喜鍋 海鮮‧火鍋‧小廚 (已結業)

最近天氣開始凍，成日都心喐喐想食打邊爐，呢日就同朋友是但入左油麻地嘅一間邊爐店，地方細細咁但係食物出色!我地叫左個黃酒雞煲，一黎到就聞到好大陣酒味，雞就有半隻，都幾足料。打邊爐配料非常重要，平時食開肥牛 今次朋友話想試下羊，一於試下喇。羊肉非常新鮮，有獨特嘅羊酥味，入口嫩滑，非常出色。除左羊肉外，我地仲叫左個響鈴。感覺呢度嘅響鈴比出面大舊，應該係店舖特制，浸埋雞煲本身湯汁都好正。呢度嘅獅子狗係芝心果隻，食落有啖啖嘅芝士流出黎，正。整體黎講呢度嘅邊爐水準相當高，令人食過番尋味!下次會再幫襯!!!