嘉樂冰廳 (新村街)

营业中

休息中

天氣咁好，最啱就係行山！作為新界人，由大埔行去荃灣係我最鍾意嘅其中一條路線，貪佢唔洗行好耐，而且難度又唔高，最啱我呢啲平時少做運動嘅人。11點出發，3點鐘就行完啦！行到一半已經好肚餓，所以一落到荃灣就即刻搵好嘢食去到嘉樂，門口已經有好多人排緊隊，最後等咗差唔多半個鐘，先入到去😅蛋牛治同火腿奄列係呢到嘅名物，當然要試吓！呢個鹹牛肉蛋三文治$30啲蛋，真係超厚睇落超吸引！單食個蛋可能會覺得無乜味，但一配埋鹹牛肉食就啱啱好！食落除咗有蛋香外，仲有鹹牛肉嘅鹹香，味道的確唔錯！不過如果麵包烘燶少少，令佢再脆身啲，咁就更好啦！酥炸鮮蝦雲吞$35，雲吞係佢地自己包嘅，即叫即炸，食落好香口，配埋側邊嘅泰式酸辣醬一齊，味道更惹味另外我地仲叫咗個火腿小奄列$31，蛋份量同樣好多，不過味道偏淡，相對蛋牛治來講，我比較偏好蛋牛治嘅配搭！最後我地一人叫咗一杯奶昔，阿華田奶昔$28同好立克立昔$28，兩者都超濃味都超冰，係熱辣辣嘅日子飲真係透心涼！不過如果要比較兩者，我會認為好立克比較甜，如果唔鍾意太甜嘅朋友，我會推薦佢飲阿華田奶昔

延續港式情懷 奄列與雞翼繼續延續返港式情懷，香港既冰室愈來愈少，有d走向商業化，偏離初衷，所以冰室愈來愈矜貴矜貴到連排隊、搭台、無set散叫都在所不惜，因為呢種香港獨有既文化同情懷今次男朋友帶我黎呢到，都等左15-20分鍾，肚餓到爆都堅持落去，好多人中途放棄左叫左一杯$20蚊既柯華田，飲左就明白點解值$20蚊奄列係巨型版，兩口子拍拖你一啖我一啖就最溫馨，而且好滑好食豉油皇雞翼⋯食過最好食既雞翼，好食過呀媽煮，煮得岩岩好，骨肉分離，咬落去有肉汁等都等得值得，偶爾去冰室拍下拖，發掘下小店，都好幸福

今天專程到荃灣的嘉樂冰廳吃這個重量級雞蛋三文治，未行到門口，離遠已看見有六至七個人排緊隊了，於是行快兩步，等了十多分鈡就入到去。鮮牛雞蛋三明治烘底（$30）除了等位外，這個三文治也等咗十幾分鐘，雞蛋成吋厚，大大片鮮牛，再加上脆脆的多士，要劈大個口才吃得下。整體來說，烘㡳麺飽又脆又香，牛肉多汁，但比較靭，雞蛋則香滑，而且很熱。豬扒湯烏冬（$29）見到坐在對面搭抬的人都吃烏冬，應該都唔會差得去邊。豬扒炸得不太乾硬，幾入味，但細塊咗啲，烏冬煙靭有彈性。熱朱古力（$18）本來想叫阿華田奶昔，但阿姐話未有供應，不只我想飲這個奶昔，隔離枱也叫這個奶昔，但奈何沒有，唯有飲熱朱古力，但只是一般。

以前既我唔中意食茶餐廳，覺得食黎食去都係包同火腿蛋，但自從識左朋友之後就改觀。原來以前覺得唔好食係因為餐廳整得未夠好姐🤔所以我又多左一條茶餐廳癮!!😝今日黎到呢間係荃灣好出名，而且已經連續幾年係OPENRICE榜上有名既熱店—嘉樂冰廳由於放假瞓得晏既關係，去到係一點鐘LUNCH時間，大排長龍...等等等...等左10個字先入得😱早就已經睇左個餐牌，入到去即刻落柯打小火腿奄列 $31原來奄列仲會配多一件牛油三文治，雖然無烘底，但有一塊厚厚既牛油!! 好香好邪惡呢碟唔似奄列，似係蛋包粗火腿條火腿條同蛋既分量都令人滿足，蛋煎得好香，外圍係老左少少，中間位置就滑D不過 味道其實同其他茶餐廳差唔多，只係呢度用粗火腿條同大量既蛋酥炸鮮蝦雪吞 (十粒) $35炸到卜卜脆，真係要趁熱食!! 店員加左少少醬油 可以提鮮 但又唔會太鹹再配上個百搭泰式醬，真係無得輸😍鹹牛肉蛋三文治 (烘底) $28+2蛋真係好厚!! 相比番個奄列，呢個蛋係再熟少少，但未叫老。三文治一定要烘底，唔但只烘完之後麵包多左一份焦香味，仲會外脆內軟 有齊兩種口感!😋鹹牛肉配蛋真係好好味，之前都唔覺得佢地咁夾  已經深深吸引左我個胃阿

當我仲係中學生個陣，睇飲食雜誌知道呢間茶餐廳抵食夾大件，個陣時好想山長水遠由港島搭過黎荃灣親身試一試係咪真係咁正。但可惜個時係有條人龍係餐廳出面排住，次次都唔想排就不了了之。幸好，依家男朋友住新界，帶我呢個港島井底之蛙去衝出港島，去多D新地方試多D好野！我問男朋友有冇食過呢間茶記，佢話佢都係第一次！佢住咁近竟然都係第一次！火腿奄列（小）以前雜誌話餐廳用四隻蛋先做到份細奄列。坦白講，我覺得有縮水之嫌，好似已經比起以前D相細份左。味道不過不失，蛋有蛋味咁，蛋有少少老，始終要煮咁大份奄列總要耐少少時間先煮熟！另送半份白方包，搽少少牛油，無特別。鮮牛蛋治無可否認，隻蛋一上檯已經盡顯功架，明碼實價，收得你咁貴，就俾多D蛋你！好厚身，但唔會乾爭爭！男朋友話牛肉味濃，唔會好Un！幾正咁話！不論如何，街坊小店有佢自己一套。雖然索價較高，但仍有可取之處。但今非昔比，已經唔係以前抵食夾大件個支歌仔，好生意自然業主加租，呢餐加多兩杯飲品已經要一百蚊埋單。

想試好耐但經常因為見到長長嘅排隊人龍而卻步，今日去到難得唔洗等位，梗係即刻入去試試！食冰室當然唔要求豪華裝修，夠傳統反而有道地感覺包羅萬有嘅餐牌，梗有一款岩你食😂鹵水汁香得黎唔會過咸，豆腐好入味因為想試多幾樣又怕食唔哂，特登問店員可唔可以各要半份，香港茶餐廳特色～當然係ok啦炸雲吞好好食，好食到後悔冇點一份！雲吞皮炸得酥脆，餡料食到爽嘅蝦肉，完全係食到停唔到口雞翼同樣點半份，雞翼大大隻，鹵水同樣入味，而且肉質嫩滑，一樣好食鮮牛蛋治超大份，蛋同牛肉都超厚！雞蛋走結實路線，唔算太滑不過食得出好足料，有蛋香味但牛油味略重；牛肉真係好大片，不過好嫩滑唔驚咬唔開。蛋、鮮牛加烘左底嘅麵包一齊食，好滿足！份量又大又好味嘅傳統冰室買少見少，今日一試終於明白點解每次經過都見到排隊人龍，味道果然唔錯！

豬扒撈出事係豬扒 外面係美觀但咬落出奇的乾同鞋 豬扒係出乎意料的差我諗蛋治會好好多不過冇試~~~~~~~~~~~~~~~~~~~~~~~~~~~~~~

中午途經楊屋道街巿附近見呢間幾多人排隊，而且懷舊冰室好像不多了，就黎試一試～見附近食客都叫了巨型的奄列，當然要試下，很厚和濃味，最好2-3人分享，留肚試其他食品。雞翼好濃滷水和八角味，好香好滑豆腐就相對平凡。最後炸雲吞都有驚喜，它入面有咬口，不像酒樓那些得炸漿和像空氣一樣，而且是熱辣辣即炸，吃時要小心熱環顧四週，呢度食品份量都大份，一碗通心粉都飽肚！呢度環景少少逼，一般卡位最多坐4人，人多可能要預分開坐。

已經至少4,5 年沒有到嘉樂冰廳用餐, 因為實在人太多,今天忽然很想去吃,所以就來個下午茶。 哇,都已經2時多還是有不短的人龍在排隊,我們大概等了超過半小時才能入座,裏面座無虛席,人少的當然只能搭枱。 我叫了從前必點的火腿奄列及杏仁奶糊,友人則點了鮮蝦炸雲吞。 現在的其實叫火腿小奄列, 售價31大元, 多了個小字,便宜了9元,上菜時其實份量還是很多,可能比以前少一點點吧,不過火腿變了長長的幼條,吃下去還是冰的,感覺真的麻麻。 賣相其實也沒了奄列的賣相,只是像火腿和炒蛋放在同一碟中。 蛋皮可清楚看見蛋白和蛋黃,代表蛋漿沒有預先發好,而是貪快在煮的過程才弄。 杏仁奶糊賣相不俗,做得也很黏稠,吃下去也挺滑,但就是沒有了從前的杏香,味道有點淡,實在可惜。 鮮蝦炸雲吞, 35元一碟,粗略估算有十餘粒,算是很划算。 每隻雲吞都有蝦仁和少量豬肉, 炸雲吞配上甜酸醬是很好的配搭,令人吃下去少了一份油膩感。不過味道真的沒什麼特別好吃,不過不失。 走的時候還看見在收銀處擺放著雲吞皮及餡料... 總體來說,質素不算差,但已經大不如前,實在不值得排這麼久去吃。

今日休息去荃灣搵朋友兼覓食，朋友話好耐冇去嘉樂，講開又好似係，咁我地就早少少去食個lunch, 去到都好好彩，唔洗等位，！一坐底就睇食乜，大鑊，乜都想叫，我地2休友都揀左好耐，咁蛋牛治烘底就必叫既，又想食炸雲吞，又想食雞翼，又想食淨雲吞，最後我地揀左雲吞米粉，哈哈呢度d 雲吞確係好好食，皮薄涵靚，見到亞姐包到摩打手咁，勁！至愛蛋牛治烘底上場份量真係冇得輸，食物質素都保持水準超正！去到呢d舊式茶餐廳，咖啡同奶茶係一定要叫既，咖啡香，奶茶滑

呢間老式餐室有幾樣出名食品，早上食返個巨形奄列都好，難得黎到雖然要排隊，都試下先。31蚊一份奄列，雞蛋份量強勁，又厚，切開入面，厚條火腿絲只佔4份1。雞蛋唔算滑，個面有少少老身，尚可接受，但唔夠蛋香，滑身就中間位置較滑身。火腿有咸香，如果火腿絲比例多返少少就好。因為啖啖雞蛋有啲滯，早上都唔能夠整份奄列食哂……味道只屬一般，gimmick多於味道……

🍳🥚🍤身為一個食野控！身在荃灣一定要食呢間遠近馳名既小店＂嘉樂𣲙廳＂🥞🥓🥖佢既＂火腿奄列＂＂阿華田奶昔＂＂蛋治＂可以話係震店之寶。屹立係荃灣街市入面，店內外設計都有一種六，七十年代感覺😍每逢六，日都有超多人排隊，我平時閒閒等半個鐘😂。呢個＂番茄蛋冶＂一如以往雞蛋半生熟，食食下會有蛋漿留出黎，蛋香十足🤤👍🏻之前食過＂鮮牛蛋治＂牛肉嫩滑濃味，今日用番茄做配撘，令蛋治多一種凊新感覺😋$28大大件又厚，真係口細d都食唔到🤣溫馨提示大家佢平時好早收舖！要食要趁早啦🤤呢個時候我華田奶昔終於來啦😍呢杯嘢飲簡直係無敵！阿華田味濃到爆，聽聞係加埋雪糕之後打成沙冰非常解渴！🍝🥘🌯呢個＂薑蔥豬扒撈麵＂係呀姐極力推介，我自己之前成日黎都未試過🤣試完真係後悔之前唔早d試😫薑蔥經過炒香加上醬汁惹味非常，撈麵又唔會太硬！岩岩好！主角豬扒係一大驚喜😍份量大大件，好细心幫我地已經分開3份方便食😋每塊豬扒都好厚👍🏻味道又入味，真係好想知點解咁厚肉但咬落去可以咁酥軟😎👍🏻絕對係呢餐既驚喜！🍤🌭🦐＂酥炸鮮蝦雲吞＂炸到脆卜卜但又唔覺得油膩😋係每次小粉姐必食推介，入面蝦肉真材實料超有彈性又新鮮👍🏻食到停唔到口🤤🍤最後嘅豉油王雞翼

女朋友兒時常來嘅地方，今次第一次同埋佢啲朋友嚟，感覺到呢度好有人情味。雖然係門口等咗一陣，但好快排到我哋，伙記同老闆女都好熱情，落單時有講有笑咁，感覺唔錯。食物方面，最出名嘅火腿奄列果然唔係浪得虛名，好足料而又好滑，火腿嘅厚度好有口感，啖啖肉咁滯，值得一試。另外叫咗幾道小食，瑞士雞翼亦都係女朋友推介，味道唔錯，唯一比較可惜就係雪藏雞翼，食落有啲黐骨，煮多一陣可能會好啲。我哋四個人不停叫最後埋單每人都係比50零蚊，實在係現今社會少見嘅抵食。

提起炒蛋，除了澳牛，有些食友提議到嘉樂上次黎排45 mins , 今次好一點，排少陣一頓飯的好壞，除了食物本身，有時食的是一種環境氣氛，一種情懷嘉樂有的是舊時的設計，香橙色的大字，內裏沒有裝潢，卡位本身很窄，適逢過年不久，還有揮春張貼，總之總之，一派略嫌老氣格局說起菜色，非試不可是牛肉炒蛋三文治，及凍華田，額外點了火腿奄列及炸雲吞先上場的炸雲吞，燙口香脆的雲吞，size剛好，沾了醬汁，大快朵頤再來的凍華田，是沙冰質感，味濃親切的兒時味道，也是用料十足牛肉炒蛋三文治，一上來看傻了眼，份量真的誇張，少說應有4,5 隻蛋的量。食落蛋味略嫌不夠香，但勝在用料足，不是連鎖店茶餐廳溝和混出來的貨色，而牛肉略嫌欠了味道最後來的火腿奄列實在也吃不完，吃完呢餐打趣的說，足足食了一個月的蛋quota老店，賣的是小本誠實生意，味道或許不是最好，但份量紮實不會呃人

上星期看完街市遊樂團介紹荃灣時，見到介紹嘉樂冰廳，所以小妹都忍不住再光顧一下。 小妹今次去到時已經加價了，問心真的有點貴呀！ 但小妹不竟是奄列控，還是心思思想吃吧！ 大大杯熱檸茶 $18, 還可以接受吧！ 茶滑不澀口，檸檬新鮮味香~ 這份就是火腿小奄列 $31 ，其實一點都不少，而且加上一個餐包都十分足夠飽肚。 奄列厚滿多材料，火腿絲差不多有佔上一半份量呀！ 小妹覺得熱熱的奄列充滿蛋香，但就是有點兒油膩，火腿咸味足夠，而且厚切有口感。 喜歡火腿的朋友一定不可以錯過！ 嘉樂冰廳 地址: 荃灣新村街40B號地下