喜膳燒

营业中

休息中

星期日終於有機會同女友拍拖，今晚就落咗去尖沙咀食飯，搵嘢食梗係去寶勒巷啦，行過見到呢間喜善燒啱啱開門俾佢門口呢杯啤酒吸引到目光睇一睇佢放喺門口個餐牌，和牛喎，其他嘢都好似好好食，一於食你啦食串燒梗係叫番杯凍嘢飲啦，呢杯青檸梳打夠晒Chill第一輪有和牛，牛舌，豬肉等，調味得都幾好燒貴妃蚌，配埋粉絲簡直絕配食串燒梗係要叫日本番薯仔啦，甜到入心啊大青椒夠晒辣串燒好唔好食就睇佢雞翼做得好唔好，答案係好食呀食下啲特別野，燒麵筋燒賣都好食再嚟多啲海鮮又係一個串燒必食嘅嘢，燒得好食唔乾都幾考功夫㗎

.🎏日本霜降和牛串 ($59)入口香軟淋滑.🎏燒新鮮白鱔 ($64)白膳新鮮而且爽口師傅燒得很香脆.🎏燒珍寶蒜蓉大扇貝 ($48)扇貝配上蒜蓉粉絲大隻到一口吃不下 很鮮甜.🎏海鹽燒皇牌牛舌 ($49)燒得夠腍身 但又爽口.🎏頂級海鹽燒多春魚 ($28/3pcs) 肥美而且燒得甘香.喜膳燒 Happy Q📍尖沙咀寶勒巷10號地鋪

上星期日去左尖沙咀行街。由於食左下午茶，夜晚都唔覺太肚餓。我同男朋友就決定黎食串燒呢間店雖然細細間，但睇得出店主係裝修方面擺左好多心思！啲燈貼晒各種圖片，非常有藝術感。店內還有電視供客人觀看，絕對係個適合消遣的好地方。食物方面亦好有驚喜！我地叫左幾款串燒一齊share。燒麵根(香辣)、燒新鮮白鱔、雞軟骨炒麵根辣到不得了！配上餐廳提供的酸辣醬真係超正。怕辣的話仲可以選擇沙嗲味架。燒白鱔和雞軟骨都係我去串燒店的必點之一，今次同樣冇令我失望，好好味燒美國珍寶生蠔成六呎長呀！肉質肥美，$48都非常值。鵝肝多士推介第一次係串燒店食鵝肝多士，驚喜地好味。一塊都唔夠食呀！牛油蒜蓉焗金菇包牛油味好足，配上金菇超香。份量亦好足。食完超滿足！下次會再黎

今日泥尖沙咀等埋朋友去玩，見未夠鐘有時間又無地方去，同另外個fd搵左間串燒店坐底食少少野吹下水等齊人！入到泥，坐滿哂人已經，超香燒烤蒜味！我地分別點左珍寶燒大扇貝，真係好大隻，燒得剛剛好，蒜香加粉絲吸哂啲汁超好味！芝士黑毛豬五花腩，一啲都唔肥！芝士味濃又唔膩，爽口有口感！燒麵根，未食過，一試愛上，吸左秘製沙嗲汁。好好味，乾身得泥又無硬骨骨！勁辣魚片頭真係幾辣，但相當惹味！辣得過引！焗娃娃菜，超淋，吸哂蒜容牛油。勁正！蒜蓉茄子仔，好嫩，的的色色好得意，可以連皮食埋！切好哂，一件一口！芝士磨菇雞翼好香，脆卜卜，好惹味，食到粒粒磨菇碎！好特別！益力多沙冰好正真係，超濃益力多，沙冰打得夠綿，簡直透心涼！呢到仲有好多生啤選擇，可以三五好友坐埋飲返杯，食下串燒吹下水，都相當不錯。下次要約班fd試下先！

星期六晚上七點左右去到，好好彩，剛剛好有位，所以想食嘅最好訂定位👍佢串燒嘅選擇都唔少，肉呀，海鮮，菜全部都有，有啲仲有得選要咩汁😊店內裝修幾好，幾有氣氛珍寶蠔，真係好大隻，我諗真係有六吋長，符合商品説明🤣🤣串燒係放係塊石版上面，可以保溫👍由上至下係雞腎，豬頸肉，牛舌同金菇肥牛卷，全部都好入味，但我最中意嘅係雞腎，個粉好香，個腎又爽脆😋蜜糖味嘅墨魚丸，都幾好食，有啲似出去燒嘢食嘅感覺😂👍明太子雞翼，入面勁多明太子，👏燒魚皮鮫之後就係最推介嘅燒波蘿，平時成日俾男朋友話叫燒波蘿好蠢，燒唔燒一樣味，但喜膳燒嘅燒波蘿係玉桂燒波蘿，佢出面好似焦糖咁，脆脆地，加埋玉桂個香味，男朋友終於都話好食🤣👍

今晚同男友係尖沙嘴拍拖，順便去朝拜了幸福糖同迷客夏兩間珍珠奶茶店其後就係寶勒巷（酒吧街）遊蕩～男友話想食串燒，就入jor哩間串燒店佢內部佈置好似日本既居酒屋，我好鍾意佢啲檯凳，因為夠高啊！坐得舒服啲🌝我同男友各自嗌jor自己喜愛既串燒～我每次食串燒例牌叫蒜蓉燒茄子、一口甜薯、秋葵、雞翼等；而男友就偏向肉食類多，例如肥牛卷、豚肉卷、燒蠔同鵪鶉蛋之類。當然今次亦不例外叫曬我地既心頭好一口甜薯真係非常甜！好味啊！好耐無食過咁甜既番薯仔🥰同埋我好鍾意個雞翼，因為係撒孜然粉（我超愛）而且佢上菜好用心啊，因為佢係每台都俾一塊石（加了熱），然後每次有串燒就會上落塊石到，等啲串燒唔會好快凍曬👍🏻👍🏻而且個feel都真係似居酒屋，再加杯啤酒，好適合happy friday或者同朋友聚會黎，好滿意‼️🌝

Weekend黎到尖沙咀搵食！竟然搵到呢間舒服嘅串燒店🏮呢間串燒店喺熱鬧嘅尖沙咀，但餐廳就舒適唔會太嘈，適合同朋友啤一啤傾吓計！呢度菜單好長，選擇非常多！海鮮、肉、蔬菜、飯烏冬，咩都有，唔怕唔啱食！呢間串燒店最特別嘅地方，係佢燒好野食後，會放係一塊預熱咗嘅鐵板上，不但可以保持串燒嘅溫度，亦唔會搞到成枱都係碗碗碟碟。食物水準高，食材都好新鮮！特別推介燒廣島生蠔（芝士）同甜薯。埋單每人食咗二百幾蚊，價錢合理！

放假，又同男朋友去尖沙咀覓食🙈今次就去之前已經想去食既串燒店-喜膳燒。甫進餐廳，裝潢同氣氛都令人幾放鬆，配上輕快既音樂，確係幾適合一大班朋友或者情侶邊食串燒邊傾計🙆🏻‍♀️泰式燒原隻鮮魷魚 $78原隻燒鮮魷魚，肉質彈牙又鮮甜，沾少少旁邊既酸辣泰式醬，酸酸辣辣更惹味。但吾食得辣既朋友吾吾好沾太多啦，因為都幾辣下😂蒜蓉法包 $19/3pcs估吾到串燒店有我最中意食既蒜蓉法包😍當然毫不猶疑咁叫一碟啦。法包燒至鬆脆，擦上牛油蒜蓉，香蒜味突出，好正☺️燒芝士響鈴 $19/2pcs呢款芝士響鈴真係夠哂特別❗️又薄又脆既響鈴，入面仲加埋芝士，一啖咬落，既鬆脆又富有芝士香，呢種口感真係一流👍燒墨西哥辣椒芝心豆卜 $21又一特別之作。豆卜入面注滿芝士，食落去香脆又帶點微辣，原來豆腐最入面放左墨西哥辣椒，好惹味😍燒美國珍寶生蠔 $48/pc足足有6呎長既珍寶生蠔🙆🏻‍♀️ 肉質肥美，滑溜飽滿，食之前加點檸檬，大大啖咬落去，鮮味十足又juicy❗️燒珍寶蒜蓉大扇貝 $48/pc又係超大隻既大扇貝‼️上面鋪一層粉絲，蒜蓉同香蔥，令到扇貝更有吸引力，而粉絲吸盡扇貝既精華，落口多汁又鮮甜，更富有香蒜味❗️扇貝厚度足足有兩個五蚊

平時喺呢條人來人往嘅街，轉入去商業大廈地下竟然有一間神秘小食店，小店主打串燒，唔使等位就入去試吓。選擇好多，價錢唔貴。燒魷魚筒一啲都唔韌，估唔到！而且亦都好清甜！旁邊有一個微微酸辣嘅醬，點來食剛剛好。燒菜心估唔到咁淋，會醒小小孜然粉都幾好食！翠玉瓜好鮮甜多汁，燒玉子反而冇咩特別，係現成嘅玉子，另外燒牛排骨十分好味！牛肉味好香濃！一d都唔韌！有驚喜！燒雞泡魚干係我食串燒必吃嘅一道菜，外表好似燒得比較焦，但其實唔係，一點也不乾，配合醬汁燒味道唔錯。燒菠蘿反而好有驚喜！菠蘿上邊有一層肉桂，燒得好香脆，帶小小焦香！好特別！粟米燒得好均勻又香甜！雞翼亦都好好味好juicy!!最後清清地食啲菜亦都唔錯！

係尖沙咀行街行到勁累，又係時候揾食。兩個女仔又要吹水，食野又唔食得多，最好就係食串燒，邊食邊講。佢哩度開放廚房，d 串燒係度燒，好彩佢抽風ok,唔會好焗成身串燒味！哩度好佢唔止買啤酒同紅酒，sake 都有好多款，真係啱哂酒鬼！佢都有d 平時串燒舖無既野，有d special,好似魚肚，龍躉皮同魚卜。。燒生豪燒完唔乾，仲好juicy,d 海水無乾哂，燒到剛剛好！燒五花腩油份燒哂，食落唔油，燒到面頭脆卜卜。燒盧旬無燒過頭起碼無細到同唔乾。安格斯牛肉串大約五成熟，唔鞋口，有小小肥所以唔乾！燒雞翼必叫，一串仲有三隻，落埋七味粉perfect.個皮脆卜卜。燒餃子第一次食，好special, 我餃子皮脆，而餃子入面有汁，好正。燒波羅燒完仲甜，仲好juicy.蒜蓉包如果有多d 蒜蓉會更正

星期日晚我們來到寶勒巷吃串燒。這間店的門面有點隱閉。入內是酒吧格局，枱椅以高桌為主。裝潢設計雖然有點陳舊，但是環境仍算清潔。燒美國珍寶生蠔 （$48）生蠔約有6吋長，沒有特別的調味。個人喜歡燒得乾身一點的燒蠔。這個好像熱的生蠔，感覺有些怪。燒蜜糖牛油粟米 （左，$19/2件）粟米粒飽滿及火喉到位，蜜糖及牛油味充足。日本霜降和牛串 （中，$59）牛味濃厚，脂肪均勻。燒新鮮白鱔 （右，$64）鮮甜可口，外皮燒得脆脆，口感也不錯不腥。燒美式豬肋排（半份）（$88）肉質稍硬，調味都可以。總括而言，價錢不便宜，不過在Openrice 預先訂位有折扣優惠。

一直都鐘情台灣既地鋪串燒店，可以點杯啤酒再慢慢點串燒。今日係尖沙咀出名人多車多酒吧多既Hart Avenue 隔離 搵到呢間小型串燒店，好cozy又唔會好嘈，野食整體中價，有啤酒有日本sake 我地坐店內最入既位置，自成一角。點左gill 既squid，牛肩胛，日本小紅薯，芝士蘑菇鑲雞翼，蘆筍，烤雜菇，芝士蠔，台灣烤香腸，墨魚丸等等。特別一定介紹既有台灣烤香腸，好大一條，外皮超脆有honey 入面有汁，真係好有台灣味道，好開心。另外雞翼同芝士蠔，都好足料，大大塊芝士，好想再encore 仲有佢上菜係一塊熱既石頭，令串燒唔會好似平時咁極速變凍。真係好貼心。

泰式燒原隻鮮魷魚原隻魷魚就算燒完都唔韌，加上泰式酸辣汁非常惹味！IPA手工啤酒呢款係比較甜嘅生啤，仲有另一款就比較重麥味，啤酒配串燒係完美蒜蓉燒珍寶大扇貝極重蒜蓉嘅大扇貝，d粉絲吸晒蒜蓉同豉油精華，正到爆！大扇貝除左粒帶子好大，仲有好多帶子裙邊，感覺有好多野食咁，而且帶子燒到剛剛好熟，鮮甜多汁。日本霜降和牛串未食已經香味撲鼻嘅和牛串，好多油脂，不過我就覺得少d調味好d，更加食到和牛本身既肉味。沙嗲燒雞串雞串幾抵食喎！24蚊咋！味道好似照燒汁雞排咁。芝士焗意大利大蘑菇Juicy大蘑菇加芝士冇得輸，仲要一早切開左4份方便share，燒過菇都知好花時間，同埋呢隻菇都唔平，所以我覺得幾抵食！黑松露焗什菇又係菇，焗菇都有分什菇同金針茹，又有得揀黑松露定牛油蒜蓉。雖然貴少少但黑松露係好多，所以菇味係超濃郁，好正～燒蒜蓉茄子又係切好左既茄子，塊皮冇燒到燶晒，可以成舊連皮食，燒到好腍又好入味～燒玉桂焦糖金菠蘿超級鍾意食呢個菠蘿，舊菠蘿已經好甜，仲要係表面掃左層焦糖，正到呢🤤

香港食串燒不嬲都唔係平架啦因為租金實在太貴今次同朋友行尖沙咀唔係太肚餓所以就決定食串燒了！因為一串串自己揀可以就到份量~.推介馬來西亞大蜆同野生大虎蝦大蜆有泰式辣汁可以點不過我就suggest先唔好點食下佢本身個鮮味先~蝦夠大隻膏多👍🏻肉爽口.雞腎爽口 好食 牛舌正常厚度如果覺得唔夠味可自行加調味料~~~.燒娃娃菜好juicy, 有啲木屋燒烤既feel~燒茄子就唔係話好大條果款不過就勝在已經切好一份份咁都幾細心.店內座位唔係太多望見2位店主全部落手落腳自己做曬👍🏻呢份小店人情味 加分

雖然未到happy friday 但約咗好耐冇見嘅朋友食飯，就去咗間串燒店慢慢傾，唔經唔覺嗌咗勁多野食，多到不能盡錄，就特別講幾款我覺得好味架啦！燒沙嗲魚皮餃 $24魚皮餃本應係普通丸類個格，但就放咗佢係推薦個欄，想必係有過人之處。原來係自家製嘅魚皮餃，食落好彈牙，配沙嗲汁燒成更是一絕。海鹽燒皇牌牛舌$ 49第一款試嘅就係牛舌，調味恰到好處，燒到有少少焦香，咬開中間肉質好軟熟，好易咬開，而且有肉汁！燒露筍 $30收30蚊估唔到只有一條，有點失望，正常燒蔬菜嘅味道，性價比低咗啲所以唔建議嗌～燒多春魚 $28多春魚相對就抵食好多，有三條～而且燒得乾身又唔會散晒，多春就梗架啦！好好食～燒牛仔骨 $68經典的黑椒醬味道，肥瘦均勻，油香好豐富～燒雞軟骨 $36雞軟骨都係串燒必食之列，呢度嘅夠晒香口，幾有水準。燒芝士焗扇貝 $48推薦嗌大扇貝，可以揀芝士或者蒜蓉，因為成日都食蒜蓉所以想試新口味。兩者味道好夾，香濃芝士包住鮮甜帶子，啖啖肉！燒韭菜 $18次次都食燒韭菜，但呢個調味重手咗～芝士響鈴 $19好特別嘅款式，好好食！！！脆口嘅響鈴中間包住融緊嘅芝士，兩種口感都超正！燒芝士蘑菇雞翼 $45雞翼