喜膳燒

营业中

休息中

今次朋友帶我來到這間位於寶勒巷隱世的串燒店，串燒店座位不多，但是串燒的款式都有多款選擇!燒山賊雞翼，這款雞翼有點像土匪雞翼，外皮燒到脆卜卜，內裡雞肉嫩滑juicy，好香口!海鹽燒皇牌牛舌，牛舌都幾厚切，不會好硬而且入味，鹽份充足。海鹽燒美國安格斯肉眼串，肉串大概有4塊肉，厚肉又juicy，非常美味!燒馬來西亞大蜆，蜆的份量都幾多，蜆肉鮮甜多汁，而且都幾大粒!孜然燒韮菜，食這些串燒都一定會點韮菜，因為有孜然的味道，令韮菜很香甜。燒蜜糖牛油粟米，粟米將一條分開了一半，粟米粒爽甜多汁，而粟米亦有淡淡的蜜糖香味!燒玉桂焦糖金菠蘿，菠蘿切開了一粒粒，每粒菠蘿上都塗了焦糖，酸酸甜甜，十分解膩。這間串燒店性價比高，食物惹味，值得再來!

今日放工就同朋友試咗呢間喺尖沙咀嘅串燒店店舖雖然唔大，但佢啲串燒好有驚喜，的確唔錯第一碟上嘅係佢嘅燒大蜆， 粒粒肥大而且完全冇沙，好鮮甜之後我哋嗌咗其他唔同嘅串燒燒牛丸, 燒魚片頭, 燒金菇肥牛, 燒魚皮餃, 燒響玲, 燒蘑菇, 燒玉子, 燒雞髀菇等店員上第一輪串燒時, 係連埋舊熱石一齊上架😮👍🏻所以就算唔同時間食串燒都唔會攤凍咗，呢個位細心咁多串燒入面我最鍾意食係燒魚皮餃，佢隻串燒汁好好味, 同魚皮餃隻味好夾而燒響鈴就係最特別嘅, 因為佢入面係有流心嘅芝士😛本身以為兩個女仔係咁多串燒會食唔曬😂但因為啲串燒每串都好惹味， 一路傾計一路食好快清曬🤤

食串燒最怕食到一半會凍哂🙊，店家好貼心咁由第一道串燒開始，就由熱石上枱，之後到既燒物都會放在同一塊燒石上保持溫度👍🏻泰式鹽燒鯽魚：用鹽包住未打鱗既鯽魚燒，魚身足足有一隻攤開既手掌咁大😳, 肚入面塞左香茅等香料，一𠝹開層皮，熱辣辣，d煙同魚香飄哂出黎🤤。就咁食，用仲好足水份，一d都唔乾，鮮味仲keep到👍🏻帶有淡淡咸香。另外跟泰式酸辣汁，辣椒味偏重，個人覺得唔點汁都夠好食，點左就增添泰式風味燒芝士響鈴：好脆口，好薄身，一咬落去口感好鬆化，無油膩感，入面芝士唔算太濃味，偏向清新既口味黎👌🏻燒紅酒燴原條香辣牛肋條：好淋好淋，用牙輕輕撕開已經得😋，肉汁雖然唔係超多，但正好將d味留哂起肉入面，食落竟然似牛腱味😂燒黑啤牛仔骨：好厚切，但唔會韌，中間好多肉汁，唔會有太濃既黑啤味，只會帶有淡淡既香味，反而牛肉揀得唔錯，好濃牛肉味👍🏻燒紐西蘭羊架：目測最少7成熟，同樣唔韌，肉汁足夠，可惜既係唔太騷，但竟然食到肥膏位有d紫菜味😳燒玉桂焦糖金菠蘿：加左肉桂粉去燒，未擺入口已經聞到，面頭有層脆焦糖😍，外甜內微酸，菠蘿燒得岩岩好，唔會有太多筋，仲好多汁燒蜜汁叉燒棒：呢個有驚喜👍🏻👍🏻，雖然唔肥，但唔似一般瘦叉咁

作為一個串燒fans，覺得放工後整幾條串燒再啤啤佢係最爽皮嘅事好耐之前聽過呢間店，次次黎都爆滿，今日難得早收，終於試到！價值超值，味道足，大推呀 ✨燒雞肉串BBQ $26份量覺得已屬雞扒咁多，燒完仲帶有肉汁，加試BBQ sauces，覺得半日式半港式的感覺，啖啖滿足。 ✨燒菠蘿 Pineapple $34 這裡的燒菠蘿屬於甜品系列。賣相討好，早已幫你切好一份份。入口清甜，面頭仲有糖面，有驚喜！食完覺得唔夠喉，要encore ⚡️海鹽燒皇 牛舌 $49食串燒冇理唔食牛舌啦。屬於薄牛舌，共有四小塊。不會過老，咬起來仍有肉汁。高質呀✨黑松露多士 $82 竟然串燒店有黑松露多士賣！叫了一客，有心思。有點小貴，但物有所值。黑松露足料，多士加牛油，夾埋冇得輸✨✨✨小店，但唔會坐得唔舒服，waiter招呼好快。好有heart的小店，會再encore

今次比我搵到間有日本居酒屋🏮情懷的串燒酒吧，環境裝修有氣氛。座位不算多，但就麻雀雖小，五臟俱全，非常chill！每張枱更有消毒搓手液，十分體貼。串燒都會跟一塊熱石，令進餐能保持溫度，這些小細節都能體現一間店舖的質素。.燒玉子（$18）嫩蛋帶有焦糖灼過的香味，讚。.海鹽燒王牌牛舌（$49）牛舌燒得軟腍爽彈，十分惹味。.鹽燒西班牙黑毛豬五花腩肉（$38）五花肉油脂泛香，充滿肉汁又香脆。.霜降一口和牛（$59）相比其他有點失色，略嫌過老，可能跟放在熱石有關，建議一上枱就要盡快進食。.燒山賊雞翼（$39）皮脆肉嫩又多汁，不是只有孜然粉的味道，十分香口。.泰式原隻燒魷魚🦑（$88）雖然比想像中細隻，但燒得剛剛好，不會過乾，仍十分嫩滑彈牙，師傅功力好好。沾上泰式酸辣醬好開胃。.法式牛油蒜蓉焗田螺（$39）蒜味十足，配搭牛油薯蓉別有風味✨.黑松露焗雜菇（$52）.食串燒當然要配上啤酒🍻，揀日本的麒麟啤就正啦💕✨和情侶或朋友靜靜聊天，喜膳燒是不錯的選擇。

食串燒唔單止食到食材鮮味，又有燒烤風味，又可以同朋友chill 下鬆下，暫時放低工作煩腦，放低壓力。今日同朋友去左尖沙咀寶勒巷既一間串燒居酒屋"喜膳燒"，仲可以飲返兩杯。餐廳好細心，用左特製石板上菜，保持食物嘅溫度可以慢慢邊食邊飲！我地兩個女仔，叫左啲串燒，食完都夠飽啦呀。燒新鮮白膳，白膳好厚肉呀，偏爽口。燒蠔好creamy, 我同朋友都好鐘意。沙爹燒厚魚肚，夠特別，厚厚魚肚充滿沙爹香味。黑毛豬五花腩，海鹽燒牛肩胛及BBQ 燒豬頸肉串，肉串燒燒得外焦內嫩、肉質彈牙，又juice 。燒玉桂焦糖金菠蘿，算係甜品啦，菠蘿清甜又多汁，外層薄薄焦糖，一定要叫。菠蘿預先切成一塊一塊，靚靚又方便。

忙左成個9月，終於可以鬆一鬆，約下朋友仔傾計先。好耐無食過串燒，一於去日本居酒屋食串燒，飲下野。呢一間真係高性價比的小店，寶勒巷既喜膳燒。呢度既串燒會放在熱石上桌，長時間keep 住串燒溫度，慢慢食都唔怕凍哂。燒馬來西亞大蜆殼，新鮮既蜆有香香既燒烤香氣，又帶少少海水的咸鮮，蜆啖啖肉，一粒一粒甘食，停唔到口。平時食既魷魚，仲覺得煮得太耐，好難咬，唔係甘好食。但呢度既泰式燒原隻鮮魷魚燒得剛剛好，好彈牙，點一點泰式辣汁，好好食，完全改變左我既觀感。我地好鐘意食燒海鮮，仲叫埋燒蠔，蠔大大隻，啖啖肉。其他串燒都好juicy, 又一特別既係燒響鈴，裏面夾左芝士架，好驚喜，未試過。以尖沙咀來說性價比好高，下次一定再來！

今日即興同朋友約食晚飯，但因為唔太肚餓嘅關係，就選擇左一間串燒店。餐廳嘅裝修好似日本嘅居酒屋，串燒係即叫即燒，仲會放塊熱石暖住d串燒，禁就唔怕食得耐凍左。佢哋嘅種類都幾多，除咗普通串，仲有d主食同燒海鮮等等，我哋就叫左時令嘅燒大蜆，每一隻都冇沙，而且非常多汁，好重海水同好鮮甜。其他串燒叫咗午餐肉、燒五花腩、明太子玉子燒、芝士響鈴、燒菜心等等，最令我驚喜嘅係芝士響鈴同燒菜心，響鈴外面燒到卜卜脆，入邊係流心芝士，好特別，多數食串燒都係得娃娃菜、冬菇等等，好少會有燒菜心。

藏身於一橦大廈中，經過也不會留意到，如非有朋友介紹這間我應該不會找到這小店。😂朋友大力推介，今晚約了朋友來這裡食串燒！🤩 剛到達這餐廳時，地方不大，裝潢普通，沒有太大期望。不過食物一上枱就對這餐廳大大改觀！•蒜蓉燒廣島生蠔 3 pcs $78 $78有三大隻日本生蠔 🦪 每隻都香噴噴熱辣辣上枱 💨 極多蒜蓉，將整隻生蠔放入口鮮甜多汁，生蠔新鮮啖啖肉蒜蓉味和生蠔相當夾抵食又好食！極力推介！•燒馬來西亞大蜆 $88份饞口的我們吃完生蠔覺得這餐廳的海鮮新鮮好食又抵食又點多了幾款其中一款是這個大蜆$88滿滿的一碟每隻蜆都飽滿多肉這碟反而只配上辣醬 主要是吃蜆本身的鮮味•燒蒜蓉珍寶大扇貝 $68每人點了隻扇貝 巨形扇貝 份量十足 蒜蓉和香蔥撒滿在扇貝上大大啖一啖吃光 滿足！推介•燒玉子 $18 這玉子普普通通口感嫩滑但味道不重不出不甜 淡淡的原本一串有四件但我們吃了一半剛醒起未影相😂 •海鹽燒秋葵 $24 身邊不少朋友仔都不愛吃秋葵，但我頗迷那獨特的味道和口感。點了串秋葵獨食😂 串燒不會過咸，燒過的秋葵沒有那黏結結的口感 更爽更香一下子食完。•邊食邊讚嘆這餐廳真不錯難怪朋友大力介紹地方雖然不算大

同媽咪比較少食串燒 今晚又唔太肚餓 兩個人就黎到尖沙咀呢間小店內裡裝修格局都幾似日本居酒屋既感覺先黎涼拌牛舌 大大碟又幾好味！稔身得黎有少少辣味夠惹味！之後有燒甜薯 玉子 菜心同金菇肥牛卷燒菜我真係冇試過 開頭媽咪話怕佢乾 但一試又幾得意 葉既位係脆脆地幾香口 同好香燒既味 唔錯唔錯最推介金菇肥牛卷 好juicy 而醬汁亦好味～然後再後扇貝 雞翼 雞肉 同芝士響鈴同響鈴幾特別 燒響鈴好有創意 平時鍾意食響鈴既朋友一定要試下！🤣🤣🤣

喜膳燒今日收左工，同朋友去尖沙咀搵好西食😋今晚想食川燒，我地見到一間網上好多人推薦既串燒店食😋😋。我地叫左蒜蓉生蠔，原隻魷魚，炒大蜆😋，扇貝，新鮮熱辣👍🏻，吾會太乾身，燒得好juice，好鮮甜丫😍😍，然後我地仲叫左牛舌，好重牛味，好淋好好食👍🏻😋，令我地最意外既係燒牛肚，好辣好正呀，食完會想encore ✅。 仲試埋五花肉，脂肪分布平均🍗雞翼，熱辣辣，一咬啲油爆晒出嚟，好雞肉嫩滑，韭菜燒得好香，面有層辣粉，正呀🥰，仲叫左茄子，燒得好淋，重蒜味，正呀📔。大家經過尖沙咀不妨你試吓🍢🍢價錢合理👍🏻。地址： 喜膳燒 (尖沙咀)尖沙咀寶勒巷10號地舖。

好耐冇出尖沙咀食嘢，今日黎到喜膳燒食串燒。餐廳座位唔多，係一間小店嚟，但係呢度除咗食串燒之外仲可以飲酒😄。第一眼就見到就好多款同酒相關嘅擺設同資料，感覺好有日本小店chill一杯既feel🤩，小編第二日仲要返工，酒就留返下次啦，今次黎到主要都係想試下佢嘅串燒及海鮮。。燒馬來西亞大蜆 $88大大隻好有咬口，而且調味啱啱好😊，不過略嫌有啲乾得滯。。泰式燒原隻鮮魷魚$88勁大隻魷魚，食落好有韌勁好彈牙，賣相亦都好出色，本身已經好好食，加果再點上特色泰辣汁，另有一番風味😋。。蒜蓉燒廣島生蠔3隻 $78呢度嘅燒蠔真係冇得輸，蠔味濃郁，再加上爆滿既蒜蓉，食落好滋味，推薦😝。。另外仲叫咗好多唔同嘅肉肉串燒同蔬菜串燒😋，例如有山賊雞翼、黑毛豬五花肉、牛舌、安格斯肉眼串、牛肚同雞肉。而菜類就有茄子、秋葵同韭菜。。肉類既調味都好出色，當中尤其係燒山賊雞翼，對於辣控嘅我簡直係心心眼😍，辣度岩岩好而且易入口，火候控制得好出色，外皮燒到啱啱焦脆而入邊嘅肉質依然嫩滑，必食👍🏻。另外燒茄子都有好香濃既蒜蓉味，鐘意食蒜既人必點。。

返返工之後可以出街食飯( ꈍᴗꈍ)放工就想去啲Chill同relax 🍻揀左食日式串串，飲下野~燒雞翼食燒野串串~雞翼是必點的香料好惹味，燒得脆脆香香的☺️玉子 甜甜地又嫩的玉子，好正！仲好多香味~牛肩肉燒得岩岩好，肉汁keep得到牛肉好鮮味~涼拌牛舌呢個有驚喜！牛舌先煮到好入味~爽口又肉味的~涼涼地岩食緊串串嘅時候食~中和一下~黑毛豬龍躉串好得意的配搭！未食前想像唔到個味道同口感~食落比想像中有層次，黑毛豬薄薄地又有啲油香包住龍躉肉片，魚也鮮味，反而提升左個鮮味韭菜串串必備之選！份量都算多~兩人分好夠！加埋辣粉正正~茄子蒜蓉是重點~燒得好好！雞肉串呢個汁同其他有啲唔同，甜度高啲幾有趣嘅配搭！有蜜汁叉燒嘅感覺燒元貝主角是蒜蓉粉絲！ 好味味~小店的選擇好多！主打海鮮，每日都有不同的推介，所以都幾新鮮！串串唔少得飲下野，提供嘅選擇都幾多英國來的cider 甜甜地~

終於可以夜市堂食 即刻約朋友飲下野今晚呢間值得推介想飲下酒但又唔鐘意去pub既朋友 岩哂想靜靜地飲下野傾下計 仲有串燒食串燒當然係即叫即燒啦 餐廳仲諗得好周到驚我地掛唔住傾啲野食會凍 每枱都有牌熱石keep warm款式都好多 燒雞翼 就緊係唔少得啦 外皮脆燒茄子蒜蓉剛剛好 唔會太多 夠冧可以撕到一條條燒牛舌食得多 少見既涼拌牛舌當然要試試 份量都幾多 涼拌爽口又可以解下燒物既膩呢個黑豚肉龍躉卷好特別 食落有兩種既油香 啲蜆真係好大粒呀！蒜蓉燒扇貝同樣都好大粒 蒜蓉粉絲燒無得頂飲下酒 食下燒品 好飽好滿足😌

食串燒當然要立即叫番杯嘢飲。之後就叫嘢食。燒茄子係我食串燒必叫。呢度嘅燒茄子🍆燒得幾林，調味都唔錯，幾香！另外叫咗煮蜆，份量幾多，蜆肉鮮甜，相當唔錯。燒韭菜夠抵食，大大份，好多韭菜。燒雞翼面上有少少辣粉及孜然粉，味道香口，雞皮幾脆，雞翼肉質唔會老。一串有三隻。燒豬腩肉肉夠肥，鍾意食肥美肉嘅人就適合；而且笑得少少脆口，有油香。燒牛舌都幾厚切，牛舌味幾龍濃。最後仲加咗隻燒帶子，帶子新鮮，都幾大隻，燒得唔會乾，幾好！