嘉樂冰廳 (新村街)

营业中

休息中

其實在同事口中得知這家店的火腿奄列超大份，所以好奇來這一試~到門口等了10分鍾，這裏是懷舊冰室，店不大，我和男朋友要搭枱在卡位（真的有點迫）先看看餐牌，點了火腿奄列，牛肉湯通粉，咖啡，奶茶（其實想點多一點，但想像到枱没有位可放）……這個火腿奄列真的很大份，一定是兩人份，火腿亦很多，我們把這份叉開每啖都可以有火腿和蛋一起食~這個通粉味道普通，好的是牛肉新鮮，福字面湯底其實不是太迫我也想多試幾款，但太多人在排隊，食客都是快食快走的~所以要求環境的人不要試~

聽朋友講荃灣有間傳統冰室好好味，所以就決定去試下啦餐廳坐位較少加上係假日，我地足足等左一個鐘到先有位大家去之前有心理準備呀雞蛋咸牛肉烘底，超級厚既雞蛋但可惜咸牛肉份量比較少小奄列，其實係超大型既火腿奄列我地兩個食蛋都食到飽，哈哈！推介柯華田奶昔，好特別好好飲而且都好大杯嫁

厚到不得了蛋牛治係荃灣的嘉樂冰廳， 平時佢收好早夜晚7點 ，終於平日黎到， 當然即刻搭車過去啦， 點知 下午茶時段都爆滿都幾勁，見有餐牌有炸雲吞 就試，好味喎，蝦大隻又新鮮又夠脆口，份量又吾少添。阿華田奶昔 真係堅好味， #阿華田 味道夠濃又吾甜。反而 蛋牛治 有點失望，牛肉醃得味道一般，蛋係香但吾夠滑身，只屬一般。紅豆冰的紅豆吾太熟冇咩味，比較一般。都見唔少人食雞翼 ，而且仲要好大隻添， 所以應該下次嚟食嘢嘅時候應該會再嚟試。

平時我一向都好鍾意食茶餐廳港式嘅食物，而今次朋友就推介去一間荃灣地道歷史悠久嘅冰廳入邊食佢既奄烈！一去到冰廳嘅裝修比較舊而且人流都比較多排左差唔多15分鐘隊先入到去。我同朋友就嗌左每人一個大奄烈再加一杯紅豆冰奄烈好有蛋香味而且份量好大 足足就差唔多成個喼咁大佢陪埋一個餐包俾我咁等我食今日嘅時候就唔會太咸可以有啲嘢送下都的確唔錯佢嘅單張應該係冇加熱鹹香完全係有火腿嘅鹹味道提出來所以成個滅失落去唔會太咸有淡淡的肉香味！但紅豆冰就一般比較甜而且個奶味唔夠濃郁總括餐廳係唔錯嘅而且好有懷舊風味排一陣隊都值得

一直很想與友人一嚐這家出名大件夾抵食 的港式茶餐廳，但無奈任何時候經過都有很長的人龍。這次下定決心， 在烈日當空下等了30分鐘，終於有幸一嚐這家港式茶餐廳。 嘉樂冰廳位於楊屋道街市當中， 非常好找。 如果想一嚐嘉樂冰廳但又不熟悉荃灣的朋友，只需到附近問一下路人便可以了。因為這因為嘉樂冰廳實在是街知巷聞。火腿蛋三文治(HKD 28): 就火腿三文治來說 28蚊的價錢算不上十分便宜。 可是看到三文治的賣相，便知道餐廳老闆在用料方面十分有誠意。 煎蛋的厚度有足足五寸， 沒有煮到全熟的煎蛋還有豐富的蛋汁。一啖咬下去，蛋汁被軟綿綿的方包吸收，可以說是煎蛋和麵包合成一體。 再加上一吋厚切的火腿，口感層次分明，味道可口。推!火腿雞絲通粉(HKD 36): 通粉也是大大碗的， 用料方面除了雞絲和火腿，還加入了冬菇， 大大增加了通粉的香味。湯頭也絕對不簡單， 不像一般茶餐廳所用的味噌湯，大概是用了牛肉或牛骨淆製， 有著濃濃的牛香味。推!最值得一讚的是，在嘉樂冰廳無論你點的是三文治或麵食每一樣都能夠讓你吃到飽。 所以建議想一嚐嘉樂冰廳的朋友們， 相約三五知己一同前往，便可多嘗幾款菜式。

平時都會周圍試下唔同既冰室同懷舊野食今次係嘉樂冰室令我最難忘既係佢既火腿奄列佢既火腿比平時食開果啲粗身啲，同埋個份量真係好大，你問我有幾大既話，佢真係有成隻碟咁大，2個男人食加多一人一碗麵都已經夠飽。另外我覺得佢既五香肉丁麵都比到驚喜我，可能你話:肉丁麵姐，周圍都有啦！但係啲肉丁同麵既比例去到5050，我真係覺得呢$29值得比，平時啲肉丁幾下就食晒，呢度我食晒碗麵都仲有肉丁。仲有想提佢既菠蘿冰（張相影得差，第一次影技術有限）真係好足料，大大杯，啲菠蘿又多，比我得閒會再去試。

由於大部份冰室都系好早關門，所以想試華X冰室同埋呢間都冇機會，每一日番工都夾吾到時間去，冇幾耐之前放假又去開荃灣終於有機會試喇果然如我所料，去到已經有條人龍系度，始終呢度都出名嘛，明解既，如果以我吾系好肚餓黎講，等一個中以內都系可以接受，最後等左半個中就入到，算系快架喇。基本上呢家好多人去人氣食店都系食戈度既招牌菜，當然我都吾例外啦，先後叫左豉油皇雞翼、炸雲吞、阿華田奶昔、好立克奶昔、鮮牛肉治、火腿小奄列。第一味食既就系豉油皇雞翼，啲豉油完全滲曬落雞翼入面，好好味呀本身雞翼都吾系難整，入面系全熟冇紅色基本上已經合格。酥炸鮮蝦雲吞就似乎遜色少少，感覺上同平時食既炸雲吞冇乜分別，外皮吾夠脆身。平時飲阿華田同埋好立克就飲得多，但點都估吾到可以做到奶昔，都幾新穎既仲要系極度巨型阿華田味同埋好立克味我會覺得好立克味好飲啲，味道較濃。鮮牛肉治都幾好食！大大份之餘入面既牛肉味道都吾錯，系沙嗲牛肉呀不過如果冇埋啲筋位就更加perfect池。聽聞系必食既火腿奄列，其實冇咩特別，只在份量取勝，勁多既蛋仲有勁多既火腿，蛋並冇真正好食既奄列既滑，更加離譜既系竟然有蛋殻系入面火腿雖然又多又大條但真心鹹 搞乜，完

長週嘅星期六又係去揾食嘅時候，放工去附近嘅冰廳食lunch! 雖然知道喺荃灣，嘉樂係數一數二嘅長龍餐廳，不過我都係第一次食，事關由細到大都係食隔離嘅蘭香!下午1點15分到，排左大約40分鐘!舖面偏細，卡位好的式，坐得都幾迫!上網見人介紹炸雲吞，不過近排熱氣，所以點左上湯雲吞，蝦肉爽口，好鍾意佢個湯底加左好多蔥!估唔到冰室有雲吞食?!好攪笑嘅炸醬麵有火腿𢇁，冬菇𢇁，叉燒𢇁同咸酸菜!份量好多，麵爽滑夠彈!好耐冇飲谷咕~紅豆冰一般最後，緊係唔少得來個小奄列，份量十足!聽聞以前有餐牌上大奄列!

呢間冰室喺荃灣已經好多年歷史，晏晝又成日大排長龍，今日竟然有機會唔使排隊就可以入到去。入到去都諗咗一陣食咩好，最後決定叫咗個叉燒河粉，叉燒就唔算話好肥美，不過佢好入味，河粉比平時食開既幼身一啲，幾滑👍，湯底都幾濃味。整體來講都唔錯，下次可以叫份奄列，見到啲人叫好大份怕食唔晒所以冇叫。

呢間都真係好出名，所以真係排除排左好耐🕴🏻🕴🏻🕴🏻🕴🏻🕴🏻🕴🏻🕴🏻大概真係有3️⃣0️⃣至4️⃣5️⃣分鐘😑😦 -1️⃣) 火腿奄列🍳🥚 - 真係好大份好多🍳，岩晒我呢啲🍳人😋😋😋-2️⃣) 肉絲撈麵🍜(好似係)，我覺得汁醬係幾惹味-💡總結：真係排隊排好耐，中途真心想放棄 因為又趕住睇戲👀🎞，係我個為食👦🏻鼓勵(?)我😂😂😂 我先堅持到落去😂😂 其實我仲想食佢個炸雲吞😣😣 不過唔夠時間😣😣😣

放假黎到荃灣覓食，第一站來到嘉樂冰空，因為要留肚轉場，於是叫了最想試的奄列和炸雲吞！炸雲吞- 熱騰騰的，有鮮蝦和菲菜豬肉餡的，都好鮮味，但唔算好有驚喜！奄到（小）- 份量十足，口感綿密，充滿蛋香，熟到剛好，真是好正呀！食完就立即走，因為坐位較迫，外面又有人排隊，如果想慢慢食，慢慢坐就不適合了！下次再試埋其他先！

難得平日路過荃灣，專程拜訪家樂冰廳。11點，可能鋪位細，竟然全院滿座，幸好有一個坐位。叫了鮮牛蛋治（烘㡳）及熱奶茶。店員不耐煩的表示三文治要等。奶茶先來，一呷，滑度足，但稍欠茶香，不過仍合格。等待著三文治，數數原來全店只有8個4人卡位，怪不得網上說假日大排長龍。蛋牛治到了，份量很大，炒蛋中規中距，沒有蛋汁，不夠 creamy，牛肉比較韌，有些咬不下要吐出來，方包烘底也不夠香脆。離開時未到中午，店外開始有人排隊。名氣小店，試一次便夠，排隊更加不必了。

聽過呢度嘅厚蛋好耐，但由於地理位置嘅問題，一直未有機會嚟試，直到今日.... 11:45嚟到，已經要喺門口排隊等位，好在唔算好多人，等咗一陣12點已經入得去火腿小奄列 ($31)我好鍾意食蛋，乜蛋都啱，平時食開嗰啲奄列，小小家家，幾啖食完，一啲都唔過癮！但係呢度㗎呢，大方得很，超厚身不特止，外層仲煎得好香，入面軟滑，包住無數咁多嘅火腿條，再加少少美極，好好味好滿足...... 終於可以一個人食咁大份奄列，呢個星期日係美好嘅！豬扒湯米線 ($29)份量大，出奇地啲豬扒又幾好味喎，肉質比我想像中軟腍，煎得又幾香口，不過就冇乜點醃，可以濃味少少啦；米線冇乜特別，偏淋，不過預咗除咗比較逼，其實都唔錯，起碼比我想像中乾淨及好味，我會再嚟食，下次一定要試蛋牛治！

星期日大概1:30黎到，已經有15-20人等位，相信都係黎食炸雲吞，滷水雞翼，蛋牛治既馳名小食！冰室看來已開業多年，無特別裝修，依舊保留那份舊式茶餐廳既味道😋食物份量大，雲吞撈麵係有6粒，同平時麵店不同只得3-4粒，我地四個人，一人叫左個麵，再加上馳名小食，仲有一人一杯飲品，平均消費$80🤑🤑冰室用既凍飲杯係比平時我地飲開既係大d高身d，所以都算抵飲，炎炎夏日，排完隊入黎食，無一杯大既冰凍飲品點得呢！裡面d service 都ok, 個伯伯好細心，主動提議幫我地剪麵容易夾，三文治又幫我地一開四，對冰室來說，我覺得service 已經好好，一定唔似澳x咁趕頭趕命，倒入胃咁😂推介1)今日個通粉好有家的味道，一點都不hea，火腿雞絲通，竟然不是白切雞絲，而係有掩過既雞腿肉，仲有冬菇片添，唔講以為自己食緊公司通粉🤣推介2)仲有個滷水雞翼，好似回到校園時，小息衝去小食部買既雞翼，食番那種味道😉如果您地曾經讀過尖沙咀某學校，又想尋回那些年的味道，不防一試👍🏻推介3) 蛋牛治，蛋好滑，好厚！今次食左喊牛肉，原來佢有鮮牛蛋治架，已經無咩茶餐廳會有，因為鮮牛比較貴😄至於個雲吞，係香脆既，食到有蝦肉，但不

今日趁放假去食嘉樂。見好耐冇食過嘉樂冰室嘅巨型奄列，對上果次食已經係一年前。去到等位等左20分鐘。叫左一個雞絲湯麵，味道一般般。叫左佢個必食奄烈。個賣相似火腿炒蛋多過奄烈。味道同屋企呀媽炒嘅一樣。超失望。同一年前相比差太遠了吧!!!!一年前個賣相都叫做奄烈呀，今次食好似是旦炒起俾你就算。仲有叫左個炸雲吞。由坐底到叫野食到食完所有野個雲吞都仲未黎。追左左一次單，個呀姐就甘講左句就上就算。再飲埋杯野都未見佢黎同佢講唔黎就同我取消佢，野都食哂飲哂都唔知等個雲吞做乜。又唔係平wow。成35蚊得果5粒。呀姐態度超差話冇雲吞要去攞雲吞，就上架啦，冇得取消。但呢個係你問題唔係我。冇雲吞又唔同我地講聲。真係最後一次幫襯。甘嘅價錢唔值係呢到食。p.s. 湯意粉有"小生物"，仲要食到最後先發現。