嘉樂冰廳 (新村街)

营业中

休息中

轉手後第一次再試下，去到門口見到無人排隊，已經覺得有點奇怪，因為以往都起碼有3、5、7人最少喺度排隊，有時條龍要排到對面馬路添......入到去坐低後叫咗一件蛋治烘底，兩舊豆腐，1隻滷水蛋同一杯紅豆冰。蛋冇蛋味又冇蛋汁，豆腐凍冰冰帶一點宿味，味道差，滷水蛋啲蛋白望落去係一層層嘅好似酥皮咁，食落去好硬，非常奇怪。杯紅荳冰味道還可以.......未轉手之前都間唔中去吓，但係轉左手之後呢，真係比以前差好多，總之可一不可再

睇到介紹專登走去食...點知就中伏 嘢唔係特別好食都算了 d姐姐態度超差😩叫咗三樣嘢食 仲有杯涼粉奶茶冰 你以為係奶茶冰其實係奶茶+一大堆冰...卡位超窄兩個人並排坐會批掙隔離 如果對面有人搭檯 哎多樣嘢都擺唔落！無下次...見到門口寫咗張紙叫人對面馬路欄杆排隊...唔好話唔值得排隊 我認為唔值得試添啊

鹹牛肉蛋三文治 $27 (👅:8/10)鮮牛蛋三文治 $27 (👅: 7.5/10)兩份都係4隻蛋份量既蛋牛治 絕對係必食！推薦鹹牛肉！鮮牛好太塊所以會比較難咬開😹最緊要記得烘底😛火腿小奄列 $32提起嘉樂冰廳 招牌6隻蛋既滑蛋細奄列 入面仲有蛋汁同勁多火腿饀 加埋美極豉油👍🏻😋豉油王雞翼 $36嘉樂既鹵水雞翼第二度係一定食唔返咁嫩 咁入味 因為佢係你落單既時候先會再幫你煮熟 唔係浸定晒再俾你！😭好立克/阿華田奶昔 $29個人鐘意好立克 味道最濃👍🏻 真係奶昔質感 唔係沙冰 阿華田視乎個人喜好仲可以加肧芽

星期六，過楊屋道街市買餸煮飯，行過老店，嘉樂冰廳，點知奇境出現喇！竟然門口得6個人排隊，當然，我唔執輸一齊排啦，大約10分鐘就坐低喇鹵水雞翼，每次都必叫，鹵水汁香濃，唔會太咸，又有香料味，雞翼夠大隻，肉又滑，頂呱呱炸鮮蝦雲吞，細細粒，每粒都有蝦仁，絕不偷工減料，再醮埋個泰式辣醬，真係一流鮮油多，塊牛油夠厚又夠凍，多士烘到脆卜卜，自己加d砂糖，真係超級好食，唔好怕舊牛油，驚咩膽固醇！食咗先算！杯凍朱古力，太甜喇，飲比一半就飲唔落聽聞間鋪轉咗手，真的嗎？但食物，裝修，依舊喎

平日兩點鐘去到竟然無人排隊直入坐低，不過位置比較逼，網上吹捧厚蛋治但比預期中失望咸牛肉蛋治，蛋略偏乾 味道平平，真係無咩特別但勝在大大份，蛋厚。咖哩牛腩撈粗跟湯，湯就普通味精湯，但個撈粗有驚喜，個咖哩汁真係好好食，牛腩又夠腍一啲都唔韌，直得一試。鼓油王雞翼，一定要食，隻隻雞翼又大又肥美又多肉，仲要又滑，入曬味。涼粉奶茶，第一次呢種配搭，原來好夾總括黎講，嘉樂冰室食物大大份加上呢個價錢呢個食品質素絕對底食。

人龍茶餐廳，一般都要排隊，誇張到要排去對面馬路，見到條隊都卻步今日經過唔洗排隊，二話不說去試下！點咗d人氣小食，同大家分享下：凍檸茶 - 傳統茶記沖嘅檸檬茶，一飲就感覺到同普通連鎖快餐店不一樣，檸檬茶粉絲要試呀！紅豆鴛鴦 - 大大杯，好多紅豆，正火腿小奄列 - 小奄列，應該叫大奄列先啱不過個人覺得，唔落豉油好味啲，因為豉油個味道同個奄列唔係好夾豉油王雞翼 - 雞翼好入味，難怪咁多人食鹹牛肉蛋治 - 餡料大份過麵包，份蛋厚到呢，食完飽晒

知道嘉樂轉左手, 試下佢的味道係唔係keep返之前的水準. 叫左佢的招牌菜.雞翼份量一樣, 但係好咸! 落得唔夠糖, 自己整得好味過佢 !炸雲吞好多油, 佢絕對係即炸, 因為好熱, 但真係啖啖油, 如果佢可以炸完用隔油紙或者等一陣, 絕對會好少少,  炸雲吞其實係好味, 但如果少油d會好d同健康d.火朖蛋奄列唯一keep到水準可能只有呢款, 份量十足, 蛋都夠滑, 加上美極係佢的傳統, 一份足夠2個人食. 但麵包如果焗熱少少會好d.西多士 又係太多油, , 都係果句, 如果用左隔油紙會好D, 同埋佢炸得唔夠乾身, 未能用得出西多士的特式.柯華田脆脆 唯一覺得好飲就係呢杯, 上面加左華田脆脆, 感覺之前細個成日偷食華田粉咁, 好有懷舊的味道

呢間餐廳 十年如一日都大排長龍 現在d野好唔好食就唔知 今早9點多入去 好彩唔駛等位 點知d位窄到兩個人逼埋坐 咁都算 正想叫野食時 即比侍應要求我同兩位已叫和等緊野食既食客同一行4位岩岩黎既自由行調位 d野食貴都不得止 樣樣單叫 重好似擺明做自由行生意 香港老牌餐廳又比自由行攻佔

今天來到荃灣一間十分出名的茶餐廳，出名厚蛋治。它豈止厚蛋治，我地仲有試其他食物，例如炸雲吞，瑞士雞亦粗面，好立克沙冰。瑞士雞亦粗面十分抵食又好美，它的瑞士雞亦做得出色，十分入味，但不會鹵得過火，太鹹，仲要大大隻，粗面就普通喇🤣，一碗面有4隻雞亦，叫一碟雞得6隻，相對抵食，價錢差不多。另一個推介就是好立克沙冰，好少地方有，沒有放奶，只有好立克，感覺回到少時候喜歡把不同的果汁，益力多放到雪櫃做冰吃，滿足。最後就是炸雲吞，即炸，一定唔會難食，但一定要快食，因為凍左真係唔好食😂。缺點可能係人手少，要等得好耐好耐，沒時間建議不要吃喇。有時間再到荃灣我會再一戰。

今日下就見好耐冇食嘉樂去踫下運氣，點知唔洗等位。我同小朋友都好肚餓，快趣叫左一杯阿華田爆脆，火腿通粉，火腿小奄列。阿華田爆脆:脆脆好小，好彩華田味都夠濃火腿通粉:火腿絲好多但切得比較粗身幼啲口感會好啲，份量好多，都有3碗飯碗份量火腿小奄列:好大份，但蛋唔滑，用左美極調味，我覺得好咸（我轉左外賣）。後記:賣左盤之後，人情味欠奉佢地而家唔係手寫落單，對住部機落單，份奄列轉外賣都話等下先（都等左大約10分鐘）。

曾經好喜歡既荃灣排隊店, 嘉樂冰室❤️有齊懷舊、大份量、特色食物、好味道既要素, 一直都令我靈牽夢縈。近排見到報紙話去試伏😕好多食客都投訴換咗手後面目全😭週末大約6點黎到, 門口已經再無令人肝腸寸斷既長龍😮 係時候錯? 場地錯? 也許天氣體溫也猜度錯… 入到去坐門口位, 木造淺橙色既卡位🛋️牆上既風景畫🖼️天花既燈罩💡裏頭既水吧🍸 甚至連餐牌 (包括價錢) 都無變😎 只係換咗一批新人, 係收銀位, 無咗阿姐不停手咁包雲吞😟水吧既店員亦無咗份怱忙🙄係相同既狹窄空間下, 涼粉奶茶冰成為重遇既首發🍼甜度合乎現時訴求, 涼粉切開同冰差唔多大小沉底, 要小心翼翼棒上黎😖第二位係炸鮮蝦同菜肉雲吞, 有點唏噓, 雲吞無以前包得咁靚, 或者係受左歲月摧殘, 但內裏還是有著舊日味道☺️ 用番完隻蝦🦐菜肉亦👌雞翼既出現🐥 帶住往日亮麗色彩, 漲卜卜既外型帶住一點點醬汁係表面😍就似運動完努力既汗水留係幻滑肌膚表面🏃‍♂️🏃‍♀️ 咬入去, 醬汁大部份都保留到係度, 唯獨入味程度同以前比稍稍差一籌😑最後既火腿奄列, 上黎既時候, 淨係得份蛋🤷‍♂️原來係店員比少咗🤦‍♂️份量大既特色無改變過, 其實以前都係粗豪地將一大份蛋包

懷舊冰室既模樣象徵住40年既權威👑一入去就聞到好濃既瑞士汁味🍗🤤但今次冇叫😛怕食唔哂 下次再戰瑞士汁雞翼🤤🔻火腿小奄列🍳 ($32) 🌟🌟🌟小？邊到小呀？😂😂係🍳山呀😍😍🤤聽講用左6-7隻蛋去煮 火腿份量又多😎🤘🏻一食落口係估唔到會有豉油香🤩🙀似係炒果陣加左豉油 唔係後期先加🙈為奄列提供左咸香🤤 蛋唔算好滑但唔鞋🤘🏻就係奄列既口感😂火腿味出 唔係劣貨👍🏻小餐包睇落平平無奇 又估唔到係甜甜地🤩🔻香甜奶水☕️ ($21)叫佢少冰 👩🏻話盡量少 見佢落單都冇寫話少冰🥺上枱飲落底係暖既 唔怪得之唔少得冰啦🙈但成杯野都幾難飲下🤢茶味淡得來奶又淡🤯收我額外$21買左杯💩水 真係唔飲好過飲🤮仲諗住冰室/叫茶記必試奶茶 實無死 點知中大伏🤯🤦🏻‍♀️💁🏻‍♀️可能佢既🍳類產品真係做得出色👍🏻果日同👨🏼‍🦳去食 佢叫左雲吞麵 話麵質唔好🤭但係店員真心態度差 唔通真係40年既權威？🤷🏻‍♀️

聽講荃灣呢間冰廳既蛋牛治係好出名, 睇相睇得多.鍾意食蛋牛治既我地點都要黎食一次先得！咁岩嗰日落雨冇乜人排隊 平時要排成個鐘架😂鹹牛蛋治😍😍😍😍呢到既蛋牛治最大既特色就係超超超厚蛋😛 雖然唔係好滑 不過就好有蛋味我地去食嗰日咁岩冇鮮牛 得鹹牛 不過都冇失水準 值得食一次！豉油王雞翼😛😛😛我地嗌左半份既雞翼 食完就後悔點解無嗌一份！😫肉質好滑 食落好有以前呀媽整既味道 好食呀🤣脆炸鮮蝦雲吞😛😛😛呢到既炸雲吞細細粒 同埋係自己包既 食落真係好脆同埋蝦味好新鮮 我地都係嗌左半份 有5粒 唔小心食左粒先記得影相🤣整睇黎講我地覺得呢到食物都好有得色 值得黎試一試呀😄

香港愈走商業化，呢種舊式冰室就賣少見少。今次聽朋友介紹，去試一試呢間o係荃灣楊屋道附近嘉樂冰室。朋友同我講，平時呢間冰室好多人排隊，仲會排到出馬路。所以今次我地就好早出去左，剛剛好o係人龍出現前排到入去食。據稱呢間冰室最出名係巨型火腿奄列，咁我地當然都湊熱鬧叫左一份。另外仲叫多左份咸牛肉蛋治，一份雞翼同埋一個咖哩牛腩撈麵。最後仲叫多左2杯阿華田脆脆。落單大約10-15分鐘就有野食啦，以咁多人黎講，速度都幾好。雞翼係瑞士汁雞翼，一份有6隻。隻隻雞翼都大大隻，好飽肚。而且瑞士汁好入味，好濃同好甜，都唔錯ge。咖哩牛腩撈麵就有少少普通，個麵餅有少少硬終於黎到重頭戲，今日黎呢到嘅目的!!!巨型奄列!!!!!一黎到，忍唔住嘩左一聲!!真係山咁高嘅奄列呀!!!一食到口，除左食到好多火腿就係好濃嘅美極豉油味.....er...又唔可以話佢唔好食 (美極豉油都幾好食呀嘛)，但係就黎冇左原有嘅蛋香...放入口就係一陣又一陣嘅調味料味咁...至於個方包呢，我地全程冇人掂過。因為碟蛋已經夠餵飽我地啦。今次最意外嘅係咸牛肉蛋治!!!!雖說咸牛肉蛋治基本上唔會整得唔好食，但因為佢份蛋好厚而且今次冇落美極豉油，再

好難得唔駛排隊…平常到條人龍都驚, 我哋早早12:30去到, 唔駛排隊! 正’s當我哋仲研究緊餐牌時, 姐姐已經話: 雞翼同埋炸雲吞啦….咁好啦…豉油王雞翼 36/6隻 ~ 堅。好。味。！隻隻雞翼都好似我咁肥嘟嘟, 入晒味, 食得出濃濃的花椒八角味道, 肉質嫩滑, 絶非一般豉油王雞翼! 我哋一行3人, 每人得2隻勁想嗌多碟! 酥炸鮮蝦雲吞 $36/10隻 ~ 超。好。味！一粒雲吞有2粒蝦, 爽口彈牙, 炸到外皮脆卜卜, 放到最後食都依然鬆脆! 火腿蛋三文治 $31 ~ 個蛋駛唔駛咁厚呀…一份三文治用上4隻蛋嗎?????? 竟然連火腿都係厚切, 救命…也太抵食了吧! 鮮牛蛋三文治烘底$31 ~ 睇OR 食評話好多時都賣晒, 咁我哋胆粗粗問下, 點知有 wor…沙嗲牛肉滑滑的, 但我覺得個牛肉有點咸! 牛腩河 $30 ~ 邊個嗌呢碗粉架, 食左以上既嘢, 呢碗粉就算幾好食大家都已經遺忘佢喇….凍華田爆脆 $26 ~ 勁好味, 超香濃, 從未試過喺街可以飲到咁香濃既華田! 熱奶茶 $19 ~ 聽聞好醇香濃滑! 凍鴛鴦 $21 ~ 聽聞勁好飲, 人哋話好難得係唔酸既!