嘉樂冰廳 (新村街)

营业中

休息中

今日又做到過灑lunch time,竟然晏咗又一條友就去嘉樂食嘢駁佢一個人唔駛等位。去到就係唔駛5分鐘就可以入到去，餐牌都唔睇就叫阿華田奶昔再加個咸牛肉蛋治烘底，先係食物到個蛋厚到令我著迷再配埋咸牛肉味道剛剛好唔駛5分鐘就kO個三文治，但杯嘢飲未到，無計啦好嘢係要耐DD，依杯係我人生飲過最好嘅阿華田，所以我久唔久都要落嚟飲杯奶昔

👫曾經係呢頭返學嘅👱🏻‍♀️好耐之前食過呢到嘅奄列，超級大份又好味😍 咁啱同朋友行過呢頭就即刻嚟回味下記憶嘅味道啦💖 一一一一一一一一一一一一一一#鹹牛肉蛋三文治 <$29>▫️烘底+$2雞蛋超級厚身，食落又幾滑身，唔會老🤤 加埋鹹牛肉同烘底嘅三文治真係絕配🥪 同埋份量超多，夠兩個人食💁🏻‍♀️#火腿蛋三文治 <$29>▫️烘底+$2味道一般般，無咩特別🤕 建議叫返鮮牛肉或者鹹牛肉會正啲🤩#酥炸鮮蝦雲吞 <$36>炸雲吞細細粒，好的骰🤯 可以一啖一個，外皮炸得香脆，而餡入面嘅鮮蝦大大粒😚，好足料🤟🏻 加埋泰式酸辣醬一流🙆🏻‍♀️ 不過味道同出面食嘅炸雲吞無咩分👾#紅豆冰 <$22>第一次飲到紫紅色嘅紅豆冰，味道不過不失🤔#奶茶脆爆 <$26>傳統嘅港式奶茶味，加埋脆脆有啲似阿華田溝奶茶嘅味咁😂 味道好濃郁，就算啲冰溶咗都唔會溝淡陣味🤨 仲愈飲愈甜添😦#華田脆爆 <$26>華田，一開始係比賣相吸引😛，第一啖係濃郁嘅華田味💜 脆脆口感好得意，但連埋啲脆脆飲好易會濁親😥 但脆脆味道太甜，溝埋一齊飲就中和返🤯

荃灣嘉樂，沒人唔識，經常都排長龍到過左幾個鋪位。我由有做早餐食到現在唔做早餐，全部單點。。相對價錢都提升唔少😜😜今早路經，又見沒人排隊，避開繁忙時間，當然入去食番個飽肚的早餐「辛苦得來自在食」簡單點左個招牌＂小奄列＂+＂凍唂咕＂餐牌內，樣樣都想食。又雞翼、又蛋牛冶、又炸云吞，樣樣好味但現在一個人點吃呀。。下次同朋友排隊吃過。。小奄列$30: 有6-8隻蛋咁多，份量足夠，火腿又厚又多（其實兩個人食都夠）凍唂咕$21: 唔係間間冰室有唂咕飲到顏色跟朱古力相似，但味道比朱古力苦d, 唔太甜，好像dark chocolate🍫咁，正

呢間茶餐廳已經好耐歷史啦，佢嘅裝修同埋擺設都係80年代嘅，好有童年嘅回憶，香港呢樣的茶餐廳越來越少啦。我自己好少在街邊食牛雜，多數喺餐廳度食嘅，呢一間嘅牛雜係我極力推介之一，原因去嘅辣椒油好香，配上牛雜真係別有一番風味，牛雜十分之新鮮，好有咬口，河粉亦都好香滑！另一個會推介嘅就係呢度嘅雲吞撈麵，這裏的雲吞使用整隻大蝦所包成的，十分爽滑，份量好多，另外附上嘅大地魚湯亦都好有魚蝦味道，鮮甜！瑞士汁雞翼配上泰國雞醬好好味呀！雞翼大大隻，雞翼嘅皮煮得好滑，好有住家菜的感覺油菜就一般啦！總括來講，入到呢間餐廳有治癒的感覺！食物有質素，味道好好，沒有加味精！真係好有80年代嘅懷舊feel！不過成日都好多人要排隊，放棄左好幾次，今次終於排到我啦！

難得嚟到荃灣，梗係去試吓啲人氣高企嘅地道食肆啦！呢間「民樂冰廳」出名巨蛋，去到見條人龍唔算太長一於試試。果然15分鐘都唔駛就有位坐…不過兩個人去嘅請作出一定要被搭檯嘅準備，同埋啲位都真係好宙珍吓🤨一坐低都唔駛點睇餐牌，一於試啲人氣食物啦：1. 蛋牛治 - 咸牛肉 (烘底) 蛋嘅厚度唔需要再多講，配合埋咸牛肉+烘底多士，無得輸2. 火腿小奄列唔知係咪個蛋牛治太正，呢個立即比下去，只知道係用咗6隻蛋去做呢個小奄列3. 豉油王鷄翼雖然食完咁多蛋都飽飽地，但呢個鷄翼真係好入味

行過荃灣 想食下午茶就黎左呢間懷舊冰廳冰廳細小 座位大概廿個 裝修保留十幾年前既舊式感覺睇下個餐牌先一張紙一目了然叫左一個個個黎到都叫既蛋牛治蛋牛治$29 (烘底+$2)好食指數:6.4/10一上枱wow wow聲😍 件蛋厚過我塊面皮呀 oh my!!! 一咬落去 個包雖然烘左 但俾舊蛋牛夾淋左 唔脆喎 浪費左兩個銀😐 蛋係舊厚既 吸睛力高 但唔夠鬆化唔夠蛋香 咸牛肉就正常 🤔又唔係唔好食既 不過好食又稱唔上 就係無乜特別 經過可試 唔經唔試無損失另外叫左個雲吞麵$30反而ok喎好食指數:6.7/10雲吞內既蝦都幾大隻紮實 麵質都爽口 唔算重''簡''水味 加埋枱面上既辣椒油 不錯 絕對好過你叫一個淋過毛巾既烘底蛋牛治進餐既時候係咁聽到老闆娘同客人呻 話有個大學生過黎賺佢野食好食問佢可唔可以做活動既food sponsor 老闆娘就係咁呻 我地咁多客 咁多人食 邊得閒理你呀 又唔見你sponsor 我間餐廳🤔well 其實我都諗唔明點解你間野咁多人食

超超超厚蛋治💓🤡～《嘉樂冰廳》終於都同朋友去左食！叫咗個鮮牛蛋治 $29，個蛋真係厚到爆炸💥，目測應該超過三隻蛋🐣，鮮牛都好味，雖然沙嗲味唔重，但係好彈牙！😛見到朋友食嗰碗炸醬撈麵$35，超級大份😂見佢食咗勁耐先食得晒！好似好好味咁😖（隔離飯香）另外仲叫咗杯紅豆冰$22，成杯紅豆冰都係淡粉紅色，連啲豆裏面都係粉紅色！好搞笑！😂#本來想叫華田奶昔可惜冇貨.👅：8/10🎏嘉樂冰廳 (荃灣)荃灣新村街40B號地下.#嘉樂冰廳 #厚蛋治 #炸醬撈麵 #紅豆冰

海綿咁厚嘅雞蛋已經買少見少 可以話近乎係冇 相信好多80後都有一種記憶 三文治字典咁厚嘅海綿雞蛋 好有以前大排檔嘅感覺 仲有鮮牛肉鹹牛肉畀你揀 而且夠曬大份 一個已經幾乎飽曬 建議選擇一個三文治 再叫其他食物重點推介係 金黃色嘅脆皮炸雲吞 外脆內軟 裏面嘅花肥美新鮮爽口 豬肉比例一比一 又juicy又多汁 配埋泰式辣醬甜甜地 忍唔住 一粒又一粒擺落後平時我係飲開咖啡嘅人 聽講啲奶茶 又香又滑 當然要試試 第一個驚喜竟然係隻杯度 特大型嘅高身杯 唔好諗住飲唔曬 飲完一啖之後 香滑嘅程度係足以令你 一啖飲咗半杯凍檸茶嘅size 更加係驚喜 用嘅熱飲杯 係同凍飲杯一樣咁大 仲要放咗三分之二個檸檬落去 飲都飲飽

另一半就已經食過，而我呢個鄉下仔都係首訪。之前都有意無意經過行過都人頭湧湧，懶得排隊。搵左一日好得閒，專程兩再來。最終等左十零分鐘，可以接受。客人都好守規矩，自動自覺喺門口列隊，並無派飛叫號，當有人結帳，收銀姐姐就會安排客人入座。餐廳裝潢簡單，空間有限，一律卡座，屬舊式冰室嘅卡位，僅僅坐到兩人。環顧四周客人點菜，就可以知道呢度招牌係乜，離不開奄列、蛋牛治、牛腩麵、炸雲吞、雞翼等。食物份量偏大，兩人share足夠，變相消費都唔算好高。（見大部分情侶都係叫個麵加個蛋治分享）咸牛肉三文治烘底三文治 $31三文治切成一半，極厚身，大量蛋煮成，咸牛肉薄薄一層。雞蛋煎得夠香，有白有黃，唔會過老，都仲幾嫩。至於烘底，我自己就唔太在意，冇特別為件事加分，呢兩蚊加唔加就睇個人喜好。咸牛肉較薄，又冇乜點煎過，蛋牛分離，個人就較喜歡煎香嘅咸牛，加蛋，更加正。招牌火腿小奄列 $32個名就叫小奄列，但份量一啲都唔小。最好蛋治同奄列二選一啦，始終性質都幾相似。小奄列誇張之處係用左好多隻蛋，加厚身火腿條、一小片牛油麵包製成。雞蛋面頭煎到脆脆地，裡面滑溜，蛋香濃郁；火腿粗身，唔係薄過乜嘅超市火腿，幾有誠意。明白點解喺

这个餐厅很好食，叫了个牛腩面，牛腩肉质细嫩而又夠淋。叫了个雪山阿华田冻的。非常好饮，平时排长龙的，今天可能是星期一，一进去就有空位坐。价格优惠而且座位舒适。下次一定会介绍朋友再来光顾的。不过不知道要不要排队等候的。食牌很大众化，而且价钱也是平民化的。抵食。

嘉樂冰室 小食出色!!!!星期六 5:15pm 店外無出現人龍👍🏻👍🏻👍🏻望望餐牌先 哇 熱飲$19 好貴而且無set叫嘅.........無計啦 出名嘅系咁嫁啦😂😂😂1️⃣荷蘭唂咕 $19小編都系第一次飲 不過感覺d粉唔夠 唔夠濃唂咕唔似一般嘅朱古力嘅甜味 而系甘味嘅2️⃣咸牛治 $31 必食!!非常出名😂😂😂出名於蛋多同厚😂😂蛋唔系做到好滑個種 不過勝在有口感每一啖都好豐富 好滿足注意⚠️ 餐牌上系無咸牛治嘅 就咁叫就得嫁啦!!!3️⃣ 豉油王雞翼 $36 必食是日小編至愛 一碟有6隻 大大隻相信師傅系有揀過 因為隻隻都好肥美個豉油王汁做得出色 雞翼好人味但唔太咸 正!!!

嘉樂冰室 係荃灣既老店 真係細細個已經食佢 大個左因為店鋪都出晒名 一位難求 所以教少去食左 偶然想諗大份夾抵食既味道 就會死死地氣去排隊 排左半個鐘 心急既食家就發脾氣 無計啦 小店本來做街坊生意 座位有限 好在個turnover rafe都算高 終於入到去 店內以4人於位為主 裝修懷舊 食物亦走懷舊風 奶昔 菠蘿冰 一應俱全 食家叫左杯凍檸茶 呢到所有食物飲品需要單叫 無餐提供 飲品都要十幾蚊一杯 但我覺得小店宗旨你比得錢就總不欺場 檸茶 大大杯 入面有半個檸檬 茶味夠 正 黎嘉樂我食黎食去都係個幾樣第一樣 雞翼河老闆娘話雞翼米比淨叫雞翼抵食 淨雞翼有5隻 但雞翼米就已經有4隻 仲有河粉底 抵食店家既粉面另一好處就係大大份唔會好似其他店銷好似食左陣風咁 老闆有講過 其實粉面既成本好平 客人比得錢 當然係想食得飽 店家好有良心 抵讚 講返個味道先 雞翼大大隻 甜醬油既味道 河粉正常 湯頭唔會過鹹 食完都唔會話好口渴 2人share可以試其他野食黎呢到食野 總會食左一個月要食蛋既分量無所謂 本小姐係歡喜食蛋之人 黎到呢到必點既係奄列 呢個大過我塊面既奄列 只係小奄列 曾經見過有人食大奄

一講荃灣嘉樂冰廳，荃灣居民無人不曉，更何況我本身就係蛋蛋怪（無🍳不歡），幾年前我響荃灣返工時就間中幫襯嘉樂冰廳，但係由於店舖超細，位與位之間太逼，門外又經常排長籠，所以當時唯有叫外賣返公司食，時至今日咁啱需到荃灣辦年貨，故特意晨早帶奶奶去幫襯，我們三個人叫了以下食物：火腿小奄列：必叫之選，雖然話小奄列，但份量一D都唔細，厚厚嫩滑雞蛋+美極鮮醬油作點綴，超有滿足感咖哩牛腩意粉：咖哩汁香濃，牛腩份量比市面茶餐廳多，正酥炸鮮蝦雲吞：即叫即炸夠足料，配埋泰式雞醬，必叫阿華田脆脆：凍阿華田面加上阿華田粉，阿華田更香濃，無得輸叫左咁多樣野食，最終只需$150埋單，個人覺得超值，不過宜家都多左旅客聞風而來，所以如果幫襯就建議早D到

呢間冰廳就出名囉 一去到見到大排長龍😂等左20mins先有位入 😅😅溫馨提示 小編提提大家 呢度系無set點嘅而且每一份每一碗都幾大份 好易食唔哂1️⃣咸牛肉蛋治烘底 必食😋 $31真心唔知落左幾多隻蛋 好厚好厚每一啖都系大滿足！蛋又香又滑 配上咸牛肉 加上脆面包絕配🤗2️⃣豉油王雞翼 $35六隻大大隻雞翼 見到都流哂口水豉油味 好入味 正3️⃣燴伊麵 $34有冬菇絲 肉絲 芽菜 好好味 不過伊麵真系好邪惡 好肥嫁😜4️⃣鮮蝦炸雲呑 $35唔記得有9定10隻 熱辣辣外脆內足料 加上酸甜醤 一流👍🏻

嘉樂冰室係荃灣已經好多年歷史lu 不過成日都要排隊 所以即使幾好食 我都只係食過一兩次🙉😛 今日係第二次帶男朋友黎食 可能因為係5點幾6點 排左4個人 7分鐘左右就到我lu😘男朋友仲要跑過黎 辛苦囉🤗🤗我地叫左個必食既火腿小奄列 有成六隻蛋架！！！ 仲要個咸牛肉蛋治烘底🙆加個雞翼同一杯熱奶茶阿晤該💁💁個奄列我就食過架啦 超大份 d蛋好厚😂😂仲落左少少美極去炒 味道好特別架😘😘 咸牛肉蛋治都好足料 每啖都有厚厚既蛋同好香既咸牛肉 不過烘底我覺得可以烘耐少少 而家唔夠脆😛個雞翼有六隻！上枱貌相好靚😛 味道好入味 唔使點泰式酸甜醬都夠哂💁而且隻隻都好多肉😙 辛苦哂男朋友起骨哦😘😘😘最後杯熱奶茶又係好好飲既 係精品！飲落去好滑 一d澀都無 我同男朋友都盛讚💁‍♂️💁‍♂️💁‍♂️💁‍♂️💁‍♂️不過一提 餐廳都坐得逼少少既 一定搭枱哦🤓同埋避開lunch時間黎會排隊排快d😂😂😂