嘉樂冰廳 (新村街)

营业中

休息中

店內座位唔多, 大概座到20-30人, 基本上佢地長時間係坐爆人,所以點都要排隊/搭枱坐,就算2個人坐埋一邊都有啲迫*火腿小奄列呢個奄列一啲都唔小啊..成座山⛰咁款...聽講係用左6-7隻蛋🍳🍳🍳去煮滑蛋奄列, 啲蛋唔老唔鞋,咬左一啖後啲蛋汁流晒出黎🤤🤤🤤仲有勁多火腿絲..加埋豉油真係好好味😋😋配埋個小餐包食, 係唔錯咖👍🏻👍🏻👍🏻*阿華田脆脆做到面頭有阿華田脆脆唔係好多地方都有得賣..所以點到要叫番杯飲下😬😬😬味道幾濃郁, 質感軟滑, 脆脆咬落口仲卜卜聲, 真係好正*雞翼雲吞河雞翼表面嫩滑😋咬入去個汁大部份都保留到係度, 好入味, 因為佢會係你落單既時候先會再煮熟,唔係一早就整定🤘🏼🤘🏼另外, 雲吞有4-5粒..餡多之餘, 入面啲蝦肉混豬肉好爽口.🦐🦐而且河粉好滑都唔差, 整體黎講都好味呀☺️

之前已經久仰嘉樂冰廳既超厚蛋治好耐，但一直都未去試，到佢要結業依家轉左手先試到，今日湊巧過荃灣食晏，就特登試試佢。咸牛肉蛋治（$29+$2烘底）蛋既厚度依然好吸引😍咬落口大份到D牛肉都瀉出嚟，個蛋厚就好厚，不過冇蛋汁，唔夠蛋香味，不如期望，唔知係咪轉左手唔及以前水準，咸牛肉如果多返少少會更好，不過勝在蛋夠大份同熱辣辣襯埋個脆卜卜既包係幾好味，影相一流！牛腩粗麵（$30）腩汁可以多D，牛腩入味同忟得夠淋，牛腩同牛根份量各一半，唔會淨係得根，整體不過不失。

久仰大名 但次次都係見到條長人龍就唔想排好在喺星期六朝早 ☀️因緣際會可以喺荃灣0900等開門就當然有位啦😆😆原本想叫鮮牛蛋治但無❌結果2個人就叫咗咸牛治 + 火腿奄列 + 華田冰 + 雞翼 🐥+ 谷咕🥤啲嘢一嚟到 就立即試上口咸牛治同火腿奄列都係足料超大份夠新鮮 有蛋香🤤華田冰就都有啲特別 口感似沙冰 第一次試 味道唔錯雞翼都好夠入味 仲有埋泰式辣醬比你點食完都超飽 下次想試埋佢嘅雲吞😅雖則未到話超好味 但絕對可以一試呀🤠

晨早送貨到荃灣，宜先吃個大早餐。很久沒吃這裡的奄列了，就趁個小空檔來一來。早上已很多人，插針不下。火腿奄列雖然蛋炒得太熟，但火腿以醬油先調味，味道不錯的。「小」的仍然份量十足，加上餐包其實比吃一碟燒臘飯更飽，難怪餐牌上找不到「大」的奄列。吃時心想：這一份奄列換在日本吃，效果應該好10倍。不過算了，在香港有得吃已偷笑，君不見市面上的茶餐廳已越來越少會供應奄列的。反而蛋牛治（烘底）的蛋煎得似樣子得多。加一杯熱齋啡，吃得飽飽的離開。後記：人多要搭枱，擠迫、碰撞難免。感覺上香港人是有禮了，忍性也強了。

傳說中用上4隻雞蛋既巨型滑奄列終於找到機會過荃灣吃啦～原來連台灣人都識走來吃,認真夠紅原來係街市入面的~旁邊都係其他商鋪 門外放左不同的罐頭,用盡每一尺空間等了約十分鐘有位,假日要等半小時以上 多款菜式可點但我只為小奄列呢檸檬茶和谷古飲品 大大杯好抵飲,凍檸茶非常好飲,比起其他鋪的不同！你睇茶色都有Ｄ不同！ 朱古力味十分濃郁,朱古力迷會喜歡!又比一般茶記的凍飲大杯 !小奄列配上火腿絲還要來一份麵包比外邊的常餐更誇張煎得剛好,蛋汁仍在火腿不過老麵包軟熟切開你看到滿滿的火腿絲蛋內仍有水感証明真係煎得剛剛好 位置不多,食完都只係坐多十分鐘就走了最佳時間是平日來,下午來就最好了 地址： 荃灣新村街40B號地下

去開荃灣逛街，順便去試下著名荃灣嘅嘉樂冰廳。去到門口有一家人等緊位，我就排佢地後面，等咗一陣就有位。呢度週末無套餐，全部只可以散叫，點咗兩樣嘢同一杯嘢飲，食到好飽！火腿奄列，超大份，見到都嚇一跳！食落蛋香唔錯，但係啲火腿就太鹹。炸雲吞上枱熱辣辣，雲吞皮炸到好脆，餡料有蝦有豬肉，食落都鮮甜，味道適中。爆脆奶茶，茶味同奶味均勻，阿華田脆脆係一個點綴。見到隔離枱份鹹牛肉蛋三文治超大件，下次要試下呢個先！

嘉樂冰廰係因為超厚雞蛋三文治而出名，對於我呢個蛋痴，又點會唔來試。超厚火腿雞蛋三文治（烘底） ($29 + $2)- 為了營造五吋超厚效果，老闆用上6-7隻雞蛋，令三文治蛋香味十足。拿上手感覺份量十足！蛋香味加上咸牛肉的味道平衡，很美味，很Juicy。豉油王雞翼 ($36) - 一份6隻，伴酸辣醬。巴西雞翼肥大，油份會重啲，雞翼脹卜卜，咬落有少少爆汁效果。雞肉啱啱好熟，嫩滑唔鞋口，乾淨冇毛，豉油味唔算好重，唔會太鹹。阿華田奶昔 ($29 )- 阿華田味濃唔過甜，沙冰預料之內冰感重，但幾順滑冇冰碎，用幼身飲管已經可以，天氣炎熱，飲返杯凍奶昔透心涼特別解渴。

荃灣嘉樂冰室之前去咗荃灣呢間冰室食嘢，因為喺fb見到有推介，話個鹹牛肉三文治好食。去到超多人排隊起碼等左半個鐘先至有得入去食。同男朋友兩個人叫咗三個嘢食，一人一份鹹牛肉三文治，同埋一個五香肉丁公仔麵，加杯凍檸茶。嘢食大約10分鐘送上枱。鹹牛肉三文治，Hon邊電話食先，鹹牛肉三文治份量唔係因此社交平台嘅size，實際偏小，但以價錢來講都叫做多。味道偏淡，鹹牛肉係普通罐頭，未至於社交平台講嘅咁好食。五香肉丁公仔麵呢個都係普通茶餐廳嘅面，冇乜特別，主要用嚟飽肚為主。整體上價錢都唔貴，但下次未必會特登入嚟同排咁耐隊食。

黎到荃灣，廢青當然第一時間揾小店坐低。咁啱就比我係openrice揾到依一間冰廳。近依幾年都有不少自稱冰廳或冰室嘅食肆出現，但真正有冰廳水凖抑或是味道即少之又少。但依間老字號就令我有翻到老香港唧感覺。依一個就係基本上大家都會叫嘅招牌，火腿奄列，真係好大份，好好食，佢有大量火腿係入面，加上有少少豉油係底，好好食，係略嫌唔夠生，有點太熟。依一個沙爹牛肉通粉好好食，通粉量多，d湯好飲，最值得一讚係佢碗通粉上面d蔥嘅刀功，幼細無比，絕對值得一食！如果可以，下次一定會再食！

呢排瞓得唔好，今日決定瞓到自然醒！下午3:00經過嘉樂見到唔使排隊，自從佢重開之後我都一直未幫襯過！以前都係食開佢地既巨型奄列同三文治. 今日自己一個人去，唯有食其他野啦！雞翼牛腩米粉($35)估唔到佢地既粉麵都係咁大份滷水雞翼好好食，整得好入味，雞翼好大隻而且肉好嫩，唔會過分咸，帶點甜味好食！牛腩都唔錯喎，份量都算多，炆得幾林，如果比多小小筋位我就perfect啦～ 不過$35份量咁大真係好平好抵食～～～

喺Facebook上面見到呢間冰室嘅食評，咁啱又喺荃灣附近工作，就去試一試。去到門口唔算多人排隊，我排第3個，但都等左成半個鐘以上。入到去，座位有點逼夾，如果同對面位同時得低頭食嘢，可以話係頭頂貼頭頂。叫左咸牛肉厚蛋三文治、炸雲吞、一碗麵同奶茶。可能厚蛋三文治多人叫，所以出餐速度都算快。好厚嘅蛋。雲吞新鮮炸起，好脆口。不過等餐時間都幾耐下，有幾枱客人都催單。啲野食晒，奶茶都飲埋，我個frd碗麵都仲未到。其實除咗個蛋厚啲之外，其他食物都冇咩特別，不過不失，以冰室黎講，等位等餐都耐，似乎唔太值。Btw 咸牛肉厚蛋三文治係唔錯的。

今日見到冇人排隊，姑且一試。今日兩個人叫咗火腿奄列、炸雲吞、牛肉麵、叉燒麵，所有嘢都好鹹，啲火腿又質素又差，個麵好鹹，啲牛肉好鹹，炸雲吞個肉質又乾，全部嘢一啲都唔好食。假如唔係平時見到噤多人排隊，我都唔會專登試，一試就中伏。環境方面，唔算好乾淨，枱又細，叫了四樣嘢都仲要搭枱，根本放唔落，即係迫人走，前後食咗 15 分鐘就要迫住走。奉勸一句多人排隊未必真係好食，我試過一次就夠了，以後絕不會再光顧，不值。

前排見到ig介紹，知道呢間舖頭喺原址重開，由新老闆接手，據聞新老闆跟原班人馬學師，於是我就同兩個朋友一齊黎試下。我哋叫左細奄列、豉油王雞翼、咖喱牛腩意粉、炸鮮蝦雲吞、好立克沙冰。好立克沙冰超好味！好立克味濃，口感細膩，又唔會太甜，強烈推介咖喱牛腩意粉好足料，大份夾抵食，仲送左個湯比我哋炸鮮蝦雲吞香脆皮薄，鮮蝦爽口彈牙，非常新鮮！豉油王雞翼好入味，每隻size都好大，又多肉又好食，超滿足。細奄列，雖然話就話係細，但係其實都用左6隻蛋，仲送兩塊包，超大份超飽，咬落去仲會有蛋汁，唔會係全熟果種。建議大家叫奄列要有心理準備，超級大份超飽！超好食！

5點去到，叫了一杯檸茶，一份腿蛋治，一坐等了5-10分鐘來杯檸茶，之後到了5:15；侍應問可唔可以搬台，讓位比三人座。於是轉位，再等咗20分鐘，等無可等，亦忍無可忍，起身離座，叫他們取消order。其實我不認識貴寶號，但求快，靚，正咁食件蛋治，何苦浪費大家35-49分鐘呢？最後份蛋治打包。係！份蛋係好厚，有蛋味，但多士稔咗，又攪到自己一肚氣。食件蛋治都唔駛10分鐘！如果大家趕時間，就要有心理準備，免得食龍肉都冇味！

之前聽聞結業 所以都即刻撲出去試下聞名不如見面 果然真係要等位 , 店舖細細 無論你1個定2個都係要逼係4人座( 4個單人都係咁)無奈果日得一個人 點都要叫左個大奄列先份量就真係超級大 調味岩岩好 蛋亦都夠滑食埋個包已經飽飽地 有啲後悔仲叫左個麵諗住唔夠食叫左雲吞麵 凍奶茶幼麵唔會好重鹼水味 雲吞爽口彈牙 味道岩岩好奶茶就有D麻麻 茶味過重奶味就淡左不過依間野就真係岩速食 ,唔好期待可以慢慢嘆