喜膳燒

营业中

休息中

燒雞皮好脆好脆，點佢地嘅秘製辣汁（類似生蝦汁）一流厚切牛仔骨呢個牛仔骨真係比一般嘅厚一倍。厚切嘅好係唔容易overcook, 一咬開個時仲係粉紅色肉，大約7成熟，牛味比平時薄切全熟嘅牛仔骨濃。蜆新鮮，唔係用咗好多調味，食到啖啖咸水香味牛油雜菇份量好多，牛油味岩岩好，另外咸味都好出，岩晒鍾意食重口味嘅人飲品入面有雪耳、仲有其他材料。我本身唔好甜，仲好擔心會好甜，好在佢係淡淡甜味，清清地解膩一流。芝士響玲都係燒到好脆，入面啲芝士溶化喺個響鈴入邊，入口口感有層次。響玲本身無乜味，同芝士嘅濃味互補，好夾。

近排夜晚都睇奧運，揀咗一間一路睇奧運，一路食串燒嘅餐廳。呢間串燒嘅選擇同口味都好多，有菜有丸有肉有海鮮。燒嘅方法仲有港式日式，部份串燒可以揀唔同嘅口味，例如係沙嗲味，鹽燒或者係孜然。點左咁多串，最鍾意食嘅係佢嘅燒翠玉瓜，翠玉瓜好厚，而且好多汁。燒粟米夠甜。燒雜菇份量夠多，如果可以重蒜啲就好啦🤣🤣肉類方面，豬頸肉同雞翼都做到同樣嘅效果，外脆內軟又多汁。燒海鮮其實好難控制火喉，我自己出去燒經常燒燶晒或者乾晒，呢間都做到好Juice！

邪惡指數: 🐽🐽🐽好食指數: 🙆🏻‍♀️🙆🏻‍♀️🙆🏻‍♀️🙆🏻‍♀️喺尖沙咀發掘到一間比較隱蔽嘅居酒屋😍感覺上比起其他居酒屋佢多一份地道同人情味，同埋好啱feel同三五知己飲下酒食下串燒傾吓計😆見佢Menu有好多選擇，不過驚眼闊肚窄嘅我今次先試住啲串燒同海鮮：⭕️ 海鮮類 - 試咗燒馬來西亞大蜆同埋是日推介嘅燒特大蟶子皇 💁🏻‍♀️ 特別想講，個蟶子勁好食囉 🙌🏻 燒過嘅蟶子更加鮮甜，而且火候恰到好處，好易咬唔會韌，配上特製嘅蒜蓉醬味道一流！超級推介！⭕️ 串燒類 - 熱辣辣好惹味，配埋啤酒，爽🍻 特別好食嘅就係燒雞腎，切得夠薄，口感爽口過癮。我揀咗配孜然去燒，勁香🤤⭕️ Samuel Smith 杏桃水果啤酒 - 食串燒又點少得啤酒？呢個英國手工啤牌子已經有超過100年歷史，全港應該得唔夠10個地方有得飲。味道香甜，唔會有啤酒嗰種苦澀味，啱晒唔太飲啤酒嘅朋友🙃除咗嘢食之外，店員服務態度都好nice😍 值得一提佢哋啲串燒係會用鐵板上，佢哋放咗唔少功夫去令到塊鐵板可以keep住熱又唔會overcook啲串燒（我哋走嘅時候塊板仲熱㗎！）同埋店員會等你食咗啲先再燒再放上鐵板，等啲食物唔會攤凍，鐵板又唔會迫

我好耐冇食過串燒，所以今晚就去咗一間朋友介紹喺尖沙咀嘅串燒餐廳，餐廳喺寶勒巷嘅街中間，裝修特別，都容易搵到。我哋入到去已經見到好幾張枱嘅客人食緊野，仲聞到好香嘅串燒味，所以我哋都急不及待落單。餐廳老闆介紹咗我哋食貴妃蚌，估唔到一送上枱係咁大隻，貴妃蚌啖啖肉， 十分鮮味，食得出好新鮮，推介大家去試吓！除咗海鮮，我哋仲試咗牛油薯蓉焗田螺，薯蓉嘅牛油味好香，甜甜地，田螺大大粒啖啖肉，呢個都超級推介！明太子燒雞翼：隻雞翼脹卜卜，好多肉，加埋明太子有少少辣味， 好惹味！另一個想推介嘅係牛油蒜蓉焗金菇包，因為佢嘅牛油香味沾滿左每一條金菇，份量都幾多，非常之抵食！至於串燒方面，我哋嗌左燒雞肉串、燒雞軟骨串、燒雞腎串、燒雞皮、燒廚師腸、燒燒賣、燒多春魚、同埋燒菜心苗，大部份嘅串燒都可以選擇唔同嘅調味，例如有鹽燒， BBQ汁，和風汁，沙嗲汁等等，啱晒唔同人嘅口味。老闆仲特登俾咗一款泰式辣汁俾我哋點串燒食，係自家調製㗎 ！食物嘅定價以串燒店來講唔算貴，性價比高，而且味道出奇地出色，我諗下次想同朋友飲下酒食吓串燒，都會揀呢一間！

收工約咗朋友去尖沙咀食晚飯，今次嚟到位於尖沙咀嘅呢間串燒店食串燒食物款式都幾多，除咗有燒海鮮、仲有肉類、蔬菜同主食等等。海鹽燒王牌牛舌共有三塊牛舌，食落幾腍，用少少鹽來吊味都已經足夠沙嗲燒豬頸肉串切到一口size，方便一啖食晒，幾有嚼勁，沙嗲汁幾惹味燒玉子燒玉子都係第一次食，甜甜地，都幾適合用嚟燒鹽燒雞軟骨雞軟骨燒到有少少焦脆，軟骨爽口鹽燒西班牙豬五花肉肥瘦分明，肉幾腍，食唔油膩蒜蓉貴妃蚌幾大隻同多肉，好重蒜蓉味，貴妃蚌幾彈牙泰式燒原隻魷魚燒到面頭焦脆，有炭香味，口感幾爽口彈牙燒馬來西亞大蜆D蜆幾大隻，冇乜沙，幾新鮮牛油蒜蓉焗雜菇份量幾多，菇幾爽口，而且juicy食串燒點少得飲品，叫咗杯自家製冰糖雪耳雪梨水，好多雪耳，甜甜地幾清涼

貴！性價比極低， overall 野食好普通。白鱔貴！成$68蚊， 呢個價錢幾乎成條新鮮嘅白鱔都買到。好食都算， 可惜又燶又唔好食。 另外，服務態度又差，食食下突然要我地轉位， 話要開隔離度門攞嘢， 連唔該都無聲， 搞到要搬嘢。甚麼燒龍躉， 勁普通， 賣到成五十幾六十蚊。 一口和牛同肉眼， 真係食之無味棄， 同我喺凍肉舖買自己燒冇分別， 質素激到普通。 最後佢哋真係要處理下油煙問題， 激臭！全部衣服同頭髮都係油煙味， 有啲嘢果然不可信 唔怪得咁容易搵位啦！ 以後不會再幫襯。

Hello 大家好，又係我地Hkfunlife小編分享好餐廳既時間啦 今日好奇之下就決定入去試下！呢間餐廳位於尖沙咀寶勒巷10號地舖，叫做喜膳燒呢間餐廳嚟到依間隱蔽的喜膳燒，鋪仔細細，坐位密麻麻，坐滿應該都幾迫。最緊要就係冷氣夠勁我地到達餐廳後，先掃安心出行或寫紙仔，等5分鐘左右便可入座。埋到枱見到有齊備嘅餐具，同一碟已經準備好既泰式醬汁。超好好味，如果唔夠挑戰、仲可以加辣、我朋友自稱食得好辣，都食到舔舔脷!你夠膽就來試吓坐低之後，店員提供餐牌。我地唔洗5分鐘已經諗好要食咩。店員服務態度非常好，雖然好忙但亦好有效率，落單流程亦簡易迅速，人氣得有道理首先會用熱石上菜，之後既串燒再放上面，keep住溫度，慢慢食都唔會變凍，  燒西班牙黑毛豬五花肉（$38）一串3舊，半肥瘦燒得剛好不錯  燒新鮮白鱔（$64），肉質皮脆肉嫩、肥瘦均勻，啖啖肉，燒到好脆口咬落唔奀   呢間餐廳好岩想食串燒過下隱又驚太多會熱氣既人士，食完覺得岩岩好👍          

约咗friend尖沙咀行街街👭天氣熱到不得了🥵dinner又唔想食飯🍚經過寶勒巷見到間似居酒屋🏮叫喜膳燒🍢我地又唔算太肚餓就入去幫襯吓🙂地方唔算大，但裝修似日本细细間串燒店，自己手tick點菜單✏菜單都多款串燒美食🍢天氣太熱即時order2杯凍飲品🍹青檸梳打🍐自家製冰糖雪耳雪梨水2杯非常之解渴，雪耳雪梨肉又足料，唔算太甜啱啱好👍蔬菜🥬🥒瓜類🧀🍄芝士焗意大利蘑菇芝士焗我最愛，但美中不足我呢個芝士怪覺得芝士不夠多😆如果再多些芝士就好😉🍆🧄燒蒜蓉茄子呢個我最愛係蒜蓉夠多，茄子燒得啱啱好，又唔會太乾👍海鮮類🐟燒白膳燒到外脆，肉質夠厚身，咬落好肥美😋🧄燒珍寶蒜蓉大扇貝大大隻扇貝，面上好多粉絲同多多蒜蓉，吃落好香口🤤我比較喜歡濃味蒜蓉🧄🤤所以特別推薦🧄蒜蓉大扇貝同埋燒茄子🍆肉類🍢燒山賊雞翼🐔雞翼燒到外皮好香脆😋辣辣地好香口🌶🌶🐖鹽燒五花腩肉🦬海鹽燒牛肩胛呢倆個肉質本身味道都算淡口，但配上🌶🌶泰式辣醬又幾惹味喎😋

如果大家想約朋友仔出黎傾心事💜，要搵個casual的地方坐下的話，去喜膳燒🔥飲下啤酒🍻，食下串燒/燒烤🍢，感覺都唔錯呢～日前同朋友仔就試左以下幾款燒烤🍢，感覺很不錯～🔥尖沙嘴燒烤小店. #喜膳燒 🔥蒜蓉燒廣島生蠔燒豬頸肉串海鹽燒脆雞皮燒火辣牛肚蜜糖脆皮芝士腸蜜糖墨魚丸黑松露金菇包孜然燒韭菜焗黑松露芝士薄餅最鐘意係黑松露芝士薄餅🌮，其貌不揚，但口感同味道都好豐富🌝～烤生蠔味道也不錯，如果可以再大隻少少就更加perfect啦～😃

9點幾先有時間食野，但疫情下想搵野食都難剛好我們都打左針，於是上網搵邊間收夜呢間寫收12點，就飛的過來來到先知（醒起）要有安心出行無奈下我地惟有裝啦d野食一般般啦態度也一般般啦夜d仲有人食煙咁就走啦點左甜薯，玉子，牛舌，魚泡，台灣腸，鹅肝多士，响鈴芝士，雞泡魚干再加支白酒

🍢🍢🍢食串燒識食一定食牛舌食串燒識飲一定飲啤酒認同不？神秘嘅角落遇上愛串燒嘅我雖然舖頭唔係話大，但佢嘅野食真係好出色燒大蜆 $88其實我真係好鍾意食蜆，佢真心大又夠味燒豬頸肉串 $26開頭以為佢係一片片嗰啲，點知佢係正方形一粒粒，除咗咬口好好之外，我揀咗沙嗲汁味道都出色芝士響鈴 $21呢個一定要試，打邊爐食得多，燒真係第一次，佢真係有燒晚味，外脆之如入面晚芝士一咬爆曬芝士漿好邪惡又好正燒蒜茸茄子仔 $28好多蒜蒜好野味 好正呀燒雞軟骨 2串 $36佢同出面唔同 唔會燒完好銀，乾得來又會有嘢咬燒牛舌 $49一黎我話真係牛舌樣呀🤣仲要真係好夠味，幾時都話一定要食牛舌鱈魚干 $42雞泡魚干食得多，無咩地方有鱈魚干，但佢出黎比我想像驚喜口感係脆既，又有平時食既魷魚絲味，好正呀杏桃水果啤酒 $88幾特別，啤酒黎講佢幾好飲，甜味又唔會過份👍👍

我最近愛上了這間以串燒為主的旺區尖沙咀中的隱世小店，它的裝修有日本居酒屋風格，對它十分難忘呀！而且價錢合理， 我們兩個人食飽飽都係四百元左右！這間隱世串燒店叫喜膳燒 Happy Q ，它有各款各樣的串燒美食，我自己特別喜歡一些海鮮類的，而且是即叫即燒，例如有蒜蓉燒廣島生蠔、燒馬來西亞大蝦、鹽燒原條深海龍躉，燒聖子、燒麵筋、燒白膳魚、燒翠肉瓜和燒秋葵等等！實在是太好味又新鮮的啊！【 喜膳燒 】尖沙咀寶勒巷10號地舖

未試過食一餐飯食到一肚氣揀好哂食咩，正想落單個陣，女侍應掛住睇電視，咁啱播緊獎門人，睇到入哂神仲要笑到大大聲，叫左佢幾次落單都聽唔到。串燒係一碟過上，以為漏左雞翼，咪問下女侍應係咪漏左單，點知佢好唔客氣咁答「整緊啦，雞翼係要耐啲架麻！」語氣又惡，態度又差，心諗頭先上菜個陣又唔講清楚仲整緊大部分串燒味道偏咸，烏冬味道普通，滷肉飯味道好奇怪，食左一啖已經唔想再食。如果鍾意食重口味嘅食物，又想受下氣嘅就黎食啦。

Book咗食lunch，坐低先知當日係冇lunch setOk唔緊要，諗住試吓串燒反正open rice book 有八五折。落完張單問過阿姐可唔可以要杯茶或者水佢一句: 冇茶，咁我再問可唔可以要兩杯水，佢一句得過嚟: (個樣仲要好唔老黎) 咁你依家要我落單先定係比水你先？我當堂打咗個突，叫佢落單先。一句轉頭俾都得吖，唔明點解佢態度差到咁？果下真係谷鬼氣，想起身即刻走，但又廢事再我大熱天再搵來搵去。食物水準一般冇驚喜，唔難食，但係都唔好食。買單要差不多$200一個人，已經八五折左！食餐飯都要受氣，同睇面色，一定唔會再去，所以我相都費事影！最後仲見到有兩隻小強喺我隔離！

嘩，估唔到一間串燒，細細間，啲嘢食好有驚喜，特別係辣豬肚串燒、同埋好食魚肚串燒！超好好味，如果唔夠挑戰、仲可以加辣、我朋友自稱食得好辣，都食到舔舔脷!你夠膽就來試吓