影片
更多
2021-08-23
40 浏览
收工約咗朋友食飯，去咗尖沙咀一間大家都無試過嘅串燒店。一入到去就見到個open kitchen，師傅燒緊串燒好惹味，坐咗成晚都唔覺一身油煙味。雖然小店唔大間，但枱同枱之間都有一定距離，坐低一啲擠逼感都無。Menu選擇都好足夠，串燒嚟講價錢屬於中上。啲嘢食開始到，店員拎咗塊燒熱咗嘅板嚟，只要有嘢食準備好佢哋都會KEEP住放上去，就算掛住傾計食得慢啲串燒都唔會放到凍冰冰。牛舌同牛肩胛都好入味，牛舌仲要係厚切！燒明太子釀雞翼咬開有驚喜，不過簡單嘅燒雞翼都好好食無被比下去。貴妃蚌都好新鮮食落好鮮甜，連上面啲粉絲都索哂汁，好想叫碗飯嚟撈！其實大部分嘢食都水平以上，但成晚最出色嘅係燒玉桂焦糖金菠蘿。店員一拎到埋枱已經聞到好香嘅玉桂味，焦糖燒到脆卜卜，玉桂同焦糖份量啱啱好，唔會死甜都無搶走菠蘿嘅香甜味道。收據仲可以當優卷下次用返，計返都有8折。下次再去食燒菠蘿，因為真係幾出色
一入到去就見到個open kitchen，師傅燒緊串燒好惹味，坐咗成晚都唔覺一身油煙味。雖然小店唔大間，但枱同枱之間都有一定距離，坐低一啲擠逼感都無。
Menu選擇都好足夠，串燒嚟講價錢屬於中上。
啲嘢食開始到，店員拎咗塊燒熱咗嘅板嚟，只要有嘢食準備好佢哋都會KEEP住放上去，就算掛住傾計食得慢啲串燒都唔會放到凍冰冰。
牛舌同牛肩胛都好入味，牛舌仲要係厚切！
燒明太子釀雞翼咬開有驚喜，不過簡單嘅燒雞翼都好好食無被比下去。
貴妃蚌都好新鮮食落好鮮甜，連上面啲粉絲都索哂汁，好想叫碗飯嚟撈！
其實大部分嘢食都水平以上，但成晚最出色嘅係燒玉桂焦糖金菠蘿。店員一拎到埋枱已經聞到好香嘅玉桂味，焦糖燒到脆卜卜，玉桂同焦糖份量啱啱好，唔會死甜都無搶走菠蘿嘅香甜味道。
收據仲可以當優卷下次用返，計返都有8折。下次再去食燒菠蘿，因為真係幾出色
张贴
