影片
更多
2017-11-16
3687 浏览
天氣開始變冷，踏入秋天，正是火鍋的季節，這日約佐兩個好耐無見既朋友，漫無目的，走在旺角街上，發現了這間裝備平民的火鍋店，朋友和我也沒有特別的要求，最緊要夠抵食，所以決定一試。餐廳位於上海街，不是細心留意，其實也很難發現。餐廳既格局比較似茶餐廳，走親民路線，入得黎既，都似係街坊，和餐廳店員有講有笑。火鍋店，調味料架係重要既一環，呢度就有蔥花，麻醬，生/炸蒜，辣椒絲，可以算是應該有的，也可以在這裡搵到。打開餐牌 (餐紙?) ，食物款式都幾多，而湯底既選擇亦都有超過10款，連近期最流行既花膠湯鍋，同埋椰青雞鍋，都可以在這裡找到。飲品方面， 選擇亦夠多，價錢唔貴。酸梅湯 $38酸梅湯一大枝都係$38，可以倒大約6杯，最鐘意佢唔甜但係酸味又好夠，飲完非常開胃。招牌花膠鯊魚骨膠原湯鍋 $168呢個湯底個名好勁，又有花膠，又有鯊魚骨，應該男仕女仕都會喜歡，賣相就比較普通D，但係勝在料夠多，不竟打邊爐最重要都係D食材，呢個湯鍋就絕對合格。花膠都幾大塊，夠厚身，湯底飲落真係充滿骨膠源，有漿口感。湯鍋會送埋一個甘香泡飯，可以加湯去食，浸到少少淋身，熱熱地好好味。頂級午餐肉 $38雖然成日都聽人講話食午餐肉
餐廳位於上海街，不是細心留意，其實也很難發現。
餐廳既格局比較似茶餐廳，走親民路線，入得黎既，都似係街坊，和餐廳店員有講有笑。
火鍋店，調味料架係重要既一環，呢度就有蔥花，麻醬，生/炸蒜，辣椒絲，可以算是應該有的，也可以在這裡搵到。
打開餐牌 (餐紙?) ，食物款式都幾多，而湯底既選擇亦都有超過10款，連近期最流行既花膠湯鍋，同埋椰青雞鍋，都可以在這裡找到。
飲品方面， 選擇亦夠多，價錢唔貴。
酸梅湯 $38
酸梅湯一大枝都係$38，可以倒大約6杯，最鐘意佢唔甜但係酸味又好夠，飲完非常開胃。
招牌花膠鯊魚骨膠原湯鍋 $168
呢個湯底個名好勁，又有花膠，又有鯊魚骨，應該男仕女仕都會喜歡，賣相就比較普通D，但係勝在料夠多，不竟打邊爐最重要都係D食材，呢個湯鍋就絕對合格。
花膠都幾大塊，夠厚身，湯底飲落真係充滿骨膠源，有漿口感。
湯鍋會送埋一個甘香泡飯，可以加湯去食，浸到少少淋身，熱熱地好好味。
頂級午餐肉 $38
雖然成日都聽人講話食午餐肉唔健康又好肥，但係我一於少理，打邊爐食午餐肉就是爽，呢到既午餐肉夠厚切，食落滿足非常。
娃娃菜 $28
娃娃菜一份$28，份量都幾多，兩個人食基本上叫一份已經好夠好飽。
鮮蝦雲吞 $48
鮮蝦雲吞係餐廳自己人手包既，所以蝦身特別爽口，皮亦都做得夠薄，食落滿載既餡料湧入口中。
超甜粟米 $28
粟米每份$28，都算幾多，而且真係幾甜，無厄人。
醬料每人收$10唔算貴，埋單3個人每人大約$100，真係超抵食，如果多D人黎食會更平。
张贴
