喜鍋 海鮮‧火鍋‧小廚 (已結業)

最近天氣開始轉涼，下午時間太陽也沒有，不禁令人晚餐想吃火鍋，所以今晚兩口子放工就出旺角吃火鍋，今次想試試喜鍋的花膠湯鍋配泡飯，果然甚有驚喜～喜鍋的裝橫有點懷舊風情，雖然格局像茶餐廳，但座位舒適，門口位置是海鮮養殖缸，飼養著生猛海鮮～開爐前來個香口小食：墨魚油炸鬼油炸鬼非常香脆，釀著彈牙墨魚滑，非常好食！喜鍋最受歡迎的湯鍋之一：招牌花膠鯊魚骨膠原湯鍋，花膠分量不少，還有豬手、雞腳及鯊魚骨，果然充滿骨膠原～湯滾後先嚐一口湯頭，非常滋味～隨花膠鯊魚骨膠原湯鍋附送的泡飯絕對是必食推介，泡飯浸湯前質地似米通與飯焦之間，將花膠湯加入泡飯稍稍一浸，米香充斥味蕾，而且香脆口感令人一試愛上～頂級安格斯牛頸脊牛味香濃，肉質細滑，吃火鍋絕對不能少啊！鮮蝦雲吞粒粒都有原隻鮮蝦，蝦味十足～自家脆響鈴卷條條都好大卷😆吃火鍋當然要加點蔬菜，是日白菜仔好新鮮翠綠啊！別看喜鍋格局似茶餐廳，服務卻比酒店好，店員有禮，主動為每枱客人加湯，更幫忙隔去鍋面的油脂，服務竟然如此甜心，真的要大讚，除此之外，食物都甚有質素，大家不妨試試👍🏻

今晚好夜嘅時間先返到嚟香港，大概晚上12點幾先至同朋友一齊搵嘢食，朋友介紹呢間餐廳質素唔錯而且收得比較夜，決定試一試可能由於太肚餓嘅關係，朋友就建議係打邊爐之前先叫一啲小食，店員建議蟹子墨魚油炸鬼，食物一黎到覺得份量不少，油炸鬼炸得好鬆脆，而且配合墨魚同大量蟹子好正，性價比高另外我哋叫咗一個雞煲，半隻雞份量也不少，雞肉好嫰滑，而且佢個醬汁好惹味，洋蔥吸晒啲醬汁好好食好入味，基本上食完個雞煲已經半飽牛肉方面我哋選擇左安格斯牛頸脊，雖然選擇小 size 但份量都唔算太少，而且切得唔會係超級薄個種，牛肉味好濃，而且油脂分布平均，正最後粟米嘅性價比好高，$28 可以有八件，而且粟米都算好甜冇渣，整體黎講呢間餐廳算幾抵食

今日返工成日都好忙，差唔多放工既時候同事話旺角有間打邊爐好正一齊去試，所以放工就一齊去食啦。去到好餓但仲未有位，老闆好有禮貌咁叫我地等等。等左一陣就有位啦，入面d位都幾闊落，坐得幾舒服。伙記片超級有禮貌呀！主動走過黎推介有咩好食。個個湯底都好正，唸左好耐都決定唔到。但係最後揀左最養靚個個~花膠鯊魚骨膠原鍋。仲送個甘香泡飯。哇!個飯加埋d花膠湯食真係好正！小食仲叫左我最鐘意食既椒鹽鮮魷，個椒鹽鮮魷熱辣辣又大份，真係好好味呀！之後仲叫左肥牛、墨魚滑、豆腐、菜、響玲、炸魚皮。樣樣都好大份好好味呀！仲有好多調味料任君挑選！兩個人真係食唔哂！本來今日返工心情唔係咁好 食完心情真係好哂！下次一定會再黎，仲要帶埋屋企人黎食呀!

今日收工之後同個同事去左旺角喜鍋打邊爐去到七點幾，都已經好多人，要係門口等陣先有位～等左十五分鐘之後，就可以入去啦一坐底左，店員就好好咁拎左啲醬油(每位$10）俾我地自己撈醬油。之後就揀野食，呢度唔係任食，所以要逐樣嗌。我地揀左招牌花膠鯊魚骨膠原鍋($168)湯底好濃，好夠味湯底仲會配上泡飯我同朋友嗌左個餐前小食，椒鹽魷魚鬚($38)份量好多，好扺食！另外，我地嗌左一碟雪花美國肥牛($98)、蟹子墨魚滑($68)、響鈴($42)、炸魚皮($38)、豆腐($28)、唐生菜($28)打邊爐點少得肥牛啲響鈴好大舊，魚皮既份量都好多我地仲嗌左一渣竹庶馬蹄茅根share飲～估唔到呢間小店做得咁出色，經過既朋友不妨試試

天氣轉涼，朋友急不及待約我食火鍋，佢話之前同我去食過，果間位於上海街名叫喜鍋的火鍋店，味道同環境都不錯，好想再去食，今天放假，落雨又凍左，食火鍋最適合，今晚我們就一起再去回味一番！火鍋指定動作：混醬，多種配料自我調製美味的醬汁！鮮果椰青雞鍋(半隻)：鮮果有萍果、火龍果等，湯底清甜，椰青味濃，雞新鮮，雞肉嫩滑！七味百福豆腐：外脆內滑，一口一件，加有炸蒜，十分惹味！桂花蚌：好新鮮，口感爽脆，味道鮮美！白鱔片：薄切的鱔片，輕輕灼一灼就可以，味道爽甜！手打鮮蝦丸：蝦丸結實彈牙！鮮蝦雲吞：皮滑餡鮮，原隻彈牙鮮蝦很美味！

天氣冷了，最好三五知己一起去打下邊爐。旺角上海街的喜鍋第一次來。見佢個湯底有花膠鯊魚骨，幾特別，所以試下。試過，都沒有什麼特別，但都有足夠花膠比4人食。算不錯。牛肉選擇本地手切，但令人失望，好硬，不好味。。海鮮則有少許驚喜，大聖子好新鮮。只隻36元。不錯的選擇。其他食品都算新鮮，例如，菜，手打墨魚丸。都是推薦可叫。鳳城水餃真係好難食，有一陣怪味。。可能係內裡的肉有問題。其他飲料都合理價錢，可以放心叫。

最近天氣開始凍，成日都心喐喐想食打邊爐，呢日就同朋友是但入左油麻地嘅一間邊爐店，地方細細咁但係食物出色!我地叫左個黃酒雞煲，一黎到就聞到好大陣酒味，雞就有半隻，都幾足料。打邊爐配料非常重要，平時食開肥牛 今次朋友話想試下羊，一於試下喇。羊肉非常新鮮，有獨特嘅羊酥味，入口嫩滑，非常出色。除左羊肉外，我地仲叫左個響鈴。感覺呢度嘅響鈴比出面大舊，應該係店舖特制，浸埋雞煲本身湯汁都好正。呢度嘅獅子狗係芝心果隻，食落有啖啖嘅芝士流出黎，正。整體黎講呢度嘅邊爐水準相當高，令人食過番尋味!下次會再幫襯!!!

天氣開始變冷，踏入秋天，正是火鍋的季節，這日約佐兩個好耐無見既朋友，漫無目的，走在旺角街上，發現了這間裝備平民的火鍋店，朋友和我也沒有特別的要求，最緊要夠抵食，所以決定一試。餐廳位於上海街，不是細心留意，其實也很難發現。餐廳既格局比較似茶餐廳，走親民路線，入得黎既，都似係街坊，和餐廳店員有講有笑。火鍋店，調味料架係重要既一環，呢度就有蔥花，麻醬，生/炸蒜，辣椒絲，可以算是應該有的，也可以在這裡搵到。打開餐牌 (餐紙?) ，食物款式都幾多，而湯底既選擇亦都有超過10款，連近期最流行既花膠湯鍋，同埋椰青雞鍋，都可以在這裡找到。飲品方面， 選擇亦夠多，價錢唔貴。酸梅湯 $38酸梅湯一大枝都係$38，可以倒大約6杯，最鐘意佢唔甜但係酸味又好夠，飲完非常開胃。招牌花膠鯊魚骨膠原湯鍋 $168呢個湯底個名好勁，又有花膠，又有鯊魚骨，應該男仕女仕都會喜歡，賣相就比較普通D，但係勝在料夠多，不竟打邊爐最重要都係D食材，呢個湯鍋就絕對合格。花膠都幾大塊，夠厚身，湯底飲落真係充滿骨膠源，有漿口感。湯鍋會送埋一個甘香泡飯，可以加湯去食，浸到少少淋身，熱熱地好好味。頂級午餐肉 $38雖然成日都聽人講話食午餐肉

同朋友約出街， 最興就係食火鍋。 今次朋友推薦油麻地呢間火鍋店， 食物味道也真係非常唔錯。一入到店舖， 店員就畀咗一大堆調味料我哋自己調豉油， 可以根據個人口味特製自己鍾意嘅醬汁。因為驚熱氣， 所以就叫咗兩罐加多寶清下熱。依家火鍋店湯底選擇非常之多， 但因為朋友想食雞煲， 而我又唔鍾意重口味， 所以就揀咗呢個比較清嘅黃酒雞煲。湯底同雞係分開上嘅， 可以自己控制雞肉嘅生熟程度， 啲雞食落因此比較嫩滑， 又有雞味， 非常之唔錯。打邊爐最唔少得嘅就係肥牛， 呢度嘅肥牛分量十分之充足， 叫一碟就夠曬兩個人食。 肥牛脂肪分佈平均， 入口亦非常之嫩滑。知道嘅牛丸係手打嘅， 食落夠彈牙有口感， 打開中間會有啲芝士流出嚟， 鍾意芝士嘅朋友唔好錯過啦。打邊爐我向來鐘意食午餐肉， 呢度嘅午餐肉分量十分之充足， 非常厚身，價錢又唔貴，相當抵食。

近排見天氣涼反啲 就帶媽媽去油麻地打個邊爐 經過喜鍋門口 見到啲海鮮就比佢吸引住 然後就入去了 試下味道正吾正先！七味百福豆腐：細細粒可以一啖一粒 當中每粒豆腐帶有黑芝麻 食落好香口！餐廳採用百福豆腐 食落好滑 正宗外脆內軟 中意食豆腐既朋友可以試下！醬油費每位$10。鮮果椰青雞鍋(半隻)：半隻雞夠晒兩個人食有餘 雞件口感同樣滑身 一啲刀吾鞋 雞吾肥 好岩大家食。鮮果方面 有蘋果 火龍果 椰果，椰果吸入左吾少湯汁 一咬就爆晒啲汁系口中。湯底帶左椰香味！桂花蚌：份量適中 每舊同樣size 焯熟後食落口感非常爽口 完全無腥臭味！本人一食愛上了~必叫推介!!!白鱔片：份量同樣適中 焯熟後食落同樣爽口鮮味 好開心食落無泥味 細骨數量並不多 岩晒女士食用！同樣重點推介。手打鮮蝦丸：蝦丸比較實 無雪藏味 size適中 價錢合理！鮮蝦雲吞：雲吞當然有蝦 蝦身大小適中 非常爽口 吾系死蝦黎的。另外入面仲有豬肉 仲帶有吾少肉汁添！讚崎烏冬：打邊爐必定有既烏冬 依度刀有，滑滑的 價錢同樣合理。汽水10蚊罐，對比出面餐廳已平好多！

老公去歐洲公幹了三星期 返香港第一件事話要打邊爐～ 岩曬啦 天氣開始轉涼！近近地就去旺角喜鍋啦！上次試過花膠湯底好好味，又方便，今次一於再去食過。好彩有訂枱，星期五近乎全場爆滿。醬料很足料 基本的都有。必試XO醬 香口又不會太辣！ 魚湯海鮮鍋～ 又一清甜足料推介！海鮮份量很多，有蟹、帶子、大蜆、海蝦等等。配料有新鮮菇類 再加上自家熬的魚湯 一句講曬 清甜帶鮮味！溫馨提示：打邊爐前緊記要飲返兩碗湯先。蟹籽墨魚油炸鬼 小食。即叫即炸。油炸鬼當然唔會係即炸 但依舊係鬆化脆口 墨魚滑夠曬彈牙 加埋蟹籽脆卜卜 口感一流。手打五寶丸 最適合兩三個人！梅菜豬肉丸 超驚喜！ 創意之選：）甜甜的梅菜配上半肥瘦豬肉 平時送飯小菜換上做火鍋配料 又幾好味。墨魚蝦丸都好彈牙 真材實料。鯪魚丸帶點陳皮香味。Yummy~ 牛魔王塔～ 鎮店之寶。$398食曬三種高檔牛肉 超值！我最鐘意本地手切牛頸脊。牛頸脊脂肪較少 食得健康。肉質有咬口得來嫩滑 肉味香濃 最好原汁原味食 唔洗蘸醬料～ 其實三款牛都好高質 細食的朋友可以單點～食飽飽 大滿足。價錢合理 食物高質 是秋冬火鍋的好選擇！

等到入秋了～～又是火鍋的季節。今次要試好友推介的油麻地小店。店面雖小 但乾淨企理有卡位 舒適度不錯！店員親切有禮 介紹了特色火鍋湯底～ 我們女士們梗係首選花膠鯊魚骨膠原湯底 養顏呀：）湯底絕不欺場 花膠鯊魚骨都很足料 仲有兩舊大豬骨 紅蘿蔔 芹菜等的配料 湯底濃郁但不油膩 無味精。滾起以後 先飲湯 品嚐原汁原味 差不多飲左半煲😂😂 特別的是配上甘香泡飯 其實係脆脆飯焦 加落花膠湯食 好香脆 另一番風味！ 兩個女生 食量比較細 但我們好鐘意食牛 牛魔王塔最好不過！ （隔離枱的男生很驚嘆我們食得曬呢～本地手切牛頸脊 安格斯牛頸脊 降霜手切肥牛粒！色澤均勻 三種牛各有特色 我自己最鐘意肥牛粒 牛味濃郁 質感結實 好味！牛頸脊雪花分佈均勻 厚薄適中 肉味都不遜色！鐘意食牛朋友既絕對要試呢個牛魔王塔 推介！二人一個牛魔王塔 肉類已經足夠～ 叫多兩款蔬菜 就夠曬滿足！鮮淮山&秋葵 都是我火鍋的不二之選。新鮮 爽口 有益！喜歡小店 沒有限時 服務周到 價錢合理 食材新鮮！

我地好鐘意打邊爐，特別係近年的邊爐湯底愈來愈高質，可以飲下靚湯之餘，又可以睇心情叫不同的食材，又係一次過滿足多個希望之選今日呢間係位於旺角的火鍋小店，唔好睇佢係小店，都有個大大魚缸養住不同新鮮海鮮記得唔好漏左望下板上面的是日精選，有MENU上無的特別食材酸梅湯 ($38)酸梅湯一渣上都只係$38，好抵飲，飲落都幾濃，開胃消滯，打邊爐就岩晒招牌花膠鯊魚骨膠原湯鍋 ($168)湯飲落清清地，有幾舊又大舊又有厚度的花膠，仲有鯊魚骨同雞腳一齊煲，材料十足，大家飲左兩碗先開始打邊爐招牌花膠鯊魚骨膠原湯鍋會跟一桶飯，飯其實係脆米，放落花膠湯就變泡飯，一鍋湯有多種食法幾特別白鱔片 ($98)白鱔片厚薄均一，肉質少少彈牙，打邊爐最愛食材之一油麥菜 ($28)油麥菜一大籃，綠悠悠好新鮮，2個人食都好足夠鮮蝦雲吞 ($48)鮮蝦雲吞應該係自家製，入面有好大隻蝦，蝦夠彈牙，蝦同肉的比例做得不錯

同d朋友夜晚去宵夜,去咗旺角ge"喜鍋"打邊爐!入到去環境都幾唔錯,幾乾淨,幾個人坐低之後首先叫咗個濃湯豬骨煲做湯底先!!呢度ge火鍋配料都幾多選擇.牛魔皇塔震撼ge視覺效果,3層佈滿牛肉,有安格斯肥牛,本地牛頸脊肉啦,安格斯牛肉粒啦,每款都非常新鮮,而且個份量都足夠,對於食肉獸們真係非常滿意ge一道菜,牛頸脊肉好嫩滑,而且牛肉味濃郁,都係擺系火鍋入面輕輕錄下就食得,好唔錯,安格斯肥牛片都系,夠曬淋滑,我自己就非常喜歡呢個啦.七味百福豆腐 & 墨魚油炸鬼七味百福豆腐,都係豆腐粒炸,炸得好香,豆腐味濃.墨魚油炸鬼都幾得意,第一次食,系d墨魚滑比d油炸鬼包住,炸得幾香脆,入面就係墨魚滑,幾正,出面仲有d蟹子,黃金炸蝦餅蝦餅炸得金黃香脆,外面就香脆可口,入面就系蝦滑,夠曬彈牙.另外我哋叫咗幾款嘢食，雖然黎個目的係食佢嘅牛， 但估唔到佢其他嘅嘢食都幾新鮮。我哋叫咗鵝腸，豬天梯，仲有墨魚丸。有朋友同我講去打邊爐嘅餐廳最緊要睇鵝腸新唔新鮮，而呢一度嘅非常唔錯！！另外手打嘅墨魚丸一邊有舊芝士，特別得來一家大細都鍾意食。要讚一讚佢嘅湯底，入邊好多材料，我哋叫咗兩個蔬菜唐生菜 & 雜菇拼盤。蔬菜都好新鮮

諗住同屋企人去打邊爐所以就訂咗一間係旺角都幾方便嘅打邊爐餐廳，其實而家市面上有好多放題嘅餐廳但係質素真係好普通，好多都係諗住價錢平為主打忽略咗食物嘅質素。所以今次自己就做咗啲資料蒐集見到喜鍋嘅食物質素同價錢都OK仲要係旺角咁方便。好彩訂咗位入邊嘅人都比較多，好彩一早訂左位，唔係可能又要等多幾十分鐘先有得坐啦餐牌上有非常多嘅選擇，因為我哋一行四人所以就揀咗個牛魔王塔！呢一個牛魔王塔真係好出色，上面有安格斯牛肉粒下邊就會有安格斯牛頸脊同埋本地手切牛頸脊。牛肉嘅味道好濃，而且仲會有好靚嘅紋，油脂啱啱好。你一個$398真係好抵食。湯底我哋就揀咗個胡椒濃湯豬骨煲，平時食得麻辣火鍋多都想試吓豬骨，我覺得豬骨湯底係最傳統而又好味食極都唔厭嘅。上面我哋叫咗個黃金炸蝦餅，七味百福豆腐，蟹子墨魚油炸鬼。先講佢個油炸鬼入邊包住爽口彈牙墨魚，總會有啲係蟹子落個口感非常之好。豆腐炸得脆口，而且仲會有啲芝麻，比起我哋係出邊食嘅特別。口感唔錯 外面脆口，裏面有唔會太乾。佢嘅湯底好足料入邊有勁多豬骨同埋配菜，蘿蔔粟米等等嘅配料都幾新鮮。我哋另外仲叫咗墨魚丸，豬天梯，唐山菜同埋雜菇拼盤。秘製芝士墨魚丸$68 係手打嘅，