唯珍上海麵家 (已結業)

今日本來打算去車品品度食但點知佢今日無開正諗緊旺角唔知有d咩好食既時候諗起佐敦有間唯珍又突然有d想食上海野於是行過黎呢度搵食因為記得有人話過呢度d酸辣湯唔錯d雲吞又食得過於是叫左個酸辣雲吞麵嘩,一黎到已經見到好大碗個樣都唔錯(可以睇下相)食落真係好正呀個湯多料之餘個雲吞又好味不過如果係配粗麵會更perfect咁正都只係22 蚊咋食完本來已經好飽但見個個都會叫個豆沙鍋餅忍唔住都叫左個外賣食用紙袋吸左d油之後真係皮薄餡靚呀個皮又薄又脆,加上又新鮮熱辣個餡夠之餘又唔會太甜咁大大件都只係6蚊真係超值呀入去時見d伙記好似好串咁但原來佢地好有人情味呀同d街坊有傾有講到我買豆沙鍋餅之後又會細心提我要小心熱又會笑笑口同我講多謝如果香港多d呢d舖頭就真係好喇我見到隔離枱個伯伯叫炒野廚房係即時炒架好新鮮呀!

星期天下雨天, 係佐敦向左踱向右踱咁經過一間幾街坊既北京水餃店, 見到佢地d煎餡餅煎得唔錯, 入去一試, 先來一個北京餡餅, 兩個人分食一個餡餅, 小食多滋味, 餡餅餅皮唔錯, 有d似九龍城清真牛肉餅, 而且中間無咁多油, 北京餡餅中已韭菜豬肉為主, 韭菜幾香口. 再叫一個北京水餃, 水餃十隻一客, 漲卜卜幾大隻, 水餃皮偏淋, 餡料同樣係韭菜豬肉為主, 韭菜香味比餡餅更香更持久. 十分討好~ 其間見到佢地包水餃同餡餅十分純熟.最後來一個, 北京炸醬麵似乎同食開廣東既炸醬麵好有大分別, 麵質有點過淋, 肉質同醬料有d 似五香肉丁, 唔多討好. 另外叫左兩杯凍豆醬, 豆味輕清偏甜.已街坊食店黍講服務唔錯, 價錢亦好大眾化.

上海麵家又係N年無o黎過，老闆介紹炸醬，果然無介紹錯，麵身彈牙炸醬唔會太咸，口感一流；見到其他人食無鍚排骨，又叫碟，非常入味，略嫌肉質太淋，冇咬口。另外煎餃子，熱辣辣一咬就有汁流出o黎；而個酸辣湯年榚，就麻麻地。湯底只得辣字，沒有酸味，只得豆腐同肉絲，無mud其他料。

行佐敦o既時候, 好多時都會經過呢間舖但就無幫襯o既意慾, 一來佢實在太唔起眼, 二來上海菜唔係我o既致愛, 不過見到有食家推薦呢度, 咁就有興趣想試o下. 今晚叫o左幾樣之前位兩食家推介o既食品, 續一評o下:北京炸醬麵($18) - 麵係幼身o既白麥麵, 幾煙韌, 口感甚為討好; 炸醬係麵豉醬, 味道o岩o岩好, 唔會話太淡或者太濃, 配以大大粒o既豬肉同生青瓜條, 呢個炸醬麵的確做得幾有特色, 食得過.煎餃(10蚊4隻) - 即叫即整, 熱辣辣, o的餃都幾大隻o下, 韭菜豬肉餡夠多, 絕不欺場, 一樣係食得過.水餃(20蚊8隻) - 叫o左煎餃, 本來冇想過要水餃, 但見到坐o係我前面o既女食客o個碗水餃有碗蒜蓉麥醋做點醬, 諗都唔洗諗就叫o左! 因為用蒜蓉同麥醋o黎點餃子食係正宗o既北方人食法, 而我自己又係好鐘意食蒜頭同麥醋呢兩樣o野, 加埋水餃就係完美o既配搭! 想唔到o既係20蚊碗水餃有成八隻咁多@_@ , 所以好滿足. 講質同量, 呢度o既水餃好掂! ^_^凍豆漿($6) - 有豆味但唔算好濃, OK啦.呢度o既地方同服務都好平民化, 但平民有平民o既好處, 就係質同

香港好少地方有咁正宗北方餃子店。食餃子如果唔要湯，會比一碗蒜蓉加醋比你。好北方feel！食物味道唔差，價位又平，幾底食。: )

唯珍我幫襯過唔少次了﹐雖然我每次去都係食差不多同樣的食物﹐但水準穩定所以都值得同大家分享。菜肉雲吞係正宗上海雲吞﹐大隻又好味﹐走湯+雪菜食仲正﹗麵食水準唔錯﹐一般係會配上海幼麵﹐可要求轉上海粗麵﹐食感完全唔同﹐可以一款麵當兩款食﹐推薦兩隻麵﹕炸醬麵。係北方炸醬麵﹐同廣東的炸醬麵完全唔同﹐如果俾我選擇我就一定要北方炸醬麵唔要廣東的炸醬麵。問題唔係出於炸醬﹐廣東的炸醬做得好都會好好味﹐但最大分別係麵﹐廣東麵要黎乾撈真係要極高水準先會好食﹐可惜太少麵鋪可以做得好。相反﹐北方白麵條要黎乾撈就真係絕配﹐口感又好﹐又唔會搶走醬料的味道﹐我個人建議選擇幼麵﹐入口時醬料同麵的比例會比較平均。粗麵都係留返食湯麵時先叫吧。落幾滴醋撈埋食會更惹味﹐不妨試試。酸筍麵。呢隻麵唔係個個都中意﹐我自己就非常非常喜歡。湯汁中有酸荀有肉絲﹐少辣﹐味道真係唔識點形容﹐如果你中意食酸辣麵一類而又唔介意筍味﹐不妨叫一碗試下﹐就算唔對口味都只係$20幾蚊﹐但點都叫做試過﹗我覺得呢隻麵要幼麵先好食﹐我次次都成碗清晒先停手﹐一碗已經夠飽。除此以外﹐唯珍有幾樣野食我認為係幾高水準﹐其中一樣係酸辣湯﹐如果你中意飲酸辣湯請前往一試﹐比個