喜膳燒

营业中

休息中

今日同男朋友去尖沙咀食這間串燒小店，在寶勒巷中地舖！這間小店雖然不是太多坐位，但是好舒適又有感覺的獨特設計，掛燈是以不同圖形顏色底紙、更有鳥籠設計、燈光明亮、有大電視作娛樂；食物選擇多，不單串燒，還有涼拌、海鮮、牛豬雞肉、蔬菜、主食等等。而且食材質素好高，好靚的擺設及用心的服務，我們點了好多款即點即製作的串燒美食。1. 涼拌牛舌少少麻味配微微辣的醬汁、涼拌凍凍的、厚身有口感的牛舌好香口好惹味，佢開胃小前菜一流！2. 燒海鮮- 燒白鱔好大串好脆口又唔會乾身，喜歡食魚者必點，皮脆配上香口芝麻粒，厚身鱔肉好彈牙- 燒虎蝦好大隻喔！同我手掌咁大，燒得剛好又爽口又彈牙的大虎蝦🦐🦐- 燒龍躉黑豚肉卷這個真的必食，外面黑豚肉燒得脆口唔肥，龍躉啖啖肉好爽好正的口感- 燒蒜蓉珍寶大扇貝大大隻扇貝粒配上吸汁入味粉絲，蒜蓉又多又香濃，扇貝新鮮多汁- 海鹽燒大蜆男朋友愛食這個，微咸香大隻大蜆又多汁又鮮甜，無沙好乾淨，處理得好好3. 特色串燒- 燒沙嗲手打魚皮餃魚皮好煙韌、內餡豬肉軟滑，配上沙嗲醬汁又是美味- 燒山賊雞翼3隻串得好靚的山賊雞翼，皮脆肉汁嫩口，醃的好入味的雞翼- 燒煙肉韮菜卷煙肉燒得外脆、韮菜翠綠

喜膳燒 Happy Q⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎食過好多串燒店都燒得太乾☹️ 咁岩有日放工試左呢間看得好正 燒得岩岩好 多選擇價錢又合理🥰 ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎燒椒鹽燒賣$19 燒沙嗲燒賣$19超出色既燒燒賣❤️ 變左最愛食物之一！椒鹽比沙嗲更好食 喜歡椒鹽帶點麻辣的味道 外脆內軟 內面口感是彈牙的 🐷。海鹽燒皇牌牛舌 $49厚切好足料 用海鹽燒過好咸香👏 。燒煙肉韭菜卷$29煙肉包住韭菜呢個配搭又幾好食 😍 煙肉有少少脂肪所以唔會過乾 ！燒芝士響鈴（2pcs) $19燒響鈴比較乾同脆 都係鐘意打邊爐咁食多d 😂 。燒沙嗲雞肉串$24雞肉本身用蜜糖燒過 上面再淋上沙嗲醬超級惹味 雞肉滑身。 燒豬頸肉串$24半肥瘦嘅豬頸肉 口感一流 肉和脂肪的比例很均勻。燒玉子$16大大舊厚切嘅玉子 好甜好香蛋味。燒日本一口番薯$24一口番薯個心保持到濕度 唔算太甜 味道自然。⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎📍地址 尖沙咀寶勒巷10號地舖G/F, 10 Prat Avenue, Tsim Sha Tsui港鐵尖沙咀/尖東站 N2 出口, 步行約3分鐘電話號碼

同朋友飲嘢前都會食少少嘢打底，食串燒過下口癮都係一個唔錯嘅選擇。第一次跟朋友嚟到寶勒巷呢間串燒店，平時行過都唔多覺眼，因為佢門口位置比較隱閉，好容易走漏眼。☄️燒馬來西亞大蜆$88蜆肉大隻飽滿，無沙，味道鮮甜！☄️焗田螺$39螺肉唔韌，彈牙，薯蓉香滑。☄️金菇牛肉卷$38外層燒得焦香，裡面金菇保持濕潤爽脆。☄️鹽燒五花腩肉$38油脂甘香，肥瘦相間，比例適中。☄️燒玉子$16玉子甜甜地，好開胃。☄️燒雞肉串(沙嗲汁)$24最右邊嘅燒雞肉串，我地揀咗沙嗲汁，非常惹味。☄️牛油蒜蓉焗金菇包$42好大包金菇！仲有牛油蒜蓉同黑松露可以揀。☄️燒午餐肉(bbq汁)$26午餐肉外脆內軟，不過我地揀錯bbq汁，咸食都係配蜜糖好啲！☄️燒貢丸(蜜糖)$24朋友最鐘意食嘅貢丸，點都要叫返串😂好味到佢一個人食哂，一粒都唔分俾我😂

Book左位係度慶祝生日。可能係星期五的關係，我地被安排左坐係門口，而且係高枱不過坐落都ok的，只係張枱係張小圓枱，唔放得太多野，枱的外圍又有少少斜。所以啲野都要放中間先安全見到有walk-in客，都同講話無位，full house啲食物都上得幾快，唔使等太耐。蒜蓉茄子，正常，無燒燶，好juicy,唔知油定汁呢個鹹，落鹽落得重手左。唔會太乾枝豆($38)係炸的，唔係蒸的。但口感都差唔多，正常。雖然佢寫海鹽枝豆，但就無芫茜咁鹹。右上係燒牛舌($49),厚厚地切，都係正常味道，唔乾。右下係雞腎($24)，揀左鹽燒。覺得size有啲細，但都燒得好好，無乾到。呢個都係正常野，啲蠔又有啲細粒。所以之後encore左芝士燒蠔($68).個fd本來想叫原隻燒鮮魷魚，點知叫左呢個。我地都食得七七八八，因為燒得幾好，唔太乾又唔太硬。好甜，甜得滯，都唔知真係個菠蘿甜，定加左啲糖係面，所以咁甜。不過佢就無渣，仲好juicy添。呢個係我覺得全店最好食的，所以都rncore左。juicy，爽脆，肥美。仲叫左蜜糖雞中翼($36),點知來左山賊雞翼。好在有人食辣的je.叫左推介的馬來西亞大蜆($88)無咩特別。都j

放工後約好友到尖沙咀吃飯聊天，兩個女人仔吃得不多，眼闊肚窄，吃串燒最好！每樣都可以淺嘗，又不怕吃得太飽。喜膳燒店面不算大，但座位頗舒適，雖然是串燒店，不過沒有我討厭的油煙味（我的頭髮很吸味），看來抽油煙設備做得很妥當！食物種類繁多，有燒特色海鮮、肉類、丸腸類、蔬菜瓜果、特別推介等等，我們點了一份燒馬來西亞大蜆、燒牛肩肉、燒山賊雞翼、燒芝心蘑菇雞翼、燒蒜蓉茄子、燒娃娃菜和燒薄餅（其實都點得蠻多😂😂😂）馬來西亞大蜆用上新鮮活生生大蜆，鮮甜多汁，肉質爽嫩，蘸少許秘製酸辣醬汁更好吃。焗芝士薄餅除了芝士外，還有青辣椒，香辣惹味，薄餅皮烤得香脆。燒蒜蓉茄子超多蒜蓉，茄子燒得軟腍，吸盡蒜香味。牛肩肉肥美肉質鬆化，山賊雞翼撒上孜然粉，皮燒得香脆，很惹味。吃菜感覺健康一點😂😂😂

好少只食串燒咁單一類別食物做晚餐，印象中是前幾年喺日本大阪的街頭，見到一家有風味的串燒店，雖然已食過晚餐已飽，但仍忍唔住入去食，此事發生有一段日子，但仍回味至今。今晚在尖沙咀途經此店，見到門口放置嘅餐牌，有不同串燒類別，今我勾起那些年食串燒回憶，所以便不猶疑入了去。串燒店門面有部「一番拃」啤酒機，見到就想飲。雞肉$24串雞肉配沙爹醬夠惹味。玉桂焦糖金菠蘿$32菠蘿面燒得微焦，咬得夠多汁，好吃。焗田螺$39夠香，尤其薯蓉林得嚟又綿。黑松露金菇$52包錫紙包住金菇，打開飄來淡淡黑松露，食落幾清新，金菇爽口要啃啃下，金菇的汁在錫紙中冇流失，令金菇唔會乾身。從食串燒裡想回那時日本大阪旅遊的情景，好回味好enjoy。

每隔一排朋友都約我出嚟食飯飲啤酒吹水啤一啤 ，尖沙咀呢一間串燒餐廳之前未食過，朋友建議所以相約嚟食。 食店主打串燒，啱我鍾意食香口嘢。食店在地舖，需於大廈入口再行入啲，要靠廣告牌才留意到食店。我們被安排坐在食店一角，內部不太大，雖然裝修簡潔，但仍點居酒屋的氣氛。辣酒煮翡翠螺$68份螺夠爽口，辣酒的酒比重不多亦不算好辣，反而浸在酒中的螺比較辣，幾惹味。虎椒$16串辣椒燒到軟身，最辣部份在頂部，其他就冇咁辣，不錯。雞軟骨$36/2串夠啃勁，啃下啃下幾過癮，送酒一流。雞中翼$36串燒得香口，一咬肉汁流，食得滋味。整體不錯，食下食下一串又一串，眨下眼竹籤插滿竹筒。此時此刻朋友之間無太多說話，只係密密食，密密串，

路過看到尖沙咀有間日式風的串燒店，心血來潮想吃點了一份特色海鮮- 燒馬來西亞大蜆大蜆，好新鮮，味道好鮮甜，燒完後淋上店家特製嘅泰式醬汁 ，泰式醬汁酸酸辣辣，味道好特別，配海鮮和串燒味道都非常合襯串燒上桌時會放在熱鐵板上 ，保留食物溫度，值得讚餐廳的貼心。燒菜心 孜然香味四散, 菜心入口好juicy, 海鹽燒王牌牛舌點泰式醬汁食好香軟🥰🥰黑胡椒燒肥腸好滋味，好肥好香脆，燒芝士響鈴 私心推介，一定要試呢個，入口好似紙咁香脆包裹着嘅芝士，口感層次分明燒燒賣魚肉味既燒賣味道好濃郁，再點一點泰式醬汁，惹味無比。口感煙煙unun,讓人吃完一串接一串的感覺。牛油蒜蓉焗金菇包牛油蒜蓉極多，香味洋溢，廚師用心之作，金菇不會焗焦，而且金菇包份量幾大份，抵食之選。胡麻醬涼拌烏冬配溫泉蛋 冬烏冬好吃開胃食完串燒食埋烏冬就飽飽😋

阿妹放工就諗住陪佢夜晚去食宵夜加正餐，喺OpenRice search到呢間見到好似都幾正咁就去咗試一入到去個姐姐就已經好好態度咁樣同我講下家常嘅話題，佢問我做咩咁夜先來食，是一種返到屋企嘅感覺，等阿妹嚟嘅時候點左雪梨茶佢讚我好識點菜!呢杯佢自家製外面飲唔到㗎然後就係啲串燒特別大稱頌牛脷真係好好食，本身點左個小菜佢係有少少酸酸辣辣咁樣作為開胃嘅小食非常之正！然後佢大串嘅呢就係好林好入味而且好有牛味，係真正嘅厚牛脷串燒！一定要試。其他各樣野質素都好高，食落去令人返尋味啊，下次嘅話一定要點酒，咁樣去配黎實在太好啦。特別要講佢個金菇，我自己覺得佢有黑松露，好特別好好味😋

唔知點解－入秋就好想燒烤但係又唔想自己喐手燒所以就同朋友仔嚟到喜善燒食懶人燒烤喜善燒嘅店面唔係好大, 而且係open kitchen, 所以一入去就聞到好香嘅燒烤味, 令人好有食慾而嘢食嘅選項都幾多, 海鮮、肉類、蔬菜...－般你諗到同諗唔到嘅嘢都可以喺個menu見到<燒馬來西亞大蜆及燒珍寶大扇貝>燒馬來西亞大蜆份量都幾多, 有陣海水味而燒珍寶大扇貝雖然唔係好大隻, 但蒜蓉豉油嘅味道好出, 配上粉絲都唔錯<燒蒜蓉茄子>茄子偏向爽口, 係大食妹鍾意嘅口感, 蒜蓉配上甜豉油嘅配搭都幾提味<沙嗲手打魚皮餃>魚皮餃口感煙韌, 配上沙嗲醬汁, 再加上燒得 燶燶地。食落濕濕地又脆脆哋嘅口感, 都幾得意<黑松露雜菇>雜菇嘅份量都幾多~比起嗌金針菇, 雜菇可以俾你－次過滿足多個願望, 配上黑松露, 食完口腔就會成日徘徊住濃郁嘅菇菌味

想同朋友一邊食下野傾下計，最啱就係去食串燒，今晚就一於試下依間尖沙咀既串燒店，一到門口有種日式居酒屋既感覺，入到餐廳，雖然唔大，但唔算坐得迫！嗌左碟燒蜆，好有鹹鮮味，燒魷魚就正正常常無咩特別，比起海鮮，依度既串燒先係主打，特別推介燒雞全翼，外脆內嫩，調味調得啱啱好，好惹味！魚皮餃同燒賣都用舖頭特製既沙嗲黎燒，同平時沙嗲唔同，甜得黎帶少少酸，食落非常惹味同開胃！仲有芝士燒翠玉瓜，芝士融得啱啱好，食落加埋翠玉瓜味道好夾！燒娃娃菜同茄子味道都唔錯，保持到蔬菜既濕潤度，值得一試！

好耐無食串燒，難得今日女朋友仔唔駛減肥，肯陪食，一於去督下串燒喇尖沙咀系搵食福地，地鐵站行兩步就到的呢間喜膳燒，鋪面唔系好大，三、四張枱，岩三五知己圍埋吹水<燒馬來西亞大蜆$88>份量都幾多，粒粒好厚肉，食落有海水味，唔錯<燒珍寶大扇貝(蒜蓉)$68>超大粒扇貝，勁多粉絲，加埋海量蒜蓉，好香好好味<燒麵根$19>燒麵根個皮脆卜卜，略嫌乾身左D，不過QQ 地甜甜地幾好咬<燒芝士翠肉瓜$24>翠肉瓜超多汁，芝士燒到溶溶地，食落好芝味又唔算太漏<明太子釀雞翼$48>明太子少少辣，惹味好正釀雞翼D骨超易咬，唔會食到成嘴都系雞油<燒蒜蓉茄子$24>食得燒烤，無理由唔食燒茄子🍆，蒜蓉同茄士一齊燒，點都一定好食<燒香甜車厘茄煙肉卷$29>又一個肥brown 最愛，點燒都好好食，食串燒必叫唔駛多講Overall 黎講，呢間串燒店系高質ge

最近尖東開左個新商場K11 musea，就特登去睇下，完左就係尖東附近食野，我同frd想食香口野，所以就去左食串燒。呢間喜膳燒係寶勒巷入面，相當易搵。我地叫左山賊雞翼，一串有3隻，表皮燒得香脆加埋拆左骨，食落更方便，再加埋香料調味，好惹味。雞肉腸同雞軟骨都唔錯，雞軟骨有咬口，而雞肉腸就有BBq既風味，用黎配啤酒一流。主食方面，我地叫左溫泉蛋豬骨湯稻座烏冬，烏冬有靭性同咬口，配埋海草加溫泉蛋，蛋黃融化濃湯入面，好濃郁。食太多肉就叫左菜中和返，我地叫左燒茄子同娃娃菜。娃娃菜用錫紙包住燒，可以鎖住水份，值得推介。最後，我地叫左燒蜆，食落有海水味，大大隻，埋單每人都唔洗200，唔洗自己燒，唔錯。

都話咗尖沙咀美食多是是但但入一間店 都有佢既特色好掛住日本既串燒～就沖入去喜膳燒試下好欣賞哩間店有2張台其中一張我坐緊係樹幹製造而成1）味醂燒雞泡魚乾 $48呢碟雞泡魚特別清香，因為佢用左味醂黎醃，即係帶有少少甜味嘅走酒，僻走咗啲腥味，將雞泡魚嘅味道發揮到極致，而且燒得啱啱好，唔會太乾，令人停唔到口2) 鹽燒西班牙黑毛豬五花肉 $38五花肉又嫩又多汁，同日本屋嘅居酒屋一樣水準3）燒新鮮白鱔 $64白鱔燒得啱啱好，魚皮燒到脆卜卜魚肉結實得來又有彈性，而且有白膳嘅鮮味，口感一流 （必點）4）燒珍寶大扇貝 $68隻扇貝真係好大隻，肉質非常之厚，淨係份量都已經贏晒。蒜香令扇貝聞上去特別香5）辣酒煮翡翠螺 $68翡翠螺份量都多，仲好大隻，口感嫩滑鮮甜，口感非常煙韌，好有咬感 （必點）6）燒芝士響鈴 $19第一次食燒響鈴 重要夾芝士超級超級正！ 咬落去勁脆啦 之後又拉絲 拉芝士絲～打邊爐一定食唔到既感覺 （必點）7）沙嗲厚燒魚肚 $45第一次咁樣食魚肚，估唔到係會咁爽口，同埋估唔到沙嗲原來同魚肚嘅味道係會咁夾重點！ 魚肚入晒味！ （必點）埋單 $350

夜晚放左工之後約左朋友去食飯，我地今次就揀左間係尖沙咀既串燒店，感覺幾特別，串燒店細細間，今晚幾乎滿座，好好生意。佢既廚房係開放式既，可以見到師傳喺入面整野食。串燒既選擇好多，喺尖沙咀呢個旺區黎講價錢唔算貴。我地一次過點哂啲野食之後，串燒就會分批咁上，串燒會放喺燒熱左既石板上面，保持佢既溫度。頭一round有流心鵪鶉蛋、雞臀同埋五花肉。每一串都燒到好香啊，而且今次係我第一次食流心既鵪鶉蛋，好好味啊！仲有呢個粉絲扇貝。原隻燒雞翼外皮脆而肉嫩。牛油燒金菇亦都冇得輸。