嘉樂冰廳 (新村街)

营业中

休息中

以前成日都要排隊 今年都係第一次食過咗lunch hour先過嚟食 好彩唔使點樣排一入去就有位坐啦 我哋叫咗火腿奄列一如既往咁大個 仲有兩塊包喺隔離都OK嘅 好有鑊氣 入邊都好多火腿仲有豉油雞翼 雞翼好受歡迎落單嗰陣都話要等半個鐘對面有個女人應該等左好耐 好嘈 係咁催單熱辣辣嘅雞翼真係好好食 好入味最後我哋仲叫咗一個雲吞撈麵但係食個奄列已經好飽啦 啲雲吞都唔係特別好食 啲面就好鹹唔係特別推介呢一個雲吞撈麵阿華田奶昔超級好飲 勁推介但係杯凍朱古力就麻麻哋 冇乜味出嚟已經見到一大條人龍

中學時代同同學幫襯過，有排聽聞會結業都想約朋友再食，點知一拖就拖到開返業都未食過。最後帶咗其他人試下，順便重溫冰廳味道。不過今次其實有點失望，雖然有份量夠大呢個噱頭，但味道似乎遜色不少。-火腿小奄列一如既往好足料，雞蛋係厚身，火腿絲份量都好滿。但唔知點解帶唔出食物香味，雞蛋口感較老，唔夠滑嫩，火腿亦唔夠鹹香。-鮮牛蛋三文治（烘底）雞蛋都係厚身，但味道唔夠香。三文治如果可以搽多少少牛油會更香。鹹牛肉嘅鹹度適中，但稍嫌同雞蛋個比例唔平衡。-鳳凰奶糊同行個位貪得意見到有食評講鳳凰奶糊，佢又心思思想試就叫咗，但我只係試咗少少。唔知點解呢碗野要等好耐，雖然我地唔太趕，但由於太耐驚漏單都催咗幾次。份量好大，完全唔係普通中式糖水份量，個碗同食粉麵個啲差唔多。佢中間有隻生蛋黃，撈埋一齊食個有啲怪，口感似無乜糖嘅吉士，淡而稠身。話要試個位都係食咗少少就食唔落，因為好容易膩同令人飽滯。

過開黎荃灣就上網search 下有咩推介見到呢間出名就入去試下舖仔細細唔太多位雖然我去既時間唔係食飯時間都差不多坐滿人見到隔離枱多數叫牛腩麵和炸雲吞但我得一個人所以只叫左個鮮牛肉蛋治（加$2烘底）超巨型特大份好多蛋賣相好吸引可能因為牛肉醬汁太多包唔夠脆而且蓋過曬蛋既味道唔太夾個雞蛋可能鹹牛肉會襯的同想像中有的距離🙈價錢還算合理

非常專一地每次去楊屋道街市都不二之選咁排隊等候食，但發覺今次有點水準下降，正常食完就唔再幫襯，但由於希望轉手後可以繼續為粉絲提供美食及保存呢份集體回憶，所以第一次多口提句。今次點了豉油雞翼米粉同西多士。雞翼沒有了卜卜脹賣相，反而細隻佐，沒有了滑溜感、沒有了Juicy 同沒有了厚(囗)感。而西多士肉眼見到由3片方包叠起並可以輕易咁逐片分開，這是由於缺乏沾上足夠蛋汁，而外邊麵包煎是浸得比較多油，希望可以留意番。

沒想到一家小小的茶餐廳居然要排隊等位，而且基本上都是拼桌，等了幾乎半個小時終於進去了，基本上，人人都是點那幾樣東西，讓我更好奇，結果味道和量真的都很令人驚喜！【豉油皇雞翼】這道菜很多地方都有，但它配上那個甜辣醬真的很酸甜可口！ 【咖哩牛腩撈麵】原本是撈意粉的我自己選了撈麵，我覺得很好吃因為撈麵不是沒有味道的，有加了點點辣醬去拌，沒有普通咖哩那麼的膩，牛腩又是好大一塊。【火腿小奄列】上來的時候我真的驚呆了，怎麼可以這麼多還叫自己小奄列？ 一般奄列可能都會炒得比較乾身，這個真的算是很嫩很好吃。【華田脆脆】這個我覺得真的太甜，甜到爆炸！以為這麼多東西肯定不便宜吧每個東西平均$30，真的難怪這麼多人排隊基本上都是打包走的！快來試試！🤤🤤🤤🤤🤤

去到先知原來已經轉左手，所以試一試佢味道有無變。同以前一樣鮮牛蛋三文治烘底都仲系咁足料，味道都比以前淡味小小，反正同以前道系有小小唔同咁樣。炸雲吞系鮮蝦雲吞，系就系炸得夠脆，但味道都系一般，同以前好大分別，所以有小小失望。

一直都好想食呢間 無奈次次都見到人龍今日難得吾洗等位 終於可以試下喇😂脆爆奶茶 - 茶味香濃加埋甜甜地脆脆～吾錯滷水雞翼 - 超正👍🏻👍🏻好食到停吾到口..個汁帶小小八角味 大愛😍蛋牛治 - 同想像有d出入 個蛋望落冇咁厚身.. 但食落發覺超足料😂蛋汁中間好滑👍🏻正啊！炸雲吞 - 炸得好香口 估吾到雲吞肉入面仲蝦粒 好有驚喜🤩🤩總結*雖然佢冇套餐要散叫 但係食物普遍都係3x蚊 加埋飲品都係5x蚊 絕對性價比高！十分推介～

睇到介紹專登走去食。餐廳裝修很舊，位置很迫，真是貼住旁邊的人坐茶餐廳來說食物種類不算很多！酥炸鮮蝦雲吞一粒雲吞有2粒蝦, 爽口彈牙, 炸到外皮脆卜卜, 放到最後食都依然鬆脆! 火朖蛋奄列唯一keep到水準可能只有呢款, 份量十足, 蛋都夠滑, 加上美極係佢的傳統, 一份足夠2個人食. 但麵包如果焗熱少少會好d.牛腩麵牛腩牛筋炆得好入味又稔滑，幼麵爽口彈牙，但一定要快些進食，如果稔了便失真，他們也會放大量青葱，使個麵的香味提升。这里的菜式多样款式多，口感纯正喇。服務：服務態度好，店員臉上常有笑容。 環境ok，消費有比較親民

第二次來光顧，今次2個人，食了3樣食物**小火腿奄列，重份量，偏油多，比上次咸牛肉蛋治，蛋不夠滑😐**脆脆阿華田，味道好濃，值得推介👍👍**咖哩牛朒撈面，面質比普通牛肭面舖幼面，牛朒好入味，好味👏🏻👏🏻

今天來到荃灣逛街，經過這一間以前經常排隊的餐廳竟然一個人也沒有，所以便去試一試餐廳裝修很舊，位置很迫，真是貼住旁邊的人坐茶餐廳來說食物種類不算很多，侍應每一台都會推介雞翼和炸雲吞，但我們沒有點鹹牛肉蛋治烘底 - 賣相很好， 蛋很厚！但是炒得過老，沒有蛋汁。味道真的普通薑蔥雲吞撈麵 - 可能沒有很多人點，點了二十分鐘才上菜。薑絲很粗亦很多，個人不太喜愛。幼麵完全一大舊，不能分離唯一可取是撈麵湯，有點醉雞的味道比較特别，但閒顯很多味精脆脆阿華田 - 其實只是阿華田加早餐脆脆，這個價錢性價比不高這間餐廳質素大不如前，環境也不舒適，未必會再來

嘉樂冰廳 給我的印象就是經典而且經常要排長龍的 雖然在附近工作 但久久未嘗試 今次終於下決心排隊嘗試一下知道冰廳出名火腿奄列蛋治 第一時間下單然後還點了炸雲吞 豉油王雞翼 西多士幾款推介的小食 看到有牛奶麥皮也點了試一試看到奄列實物真的哇一聲 果然是招牌菜大大份 吃蛋都可以吃個飽 滑滑的奄列加了美極更為滋美 西多士炸到金黃色 十分邪惡炸雲吞炸得十分脆 皮薄的雲吞內有蝦肉 點上甜酸醬 挺配合的雖然牛奶麥皮沒有被推介 但也很好吃奶味十分重 麥皮味道恰到好處 不會太甜豉油王雞翼很入味 也有酸甜醬配搭 個人覺得不用點醬也很好吃 本身也很夠味冰廳餐牌

之前食過一次 蛋都係滑蛋黎 同火腿係會融合埋一體今日買黎食 一睇 蛋炒到全熟 老哂 蛋還蛋 火腿還火腿 咁都可以講話係以奄列蛋做招牌既餐廳呀? 我唔識炒都唔會炒到咁啦下話 大快活大家樂早餐果隻炒滑蛋都有牛奶同滑既感覺 真係有無攪錯呀? 仲夠膽收成三十幾蚊 呢三十幾蚊真係比唔落呀!!!之前唔係話就執咩? 不如快快趣執左佢算數啦 門口仲見到有人排隊 你地真係傻一次就好我就下不為例!!! 呢盒真係唔識用咩形容詞形容既野 話垃圾都侮辱左啲垃圾!!

當時想不到食咩既時候，而剛行到附近見到不用排隊就入去試試看。入到去果然高朋滿座～我朋友問有無推介～我便睇睇OpenRice既大熱食品⋯便叫左炸雲吞、牛肉蛋治、炸醬麵！雲吞放了一陣仲好香口、牛肉蛋治果然份量十足，味道幾好、炸醬麵既炸醬我覺都幾辣，但可接受！埋單果陣都是大約$100左右超低食喎～值得一試和推介比朋友去試！但有個唔好既地方就係好早就截單收工，只不過大約7點多就已落閘。若想試試既朋友就要早點去啦！

未轉手前食過，一直心掛掛掛到宜家。終於今朝特登搭車入去食個早餐，點之。。。喺門口見到無人排隊心諗發達啦，之前外賣一份蛋治都要一個鐘，但係嗰一個鐘係完全值得。入到去後已經聞到伏味，好似去咗翠X咁，大部份都係自由人，就連個伙記都操非廣東話。無理咁多。。懷住興奮嘅心情落單。。。得個厚字，無蛋味，炒到又乾又鞋失 敗！又係一樣，乾而鞋，失敗中嘅失敗同上幾次食，差天共地，唔怪得宜家無人排隊啦。。可以從清單移除。。。 ByeBye 無下次

未入餐廳門口已經有兩隻死左大曱甴，再望真啲旁邊有個透明信箱，入面又有一隻已經唔知死咗幾多日既乾屍曱甴，其實已經好唔開胃，不過因為都排咗半個鐘隊，所以硬住頭皮入去。入到去叫左好幾款食物，炸雲吞，湯麵，滷水雞翼，小奄列同兩杯飲品，味道是不錯的，但上菜速度不能夠接受。當時雖然滿座，但實際鋪頭好細，一份小奄列足足要等四十五分鐘！因為我要趕去下場，所以埋單取消份奄列，但個女店員黑面話「唔係你話要取消就可以取消」，「等唔到就唔好叫」其實你地廚房有問題，點解要怪個食客？而且我都花左九個字時間去等待，我去的是冰室不是法國西餐，唔會預計一份奄列要等候咁耐！再加上店員態度極惡劣，食到一肚氣。