嘉樂冰廳 (新村街)

营业中

休息中

鑒於近日天寒地凍，禮拜六梗係瞓到晏晝。之後阿媽又打黎叫醒我出去食飯，咁就諗住試下屋企附近好岀名ge嘉樂冰室。咁阿媽就好好咁幫手排定隊先，今日都唔算好多人，大約等左十五分就有得入。坐低左之後，感覺其實係有啲迫，不過呢環境都尚算衛生。之後媽咪就話呢到d牛腩好出名㗎,跟住我見到側邊啲人都叫左而且都幾吸引，加上我不嬲都好鍾意食牛筋腩，一於試一試佢。之後我地又叫左依到都幾岀名ge蛋牛治烘底，再加杯熱奶茶。咁一嚟到碗牛筋腩河一見到就已經覺得色香味俱全，睇落好香濃好足料啦。一食落去牛腩好入味，有口感得黎又唔會好鞋喎，一絲絲嘅纖維食落好有口感，牛筋方面又唔會得到淋字。河粉又唔係好碎，個湯底都好香濃，所以呢都算水準之上。去到個蛋牛治，大家見到幅圖都唔知道個份量有幾驚人，裏面嘅蛋ge高度係高到成份拱起左出嚟然。之後呢鹹牛肉係同之前深水埗嗰間蛋牛治係有得揮，而且依個蛋牛治嘅份量仲要高高好多啦，咁所以呢味道又唔差，係值得推薦嘅。咁最尾奶茶方面又唔會太澀，而且奶味都算香滑，都係唔錯嘅選擇。總括嚟講餐飯除咗飽肚之外，味道都係水準之上，難怪有咁多人慕名而來呢個排隊啦。

Decided to come here to try this highly reviewed cafe.Portion was really generous and service was very quick. We ordered 雞翼牛腩面，炸雲吞，牛蛋治（烘底).Noodle was really good, the chicken wings was so tender. The fried wonton was really delicious!The advantage of the beef and egg sandwich was the portion size, it was really worth it for the price. But in terms of taste, it is quite similar to many other places.At least one new place tried and tested!

I had lunch there with a colleague. Unfortunately they had no English menu (I thought they might have one because it is so famous) but by showing pictures of what we want it worked.It took a little bit till the food was served but it was alright (about 10 min). The soup my colleague had was really good he told me and the scrambled egg sandwich I had was just fantastic! I'm currently trying a lot of places with just scrambled egg sandwiches and this one is definitely the best I had till now!!! An

地方還不算太難找，不過人氣真的挺旺，排隊等了一下才能進去。這家確實是一家十分地道的港式茶餐廳，服務態度也十分不錯，挺友好的，上菜速度又快，就是店面有點擠而已！我們毅然決定午飯和晚飯都在這裏解決了！個人十分推薦這裏的炸雲吞和檸檬茶，真的棒極了

成日見到人排隊，所以就去試下啦星期六既十二點都係好多人，要排隊。好多遊客都黎食。排左30-40分鐘隊。早餐點可以無一位港式奶茶-茶走 超滑好大件既 火腿蛋三文治烘底 炸鮮蝦雲吞，但到店員親手包久違的西多士，無花生醬的

好很耐無黎食，叫個蛋牛治$28，諗住重溫下大嗒大嗒咬蛋既滋味，黎到份量仍然十足，目測厚度起碼成5-6cm，但唔知搞咩佢依家啲蛋煎得很乾，沒有中間個小小creamy既口感，呢啲基本野講真是但一間2打6茶記都做到，點會估到竟然發生起嘉樂，蛋仲要無蛋味，講真如果合埋眼真係唔知自己食緊乜，咁仲整咁大為咩呢，只不過如果你係剩係想食得飽既佢絕對滿足到你。出左名就唔憂做，明白，但基本衛生都要顧下架大佬，成隻小強黃金右腳起罌糖度，大排檔都無咁啦。

每次排咁耐隊，一入到嘉樂坐底，就好似食放題咁食，但每次排隊前都會裝下老闆仔有無返，因為佢係我至愛⋯⋯好立克奶昔嘅靈魂，老闆仔無返，即代表無奶昔飲😭我相公就會叫阿華田奶昔或熱奶茶；食物我個人至鐘意佢哋嘅鹹牛疍治烘底或鮮牛疍治烘底，各有各好味，一樣成兩吋幾三吋厚，一樣出色；我D朋友就鍾意食炸鮮蝦雲吞，我就唔太受到鹼水味，雖然鹼水味唔算重；仲有乾葱撈米、滷水雞翼、滷水豆腐、咖喱牛腩河⋯⋯呀😱諗起都肚餓

今午放假，嚟到荃灣跟朋友食下午茶聚聚，佢話有一冰室成日有好多人排隊，問我有冇興趣試，於是去碰下運氣，剛好有位吾駛等！呢度冇餐要散叫的，起初沒有心水叫乜嘢食，望望周圍D人叫咗乜參考下，之後望到啲張貼原來這裡是openrice推介的店，即刻上去睇下啲食評有乜招牌食物，最後叫咗一碗雞翼米粉、一份奄列share……奄列~份量的確係比平時食的大份，道味ok，香滑程度我又沒有特別感覺到……雞翼米粉~啲雞翼好味，有鹵水花椒八角的香味，雞肉肉質滑，雞翼大大隻脹卜卜……奶茶~有錫蘭紅茶的茶香味，好似冇平時茶餐廳般濃澀，今次還意外地見到杯內有今期黑白淡奶換購的圖案呢，可以換了！這裡是舊式裝修，兩人坐一邊卡位都好迫，服務ok，食物是ok的，但又沒有很大驚喜！

今日去荃灣買餸，諗吓食咩好，突然諗起哩間冰室，就走去碰吓運氣，睇吓多唔多人排隊真好彩，得4個人响前面，排左15分鐘就有位啦～ yeah!兩條友一口1氣叫左兩碗粉加份三文治，仲加多杯爆脆華田正!哩個爆脆華田上面啲華田真係好脆架，好好味呀 飲多杯都得呀！哩個咖哩牛腩河啲咖哩好香，唔辣，牛腩好腍多汁，薯仔好入味牛腩雞亦河好好味呀！湯充滿花椒八角既香味，清而不利，牛腩好香好腍，佢啲雞亦好正!好入味，好彈牙! 哩件旦牛治烘底真係無得輸呀！好食到震，啖啖旦下次去荃灣，一定要再食呀！

食咗成個禮拜魚生，表姐去完鳳城飲茶又想飲奶昔，好彩嘉樂除咗出名食物足料好味，仲出名排長龍，等得嚟都消化咗一半，前面有8個人等咗大半個鐘就入得唔知要幾多阿華田粉先可以沖到咁濃既奶昔，啖啖濃郁既口感，飲到底都唔會得返啲冰，想奶味濃既要揀好立克奶昔，想飲奶昔都唔建議太早到，因為得老闆仔會沖奶昔，通常都係不過三點不露面嚟得嘉樂又點會飲奶昔咁小兒科呀～必點既有滷水雞翼，雞翼隻隻漲卜卜，唔同一般滷到肉都變晒色，啱啱好個皮滲入滷水香，雞肉保持嫩滑炸雲吞老闆娘即日包好再炸，豬肉甜蝦肉爽餡料豐富，加上炸脆咗雲吞皮既鹼水味，充滿兒時味道

發現自己過一排就要去下啲迫到痴線又唔坐得耐既既老茶記比啲伙記西下面d9下 自虐算係一種香港文化吧 哈哈話說荃灣嘉樂冰廳個奄列一早出哂名 其實味道就冇乜特別 係勝在勁大份同埋啲蛋好滑 同埋有個嬌俏既名 叫做「火腿小奄列」($31) 至於個餐包就得個油字 可以不理😂另外 我地試埋佢地另一拿手小食- 豉油王雞翼($35)足足有6大隻雞翼 淨睇都知入哂味 好好食！唯一係啲雞翼有好多雞毛飛哂出黎 較懨尖既朋友就未必接受到喇😂飲埋個香濃阿華田奶昔 包你飽到上心口

這店在荃灣楊屋道街市附近，因常常去買餸行過，尤其星期日，往往都很多人排隊，但都沒有幫襯過，聞說這店炒蛋很出名，今天剛路過，早上10半左右不用排隊，終於我開齋入去試驗下！入到去4入卡位要搭枱，好窄，坐得不舒服，本來想叫招牌奄烈，見到隔離果位哥仔碟奄烈，即刻咪攪，蛋炒到好熟，賣相實在太差，一推野，亂七八糟，即刻宿沙，後來同枱哥仔，贈送咗火腿同D蛋給我試下，我估計正確，好一般！我叫了個豬扒雲吞雙拼麵，紅荳冰，麵$40紅荳冰$21，麵我覺得雲吞麵店，好過我果碗，紅荳冰，紅荳硬，無奶味，有賣相，得甜味！我覺得$61蚊埋單，附近有許多選擇！永遠不會再光顧！

講到荃灣街市裡面...荃新天地附近食奄列好出名嗰間舊式茶餐廳 ~ 嘉樂冰室...我相信無人不知！無論乜嘢時間每次去到例牌都要排長龍等位！呢間舊式冰室裏面大概有八張卡位。因為要搭枱坐，所以比較逼夾。通常食完就即閃！佢哋啲食物其實一啲都唔貴。尤其佢哋嘅招牌火腿奄列同火腿雞蛋三文治，都係又厚又大份！大部份食物嘅價錢都係大概廿幾三十蚊。佢哋啲炒蛋做到真係好滑好好味！又唔會太油！不過雞翼河粉就麻麻哋，河粉唔夠滑而且比較粗身！滷水雞翼牛腩面就相對比較好食。炸鮮蝦雲吞都可以...一碟有八隻！另外，佢個阿華田奶昔都超正👍

荃灣友一定識佢!!!嘉樂冰廳想試好耐喇～今次港島人難得過到荃灣，就算排長龍都要試試佢。星期六大概2點，排左大概30分鐘就有得入座。入到去係全場爆滿，坐得迫迫地。不過食茶就係要逼逼地至有feel架嘛(笑)一坐低當然就叫左佢個「火腿小奄列」($31)。奄列配牛油三文治，上到枱其實一啲都唔「小」！一份奄列足足用左半打蛋~勁足料滿足晒蛋控❤另外阿華田奶昔($28)都有驚喜✨ 雖然有小小貴，但阿華田味好濃!西多就唔太特別，可以唔試。

第二次到訪，連跨區的朋友也為了蛋治而來。一件蛋治足以飽肚，香滑的口感，Size會令你深感物有所值。今次為了吃更多， 蛋治一人一半，再加一份雞翼，再加一份酥炸菜肉雲吞。雞翼正呀，鹵到皮脆肉滑，加上泰式甜辣醬又另一番風味。菜肉雲吞正呀，餡料份量合宜平均，菜味十足。我一杯凍鮮檸汁，酸度剛好而不甜，正呀。朋友一杯阿華田奶昔，份量足以相對3杯阿華田雪糕，正呀。好正呀。