喜膳燒

营业中

休息中

寶勒巷的確係美食匯聚，一眾夜鬼蒲頭既地方，無論平貴、風格既菜式你都可以係呢到搵到。而今晚我就同個朋友黎左呢間港式串燒吧「喜膳燒」，鋪內既燈光暗黃，幾有氣氛。大部分都係以高腳枱櫈打造返酒吧格局，就算連燈飾都幾有心思，仲比我影到有幾個雀籠同埋雀仔既裝飾，幾有地道感覺。而佢地既串燒主要會放係熱石板上面，而唔會直接比你，咁樣做可以保溫，慢慢傾下計影下相都唔怕凍哂，走果陣仲唔會一身油煙味tim！👇▪ 燒馬來西亞大蜆 - $88▫ 一黎就整左個大蜆歎下，佢地既蜆Size比我想像中大，蜆殼洗得好乾淨，唔會食到成口沙。燒得均勻，食落仲有少少海水咸鮮味，口感清甜，我就覺得呢個價錢絕對食得過！▪ 燒芝士響鈴 - $19/2pcs▫ 響鈴係打邊爐既必點之一，用黎燒究竟會係點呢？原來內有乾坤，表面熱辣辣既響鈴裡面擺滿哂流心芝士，一咬開成口芝士醬爆哂出黎，幾過癮。▪ 燒沙嗲醬燒賣 - $19▫ 表面上平平無其既燒賣都幾有驚喜，燒到內軟外脆，每一粒燒賣岩岩好做到一啖一粒，我幾鍾意。▪ 海鹽燒鮮白菌 - $24▫ 鹽燒有個好處可以將菇汁重重鎖住，又唔會破壞左本身菇既鮮香味，雖然呢個白菌Size唔係好肥厚，不過食落一

在尖沙咀想吃點串燒，又走到寶勒巷找喜膳燒。喜膳燒除了有不同燒物還是一間酒吧，酒精類飲品其實選擇很多！今晚點咗好多野食，有海鮮有肉又蔬果！海鮮點了馬來西亞燒大蜆、燒巨型扇貝；肉就有日本霜降牛，蔬菜有大蔥、露筍和韭菜；甜品就少不了勁正嘅肉桂焦糖烓燒菠蘿。海鮮最緊要新鮮，火喉又要拿捏準確，兩款貝類熱辣辣完全合格有餘　  鮮甜美味！牛肉不得不吃日本霜降牛照燒汁燒京$16海鹽燒法國露筍$28孜然燒韮菜$19食串燒加上入秋天氣乾燥，這兒有個自家製嘅飲品：冰糖雪耳雪梨水$32 (只有凍的啊)最愛這個，可以好好潤番下燒肉桂焦糖金菠蘿＄３２真係一定要食美味指數爆燈！　外層焦脆內裡勁ＪＵＩＣＹ　！今晚戰鬥力就反應在這個竹筒內

同朋友喺尖沙咀行街，突然之間好想食燒野，揾下附近有冇串燒店，就揾到呢間喜膳燒。餐廳唔算大，裝到2、30人左右。menu上面好多野食，多到有選擇困難～食左好多野食，特別想highlight幾樣野食～我覺得呢度既調味好好味，有鹹味得黎又唔會過份。勝瓜好好味！！其實我本來都鐘意食勝瓜，不過加埋啲調味同燒過之後真係好正！脆脆地又有啲汁bit出黎呢度既燒海鮮都出色多汁同好香燒帶子好好味，粉絲撈曬啲汁咁食好正唔好睇佢個樣咁搞野，呢個又係好好味，韮菜上既調味料索曬入啲菜度係度食野一定要叫杯野飲，因為好重口味，會口乾～雞翼都好出色～好飽既一餐，叫到成枱都係食物呢間串燒幾好味不過如果服務可以貼心啲就好了Waiter好似比較被動同目無表情，沒有像其他串燒店咁會比水你，問佢要水後都唔會再斟水，覺得這方面可以改善～

今晚約了很久沒見的友人飯聚， 她推薦了尖沙咀的串燒店， 本以為這區的食店大多「貴夾唔飽」， 沒想到會是一家高性價比的小店！友人還沒到達先看看餐牌， 串燒有數十款供應， 幸好餐牌上已經分類排好不會花多眼亂， 另外也有小食、主食供應， 可說是一家串燒為主的居酒屋！這裡的串燒會放在熱石上桌， 可長時間保持串燒溫度， 吃慢一點也不會冷卻失去滋味，很棒的設計！ BBQ燒豬頸肉串燒得外焦內嫩、肉質彈牙， 沙嗲燒雞肉串微辣惹味、雞肉保持嫩滑， 燒玉子第一次吃到、甜甜的味道特別！燒馬來西亞大蜆殼厚肉肥， 新鮮大蜆散發著燒烤香氣， 還帶有海水的咸鮮， 一口一隻2分鐘完全KO。味醂燒雞泡魚乾略為偏咸， 烤過的魚乾既香口又有嚼勁， 一邊吹水一邊呷口啤酒配根魚乾最完美！熱騰騰的牛油蒜蓉焗什菇上桌啦！ 放在錫紙包裡能保存水分不會烤得太乾， 滑嫩的什菇入口是濃濃蒜香， 最後吃得一根不剩~怕只吃串燒會不夠飽而點了主食， 胡麻醬涼拌稻庭烏冬配溫泉蛋滿滿一碗， 各種配料拌在一起足夠兩人分享。 吃罷串燒再吃冷烏冬非常清熱降溫， 友人都說點得好！唯一一款甜品就是燒菠蘿， 菠

串燒店門口唔容易搵，一入到原來行直行就係。店舖唔大，容納數張枱左右。一般串燒都有，海鮮、菜類、肉類等等。價錢中等。餐廳冇水供應，要買。或選擇其他飲品。叫咗雞泡魚干，味道唔錯，燒得幾香。仲配沙律醬。叫咗秋葵，清清地味道唔錯。雞翼唔算大隻，但係加埋啲腌料還OK。雞軟骨串，雞軟骨有咬口。仲有安格斯牛肉串，味道不錯。海鮮叫咗粉絲扇貝，粉絲唔會太乾。豚肉卷一串3件，都算幾香。唔係叫咗好多嘢，之後去食甜品...

串燒店門口唔容易搵，一入到原來行直行就係。店舖唔大，容納數張枱左右。一般串燒都有，海鮮、菜類、肉類等等。價錢中等。餐廳冇水供應，要買。或選擇其他飲品。叫咗雞泡魚干，味道唔錯，燒得幾香。仲配沙律醬。叫咗秋葵，清清地味道唔錯。雞翼唔算大隻，但係加埋啲腌料還OK。雞軟骨串，雞軟骨有咬口。仲有安格斯牛肉串，味道不錯。海鮮叫咗粉絲扇貝，粉絲唔會太乾。豚肉卷一串3件，都幾香。叫咗唔係好多嘢食，之後去咗食甜品。

晚餐，如果可以與三五知己食串燒，傾下計，其實都是十分舒服的事。串燒最緊要新鮮，燒得香，有好味的醬。另外，如果是開放式廚房，必須要抽風系統好，先可以一邊享受美食，又不會成身都是燒烤味。今次去到喜膳燒，除了食物好食又新鮮。環境與抽風都好好，離開個陣完全唔會有味。海鮮，燒海鮮，鮮味又好香口。其實店內提供不同海鮮，今次就選擇了馬來西亞大蜆。大蜆真是好大，又新鮮。蜆本身就鮮租，我沒有沾任何醬都食到裡面啖啖甜味。 燒山賊雞翼燒雞翼人人愛，而且39元一串..但有3隻之多，好抵食。雞翼調味得好，上面一層調味料，好惹味，又唔會太咸，令雞翼好香口。 燒金菇肥牛卷有時自己燒烤都會這樣包，但餐廳總比是比較好食，調味又好，又包得好。裡面仲相當足料架。 燒雞肉腸，豬頸肉串，鹽燒脆玉瓜這3款食物，我覺得沾上店家自家醬相當夾，辣辣地，越食越開胃。豬頸肉串，一串4粒，厚厚一粒，爽口。一下沾醬，一下不沾,各有不同滋味。 蒜蓉牛油焗娃娃菜  蒜蓉燒茹子除了肉類，都有叫蔬菜，蒜蓉牛油這個配搭，在燒烤來說，永遠是黃金組合。蒜蓉牛油加上菜，熱辣辣新鮮食，又香又滑。 即使現在已經9月尾，但有時仍然30幾度，在室裡涼著冷氣，又食到燒

今天約了許久未見的前同事過來吃串燒，香港真是不容易交際，大家都忙於工作，想一想上次見面，都是去年11月了。朋友一場，當然要約有特色的地方，好好分享美食，分享生活。串燒是一個可以把酒言歡的地方。吃個串燒，配上啤酒🍻你有美食，我有故事。菜單上全是我們愛吃的串燒，一上來就點了好多！牛肚跟雞腎是我的最愛，牛肚很入味，孜然的香味進入到層層的肚絲裡面，配上特製的辣椒🌶️水，入口味道豐富，咬下去脆香肚滑，很有滿足感。燒玉子也超級甜，蛋香軟嫩，外皮烤得小小蕉，裡面還是夠軟，加上雞蛋🥚本身的味道，入口幸福美滿。燒菠蘿🍍也是特色，切得小巧，一口一塊，菠蘿塊外面有一層焦糖，咬下去脆脆的，裡面的菠蘿又很多汁，清爽口感，飯後甜品🍮最佳之選。

日式串燒店細細間, 食物款式多, 類別有肉類、蔬菜、海鮮等等。我們點了海鹽枝豆、燒娃娃菜、一口甜番薯、燒蜜糖雞中翼、燒珍寶大扇貝一起分享。海鹽枝豆 — 是不錯的餐前小吃, 可以一邊聊天, 一邊和朋友吃海鹽枝豆, 過下口癮。點餐紙上有一頁叫做‘’特色海鮮推介‘’, 既然是廚師推介的, 當然要點一樣來試一試。燒珍寶大扇貝 - 蒜蓉口味, 很多汁, 扇貝厚身, 有爽口的質感, 幾鮮甜的。燒蜜糖雞中翼 — 味道甜甜的, 雞肉的肉質幾嫩身, 燒得一點兒也不乾身。燒娃娃菜 — 這是幾有驚喜的蔬菜串燒, 本來以為很普通, 但原來燒娃娃菜幾好吃的, 很多汁, 娃娃菜夠甜！

行完街想食小小野，上網search到呢間串燒店，諗住食同朋友一路食一路傾。我地叫左兩杯野飲，茉莉花蜜同巨鋒提子梳打，個花蜜好香，飲落口有好滋潤既感覺，食串燒配呢杯野飲就岩曬喇！我地一開始點左6樣串燒，首先黎左個燒蒜蓉茄子， 個茄子好好juicy，而且蒜容唔算太重味，剛剛好。菜我地叫左鹽燒清香翠玉瓜，個瓜好清新，燒完keep 到好多水份。燒雞軟骨不錯。海鹽燒牛肩胛同和牛串，一啲都唔硬，仲好有牛味。仲有脆皮芝士腸同燒牛丸，牛丸真係好彈牙，個燒蕃薯真係想像唔到佢會咁甜，一定要試。最特別係個燒流心鵪鶉蛋，一串有4粒，燒到溫泉蛋咁，估唔到呢間串燒小店食燒咁高水準。

今晚同朋友喺尖沙咀開餐，一開始見到呢間鋪嘅門面心諗唔係啊嘛，係因為見到有好多食評所以決定入去，發現真係名不虛傳！比想像中好食好多，有驚喜～首先要推介既係港式懷舊魷魚，烤到好脆好干身，加左個麻辣油，增加左香味既層次，yummy!而且份量對比價錢都幾多～送酒一流呀！蒜蓉烤扇貝都超好味，大推！不過建議大家食時食個粒大既肉就好，條帶會有較多既粒粒，調味方面無得輸，我覺得個豉油味道好鮮甜，好幫到成個味道提升咗。燒雞翼同脆皮芝士腸都係推介list之一，因為雞翼燒到好脆卜卜，加埋調味粉真係好難唔好食，芝士腸係我個人鍾意既食材～燒茄子煙肉卷同埋朝五餐肉都幾正，菜方面我地叫左燒韭菜同埋勝瓜，我個人鍾意勝瓜多啲，因為水份好多好juicy，中和返其他串燒既干脆感。Overall嚟講，我覺得呢一間餐廳嘅性價比真係幾高，雖然環境上比較隱蔽，但如果識路過嚟食嘅話，真係會慳到錢而且覺得好滿足，對比其他串燒店，呢到食材選擇好多，似打邊爐店咁，唔貴嘅食材選擇都有好多，大部份價錢都係around20至30，會再返黎食！

今日晚餐約左朋友食，知道尖沙咀依頭好多野食，於是過左離覓食，行過見到依間喜膳燒，於是入離trytry😛 一入去見到好多後生仔女都離，入去職員便安排我地坐企，裝修幾靚，似去左日本既燒烤店，細心睇連燈都係日本style!燒日本一口甜薯薯仔細細粒易入口 又熱辣辣 甜甜地好食🤤燒雞肉串（bbq）好林好入味 上面既bbq汁都好正芝士燒廣島生蠔生蠔好鮮 一食入口爆汁 配住芝士食味道好夾燒雞全翼（鹽燒）雞翼出面有鹽燒既香料 聞好香 食落去都好可口而且個人最怕雞翼裡面唔入味 但依隻好好味 好入味燒蒜容扇貝扇貝好鮮好多汁 仲有粉絲配住食 個人最推介依個 食到lamlam利🤩海鹽燒皇牌牛舌依到離到都一定要食 牛舌好林好入味！仲要完全唔硬 好林！日本霜降和牛串依個都好正 和牛好林 有牛味 同去日本食到既味一樣 一個字：正🥰

今日星期三，宜尖沙咀搵食，食時聽到食客傾談，話今日晚賽馬取消，非常之可惜，原因，唉？！『喜膳燒』位於寶勒巷，地方的的式式，但係有師傅幫你燒，地方細啲也不怕。海鮮方面叫咗馬來西亞燒大蜆，真係好大隻，唔係講笑㗎，鮮，因每日由師傅親自街市採購，甜，不在話下，多汁，連啲汁都消滅晒。串燒叫咗燒豬頸肉串，燒雞串同埋孜然燒雞腎串，通常孜然係配羊肉，但其實同雞腎亦搭，而雞腎吃落有爽脆口感，鍾意。黑椒台式香腸，燒彈牙牛丸，海鹽燒秋葵都係好味之選。而燒玉桂焦糖金菠蘿，燒咗後砌一座小城堡，好睇又好吃。仲有好多好多嘢吃，留番下次來。

即將系，影pre wedding 既日子了，所以今晚收工後去尖沙咀 染下髮~由於老公好想同我食 dinner ，所以去左間叫 喜膳燒 食串燒，味道5錯，5同食物會有幾款口味，我地幾中意食佢既牛舌、豬頸肉、蒜蓉生蠔，多春魚等，牛舌、豬頸肉都系厚切，一d都5含糊~價錢都算合理，連挑食既老公都話下次可以再黎食~但可能因為員工唔多，所以上菜速度一般，但幾適合朋友一齊傾下計，飲下酒。如果5系腸胃比較差，都幾想嗌返杯酒飲下~

出品差，點佐十几樣，只有两樣滿意，其他都好咸。服務差，點餐想點少的，樣樣試下（反應是：够啦，鮑魚好細隻，唔够食啊，清酒細支好細。。。。）。環境差，地方只有两三百呎，有人行過都要借位，坐到腰都直埋。。性價比差，唔值