嘉樂冰廳 (新村街)

营业中

休息中

知道佢會就黎結業都好唔捨得，所以今日專登去荃灣嘉樂回味一下，記得細個果時，屋企人每個星期六都去食，佢喺蛋治真係冇得輸，非常厚，食一份已經好飽，佢d蛋唔會整到好熟，好滑，去第2間真係食唔返咁好食嘅蛋治

舊式冰室真係買少見少 荃灣既嘉樂冰廳3月結業 唯有趕係結業前再食一次 呢間冰室成日都排長龍 專登揀平日晏就4點去 好好彩唔洗排隊 即刻有得入火腿小奄列招牌巨型奄列 就算係小奄列 都好大份 用上六隻雞蛋🥚煮得有啲似煎蛋mix滑蛋 有啲位係脆皮既煎蛋 有啲位半熟充滿蛋汁同流質既蛋白🐽一條條既火腿幾粗身🍞面頭擺左塊搽左牛油既方包 幾軟熟 不過擺得耐會吸左蛋汁淋左 所以最好快啲食左佢 牛油份量如果再多啲就更好🍳奄列份量好大 食到最後有啲膩 味道其實同岀面既差唔多 不過勝在大份酥炸鮮蝦雲吞即叫即炸熱辣辣 心急得濟成粒擺落口 差啲辣親🥟一咬落去 雲吞皮好薄好脆🦐餡料份量唔細 鮮蝦好彈牙一啖一粒 一啲都唔油膩 又唔會炸到乾哂 唔洗點甜酸醬都咁好食 推介豉油王雞翼雞翼大隻脹卜卜 肉質嫩滑juicy 幾入味側邊既醬 感覺有啲多餘好立克奶昔稠稠的 好濃好立克味 仲好順滑 唔會過甜 推介希望結業前 可以再食多次

聽聞嘉樂冰廳快要結業，所以今次特登黎試試佢好出名嘅蛋牛治！我係下午茶時間去到，餐廳裡面一直坐滿左食客，我等左一陣就可以入去食喇～餐廳座位比較逼，而卡位嘅枱亦較細，野食黎到有機會唔夠位擺。呢度係無茶餐供應嘅，我就散叫左個鹹牛肉蛋治同阿華田奶昔，茶餐廳黎講都唔平。黎到喇！果然係幾大份，個炒蛋夠曬厚，非常足料。可惜炒蛋嘅口感偏老同乾，味道比唔上個視覺效果，但整體食落都好滿足。至於個阿華田奶昔，華田味道香濃，但盛惠二十九蚊，性價比低。

之前知道佢地將會結業已經打算去食，但最近發現佢地會繼續營業係值得開心既事我去果時已經就收鋪，因為佢地收1900，我1830先到，所以唔洗等太耐😚佢地既野食都好大份好抵食，絕對會食飽你😂豉油皇雞翼($36)雞翼好入味，肉質鮮嫩，而且有6隻，價錢唔貴酥炸鮮蝦雲吞($36)酥炸雲吞也酥脆，外面夠脆入面夠彈牙🤤鮮牛蛋三文治($29)蛋牛治好大份加左2蚊烘底，有好厚好滑既蛋火腿小奄列($32)食落好滑，唔好以為佢係小奄列就好細份，其實好大份架

「炸雲吞」有點油，不過蠻好吃的。我姨特別好奇是怎麼炸的這麼酥脆！  「蛋牛治」牛肉不是一般的嫩，超級超級嫩啊！好吃，怪不得很多人推薦，值得點！  「火腿奄列」咸口，雞蛋炒雞炒雞嫩！分量很大，基本上是吃不完的。

I got here at around 12:40pm and waited for about 30 minutes. I heard that the beef and egg sandwich is popular, so I had to try it!The sandwich came really quickly and it was THICK 😍 The egg took up the majority of the sandwich and there was a bit of beef in it. The bread was toasted and slathered with butter, making it sooo juicyyyy (but fattening 😂😅). The egg was really soft and fluffy ahhh. I would have liked it if there was more beef though haha. But overall, the sandwich was really good 😋T

今次我地又去食好嘢啦～🥰🥰🥰就係荃灣嘉樂冰廳，排咗半個鐘，個咸牛蛋治都等咗半個鐘。同時間，我地都叫咗個豬肚麵+雲吞撈麵，食完麵已經飽肚，好彩咸牛肉開胃，咁先食到個咸牛蛋治咋🥳🥳🥳真係幾好食既

這冰室我估應該都有30多年以上吧！因為係兒時(大約中小學年代)已經存在。我自己記憶中係食過1次嘅，不過印象就好模糊，而其他好友們就話從來都未食過喎。點解我地突然會講起呢間冰室，就係因為在fb內有個post，話懷舊冰室營業多年但快將結束，當好友們聽到都好想懷緬一下兒時冰室的味道。剛巧好友們與我都係星期一請了假，所以我們相約一齊排隊試食吧！可能就係大家都聽到快將結業，所以有好多人都慕名而來排隊試食，我地大約等左45分鐘，但由於冰室環境較細，而且全部都是4人格位，所以我地要分開2張4人枱前後坐。好友們都各自點選自己想試嘅美食……炒蛋配多士，巨型咸牛肉蛋治，脆炸雲吞，瑞士汁雞翼，咖哩撈麵，阿華田脆脆，凍檸賓。食物放在枱面上滿滿的，見到都開心。懷舊味道其實就因人而異，但我地真心覺得啲食物係好好味喎，無一樣食物係我地唔like嘅。希望大家可以食番兒時嘅感覺啦！

最近幾年開了很多冰室，都是主打炒蛋多士奶茶及通粉之類的常餐。我也本着醫飽肚的心情去試食這個常餐，結果發現炒蛋如常的美味，奶茶也不遜色。屬於一所性價比頗高的茶餐廳。😋😋

每次來到荃灣，都會看看夠不夠時間吃一餐厚厚蛋治！今日本來是吃魚魚魚米線的，最後還是來了嘉樂，因為估計二月尾會開始多人，還是趁早一點先吃吧！今次點了三人份量吃，吃得飽飽的😊好滿足！咖哩牛腩，嘉樂的咖哩非常正，不會過辣又不會無味，薯仔好淋入味，牛筋亦一樣，而意粉亦不會過淋，係每次都會吃的。厚蛋，說真的真是很飽肚，但蛋治比奄列好吃，可能因為奄列有加入豉油，令整個食品很膩！至於飲品，他們的奶茶茶味算濃滑，基本上見其他客人都是點奶茶或檸茶的，至於谷古則普通。希望結業前還可再來。

嘉樂冰廳聽就聽過好多次，成日聽人講要排長龍，今日去到果然如此，條龍話長唔長話短唔短，一開始以為好似澳牛果d咁會好快排完，點知望一望間舖，原來都幾細🙈 結果，我排左十個字先入到去。我地兩個人叫左三樣野，一口炸雲吞，雞翼同火腿奄列。一口炸雲吞真心正，好鬆化，又唔會覺得好油。雞翼食落都覺得好舒服，調味調得岩岩好，又唔覺有雪味，食下食下自己都食左三隻😂奄列蛋好滑，又夠大份！總括黎講我覺得值得黎排下隊朝聖既，希望將來仲keep到原汁原味啦。

早排聽到嘉樂冰室準備結業，只食過一次不捨又未稱得上，不過始終可惜又一間老式冰室消失。週末約朋友去荃灣行街，專門兜去食家樂，已經過左中午食飯時間，人龍依然長到嚇親人，等左半小時有多先有位，最勁係食完出黎已經差不多4點，依然好多人排隊。滑牛麵一落單即到，牛肉唔突出，但個麵底好正，爽口又冇鹼水味，落醋食好正！滷水雞翼應該係招牌之一，滷的非常入味，肉質嫩滑唔乾，價錢都幾貴不過雞翼大大隻算係足份量啦，最愛雞翼嘅我食左大半碟。咸牛肉蛋治好大份，無論厚厚嘅炒蛋抑或咸牛肉份量都好足，食起有少少狼狽不過係好滿足嘅，加2蚊烘底食落脆身口感好好多。炸雲吞好香口，外面脆卜卜蝦肉餡則依然彈牙，好味道不過食多幾隻有少少油膩。仲有杯柯華田奶昔，打得好幼滑飲落都唔會太甜。店員太忙所以漏左單，等左差唔多一個鐘先上齊全部食物。最大問題係店入面冷氣太凍啦，好似入左雪櫃咁令個人好唔舒服，希望可以保持番係正常溫度。唔計冷氣太勁，食物係幾好味，雖然以茶餐廳黎講價錢偏貴，不過份量都算大，所以打和！

今日第一次幫襯，唔知叫乜嘢好食，睇咗食評，叫咗一個火腿奄列，雞蛋煎得半生熟程度算係恰到好處，火腿絲夠粗壯，算係唔錯。另外叫多一個雞絲湯麵，雞絲夠新鮮，生麵比較重鹼水味，還有生麵太淋，下次唔會再食。

之前見到有推介呢間嘉樂冰室想試好耐😍😍不過佢真係係一個對我來說的偏遠地區✨✨✨✨荃灣✨✨✨✨直至前幾日見到有廣州朋友post滷水雞翼睇啲相勁吸引。。。原來係呢間嚟今日終於去試咗。。。但的確係要排隊🤨🤨🤨個滷水雞翼真係好好味。。。但個炸雲吞就一般😯😯😯而個奄列亦都冇乜特別反而對佢有多款特色飲品感到興趣最推介都係滷水雞翼

位於荃灣嘅嘉樂冰室， 真係開咗好耐， 細細個已經幫襯， 雖然裏面嘅裝潢同食物都係維持喺十多前， 但食物嘅水準同樣地歷久不衰，兩個字 "好食"， 雖然物價膨脹，價錢都比以前加多些，但比一般嘅茶餐廳都係十分抵食！必食嘅招牌菜係脆炸雲吞，雲吞炸得很酥脆，裏面嘅蝦肉新鮮，加上酸甜醬十分惹味！豉油雞翼，真係十分嫩滑，特製嘅豉油汁甜甜地， 好好味！原味牛腩米粉，牛腩湯底十分好昧， 牛腩都係用上等材料!呢度仲好有趣，差不多收工嘅時間，老伯伯會開大個音樂，好似通知啲街坊佢哋差不多收工了， 但係佢個人亦好nice， 這些充滿人情味嘅小店真係買少見少，值得珍惜一下！