口好味，而且仲有兩隻口味揀，有蝦同菜肉，我地叫咗蝦，相對就無咁濟。炸皮薄，可以encore。3) 阿華田奶昔- 呢個最有驚喜！$26 一杯，飲落好濃阿華田，亦唔會變水浠浠，所以飲完都好飽肚，但呢杯野係最深刻，下次想試埋好立克奶昔。

今早11時許帶朋友去試食，雖然11點5分左右，但店內坐滿人仍要排小隊，都一段時間沒來，環境依舊，收錢姐仍邊收錢邊包雲呑，伙記仍然得一個，坐位無變仍逼逼夾夾。因小弟也是奉場客都知份量不少，介紹牛腩麵和鮮牛蛋治，大家 「些牙」。牛腩麵，湯底牛味濃，牛腩林也入味，重花椒八角味，不知如何形容，都慣用3個字形容「好味」。鮮牛蛋治，今日比以往份量畧細少點，但朋友也跨啦啦叫：「蛋咁厚嘅？」都是好好味。

同老公經過荃灣，佢話之前成日黎食呢間茶記嘅蛋治，大件㚒抵食，叫我試下。。好。。一於試下，有10個人左右排隊，足足等左9個字 。。下次唔好預我我叫左火腿奄列。老公叫左咸牛蛋治同炸云吞。。野飲叫左紅豆奶茶。。

星期日同朋友去荃灣搵食，佢大力推介嘉樂既炸雲吞同阿華田奶昔，就向嘉樂進發。大約3點幾有10個人係門口排隊，排左30分鐘先入到去，叫左熱奶茶，阿華田奶昔，炸雲吞同小奄列。熱奶茶飲第一口茶味濃，但繼續飲落去就覺得奶味太重，不過都香滑既。阿華田奶昔好濃郁，見到檯檯都有叫。炸雲吞係即叫即炸，所以上檯仲係熱，炸到好脆，而且真係每粒都有蝦嫁。平平冇期既奄列，加上小許豉油，旦香味出哂黎，而且旦又夠滑，排隊都值得去食。

一黎到荃灣，梗係黎老字號，嘉樂冰廳。不愧係老字號，條隊長到幾乎街頭排到街尾，我同fd起碼排左有半個鐘到九個字，但為左食好野，少少付出算得係咩。入到去梗係叫馳名加老招牌既炸雲吞同火腿奄列，即叫即炸，炸雲吞咬落去脆卜卜，又好有蝦既新鮮，兩個字，好食，而火腿奄列勁大份，d蛋勁滑勁好食，同澳牛絕對有得比，不枉我排隊排左咁耐。不過係價錢方面有d偏貴，不過如果為左食好野同享受，依個價錢絕對值。

之前係網上面睇到人地影左份勁有份量ge蛋牛治 就一值好想去試下見呢排考完試又冇咩做 咪特登走去試下佢囉呢度聽聞要等位 咁就諗住下午茶時間應該少d人啦我去到果陣係3:45 都要等左3個字先有得入 入到去坐滿曬人(換言之我一丁友入去要搭枱)坐到落去 上一手d野都未執好 有粒通粉同埋一杯飲剩少少ge知乜野係我面前茶又冇比我好啦唔理 我叫野食叫左一杯柯華田奶昔 一件蛋治杯柯華田奶昔 等左10分鐘點知件蛋治等極都係未黎等左5個字之後 我叫左個waiter同我跟跟 佢話份蛋治黎緊再過多5分鐘個蛋治先黎-_- (姐係等左半粒鐘)柯華田奶昔 $26- 真係好正 個感覺有d似思樂冰 如果唔搞勻飲 會有陣好香濃ge柯華田味 之後d冰就冇乜味如果搞勻左之後畢黎食 個味就岩岩好味道似柯華田雪糕 奶味幾重蛋治 $25- 一般般 本身佢係主角黎 但食落唔係話特別滑/香 只係隻蛋大隻d 同埋等左我半粒鐘=.= 個人認為可以再生少少 多d蛋汁  價錢我覺得都算ok ge但我total等左45分鐘先食到曬全部野 (排隊15mins+等餐30mins)我唔知平時係要等幾耐啦 不過唔係放假真係唔建議去服務可以再好d 有

小弟好少做評分，除非反差極大。首先小弟慕名而來食小奄列 和飲柯華田奶昔。小奄列份量是大，但蛋煎得老，無蛋味，亦唔熱。敗筆為好重既美極鮮醬油味。奶昔就試不到，可能繁忙時間唔想我坐太耐嘥佢個位。改飲凍啡，味道可以，非現在翠華的那種味，不夠香且略甜。環境就勁迫及嘈，張枱只濶60cm-70cm,兩個人泊埋坐，近牆位置仲要有毛毛小烏繩飛來飛去。feel是食完盡快走那種。沒有餐，散叫的，每人五十蚊。重視環境的不要去，為300up like的也不要太高期望。

終於吾洗排隊Yeah!!!!!!!!!炸雲吞好好食 炸得好酥好脆裡面啲蝦都ok新鮮，其實炸雲吞要炸得好真係好難，吾到我五寫個服字哈哈！本身重想叫杯好立克奶昔，可惜師傅未翻，所以如果想飲可能要再晏啲先去啦。

諗住閒日2點幾去會冇乜人，點知一大條人龍喺出面排緊排左半個鐘有位啦，成大班人餓鬼上身不停叫野食2年前食過一次，而家既水準都維持得幾好1. 火腿小奄列($29)大大份 蛋又夠厚 最抵食係呢個！2. 酥炸鮮蝦雲吞($33)冇油膩感 碟底完全油 好鬆脆 入面有成大隻蝦架3. 豉油王雞翼($33)熱辣辣捧上嚟，雞肉嫩滑，大大隻4. 牛腩河走青($27)牛腩略嫌老同唔林，麻麻地5. 豬頭肉河($27)豬頭肉有d鞋，都係屬一般6. 雞絲湯米($27)呢個真值得推介！雞肉醃過，同普通餐廳既白烚雞絲好唔同，又有味，又嫩滑加埋辣椒油先係正7. 阿華田奶昔($26)飲埋杯奶昔就滿足lu~~~

認識熊大之前，兔兔甚少去吃地道的食物。還是學生的時候，拍拖不就是在學校或自己的屋苑附近搞定嗎？所以我走動找吃的範圍很狹窄，可能連活動也很無聊吧。最近跟熊大在回顧過往分享過的美味，回想起一份$40多元的小痷列。那天是熊大帶我去慶祝情人節的第二天，我們到了荃灣的這所超過300好評的小店朝聖。我們花了不少時間說服自己這痷列才只是小型版，真不敢想像大的是怎麼樣的了！痷列很多人都會在家做，但蛋的控制其實很重要。看左邊分開的蛋是半熟的，還有微溢的蛋汁。天啊，不浪費，趕快用麵包點點。火腿絲粗幼適中，咬落口感非常。雖然在減肥，但突兔兔也管不了，一口接一口。這份小痷列竟然可以喂飽兩個想吃下午茶的人。除了好味之外，這家食物的分量和價錢實在令我們佩服，看對面的三文治，那層蛋可厚了！大件夾抵食是當之無愧了！最後奉上一杯單點的奶茶，奶味濃郁，絲滑般的質感，與痷列實在是下午茶首選！小店人山人海，來到這裡吃的不是座位的舒適，也不是驚喜的菜式。但平凡的事情重複做，或許就是這家店成功的奧秘。

和友人在附近行完山，去吃早餐，可惜因為太早，沒有阿華田奶昔，我們只好叫吃的。我叫了蛋牛治一份，和一份小奄列和友人share, 沒想到小奄列也是很大份的，當我在吃蛋牛治時，我覺得這個應該是用了3隻蛋去煮，因為？非常的大份，很厚很實，應該是沒有溝水去炒，牛肉頗香，蛋味很重，吃了一個已經很飽了，因為太大份另外還有這份小奄列，我吃了1/3，原來小奄列也用上6隻蛋，就是說我總共吃了5隻蛋，很多很恐怖，這家賣的食物真是很多很大份，價錢又便宜，不知道會否吃虧。希望不會吧，因為我還想下次來試奶昔的。奄列炒得很香，不會油。當我吃完了連午餐都不想吃了，因為真的很飽。

復活節假期，留港消費！去到荃灣，自自然然去左嘉樂排隊！有麝自然香！火腿奄列：招牌菜，不過今次失水準，蛋過熟，方飽唔新鮮。西多士：標準茶餐廳做法，金黃香口，可以。阿華田奶昔：正，等幾耐去值得！