嘉樂冰廳 (新村街)

营业中

休息中

尋日見起第屋企冇嘢食，出咗去睇吓有咩好食，行嗰間嘉樂冰廳見有幾個人排緊隊，咁就諗住試吓等左大約20分鐘，入到去，餐廳唔算大，坐低就叫左叉燒通粉，鮮牛蛋治同一杯野飲點知轉個頭同我講冇曬鮮牛...要轉咸牛...咁早就賣曬？？？？咁都照要叉燒通粉就一般，仲要送埋螞蟻，衛生程度麻麻，個三文治就還可以，可能個鮮牛蛋會好食啲整體黎講一黎，冇得叫餐只有散叫，所以價錢唔平，仲要好多大陸人睇黎都係做遊客多，個人覺得間野唔值排隊，

嘉樂冰室位置一點都不便利，但因為同囡囡去猫cafe, 地點都係荃灣， 所以就再拜會一下，其時已經下晝 三點左右，但都要排隊等2,3個先， 其中包括了國內自由行family， 唔通有遊旅遊書介紹過？入到去座位同樣落咁窄， 同是一位掛住同熟客吹水，唔會幫手落單嘅老闆娘， 但有一種親切感，感覺世界變得太快， 有d人，事，保留原味似乎都幾好。例牌叫了個蛋火腿奄列， 雞翼， 再多點一份咖哩牛腩河。咖哩牛腩河好傑，冇稀釋，賣相一般但味道還好。蛋火腿奄列在我印像中， 面頭嗰個應該方包，但就算係餐包都冇所謂。方分量一如以往大， 火腿厚切，雞蛋嫩滑。雞翼等得最耐，食完其他嘢之後等大約15分鐘，雞翼好大隻，肉質爽滑，瑞士汁唔會太鹹小朋友都可以食。家樂d menu 同位置真係冇改，所以間唔中食下好，而且食完要即走，好多人等位。

鮮牛蛋三文治（ $27）坊間一直講到 #嘉樂冰廳 既三文治好正，但事實上我認為自己整都分分鐘好食過佢。相貌似幾吸引，份量大就真係大過平時普通食開既蛋治既，但蛋就無乜蛋味，牛又無牛味，成份三文治都無乜味，好淡口，唔稱得上叫好食，求其揾間食蛋治既都可以好過佢，真係有名無實。不過，有時係要食過唔好食既野，先突顯到其他食物好食，下次再講呢間餐廳既其他食物。

荃灣人龍冰廳👀-雖然真係要排幾耐，但又真係幾好食既🤭推薦蛋牛治($29)&炸鮮蝦雲吞($36)1️⃣蛋牛治既蛋足足成吋半厚，真係整得好嫩滑，中間有蛋汁，蛋控表示好滿足😍配碎牛烘底無得輸，咬落充滿鹹香👍🏻2️⃣鮮蝦炸雲吞，皮薄外脆，入面真係一粒粒蝦架，蝦粒新鮮，而且一口size，食完一粒又一粒😆😆

以為好好彩，去到呢間「出名」嘅茶餐廳唔洗排，結果叫個奄列，等咗我足足20分鐘，一肚火！等咗10分鐘時有叫過人幫手跟一跟，佢冷淡回應：「係呀，要整呀，等下啦」我知要整要等，但無理由遲過我坐低既人叫麵都到啦，我就被無視。到20分鐘連收銀阿姐都睇唔過眼，叫果個女人幫我跟不果，直接幫我跟埋張單，佢地自己人都話「唔係好多單啫，無理由搞咁耐」，我眼見樓面兩個伙計只係不停掛住傾偈。人地麵都食完走咗，我終於都有嘢食啦。嚟到我真係開眼界，奄列落豉油！？仲要係無煮過既豉油！好咸！一啲都唔好食！到底啲人成日喺度排排排排乜呢？無錯，呢度係大大份，好多隻蛋好多火腿，不過講真佢收緊$32，我喺隔離加多幾蚊有碗麵啦，如果仲唔大份真係講唔過去囉。Anyway, blacklist for sure!

火腿蛋奄列難得尼到咁遠食茶餐廳，緊係要嗌佢最出名嘅火腿蛋奄列啦。用左3隻蛋炒出黎，真係夠足料。d蛋都炒得咁滑，又有好多火腿。仲落左鼓油，令奄列更入味。仲有食茶餐廳唔少得嘅餐包。唔係講笑，真係一個人都食唔晒呀！

荃灣西的朋友一定十分熟悉嘉樂冰廳。這間冰室其中一樣主打就是他們厚厚的雞蛋多士(目測有一吋半厚)。想試多兩款小食就一定要帶多位朋友來幫忙了。豉油雞翼也是他們的推介，肉質十分鮮嫩， 豉油汁甜咸適中，配上泰式辣醬，味道新奇又十分融合。脆皮金香的炸薯餅不是只能在美式快餐店才找到，在這裏你可以吃過夠本！最後不得不提及經典的阿華田脆脆和我第一次喝到的阿華田沙冰，傳統的巧手製作配上新潮的飲品，你怎能不愛這茶餐廳。

是日在荃新天地看完電影後，就打算在附近的嘉樂冰室吃下午茶。兩點半時竟然已有十餘人排隊了，結果我們排了大約35分鐘方能進去。由於等得太久太肚餓了，所以不用多久就叫了火腿小奄列 ($32) 和鼓油王雞翼 ($36)。奄列分量十足，果然名不虛傳！火腿與剛好煮熟的奄列十分之答，非常有口感，絕對值得一試。而大大隻的雞翼點上酸酸甜甜的醬汁，吃下去十分開胃。另外，咖哩牛腩河 ($35) 也是十分足料，挺不錯的。除此，我們還叫了阿華田奶昔 ($29)，說到飲品，人人都會提起阿華田奶昔，所以我也不例外。可惜，喝下去其實跟普通的沙冰沒大分別，不過一試也無妨。

一場黎到荃灣，老闆娘米線食過幾次，想試新野，經openrice 資料搜集，快速鎖定荃灣依間歷史悠久既冰廳，因為，我鍾意食蛋。一坐低，當然係叫佢最出名既奄列，佢餐牌寫叫小奄列，等我走去問侍應係咪有大奄列，當然得到既回答係得一個size la,哈哈 去相，個奄列有個包跟，仲要唔細架為食既我，總覺得無份澱粉入肚係唔夠飽，所以同時叫左雞翼米粉（因為同枱兩位都叫），當然跟跟跟題外話，聽到老闆娘話雞翼賣哂整緊唔通唔使點腌， 唔知點整，總之就幾好味（（仲有，竟然聽到雞翼原來可以半份好似係20蚊3隻最後，做足資料搜集既我好想飲杯阿華田奶昔，點知lunch 係無架，問幾點會有亦都唔知，所以叫左杯同佢近似既阿華田脆脆脆脆份量好多其實得我一個人食， 真係飽到反艇lol 當然最後食唔哂，如果大家見到多過一樣野想食，最好搵多個人黎 下次有機會再黎試個奶昔同炸雲吞先

荃灣人應該無人不曉既嘉樂冰廳，算係荃灣必食既餐廳之一，出名大大份。-咸牛蛋治加烘底（$31）蛋超厚身，咸牛份量都唔小，而且夠咸，即使配上咁厚身既蛋都唔會比蛋搶哂d味，加上烘底，足料好好食👍🏻-瑞士雞翼（$36）每隻雞翼都好肥美，而且好嫩滑，但唔算太入味，亦都可能因能煮既時間唔耐先咁嫩滑，配埋佢個酸辣醬會更加好食。-阿華田奶昔（$29）與其話係奶昔，我更覺似冰沙，阿華田味好重，排左一陣隊勁熱辣辣既情況下，飲到杯咁冰凍既沙冰完全係透心涼。-雖然價錢不便宜，但每樣食物都好足料，好有質素，難怪咁多人幫襯。

星期六同老婆去荃灣大街市買餸，準備夜晚煮就九大簋招呼親朋戚友， 買完餸剛好係午飯時間， 諗起好耐冇食過嘉樂嘅厚蛋奄列，就買份番屋企enjoy吓先。我地叫左一份火腿奄列，一碗豬扒通粉，一杯cold milk tea 同一杯 hot coffee，外賣。老闆娘好體貼，怕我地呆等，叫我地出去行吓先，攞得打俾我地。食物到手後我地飛車番屋企享用。火腿奄列依舊咁大portion，非常嫩滑。豬扒通粉一般啦，唔太特別。奶茶好清香，茶底靚。coffee 一般。

經開荃灣本身都知哩區好多野食，但就唔知有咩食，於是搜尋下就見哩間有好多正評，睇別人食物相都係推介厚蛋治，我都叫一份試下，的確好好食，蛋唔會鞋，而且最重要夠厚，食完都幾飽肚。

我一世人都幾乎住在西貢，一早已經見盡西貢食店的生態。西貢食店有個最有趣的地方，就是營業時間大多數是「早開早收」，早上七點八點開門營業，直到下午六點七點，未到晚市時間就已經宣告關門休息。出到九龍，我還以為西貢食店「早開早收」的習慣，不會出現於香港九龍甚至新界的食店。誰不知原來荃灣還有這樣營業時間的食店，那食店的名稱叫做「嘉樂冰廳」。「嘉樂冰廳」的位置，剛剛好卡了在荃灣兩個港鐵站，「荃灣站」跟「荃灣西站」之間，我最初以為從「荃灣西站」出口，徒步走到位於「新村街」的「嘉樂冰廳」會更節省腳步。但是事實跟我期望的剛剛相反，我從「荃灣西站」出口走出來，一路走向「新村街」的過程，原來沒有我預計那麼輕鬆，單是要跨過「川龍街」，再繞過跨過「荃新天地」跟「如心廣場」，搜尋方向和查地圖都已經消耗我很多的精力。直到我最後走到「新村街」，找到「嘉樂冰廳」的時候，天色已經開始入黑變暗了。幸好「嘉樂冰廳」門口沒有派籌或者輪候等等的制度，所以唯一阻礙我尋找座位的難題，就只有「搭檯」的問題而已。我一推開「嘉樂冰廳」店門，剛剛進入餐廳的一刻，我立刻被「嘉樂冰廳」全場近乎爆滿，高朋滿座，水洩不通的氣氛所嚇窒。我好不容易終於

任何時刻都座無虛席，在荃灣街市裡新村街的一間嘉樂冰廳。嘩~佢哋嘅咸牛肉蛋治超吸引，大大份一隻手都根本上揸唔曬，雞蛋超厚而且好香滑，咸牛肉份量剛好，吃完了都已經飽到上心口，每份31蚊連烘底。杯凍檸檬茶超得👍🏻👍🏻茶香味濃，檸檬都好新鮮😋😋好掂😉😉每杯21元。雖然冇套餐，必須要單叫，不過份量十足。環境算ok, 每張枱都要卡位，人多就坐得逼少少。不過任何時間都咁多食客， 證明好食先咁多人啦～好想講荃灣好在有你🤣🤣

上網見到推介，满懷希望去食下，點知就後悔了，一入門口就見到d員工黑口黑面，舉手舉左十分鐘示意落單，當我透明，到我開口叫落單，個老板晦氣地回應等下先，我明白可能佢好好生意，少一個顧客都吾介意，但做服務業，吾係甘囉，服務態度極之惡劣！野食方面，味道一般！衞生情況差，地方陝窄，不如改裝做立食吧啦！跟住又見到有個客等外賣，佢話等左十五分鐘，之後個老板竟然鬧個客話唔知佢等緊，但我眼見佢顧著同人打牙較！我後面枱客等野食等左半個鐘，佢都算有耐性，但佢最後選擇唔等，一肚火。真心希望佢快d執笠！