喜膳燒

营业中

休息中

難得平日放假，就諗住食個惹味嘅串燒餐，嚟到依間隱蔽的喜膳燒，鋪仔細細，坐位密麻麻，坐滿應該都幾迫。但好彩我哋晏晝去，完全無人好似包場咁，都坐得幾舒服今日唔喺特別餓，2個人就少少哋叫咗幾樣過吓癮，飲品叫咗杯凍雪梨水（$32），唔太好飲；首先嚟咗個燒蒜蓉茄子（$28），當然睇價錢就知唔喺原條，只有4舊，蒜蓉夠多夠濃，茄子皮無燒燶晒， 成舊食得唔洗去皮之後上嘅都喺串燒，佢好貼心俾個熱鐵石我哋，溫住咁食，讚👍🏻 嚟到嘅有頂級海鹽燒多春魚（$29）有3條，口感略乾硬，多春魚不夠肥美；鹽燒西班牙黑毛豬五花肉（$38）一串3舊，半肥瘦燒得剛好不錯；我最愛嘅就喺依個海鹽燒芫茜（$18）一大串有10小棵到，好香口惹味，正👍🏻第二轉嚟嘅喺燒新鮮白鱔（$64），啖啖肉，燒到好脆口咬落唔奀😋；海鹽燒脆雞皮（$34）有2串、 燒金菇肥牛卷（$34）多汁唔乾；蒜蓉牛油焗娃娃菜包（$42）正常👌🏻第二轉嚟嘅喺燒新鮮白鱔（$64），啖啖肉，燒到好脆口咬落唔奀😋；海鹽燒脆雞皮（$34）有2串、蒜蓉牛油焗娃娃菜包（$42）正常👌🏻最後加多個燒山賊雞翼（$39）有3隻，上面撒滿孜然辣粉，夠晒重口味🤩； 燒玉桂焦糖金菠蘿

<<喜膳燒>>Openrice訂枱有單點8折😂真係多左個阿妹咁💁明明話帶Hiuman食串燒。阿妹前排話想食👧點知變左請我食😘😘😘除左個燒燒賣同芝士燒響鈴入面個芝士奇怪啲;同燒安格斯硬左啲;玉子燒好似燉蛋咁甜😛其他都幾好食😋特別係台灣腸(好香口)同牛肩胛(好淋)同芝士燒蠔(好芝士好食)佢既串燒都有調味料醬料揀,都幾好!可惜Hiuman係唔食牛😣唔係可以試埋其他牛*****值得一讚係佢首先會用熱石上菜,之後再叫既串燒再放上面,就可以keep住溫度,慢慢食都唔會變凍,而且熱石溫度唔係超高,唔會令到食物過熟******因為成日食熱氣野,個日胃唔太舒服,無飲啤酒,想叫自家製雪梨水,點知冇😢😢就叫左柚子蜜,但個人建議飲汽水好啲😂因為餐廳比較細。得4至5枱。都有walkin客。都建議先訂枱先。我食緊個時得番一張枱😂*****我都明商戶收信用卡銀行會收佢手續費,宜家疫情影響,未必想俾,所以明明openrice寫可以俾卡,個日都唔收卡,好似咁岩現金充足,唔係就尷尬啦,所以想俾卡既你,可以先打去問定*****

燒多春魚 3 條，肉質皮脆肉嫩、肥瘦均勻，魚春口感爽脆，食落啖啖肉，採用鹽粒調味，味道咸鮮，食落鮮味十足。燒蒜蓉茄子，表面鋪滿蒜蓉、香蔥，味道濃郁，食落好入味，茄子好Juicy，味道好香口。燒蜜糖雞中翼6隻，肉質嫩滑、肥美，肉汁飽滿，蜜糖味道香甜。鹽燒雞軟骨2串，口感脆口，味道咸香、帶有焦香味道。孜然燒雞腎2串，份量多，雞腎食落有咬口，口感軟硬適中，食落好惹味。益力多沙冰，口感細滑，充滿益力多味道，味道酸甜。

今日午餐突然想食串燒，同朋友去到尖沙嘴寶勒巷呢間「喜膳燒」食串燒～地方算容易就搵到，裝修都好特別坐底既時候覺得好似去左日本咁，非常有feel我哋擇左個午餐串燒餐好底食可以自選一個正餐 滷肉飯或者豬軟骨烏冬我擇左個滷肉飯本來期望唔高，但一食都幾好食，朋友擇左豬軟骨烏冬都幾濃郁嘅湯，好味呢個餐可以揀四個串，有BBQ醬同蜜糖揀所以兩隻都試左，真係好正～仲有氣水送，我擇左一串豬軟骨，貢丸豬勁肉，同雞肉！BBQ汁同埋蜜糖都好好味啲肉好嫩口，！食完非常之滿足個蜆好鮮甜～燒韮菜好惹味 ， 辣辣地。下次夜晚得閒想同朋友傾吓計覺得呢個地方係唔錯嘅選擇，好友去咗日本嘅感覺，食下野放鬆吓仲有酒精搓手液提供 好貼心！下次再黎食下海鮮串燒， 見到人地叫既都好香！

天氣涷想食串燒🙈朋友帶左我黎呢間，性價比極高！下午人均$100都唔洗，最貴既set都只係$78。我地兩個餐都叫左黎share，一個係烏冬，一個係魯肉飯。而每個set都包任揀4串串燒同飲品。當中包括各種丸類，燒肉串等等.我地另外order埋兩款海鮮🦞 係蝦同燒蜆。鮮甜美味🥰🥰 首先講左主食先，迷你豬骨湯烏冬入味，豬骨湯味好出！而魯肉飯都係台灣水平，食到唔停手。份量女仔黎講都夠. 燒沙嗲雞肉串同豬頸肉係我最愛，個汁一流，強烈建議大家叫呢個，想食串燒就係因為佢！蜜糖燒牛丸，同去燒烤果種好似，落好多蜜糖勁正！鹽燒雞軟骨，賣相一流！有咬口！蜜糖雞肉腸，串燒一定要食腸仔架！另外真係好想食重慶燒果種香粉，所以叫埋孜然燒韭菜，睇圖都知食個粉都好味呀😂😂😂 完全係我想食既野！雖然係味精既感覺，但真係勁香！呢間餐廳好岩想食串燒過下隱又驚太多會熱氣既人士，食完覺得岩岩好👍

我最鐘意食串燒，因為有人燒埋俾我食，又可以一件件咁點，啱曬我。呢度好有日本居酒屋嘅感覺，木造枱面同橙黃色嘅燈光，成間餐廳感覺舒服溫馨。聽住韓國K pop music, 心情輕鬆愉快。食串燒又點少得我最鍾意嘅生啤丫，簡直係絕配😛呢度仲有好多酒類選擇，譬如係清酒、手工啤酒、雞尾酒、紅白酒等等。海鮮類嗌咗扇貝，扇貝鮮甜同有好香嘅蒜味，如果粉絲再多啲嘅，簡直可以當主食呀。扇貝燒到剛剛好，唔會乾爭爭。大蜆都唔錯，簡單調味仲突顯到食材本身嘅鮮味。芝士燒蠔超正，蠔味香濃，大大粒，芝士味道唔太搶，甜甜地咁。和牛粒，一粒一口，牛味香濃有嚼勁。京蔥配埋燒汁既清新又香甜。菠蘿係必食之選，外層係焦糖，燒過之後甜味滲入菠蘿，先食到焦香甜味，後勁再有少少菠蘿嘅酸味，讚。食物整體質素讚👍🏼，下次要再嚟encore😊

細個黎尖沙咀寶勒巷唔係唱K就飲野，今晚再嚟呢度依然有嗰種好熱鬧好Chill嘅氣氛。朋友推介我嚟呢度食串燒，話食物水準性價比高，款式選擇又多。呢一間小店有日本居酒屋嘅感覺，木色嘅設計，細節位好多色彩繽紛嘅燈罩同雀籠。蜆：d蜆超大隻，無沙，味道鮮甜。扇貝：帶子彈牙好味，粉絲吸曬蒜香味茄子：茄子燒到淋淋地，外皮仍脆脆地，惹味香甜鷄翼：店員將鷄翼先攤平串起再燒，感覺燒得好平均，肉貨仍然嫩滑，外層皮嘅油脂好香口白膳：已拆骨，厚肉肥美，配埋個燒汁超正性價比高嘅串燒店，環境舒適、感覺溫馨，不同多語，亦覺得同店員好接近，期待下次返嚟試吓其他野食。

🔥日本霜降和牛串 ($59)香氣調味足，豐富咬口的骰子和牛粒，大愛。-🔥燒日本一口甜薯 ($24)表面刷上糖漿，令焦甜更有層次。-🔥燒金菇肥牛卷 ($38)甜醬油燒過的串燒經典，好吃。-🔥鹽燒西班牙黑毛豬五花肉 ($38)🔥燒芝士西班牙黑毛豬五花肉黑貓住($46)五花肉較其他串燒少調味，上面的焦香可以更多，不過沾上附送的泰式酸甜辣汁很開胃。-🔥燒珍寶大扇貝 ($68/pc)肉汁鮮美，配上蒜蓉醬油和粉絲一流。-🔥芝士燒廣島生蠔 3 pcs ($78)超級抵食! 生蠔很飽滿多汁，芝士增香，很邪惡😍😈。-🔥炙燒野生海虎蝦(特大) ($68)燒過的海虎蝦表面的紋路已經很漂亮，很大隻，蝦肉彈牙有咬口，挺新鮮。-🔥燒蜜糖牛油粟米 2 pcs ($19)粟米似乎汆燙過再燒，較喜歡燒熟的，會更有火候。-🔥蒜蓉牛油焗娃娃菜用錫紙包裹焗熟的娃娃菜保持水分，不過調味很重有點太鹹。-店面不大但充滿日式居酒屋感覺，柔和的燈光配上飽滿色彩和和式裝飾，因為加上抒情韓文歌很有氣氛，雖座位間隔較近，但用餐體驗良好。

上星期嚟食過呢幢大廈lunch ，今日再試下其他餐廳啦～門囗係日式燒肉店設計，門只可開一半，因為另外一半門後係檯，所以唔會用🤨。入到去係開放式廚房，所以油煙味都幾勁🤐，檯唔多，全都係bar 檯，都係預啲人夜晚食下燒肉飲下酒咁🍻，set lunch 選擇唔多，得四款，唔係全部日式，都有意粉選擇，價錢都唔貴，跟餐有一件燒物同餐飲，我揀咗烏冬🍜，燒雞翼同熱奶茶，奶茶先到，係紙杯好唔環保，茶味一定無茶記咁好，不過以日本餐廳嚟講都幾唔錯，烏冬有紫菜，粟米，魚蛋同魚片頭，用嘅係稻亭烏冬, 收52蚊算物超所值，不過魚蛋同其他配料就一般般，雞翼都燒得幾香，不過肉質就麻麻。

/近排因為支持黃店既關係💛所以不斷去發掘有咩好既，新既比大家💕黃既串燒都有唔少😂今次試依間🙈.依間最好既係佢會比一塊石熱板我地♨️keep住串燒一直甘熱🙈熱既串燒先最好食😋..🐥燒山賊雞翼3隻 $39食串燒點可以唔食雞翼❗️多數得兩隻雞翼🙈有三隻仲開心左🤣雞翼既味好夠💛如果加番啲辣味會更好😋.🐥燒芝士蘑菇雞翼$49我同我朋友都係雞翼控😂比佢個名吸引住🤣入面芝士都夠多下，可惜冇磨菇🙈不過都好食既❣️.🥚燒玉子 $18 甜甜既蛋配上熱辣辣既溫度♨️蛋依舊都係好嫩滑😋一串得三件，多多都唔夠喉🤤.🥒燒露荀 $28串燒點可以唔食菜架🤣好少係出面見到，燒完之後依然都係有汁，有鮮味再配合少少🤏鹽花，帶出左唔同層次既味道.🐽燒豬頸肉串 $26依個串燒最好食😋配沙嗲汁又夠juice完全好惹味🥰

芝士燒廣島生蠔 3pc ($78)⭐️⭐️⭐️⭐️⭐️三隻肥嘟嘟既燒生蠔只係$78 見到呢個價錢就即刻點左 一啲都無失望！ 上面芝士味香濃 食落又多汁 勁推！日本霜降和牛串 （$59）⭐️⭐️⭐️⭐️⭐️牛肉口感極佳 一口size 唔會太多筋👍🏻燒金菇肥牛卷 （$38）⭐️⭐️⭐️⭐️呢個價錢有3卷咁大啲肥牛卷真係物超所值 外面燒都乾身脆口 而入面啲金菇又鎖住超多牛肉汁 三大條一啲都唔油膩🤤🤤炙燒野生海虎蝦 （特大） （$68）⭐️⭐️⭐️呢隻虎蝦確實美中不足 雖然蝦身真係大 但可能因為咁燒過左時間 蝦肉偏乾身 但配上泰式酸辣醬 味道都還可以🤭

跟朋友好久不見，當然要搵D好野食食下傾下計。朋友搵黎呢間舖仔細細但野食好好味的餐廳。味醂燒雞泡魚乾，雞泡魚乾燒得香口，都幾厚肉，而且好香蜜糖味，用黎送啤酒一流。蜜糖燒頂級墨魚丸，墨魚丸好香蜜糖味，爽口彈牙而且大大粒。沙嗲燒厚魚肚，魚肚好厚身，吸收了沙嗲汁的味道，咬落鬆軟又juicy。清酒香菜焗魚卜，好少可以係串燒店食到魚卜，魚卜用上冬菇和翠玉瓜整，不會好腥，熱辣辣，爽口惹味。燒蒜蓉茄子，茄子有厚厚一層蒜蓉，茄子有香濃的蒜蓉味，加上醬汁，味道不錯。泰式鹽燒鰂魚，每次食串燒店必點鹽燒魚，這裡的燒魚非常厚鹽，令魚的鮮甜味提升，而且鹽份充足。鰂魚不算很多骨，多肉，魚肉嫩滑。再點上酸辣汁令味道更惹味。估唔到尖沙咀都可以食唔貴又好食的串燒，值得再來。

秋高氣爽最適宜去郊外BBQ，奈何疫情未穩仍要等等，此刻去食下串燒止下癮都好。此店主打串燒，有各類酒供應，店仔細細小酒吧裝潢，chill下食下亦不錯，價錢合理，串燒多選擇樣樣吸引，一食甚有驚喜。明太子燒雞翼兩隻 $48香口雞翼釀左明太子，少少辣調味唔錯，雞翼脹卜卜咬落大啖肉都幾滿足。燒車厘茄煙肉卷 $29咸脆味香嘅煙肉捲住一咬爆汁甜美嘅車厘茄，簡單配搭係我必食。燒煙肉鵪鶉蛋3粒 $32煙肉咸味更提升鵪鶉蛋香，外脆煙肉夾埋蛋白彈牙口感，這樣配搭的確有驚喜。海鹽燒皇牌牛舌 $49牛舌薄薄三片，軟腍爽彈口感，加左海鹽惹味。芝士響鈴 $21外皮燒得勁脆有豆香，加上半溶芝士口感極佳有層次，正！孜然燒韮菜 $19韮菜大注頗長，撒滿孜然粉芳香味濃惹味非常。燒珍寶大扇貝(蒜蓉) $68扇貝大隻無欺場，貝肉肥厚新鮮彈牙，被滿滿的蒜蓉和索晒汁的粉絲掩蓋，一人一隻幸福來了。照燒汁燒京葱 $16爽口京葱塗左薄薄燒汁，甜美清香好味。燒蒜蓉茄子仔 $28茄子肉嫩入口即融，滿滿蒜蓉香口美味，份量剛好食完不覺膩。燒玉桂焦糖金菠蘿 $34菠蘿清甜多汁無渣，加埋脆薄焦糖美味，精彩甜品為今晚的串燒巡禮劃上完美句號。

最近同朋友傾開計講起好耐無食過串燒🍢🍡啦😆朋友話食過尖沙咀有間串燒店唔錯所以今晚就帶左小妹去試下🤭! 餐廳環境唔算大, 不過怖置幾特別, 尤其係上面嘅燈, 盞盞都貼有好多唔同嘅貼紙! 至於食物方面, 餐廳提供嘅串燒種類繁多, 有肉類🥩, 蔬果類🥒, 丸類🍡, 腸類, 海鮮類🐟🦐🦑除此之外仲有其他特色串燒小食同主食🍕🍜, 每一個類別都多到令人眼花繚亂, 選擇困難症上身🤭!小妹同朋友點左幾樣串燒小食邊食邊嘆, 所有串燒都係即叫即燒☺️, 第一輪嘅串燒會跟埋個熱石板🔥, 保溫之餘仲可以等客人慢慢傾住食, 十分貼心😉!燒馬來西亞大蜆蜆肉幾大粒, 無沙而且幾鮮甜😋!港式懷舊魷魚🦑小妹至愛嘅咸鮮😍, 我地叫左原味, 外層燒到微微焦脆, 咸咸香香, 十分惹味!照燒汁燒京蔥拎上手已經聞到濃郁嘅京蔥香味, 京蔥燒得唔乾幾有驚喜, 上面沾有照燒汁, 添上一份額外嘅滋味!燒豬頸肉串🐖🍢豬頸肉串我地叫左沙嗲汁, 外層微脆, 入口肉質軟腍,油脂四溢, 甘香美味!燒蜜糖雞中翼🐔🍢雞翼表面光澤油潤, 入口微微蜜糖🍯甜味, 肉質鮮嫩唔乾!燒一口甜薯🍠味道香甜軟熟, 鹽燒雞軟骨口感爽脆燒菠蘿🍍菠蘿表層焦香, 入口酸酸甜甜

喜膳燒今晚嚟到尖沙咀呢頭食dinner～見到呢間串燒舖幾吸引☺️就嚟試吓～一入串燒鋪就覺得呢間餐廳嘅擺設好似居酒屋😆有好多款唔同嘅串燒選擇👍🏻有海鮮,蔬菜,牛肉,豬肉等等🤣金菇牛肉卷$38好香濃嘅醬汁🥰金菇幾爽口😋牛肉幾易入口☺️串燒好滋味☺️燒豬頸肉串沙嗲汁$26幾鍾意個沙嗲汁😍幾香，甜甜地💕豬頸肉啖啖肉🤣仲有肉汁流出黎😋燒台式蒜香腸$26我同friend都好鍾意食台灣腸🥰今次串燒台灣腸～有少少焦嘅感覺🙈不過好香甜👍🏻好好味😋燒蒜蓉茄子仔$28茄子嘅表面鋪滿蒜蓉☺️好濃郁嘅蒜蓉味😋茄子幾軟淋🥰好豐富👍🏻燒一口甜薯$24呢個好似日本嘅甜薯😍幾香甜😋而且一啖就食落肚🤣燒珍寶大扇貝蒜蓉$68有粉絲鋪係面☺️好新鮮嘅扇貝👍🏻仲有蒜蓉嘅香味😋港式懷舊魷魚$48好多塊細塊嘅魷魚片🥰好香脆～仲有燒得燶燶地🤣真係有懷舊港式燒魷魚嘅感覺☺️