嘉樂冰廳 (新村街)

营业中

休息中

住係荃灣既人都一定聽過嘉樂冰廳啦，因為鋪頭真係好細，加上每次都好多人去食，外面一定排左一條長既龍,所以要食的話都要等下呀。下午茶時間等左20分鐘地終於入到去啦，入到去就叫左一個細火腿奄列，咖喱牛腩米同埋阿華田奶昔。首先就講下個細火腿奄列啦，一個細奄列已經夠晒兩個人食，因為佢係由起碼五隻蛋整成。係味道方面，入面既蛋仲係半熟既，會有d蛋汁漏出黎，感覺一d都唔乾，好好食。加上入面有好多火腿，食起上黎有豐富既口感。之後到個咖喱牛腩米，咖喱味非常濃，成碗米粉都被咖喱汁包圍住，每一啖都有咖喱味。薯仔既份量有好多,炆得好入味,牛腩方面，食落好軟林林，味道非常唔錯。最後到阿華田奶昔，係呢到出名既飲料之一。第一啖飲入口已經係好重既阿華田味，加上係奶昔，感覺似沙冰，可以慢慢飲，係夏天既時候食會非常消暑。最後，價錢黎講唔算係十分貴，大家都值得黎排下隊，食下架。