嘉樂冰廳 (新村街)

营业中

休息中

此冰室在荃灣都頗有知名度, 若星期六或日去光顧, 通常都要排隊輪候!!!但佢真係煮得幾好食, 所以間中也心思思想再來! 但夏日炎炎, 戶外溫習三十幾度,在戶外排隊就真係不想,為了免受排隊之苦, 所以選擇旁晚6時才去, 可以直接入去!!!論價錢, 以冰室格局配上殘舊的環境而言, 此店不算便宜!!! 論服務, 個人覺得此店服務都可以, 老闆娘和店員都算友善!炸雲吞($36)是即炸的，所以堂食時十分脆口, 咬開可以見到有蝦在裡面!!其實佢D雲吞幾好味, 無論是炸或是上湯煮都一樣好食!!至於雞翅($36), 雞翅的size十分肥大, 有去開街市買餸的人應該知道這是比較貴的貨色!! 雞翅很入味，應該是在汁內浸了一段時間才能如此入味!!!至於個火腿奄列, 個人覺得敗在火腿的質量不夠好, 但蛋尚算炒得好依!!!阿華田奶惜是本人的至愛, 小弟亦是因為他而再來日, 很好味!!至於雪糕梳打, 只是雪糕加雪碧, 但味道都算好飲!!至於涼粉冰, 味道也算不錯!!!食完後, 剛剛好7時可以返回荃新天地睇世界盃！

久唔久又想到訪嘉樂，雖然假日例牌要排隊，抽起條筋想食雞翼就排下啦。明明即將要晚飯都忍唔到，仲要排左半個鐘以上，唔敢話出品好驚豔，但我buy佢大件夾抵食。對面兩個女仔叫一份蛋治一杯飲品，都冇眼望望啊大佬上次已經試過蛋治、奄列，另一半是日想食牛腩麵先黎的，由於知道食物份量偏大，唔敢抖膽點兩碗麵，所以點左份西多、雞翼同炸雲吞就收手。即時製作，需時等候。牛腩麵 $30比起一般牛腩麵約1.5倍份量，牛腩都有六、七件，就唔係切腩，係啲柱候牛腩燜過咁。湯底濃得黎都唔算太鹹，麵底幼身，食落軟，好在唔腍。牛腩大粒，仲俾左啲少少牛筋，口感唔韌，腍身入味。以30蚊黎講，真係抵食囉酥炸鮮蝦雲吞 $36分鮮蝦同韭菜餡，可以半半混合。雲吞細細粒，即炸，皮薄硬脆，油份點都有啲。裡面有明顯蝦肉，新鮮，一口size我最鐘意西多士 $21連個西多都好似特別巨型？賣相好似幾好食，煎得幾靚仔冇燶邊，可惜味道一般。裡面百無，單靠蛋漿煎起，蛋漿冇味，加上麵包厚身，唔能夠完全吸收蛋漿。西多士口感太厚，儘管狂倒糖漿、搽勻牛油都仲係好乾，根本係食緊麵包豉油王雞翼 $36恭候雞翼多時，酸辣醬對我黎講係多餘。雞翼肥大，啱啱好熟，亦都好滑。

荃灣既朋友無理由唔識上次假期無蛋賣今次決定再去食多次🤟🏻要食蛋既朋友記住唔好紅日去啦❗️今次去左堂食等左半個鐘👌🏻還好啦，鋪頭地方唔大，食客都會自覺咁食完就走🤗本身想嗌鮮牛蛋治🥪但佢話無鮮牛😭所以轉咸牛，上次食完鮮牛相比之下，鮮牛真係好食好多！d肉勁勁勁滑，又大大塊，而且醃得好入味🤤所以一定要嗌鮮牛‼️食完鮮牛再食咸牛，感覺上就有少少失色，無咩特別至於個蛋真係落足料🤩仲厚過本字典📕而且好香好滑！呢度三文治既料係大份到見唔到個包既🤣而且個價錢都算公度

為咗食奄列可以去到幾盡？結論係特登入荃灣，排差唔多1個鐘... 已經唔係第一次嚟嘉樂冰廳，但係每一次依然係排咁長龍，每一次都係，並無例外。千里迢迢來嘉樂嘅目標當然係小奄列，份量極大，兩個人食都得，果然名不符實～ 一如既往，蛋漿都係超級豐富，唔會煎得太老，裡面充滿咗粗嘅火腿絲。另外仲會加少少美極，好香又唔太鹹。除咗奄列之外，另一個目標就係鹵水雞翼，幾乎每枱都會點。鹵水雞翼嘅鹵水汁帶有香料味，八角嘅味道好突出，唔係死鹹。雞翼已經浸到入晒味，但一啲都唔會嚡，反而仲係好滑。除咗滷水雞翼之外，都有好多人點滷水豆腐呢，仲有一枱客係一人一碟豆腐，搞到我都好想試下！而西多士呢，就一般啦，冇乜特別。唔算好有蛋味，中間又冇花生醬，有啲失色。今次無再叫阿華田奶昔，因為一定會太飽，所以揀咗紅豆冰。一上檯真係嚇咗一嚇，我第一次見真係紅色嘅紅豆冰呀！真係唔知係咪色素嚟嘅呢，不過冇乜特別都唔需要再叫紅色嘅紅豆冰，因為只係得個甜字... 下次都係點返招牌菜好啦..

星期日🌞終於見到太陽出來了！老公話想早餐可以飲到一杯好好味的凍奶茶，我倆立即聯想起荃灣老店-「嘉樂冰室」👨🏻‍🍳。呢間係荃灣開業40年的冰室可算是陪伴我長大的餐廳之一👍🏻無錯，我是荃灣人✌🏻來到餐廳門口約十一點，好好彩得兩個人排緊隊，我倆等了約五分鐘便有座位了。餐牌十年如一，沒太大變化，我想變化的只有價錢吧😎💵我倆都不約而同點了凍奶茶少甜少冰！但我完全睇唔到有「少冰」......但不影響我們對凍奶茶的鍾情度😍以前的凍飲是用碎冰的，現在轉了用大冰...老公話用碎冰的奶茶比用大冰的奶茶好飲，原因是碎冰溶得比較慢，可以細味品嚐😋不過呢兩杯奶茶色澤均勻、茶底香濃有厚度，不錯不錯👍🏻老公點的餐肉雞蛋🥚烘底三文治來了！真係超級厚！目測👀雞蛋同餐肉已經有6cm厚！老公評價：蛋味香濃🥚餐肉煎得剛剛好，麵包🥪烘到金黃色，三文治溫度剛剛好！好好味👍🏻我本來想點鮮牛肉三文治，但餐廳剛好沒有鮮牛肉，只好點咸牛肉三文治了。目測👀都有6cm厚！細看之下有三層雞蛋🥚真係厚到唔能夠一口咬落去😅唯有小口品嚐👅原來雞蛋配咸牛肉🐮都頗好味！而且烘底三文治仲係我Favourite❤️不過真係太大份了！我食左一份三文治已經飽了😅

傳統既冰室 位於荃灣既呢間 🏠👏🏻👏🏻日日都好有人前來品嚐美食 嚮往它的獨特👍雞翼係人都中意食 🤤❤️❤️❤️但呢間既鹵水雞翼都係冇得輸單睇個色澤就知醃製好耐 皮嫩肉滑 最緊要個醬汁不但能帶出佢既鮮味 仲將個味道更一層樓其次係三文治🥪大大份 超多蛋同火腿 絕對足料呀 👌👌再加上個蛋整得超滑 熱辣辣咁食落口 🤞🤑🤑真係滋味無窮🤤🤤🤤🤤食完呢兩碟我就飽啦 環境好復古風格 好有特色香港既代表呀🖐🏼

勁中意食蛋既我🍳🍳點會錯過食蛋既機會呢😈😈今日去左荃灣E間冷室排左10分鐘，入到去👏👏👏叫左一個火腿蛋奄列...🍳🍳🍳🍳碎牛蛋多士...同埋...炸雲吞...同一杯特飲👏👏👏👏好快就來到👍🏻👍🏻火腿蛋-勁大份估計起碼四隻雞蛋🥚以上好香幾好食👍🏻👍🏻碎牛肉蛋多士-好足料，好厚蛋，正!👍🏻👍🏻炸雲吞香脆，都唔錯👍🏻飲品唔會太甜👍🏻價錢抵食🌈真係好抵食aH

呢度一向人龍不絕，每次唻都有20-30人排隊。今日午飯時間，門口只有6個大排隊，趁此良機即刻排隊。叫咗例牌：火腿小奄列（$32）、咖哩牛腩意粉（$35）同好立克奶昔（$29）。1年冇唻，價格輕微上升，但份量則大幅下降。火腿小奄列味道與從前分別不大，但份量就少太約2成，無從前嘅大滿足感覺。咖喱牛腩意粉，微辣，薯仔同牛腩都煮得非常腍及入味，但牛腩同薯仔份量明顯下降。好立克奶昔味道香濃，但價格真心貴，但難得過唻大，所以必點。另外，送餐速度慢咗好多，一道菜普遍都要等15-30分鐘先有，服務水準真的較以前失色，難怪輪候人數減少。

住荃灣一定識「嘉樂冰室」😍晚上7:00就關門。佢地既招牌菜係火腿奄列，好立克奶昔，豉油皇雞翼，烘底蛋治🐷以前睇食評個個人都話佢地嘅奄列超大份，可能有咗心理準備-🌟超足料蛋牛治 $30依個蛋牛治真係唔話得，雖然賣$30。。但一D都吾呃錢架😍睇落超吸引蛋香味好重。分量大大份配埋鹹牛肉。。味道一流-🌟火腿小奄列🍳 $31
聽說小奄列係用6隻蛋整成，其實食落感覺就係入面包咗好多粗火腿絲既炒蛋
蛋整得唔夠嫩。但埋枱聞到陣陣美極香😍口水直流🤪另外火腿小奄列會跟埋半份牛油三文治，層牛油都幾厚下。如果一個人食曬成份小奄列👅真係會勁飽-🌟豉油皇雞翼 $35係店員推薦我食既。上到枱雞翼金黃滷水色。雞翼大大隻。滷水汁味道特別。很入味。食落吾會得死鹹既味😍雞肉夠嫩口，咬落去有肉汁👅超讚喔👍🏻👍🏻👍🏻👍🏻

次次行過都好多人排隊。 今日見冇人就入去試下。 香港真係寸金尺土，啲位勁逼之餘，個風扇直吹個頭，頭都痛。。。都陸續有好多人慕名而來。 坐低先發現原來佢係冇餐，全部都散叫既。奶茶$19(都幾貴)一般，唔係太香茶味，可以接受餐蛋治$29，等左足足半個鐘先有得食。。唔掛怪得永遠都咁長龍。。個蛋又的確係好厚，食完會勁飽。 除左比出面街厚之外，我都諗唔到有咩咁特別。 一個早餐食左$48, 唔講仲以為係商業地區試完就算，我諗我唔會再食

黎嘉樂冰室第一件事就梗係排隊啦，平日嘅下午茶時間好好彩前面只係得兩個人，等左十五分鐘就有位。坐咗卡位，對面坐左兩個人，我哋就並排而坐其實真係好迫。叫咗必點嘅阿華田沙冰，好好味，唔怪知得呢個變成招牌飲品啦！由細到大都好鍾意食炸醬麵，但係呢個有少少唔同，老公話咁樣先係正宗炸醬麵。我覺得個炸醬麵有少少潮州辣椒漿嘅味道。個份量好大食完我已經好飽，本身仲諗住叫埋招牌巨型奄列好可惜食唔晒樓上呢個係咖喱牛腩！咖喱好香牛腩好滑，超級好味

住觀塘的朋友學車學到荃灣，叫我介紹吓荃灣有咩好食。呢間咁出名食蛋的嘉樂冰室， 當然要介紹畀我的朋友啦！中午時份，我們等了大約半個小時先入到去!叫了豉油王雞翼，芝蛋三文治和火腿小奄列豉油王雞翼($29)雞翼好大隻，肉質嫩滑，配上雞汁，味道甜甜酸酸，好正!芝蛋三文治 ($29)超厚巨型嘅蛋治配上微微融化的芝士，加上烘燶少少的麵包！麵包烘底後會比較乾身，加厚少少會更好，可以吃到麵包軟脆的層次，不過可能雞蛋已經厚身，加上更厚的麵包會顯得更膩！火腿小奄列($32)同樣是大大份的炒蛋加火腿製成的奄列，雞蛋嫩滑濕潤， 成隻碟咁大分，反而火腿無咩特別。三文治同奄列食起來感覺差不多，今次我同朋友兩個女生食到好飽!同行細食的話，可以叫少d，否則太飽了！

今日(5-5-2018 Sat)同老公落荃灣買餸前食o野,行行吓,記得好耐冇o黎o既呢間,睇睇錶,預計11點去到,應該未多人,於是o黎,果然去到冇人龍,不過我o地係o岩o岩full晒,第一個要等o既客人.o係等o既時候,收銀同我o地傾偈,話今日唔多人了.而好睇咁o岩都有客人走,都只係等o左2分鐘左右.睇睇menu,係冇set叫,全部要散叫,所以都好貴.我o地先叫定$32.00o既火腿庵列(已經唔似以前咁,有大細之分了),然後繼續諗其他,諗到喇,要$36.00o既炸鮮蝦雲吞,$19.00o既凍唂咕同$21.00o既凍奶茶.落完單冇耐,我o既凍奶茶先到,睇見顏色都幾深,飲落茶味唔算好濃,口感滑.之後係老公o既凍唂咕,朱古力味淡,正常.然後等好耐,等成12分鐘,炸鮮蝦雲吞到o黎,睇見有好多油,不過係正常啦.一客有10粒,食落脆卜卜,內裡o既餡料有啲唔均勻,有啲成粒係蝦仁,有啲係全豬肉,有啲就每樣一半.蝦仁都爽口o既.食完後繼續等,由炸鮮蝦雲吞到o黎開始計,12分鐘後火腿庵列至到,已經冇想像中咁大份lu,同樣地淋o左啲豉油,而今次俾o既係餐包.火腿絲厚切,蛋仍嫩滑,但唔及以前了.味道係3.38

普通一個市民入去，位置亂咁安排，入單可以入3次，野食亂咁派台，錯完又錯，不停錯。。。野都未食完，收左人對快子?食物方面：完全無特別！d牛腩苦既，d 鹵水雞翅咸到呢……等一份腿蛋治等40分鐘? 仔都生埋喇大佬！完來係等難受，一個字形容：錯！

[ 蛋控注意‼️| 超巨型蛋牛治😱]••關於呢份蛋治，我又有故仔講喎📖話說多年前去食，等得太耐又趕時間，最後無等就走左🏃🏻‍♂️有個好小器既男人因為無得食，就黑我面🌚佢第一次黑我面，就係因為呢份蛋治🥪我銘記於心💝⋆ ⋆ ⋆ ⋆ ⋆🔹咸牛肉蛋三文治($29)⭐️7.5/10📌烘底+$2嘉樂除左出名既小奄列🥧三文治都好正！大份到食得飽🙊有鮮牛肉蛋，不過我覺得鹹牛肉好食啲🐮一件三文治都好重下，目測塊蛋厚至少5cm😳真係好厚好巨型！雖然唔係我地平時食開個種炒滑蛋，但係食落好滑(好似話落左淡奶🍼)，鹹牛肉令成件事食落無咁寡👅📢餐牌上無鹹牛肉，但可以照嗌💁🏻‍♀️-🔹炸鴛鴦($36)⭐️7/10炸鮮蝦雲吞+炸菜肉雲呑，兩款都好食，所以要叫鴛鴦😋兩款都可以試哂，點泰式酸辣醬，好食👍🏻不過雲呑好細粒-🔹阿華田奶昔($29)⭐️9/10我係超級鍾意❤️濃濃阿華田味，口感類似Smoothie咁🍧打得算滑，偏向冰感夏天飲一流👍🏻就算之後冰溶左，阿華田味都唔會溝淡🤤🤤🤤男朋友飲好立克，我無試到，因為佢極速飲哂🤥-🔺感覺店員/老闆比以前更nice👴🏻唔同其他出名老店，當啲客係狗🐶佢地nice到我有啲唔好意思😳