嘉樂冰廳 (新村街)

营业中

休息中

知道冰室將於三月結業，專程入荃灣食，星期六下午五點半到，好好彩唔洗排隊即刻有位坐！冰室裝修睇得出經營左好多年，好有懷舊風味，由於佢好多人幫襯，所以他位都要兩人拍埋一邊坐。雖然佢地成日都有好多人排長龍，但樓面對客人都好有禮，好家庭式感覺。食物性價比超高蛋牛治份量超大！雲呑撈麵鹵水雞翼: 鹵水汁好入味，雞翼無雪味，出面食唔到可惜佢將會係三月光榮結業，想食好快啲黎啦

2018年12月22日星期六冬至1:50分到嘉樂冰廳排隊等19人排到2點多先入座，算是唔太多人了。我們點了雞翼撈米、雞翼牛腩湯米、炸雲吞、凍🍋檸茶及凍奶茶。説説我本人點的雞翼撈米，雞翼相當大隻入味，醬油夠上色又夠味道，重點係有4隻咁多，價錢又不太貴，三拾多元，另一點的炸雲吞有十粒咁多，內裏有🦐一隻及少許豬肉，炸得相當酥脆可口，一口一個，回味無窮。嘉樂份量之大見稱，建議大家分享或多人可試多點美食。

一直都想去試試，可惜次次見到大排長龍就放棄了。之前收到消息話明年三月榮休，決定今日同朋友去碰碰運氣。上午11:30到達人龍唔長，大約等左20分鐘就入得。咸牛肉蛋治烘底$29好厚好大件，如我一個人食曬成份應該會食唔落其他野🙈蛋配上咸牛肉味道剛剛好，唔會過咸，而且咬落仲有少少蛋汁流出來豉油皇雞翼$36本來無諗住叫呢個，但見到對面對情侶食得好滋味，忍唔住想試試。一共有6隻，每隻都大大隻好肥美。雞肉好嫩滑滷得好入味，唔需要沾個酸甜醬，如果配埋個麵就一流炸雲吞$36係排隊等位時見住佢地包，好足料既感覺。即叫即炸，熱辣辣脆卜卜，蝦肉同豬肉分布均勻，好好味朝早要飲返杯咖啡醒醒神有驚喜，咖啡味好香好濃但又唔會太苦，淡淡奶香味

朋友介紹可試的新餐廳，還要排隊才可以吃，所以有點期望。餐廳空間不大，座位較十狹窄，不宜太多東西隨身。平均味道還好。咖喱牛腩河味道不錯，雞翼滑滑，炸雲吞尚算鬆脆，火腿奄列比網絡上的高評價失望。坐收銀的姨姨態度不行。

好好彩排隊10分鐘左右就有位無阿華田奶昔唯有叫紅豆冰，友人話好多紅豆好淋好好味，牛腩麵好夠份量，而且炆得夠淋，薑蔥炸醬撈麵係我至愛，無簡水味，好多薑好正，所有薑我都食晒，麵質軟硬適中，係我心目中想要，所以我每次來都必叫，熱鴛鴦帶苦，如果多d奶就更好。雞翼又係超正，大大隻啖啖肉。今次無叫奄列同蛋治，因為唔想食太飽。聽收銀講2019年4月3日係last day，4月5日交鎖匙，已經有人頂黎繼續做落去，唔知會唔會保留所有餐牌，食物同招牌呢

🤤✨✨超正荃灣冰室！🥪✨✨Cafe港女真係好少會愛上一間茶記之前食過澳牛 華嫂 維記果d都冇乜興趣再排隊去食😂但呢間真心正😍就算要排半個鐘都值！可惜老細好似三月就退休😟要食就趁早喇-🥪咸牛肉蛋治🍳($29)個蛋真係超超超厚！加埋咸牛肉呢個組合真係冇得輸兩次黎都係嗌呢個記得要烘底😌-🍗豉油皇雞翼🍖($36)有六隻！隻隻都漲卜卜雞肉好滑 滷得好入味🤤-🥟雲吞葱油撈面🍝($35)雲呑係自己包 好足料蔥油撈面勁香☺️但食到一半會覺得膩-🥛好立克奶昔（$29）飲完會好飽 可以兩個share仲有柯華田沙冰-見好多人都有嗌奄列同咖哩牛腩河但太飽冇叫到要食就快啦！三月就結業😢轉左手就唔係同一個味道了

長期要排隊的嘉樂冰廳，紮根荃灣41年，於明年結業了，所以趁結業前和男朋友再訪一下！行到舖前，竟然沒有人排隊？？原來條隊係要排對面街（*注意）！想食好西當然要等啦，最後等了25分鐘左右入座。店舖不太，座位之間也很迫，環境也很嘈吵，點完餐之後，職員更説要再等40分鐘！想食嘉樂的話，是需要無比的耐性！豉油王雞翼幾乎每枱也有點，係有原因嘅！6大隻雞翼，熱辣辣的，唔點醬已經好夠味，雞皮仲有d脆，肉質嫩滑，好好味！火腿小奄列並不小的奄列，個size有塊面咁大，蛋同火腿的份量非常多。不過蛋係overcook左，奄列裡面冇蛋汁，更可怕的是火腿絲係凍冰冰架！人流太多所以一時疏忽？因為我們不想再等待，所以沒投訴更換。咸牛肉蛋治彌補返奄列的失望，超厚蛋治，蛋中心keep住d蛋汁。男朋友指定的烘底，配合這蛋牛，零遺和感！

龍尾請於對面欄杆排隊，是否好誇張，但這是事實。因為坐位不多，客人又願意等候,所以隊尾要去對面欄杆排隊，免得阻礙隔離鋪頭做生意。今日食的是牛腩麵，牛腩牛筋炆得好入味又稔滑，幼麵爽口彈牙，但一定要快些進食，如果稔了便失真，他們也會放大量青葱，使個麵的香味提升。鮮蝦雲吞麵大大碗，又很重量的六粒雲吞，雲吞的蝦肉爽脆，充滿了鮮味。但我有時覺得雲吞包得太過實，是真材實料但是有點死實的感覺。

來到嘉樂冰廳 第一個現象是排隊，第二個現象是搭枱，但每個人都樂意這樣做。老闆從來都不吝嗇煑食物的時間及材料，他要客人食得飽飽的。他們有好多出名的食物，但一次過不能吃哂全部，今日食鹹牛肉蛋治烘底，因為製作需要一段時間，所以大家都要耐心等待。鹹牛肉蛋治 他們不會將鹹牛肉和雞蛋兩者混合，而是分別放在麵包上面，鹹牛肉經過他們處理變得滑滑的，雞蛋用上數隻煎成厚厚的蛋餅放於上面，當你品嚐時，要張開大大的嘴巴才可以咬下去，有趣。奶茶就順口柔滑，茶味香濃，色澤金黃，一杯上好的奶茶。 很可惜他們只經營到明年三月便光榮結業，要多去幾次捧下場，吃下自己喜愛的食物。

呢次幫襯係喺佢結業消息傳出之前，中午12點前來到見到只有幾個人在排隊，立刻加入隊伍之中! 自從結業消息傳出，每次經過都見到排隊條龍喺對面，永遠都咁長龍，暫時未有機會再試! 預咗呢啲人氣食店要搭枱，睇得出侍應姐姐定係老板娘同街坊好熟好好傾，有好幾個街坊或者街市嘅人黎幫襯都會同佢傾計吹水, 咁有人情味嘅食店要結業真係好可惜，街坊少咗個可以吹水嘅地方...其實我覺得佢嘅炒蛋，賣點只係用左好多隻蛋嚟炒，影相會wow到人，味道嘅話我覺得滷水雞翼更加好味，滷得好入味又肥美!! 整體嘢食質素中上!! 都希望係佢結業之前再嚟食一次!!!

到荃灣參與結婚日，趁空檔一人跑到街市中的嘉樂冰廳吃個下午茶。等位30分鐘，方能搭枱入座。一個人點了準備外賣的二人份，包括蛋咸牛治烘底($30)、炸鮮蝦雲吞併菜肉雲吞($35)及阿華田奶昔($28)。本來想點鮮肉蛋治，但周末沒有鮮牛，故轉了要咸牛。這裡的蛋治以激量厚蛋著名，一試果然名不虛傳，蛋味香濃，要將開大口才能將之吞沒。炸鴛鴦為老港式炸味，帶梘水香，餡料各有千秋，蝦肉爽口，菜肉味香。等了15分鐘才到的阿華田奶昔，就是慢工出細貨，阿華田味超濃厚，奶昔喝到還有極碎冰粒，非常滑溜。來到荃灣，走進舊區，要再來朝聖吃鮮牛。

- 地道港式早餐 -朋友由美國嚟到，話想食地道香港早餐。於是我一早帶佢去荃灣嘅嘉樂冰廳，入到去剛剛好有位坐。我地叫左小奄列、鹵水雞翼、熱奶茶同凍鴛鴦，份量足夠兩個人食。而同枱嘅男仔叫左件蛋牛治，係超級大份量，蛋厚過塊多士，真係一個人未必可以食得哂。佢好好人呀！比我同朋友影下件三文治。冰廳明年三月結業，好好把握時間啦！

好早好早之前已經將呢間冰室add入must eat之前睇介紹話呢到就快結業 又重燃起要來的慾望終於比我搵到機會過在行山前食個早餐 9am已經滿座 不過得一條友 佢又出名大大份 食唔到好多野咸牛肉蛋三文治(烘底)Size真係好大 一口係唔會食得哂 好香的蛋味 食得出唔會充大份再加水之類食左半塊其實已經飽飽地 果然夠哂抵食 華田脆爆雖然係有少少甜 但就飲到好濃的華田 即使冰溶都唔會變淡 仲有其他野都想食 見隔離枱叫了炸雲吞 都幾吸引 但一條友真係食唔哂希望係佢結業前再有機會試埋其他美食啦

係IG上介紹嘉樂冰室，決定一試龍與鳳.已經盡量避開週末，同埋lunch時間居然都要大排長龍.排隊時一個女仔同老公從紅磡過來食，佢話我知.佢地要執啦～專登同老公來回味一次（以前佢地拍拖一起來食過）睇得出尼間冰室有一定的日子了推薦我一定要食炸雲吞同蛋治.因為兩個女生眼大肚細.咩都想食，搭檯阿姐話我知原來可以叫半分.所以我地叫左蛋治，炸雲吞仲有雞翼同埋滷豆腐.炸雲吞唔會好油，酥脆可口 蝦味濃郁滷豆腐好入味 豆腐口感一流鹵水雞翅好好味道夠曬入味，d骨好易拆開

有點令人失望既奄列🤢 亦都好奇怪既係當我post完個story 話嘉樂既奄列差咗好多既時間，好多朋友都inbox 我話早一排食仲好好食!! 所以我諗應該係我果日黑仔又或者師傅心情唔好😭個蛋煮得超級乾，一滴蛋汁都見唔到，冇口感又唔滑，火腿同蛋係完全分開🥴 咁我不如去食個常餐食火腿煎蛋。 真係好失望，同上一次食差太遠!! 但因為大家都為呢個奄列推翻既情況下，我諗都會試多一次🤪同埋老板娘見我冇咩食過都冇收我錢，我覺得都係良心小店，值得俾多次機會