嘉樂冰廳 (新村街)

营业中

休息中

今日星期一放假特意黎食，不用排隊，眼見舖面好細。叫了一份奄列、鮮牛肉蛋三文治（烘底）、炸雲吞及一杯涼粉冰。奄列同三文治都有滿滿嘅蛋可以食，蛋味濃。最推介鮮牛肉蛋三文治，真係好厚蛋，食落好有口感！炸雲吞都好香口，不錯！

見有咁多人like, 今早特登從屯門坐車出荃灣慕名去一試。一個人去食茶餐，搭枱係常識。但係樓面個阿姐態度惡劣，要我轉左四次枱，當D單身客人好似乞衣咁搬來搬去，呢下對食客極唔尊重已經算！仲話我一個人霸住2個人嘅座位，佢講野真係好有問題！但係因為叫左野，唯有繼續坐，忍住冇出聲。間餐廳地方淺窄，仲要加摺凳讓食客坐落中間條走廊度，阻住客人出入。等野食其間，見到有一對男女突然起身離開，好谷氣咁講「你有佢嘅樓面冇同我哋落單架？等咗咁耐都未有野食，我哋唔要啦！」個樓面阿姐話「你已經落左單」，個男客人好有禮貌咁話「我俾你食埋佢啦！」眼見客人等野食等到要起身離開的話，可想而知間餐廳嘅樓面同廚房流程管理極度不善！總之，如果一間餐廳佢嘅服務態度令到客人未食嘢已經咁唔開心，啲嘢幾好食都冇用！唔好恃住自己出咗名，就唔需要保持服務態度和禮貌。樓面員工服務態度差，加上餐廳無法應付人流客量而出現流程管理有問題，就要變相讓客人受氣啦！今時今日咁嘅服務態度點得㗎！

I heard that this place is closing soon, so I wanted to come and try the egg sandwich. When I got there, I had a small heart attack cuz I thought it was already closed since there was a sign on the door and the store looked dark. But when I looked closer, the door was tinted and there were still people instead, thank goodness LOL. Not long after sitting down with three other strangers at a booth, the waitress came over with their drink and spilled it on the customer who was right next to me 😰 th

今日試了嘉樂的咸牛肉蛋三文治(烘底)，真係很讚！厚蛋、有蛋味, 同出面蛋治好唔同！雖然排左好耐，但好彩無令我失望。叫左杯熱奶茶……都好正！原本以為今日之後無得再食，原來係老闆退休，會換新boss..但保留大部分員工，所有食物質素、落料及價格不變……下次試下牛腩雞翼麵... 睇到隔離枱有人叫好想食..不過一個蛋牛治已經令到我好飽肚食唔落啦……

《雖然搵食艱難，但係生意唔係咁做架！》有留意我Story既都應該知道發生咩事，就係老闆娘整錯咗一個烘底既三文治俾我然後要收番錢🤦🏼‍♀️ 呢個都算唔緊要啦，只係原則問題🤘🏻講番啲食物，雞翼同炸雲呑真係做得唔錯，雞翼係好入味同好嫩滑，唔係一尾得個咸字，呢度既雞翼係真係拍得上文記既我覺得。而炸雲呑係即叫即炸，好新鮮得黎，蝦都仲係好彈牙。但反而次次黎親呢度叫炒蛋類即野都幾令人失望，繼上一次叫奄列個蛋係乾到火腿上係唔會有一滴蛋汁之後，到今次叫蛋牛治(蛋生啲) 食落都係咁乾身。。但除咗呢樣野，味道都唔差，但俾我就都係食番澳牛算，至少個炒蛋係保持到個水準，唔似呢度次次食親都覺得師傅應該係輸波輸馬咁🤔好似做埋呢個3月，想食就趁早啦💁🏼‍♀️

一個星期三黎，1405 開始等候，1439 入座，1509有第一樣野食！同我一齊入座嘅都食完碗麵，我一樣食物都未有。🤣我叫左咩要等咁耐呢？本來想飲好立克milkshake ，但嗰日咩milkshake 都無，只好叫一個平時少見嘅「鳳凰奶糊」。鳳凰奶糊$24第一樣上嘅食物係鳳凰奶糊。奶糊唔係用平時燉蛋燉奶嗰啲碗上，而係用雲呑麵碗，好大碗。同枱嘅人見到，都有「嘩！」一聲。奶糊有吉士custard 嘅質地，食落似奶、蛋、杏仁嘅味道，唔係好甜，幾得意。由於所有嘢都滑嘟嘟，隻生蛋搞左好一陣子先爛。由於係第一樣上，又要熱食比較好，我努力食完已經飽左6成。🙈滷水豆腐（1件）$12雞翼一叫就6隻，我得一個人，想食滷水唯有點一件豆腐止下渴。豆腐嘅size 係正常嘅。本來以為切開入面係滷到啡色，但又唔係喎！味道ok! 食埋豆腐飽左7成。碎牛蛋治$29蛋治一如既往以「大件」岀名。蛋半生熟，有蛋汁，碎牛份量剛剛好，唔會太咸。食左半件已經飽曬。我自己坐多左陣呆望下剩低嘅一半好一陣，先再食得落！

呢間冰室係荃灣已有41年歷史，傳聞話今年三月底即將光榮結業/轉手。我一早就久抑大名，終於趁結業前叫埋同學一起來吃返餐先，尤其是招牌小食，話有六隻雞蛋整成的奄列！餐廳內規模細小但五臟俱存，多人時就坐得逼少少同要係出面等一段時間先入到，但安排得好快，店員都好nice!.今次吃得好飽好豐富，份量大份又足料，吃完飽到晚餐！.是日下午餐叫左📋：📌 鴛鴦酥炸鮮蝦/菜肉雲吞 (雙拼各5粒）{HK$36}📌 火腿奄列配餐包｛HK$32}📌 鹹牛肉蛋治(烘底)｛HK$29}📌 煲檸檬可樂｛HK$19}推介👍🏻👍🏻👍🏻👍🏻👍🏻

無意之中發現，差唔多12點到，唔洗排隊，系菜市場隔離。玻璃黑啡色以為無開，入面好細，食得好辛苦。蛋牛治烘底-31💰，超級厚，超滿足，一人一半夠飽了。豉油皇雞翼-36💰，好入味，從來未食過咁好味噶雞翼，有種豉油雞的感覺，但系中間又有d好似檸檬一樣清新的味道，唔識形容，總之好好味咖哩牛腩湯河-30💰，唯一缺點湯太少，河粉都乾了，我地食曬上面d咖哩牛腩😄😄熱檸檬茶-19💰，茶底超級濃，好多片檸檬，連檸檬茶都落足料👏👏分量超大，對面阿姨自帶飯盒，裝滿個盒，都仲有一大碟

上次黎食聽到姐姐話做到3月底就結業所以趁住今日約埋朋友一齊黎試多啲野食🥳星期日既下晝去到已經好多人排梗隊啦～不過我地排左半個鐘左右就可以入去，姐姐都好細心幫我地調枱五個人可以一齊坐😬必叫既一定係火腿小奄列！一啲都唔小，叫左兩份五個人share都係岩岩食哂咋，佢個蛋汁真係一流❤️我個人最鍾意一定係豉油王雞翼係出左名超大隻！仲要非常入味！熱辣辣食完一隻又一隻🤪炸鮮蝦雲吞都一樣出色！望住姐姐一路包一路食感覺都新鮮啲😂西多士炸到金黃色多人先敢叫，每人一兩舊岩岩好😍野飲就一定係叫好立克奶昔其實飲落口感好杰，似沙冰多啲，但有極濃郁既好立克味，又唔會太甜🥰今餐真係好滿足！雖然就黎結業，但都希望老闆既後代有一日會帶返火腿奄列俾香港人啦😭

有時候大家共同嘅回憶，都會經常係茶餐廳出現，這家 <嘉樂冰室> 都同我經歷了很多寶貴光陰， 好細個已經喺度食茶餐，估唔到老伯伯可能退休了，好似話不再營業，希望唔係真的！呢度最出名嘅係招牌炸雲吞，雲吞裡邊蝦肉爽口，香脆嘅雲吞皮加上酸甜汁，真係十分美味，每次都必點！其次就係豉油皇雞翼，真係出邊食唔到咁滑，雞肉加瑞士汁，真係恰到好處，唔會太甜！我既最愛係牛腩米，米粉除咗有蔥花之外，湯底亦味道很濃，我最喜歡加上辣椒醬，牛筋很爽口牛腩亦十分柔軟，我朋友點了一個餐蛋麵，餐肉十分厚身，煎得香脆！哩間嘉樂我每次都會介紹朋友來幫襯，希望這間兒時回憶可以繼續經營！

星期六同幾個舊同學去荃灣行山🌞🌴同學提議把握時間喺月底結業前黎試下好出名既蛋治🥪同雞翼🐔大概2點半黎到，喺對面街排左成個鐘終於入得!由於我地好肚餓，就一於叫晒有圖既食物(全部都係招牌菜啦)😆我地叫左雞翼麵🍜、炸鮮蝦雲吞🦐、豉油王雞翼、火腿奄列🥚、鮮牛蛋三文治🥪我最鐘意係個炸雲吞，蝦🦐肉新鮮彈牙，雲吞炸得超脆，個皮好薄(唔覺唔覺食左幾粒🙊)點埋個甜酸醬好正🤤🤤豉油王雞翼好夠味，每隻雞翼都好肥美多肉，食到lamlam脷😋我覺得唔洗點個甜酸醬都已經好好食一碟有6隻，好抵我自己叫左個雞翼麵可能上面個淨雞翼太好食，浸左湯既雞翼相比之下冇咁惹味，但d雞翼係一樣咁大隻(仲有4隻添😧) 麵既份量好多，其實齋食碗麵都應該飽左😂一場黎到又點可以少左出名既奄列呢😝個蛋由面到底都係好滑，一d都冇過熟👍🏻佢落左少少醬油(應該係美極)令到個奄列味道再豐富d，. 好好食😋蛋治個蛋都好厚，感覺上冇上面奄列咁滑不過個鮮牛肉幾嫩👍🏻好開心今日咁岩黎呢邊食到咁好味食物😁排一個鐘都抵可惜冰室好快就要結業有興趣既朋友去開荃灣都快d去試下啦!><

嘉樂冰廳係荃灣老牌茶餐廳 (朋友話：我由細到大都食佢！) ，位於舊區，嘉樂冰廳隔離就係豬肉舖同麵粉舖，附近週圍都充滿住舊區氣色，好香港好懷舊，成日望住高樓大廈同大商場，望番呢種社區都別有一番風味。餐廳招牌餐廳餐牌咖哩牛腩撈意粉咖哩香濃；薯仔夠粉夠入味；牛腩有肥有瘦既部位，但都夠淋身，唔會韌同鞋，正！聽朋友講嘉樂既阿華田奶昔好正，可惜個陣無曬同埋係自己一個去食，點左個意粉就無得試其他野，見到附近既人點既幾樣野都好想試，好似有西多士、雞翼、炸雲吞都好似好正咁 本身想睇下有無機會再食嘉樂冰廳，不過佢平日7點就收舖，同埋月底就結業，睇怕都無咩機會 你地有機會就好快d去食！

久違的荃灣嘉樂冰室，話說之前未出傳言話會結業前，我已經食過N次都覺得好好味，每次同朋友兩個都會叫咸牛肉厚蛋治、豉油王雞翼(點埋泰式辣醬又係好好味)、炸薯餅(我至愛！) 阿華田奶昔(正！)，我有時放假訓醒唔想食正餐但又中意食小食，呢間正符合我要求，不過都幾多人排隊😢但好食，希望繼續長做長有，係回憶呀媽～

平時好少有機會黎荃灣，上星期join左活動喺荃灣區，一定要黎試下呢間荃灣名店去到門口見到有人龍，聽人講話好似做到三月！？入到樣樣都想食，最後叫左咸牛肉蛋治，瑞士雞翼，喺等嘅期間見到好多人叫炸雲吞，好似好好食咁，同埋又有阿華田脆脆，好立克奶昔，愈等愈肚餓終於有得食，個三文治好巨型，d蛋好正，咸牛肉都係standard野，不過都係無咩特別，下次應該試下鮮牛肉蛋治，奄列我都好想試瑞士雞翼真心好正，勁推 一上枱新鮮熱辣，每隻雞翼都好飽滿，而且好juicy, 好入味，食到唔停口，就算唔點泰式辣醬都好正 好想再去食食到一半見隔離叫左個好特別嘅甜品，即刻睇下menu先，叫鳳凰奶糊，咁大個人真係未見過，上網search原來係以前廣州名物，用雞蛋，牛奶整，我諗喺香港未必有其他地方有得賣

荃灣📍Omg開到三月底咋🔊🔊仲唔快啲去試？！？！搵唔到第二間#餐廳 有八隻#蛋 嘅#奄列 㗎啦 但其實最好食係佢嘅豉油皇#雞翼 同埋鮮蛋#奶昔食呢個沙爹牛#蛋治 嘅時候好開心好滿足呀 ！！！！🤭🤭🤭 回味中 🤭🤭🤭.⚠️建議湊夠四個人一齊去坐卡位咁就唔使同其他人搭枱喇⚠️.#嘉樂冰廳地址: 荃灣新村街40B號地下電話: 24937308.Overall scores:8/10🌟