咖啡弄 (已結業)

今日我地有朋友一早10：45到左排第一，舖頭開1200，不過11：30既時候已經見到人龍排至大廈地下，唔係誇張，一定要好得閒先好去食。今次食第二次，仍然好期待。 餐廳規定每人一定要叫一杯野飲，今次大家都叫左唔同去試下。 冰果茶係一樽上，好大樽，好多生果係入面，飲飲下後來會有d酸 Oreo沙冰友人話好好飲好rich cookies n cream 抹茶個個不會太甜，好啱greentealover既你芒果沙冰都好好飲，不過入面啲芒果有d酸 玉米里肌起司可頌 玉米里肌起司可頌係牛角包入面有芝士加火腿，個汁有啲似千島醬，幾好食，不過唔知係咪掛住影相，個包好似凍左梗左，建議大家一嚟到要快啲食 總匯三文治岀奇地好味 包係拱過脆脆地 入面有一塊蛋，青瓜，仲有一小塊板燒雞板，一啖咬落去大滿足嚟到會wow一聲，因為一份好大有四塊waffles，好香，waffles好厚好實食一兩件已經開始好飽啦 草莓個個個醬會酸啲，caramel會甜啲 兩份都有cream同雪糕，俾唔同口味既你地 佢個棉花糖吸引住，因為好似雲咁靚☁ 倒一杯expresso落去個棉花糖縮左去食落去好似咖啡糖，底下有雪糕加果仁，好好食總括呢一

「咖啡弄」這個名字其實不太懂它，只見近日面書上人人像是為它著迷，因此慕名前來。晚上六時，到達排隊… 等了1小時45分鐘才輪到我和表妹兩人。等候的時間實在太太太太熱了。進去被安排搭檯及坐在門口的那張大桌子，沒關係，就是不想再等。這裡的主食：三文治、甜點及飲料。我們兩個點了：冰滴咖啡 - 呢個係餐牌上Recommend的飲品之一，有一套用具上檯，杯中會有1粒咖啡冰，要自己動手加糖加奶。咖啡的味道，普通，沒有帶著咖啡的甘香味，比較失望。抹茶奶泡 – 這個熱上，淡淡的抹茶與奶的味道調得剛好，不會太甜，但每一口也充滿抹茶的香氣在口中。值得推介～雞肉沙律法包 – 普通的雞肉三文治，味道正常，不值一提。焗雞肉蘑菇厚多士 – 焗出來的厚多士已經是吸引的食物，但嫌芝士味道不重，跟普通的厚多士分別差不多。另外，旁邊的那個薯蓉，很Creamy及很重薯仔味，很好吃的。一球不太夠。士多啤梨雪糕鬆餅 – 整晚最最最好味的這是這個士多啤梨雪糕鬆餅，熱哄哄的送上桌上，附上一球GUTS醬及Strawberry ice cream，鬆餅很香很鬆軟，蛋味很重，配上ice cream真的是不錯的選擇！ Menu   

成日聽到別人說咖啡弄怎樣好，其實食物真的很普通，由十一時三十五分等到下午一時四十分才有枱，等待了這麼久當然期望特別高，可惜食物及飲品確是真的很一般。先說飲品，我們叫了一個綠茶奶類飲品以及台灣果子凍茶以及sea salt caramel latte, 綠茶奶類飲品跟Starbucks green tea frappacino 沒有太大分別吧; 另外 sea salt caramel latte 跟holly brown 的咖啡也沒有太大分別.... 談到食物，咖喱牛腩法包以及即烤火雞Pizza味道也沒有什麼太特別，是香囗的，但很多地方也應該可以嘗到... 最後我們叫了焦糖雪糕waffle, 味道還不錯，但假若要我們再等多兩小時吃這類型的食物實在不值得.... 有排隊到食完，前後可說是浪費了我三小時半..... 

到訪3次，只有一次成功食到！第一次星期六下午，勁多人排到落街，隔離舖位，估計要等2粒鐘，當然放棄！最近一次平日下午，都勁多人，排到落街，大廈門口，估計起碼等個半鐘，而且條隊無郁過，等了10分鐘，都係放棄！第二次係平日晚上，9點幾來，諗住10點先收，點知9點多就截龍！仲要無指示，係前面嘅人好心提點才知！ 一場來到又很累，便到店內問可否再等，那操國語的男侍應十分猶豫，諗了一輪問我們是否不會再加人才“批准”我們排隊，未試過比錢食嘢＆排隊都要求人。。。少於10人排隊都要等半個鐘！終於試到鮮果茶＆士多啤梨鬆餅，很大份，2人食都食唔晒，除非做正餐！ 味道都ok! 果茶橙汁味較重。服務就一般。。。建議店方改派籌，唔駛客人大熱天時在樓梯＆街上等位！ 等到咩mood都無晒。。。同埋盡快開分店啦！

其實一直都想去咖啡弄好耐，奈何一直未搵到時間去，今日放假，就決定同班好姊妹去食聽朋友講，呢間嘢要排好耐隊先至食到>< (之前朋友去過，都排咗兩個鐘...)因為唔想排太耐既關係，同兩個姊妹就決定早啲去，心諗系開舖前到咁就應該冇咁多人;)我哋十一點三就到左，前面已經有三十幾人排緊隊-.-"，真係估唔到星期日平日都咁多人-0-排隊排左九個字，間舖係十二點鐘準時開門!!好慶幸，我地係第一批人入到去,, hehehe;D服務員同我地講用餐時間為一個半鐘...(P.S. 聽佢地講野嘅口音，服務員都似係臺灣人，佢地會同你講普通話，但唔使擔心，你可以講廣東話，因為佢地係聽得明廣東話嘅)間舖環境舒適，唔會好迫人，係一流嘅咖啡店，好有台灣風味!!!睇下將餐牌先0o0，將餐牌設計得好靚，而且D食物全部都有附圖，好好ar而且D食物，賣相好靚，會令你胃口大增,, 因為我哋都係得三個人，所以都唔敢叫咁多野...我哋叫咗(1)里肌起士可頌-> 呢個係要推介既!! 牛角酥好鬆軟，加埋佢裏面好豐富嗰啲餡 (有啲溶嘅芝士，好爽脆嘅生菜，加埋D ham)... 簡直係perfect match!!!

看到網上及飲食雜誌的食評都是正面的,懷著興奮的心情去試一下,。噢~! 真的排隊排到落地面,心想應該不會排太久吧 ! 結果由傍晚5:54排到7:36入座 ,超過1.5小時 ......帶位入座的侍應姐姐是台灣人,熱情又有禮的招待客人,餐廳感覺好舒服,適合朋友休閒地傾下計食下野咁,食物方面一貫以視覺打動埋你味覺的方式去呈現,可見廚師對待食物的用心。外脆內軟的鬆餅配上酸酸的草莓醬和甜甜的草莓雪糕各吉士醬,又香又甜,份量頗多,如果女士在下午茶時段進食的話,就會略多,但對於排了1.5小時才入座的我來說,和朋友一起分享的話,份量又剛好!喜歡廚師的用心,即使是一杯簡單的飲品也裝飾得很漂亮,雖然望落去好似好甜咁,但飲落又不太甜,味道適中酸酸的果茶為炎炎夏日添上清新的感覺,果茶中也有新鮮的青檸和橘子,好Fresh架~我覺得係3款飲品之中最好飲架!大大粒糯糯的紅豆,配上又香又滑的奶,香濃可口,係一杯高水準的紅豆冰BBQ豬排原來是像火腿排的肉,哈哈~跟香港人一般食開的豬排包有點出入,但其實味道也是不錯的,微烘的多士夾著很新鮮的餡料,而且好足料~!仲有蛋沙律做配菜,成件事變得好健康這一道在餐牌上顯示是每日限定

二月十六日 (星期六)粉絲看了我們面書專頁介紹的「異人館」，查問一下跟咖啡弄有什麼分別，那間好?老實說，倆者我們也只幫襯了一次，而且咖啡弄在香港要等上半個多小時才吃到，而異人館則在台灣旅行懷着輕鬆心情來吃，感覺已經截然不同具體一點來說，它們賣的食物也有一點不同，愛哪一家，還要視乎你喜歡那一種不過，若選地方的話，毫無疑問，必定在台灣吃才算地道異人館，在我們面書專頁已有介紹，最有名是其鍋物，也不在這裡詳談咖啡弄，我們來的一次，是年頭，一共六人話說架架仔一早要到維園拿渣打馬拉松選手包，便順道先去咖啡弄排隊來到還有半小時才開門，但已見長長的人龍十二點開門，還得要等上半個多小時才有位原本只約了梁生伉儷共四人，此時吾生whatsapp過來問咖啡弄開門時間好，相請不如偶遇，就六人一起吃，也可吃多點東東如是者，一人各點一主吃，一共六款就是即叫即烤，多士上是燻雞肉和芝士芝士經烤熱後處半融狀態，味道香濃雞肉入口香嫩煙韌，配以芝士來吃，更惹味可口真懷疑等閒女子能否獨力消化掉這個BBQ豬扒三文治用較厚身的麵包，先烘烤，三文治夾着BBQ豬扒肉質較軟身，入口還有一點煙韌口感肉來得較乾身，少了一點肉汁，或少一點醬汁

遠道去到銅鑼灣, 就係為左近期好HIT既台式餐廳咖啡弄 !!去之前已經知道可能要排1-2小時(或以上)所以揀左星期一去試,希望小D人我地2人於11:30到達,前面只有3-40人! 我地排左半個鍾就可以12點第一ROUND入去, 都算好採所以建議如果想唔排咁耐, 可以試下平日早半個鐘去到,搏一搏第一ROUND入到(因為店面都有50-60個位置)今次試左最HIT既牛角包同草莓冰淇淋鬆餅賣相真係好靚牛角包既有好濃郁既芝士味, D 料都豐富!!至於草莓冰淇淋鬆餅,鬆餅熱辣辣, 但係整體比較"林", 如果脆D會更加好!士多啤梨配雪糕既部份好食總括黎講,食物味道不過不失如果遲D熱潮過左,冇咁多人排隊可以再黎過另外侍應既服務態度好好,當中有台灣人感覺都幾親切

如果話你知這間咖啡室一沒有「取票嗌飛」，二沒有訂座服務，三仲要你企0係樓梯排個幾鐘先有得食。你，仲想試嗎？好奇怪，一般香港人梗係會話：梗係唔排啦傻嫁？哈哈哈！就等大家傻一次啦！呢間唔係普通咖啡室，而係台灣超人氣咖啡弄，終於開到第7間，強勢登陸香港！平日照我睇已經排到樓下賣衫商店，有時仲誇張到排到成條街咁長，咁勁當然係有原因啦！小妹0係台北台中車站附近已經試過幾次，水準一流，服務周到，今次黎到香港銅鑼灣當然要睇下有冇退步啦！首先食左個熱辣辣的鬆餅好厚，切完入口外脆內軟！加埋配汁係芒果汁，帶到更香濃既鮮果味。其實一個人食真係會飽D既，所以如果唔想食唔倒其他野就同朋友開心SHARE啦！然後黎一個整得好靚靚既草莓千層酥>3<我同朋友一人一塊分開咁食，真係唔會整烏糟手指嫁！佢既草莓粒粒都好大粒，好甜好新鮮！好明顯係用心揀過的！鬆脆的千層酥配搭甜度恰好的吉士醬，真係冇令人失望！小妹鍾意飲佢既香蘋葡萄冰茶，香得黎好有果味，但記得要少甜！而朋友就好鍾意佢既冰果茶，雖然好大杯，但勝在連舊冰都係用lemon雪住整，好有心機！最後要讚一讚所有店員，禮貌好，非常親切！音樂雖然有點大聲，但傾下計

因曾經在台灣品嚐過米朗琪草莓鬆餅及冰滴咖啡而鍾情於享受下午茶，而我知道跟米朗琪齊名既咖啡弄於香港開分店，我又豈能錯過呢?haha因一個人去，所以等左十五分鐘左右便有位。一聽到二至三位既要等兩個鐘，真係呆左！我點左我既至愛草莓鬆餅及冰滴咖啡果然冇令我失望，和味到暈。我諗短期內都唔會再去，因為唔想係樓梯等位等兩個鐘

真係聞名不如見面 唔鐘意排隊等食既我都屈服星期六早上11點半到達同友人一早就預左要第二輪先會入到座(即係起碼一點半)企下企下傾下傾下就兩個鐘所以真係唔好睇小女仔要食野既決心 哈哈入到去 環境不錯 睇得出佢上保留空間感所以唔放咁多枱餐牌好靚 快快落單點既都係最熱門既食物本身已經好鐘意食牛角包 所以加上芝士汁同BACON 點會停到口 哈哈BTW 旁邊既沙律醬好好味 應該係有GARLIC味呢份三文治 好豐富 大大塊雞扒,林身+甜甜地既汁 好JUICY咖哩牛腩 都幾好食 有8角味 香料比較重 後勁有D辣 唔食得辣/平時鐘意食椰汁咖哩多D既就應該對呢個咖哩麻麻不過個人都覺得幾好食好大份好厚身好實好香蛋味不過食完好飽 本人唔係幾鐘意食士多啤梨味 但呢個算係OK接受到個SAUCE既士多啤梨味唔算太假如果下次食應該會試其他味飲品飲少左OREO沙冰個人覺得鮮果冰茶麻麻地 太甜了 其餘都幾好味總結 如果佢遲D冇咁多人排會再去食

因為試業期間只系去到7:00,平時收左工都食唔到,今日機原巧合之下5點系CWB,即刻拉男朋友陪我食想食好耐好耐既咖啡弄等左1個鐘零3個字, 終於到我地啦~~因為咁岩前面幾PAIR都系3個人以上,我地2個人就有得入^^好多人讚既冰鮮果茶, 幾乎現場每張台都有!我飲第一啖: 咁酸既.......即刻好失望不過飲多幾啖, 愈飲愈好飲同埋入面好多生果, 仲有去左核既橙, 唔系HEA你GA真系呢個總共有3大份三文冶, 不過真系食得好論盡, 因為真系太大件我一件要拆開2份尼食XD入面有雞,生菜,蛋,蓄茄同男朋友都覺得幾好食^^隔離仲有個SALAD球(?) 將D薯片點SALAD好好味事隔2星期我已經唔系好記得系咩味...應該系無咩特別, 下次唔會ENCORE! HAHA呢個WAFFLE,真系好中意!!!!!!又系幾乎每台都有叫,一上到台就聞到好香好香既蛋味!食落外脆內軟, D士多啤梨醬又好好味下次一定會再食!

我是香港生香港長的台迷! 超愛台灣文化及食物的。咖啡弄來香港開店, 當然不可以錯過呀, 其實去吃好久了, 只是現在才有空打食評。先講環境和服務, 非常好!!! 環境沒台灣的寬敞, 但沒辦法呀, 香港嘛! 服務很好, 有一部分是台灣人只會講國語的, 這樣我才喜歡!這次點了熱的水果茶及什麼莓鬆餅, 先說水果茶, 是很足料, 感覺也很新鮮, 但非常酸, 正常水果煮熱應該會很甜才是的, 為什麼會變很酸…. 但當吃吃水果也好了! 另外, 就是鬆餅, 超大份的! 四塊很厚實的, 有淡淡的蛋香味, 帶微甜, 很不錯! 但真的要說太大份了啦, 2個人也吃不完, 但是很伐算了!整體來說, 略有一點點小失望, 沒有到很好吃, 可能我預期有點高吧! 但價錢不貴, 可以啦! 但如果要排很久就不會考慮喔。

長假期前的Happy Thrusday，跟友人再次勇闖咖啡弄（結果等了約１小時）﹗我們除了各自點了自己的飲品外，所有食物都是share的 ^_^ 先來「玉米里肌起司可頌」(HK$62)﹕熱辣辣半溶芝士加上火腿和鬆脆croissant，沒有不美味的理由﹗接著是「燻鴨羅蔓沙拉佐香橙」(HK$64)，燻鴨似乎太軟，沒有了質感，最美味是香橙 :）友人點的「冰抹茶歐蕾」(HK$44)和「OREO沙冰」(HK$52)，我試了一口「OREO沙冰」，香甜沙冰裡面有粒粒餅碎，非常美味﹗而且超大杯﹗「現烤燻雞吐司披薩」(HK$50)﹕很香口，不過是多士不是pizza；另外我超愛吃附上的蛋沙律﹗「鹽味焦糖冰淇淋鬆餅」(HK$58)﹕服務員向我們推介這個，結果我還是喜歡上次試過的草莓waffles，這個略甜了一點，賣相亦沒有草莓的甜美 : )最後是這個我嚷著要試的「御茶之水棉花糖冰淇淋」(HK$52)﹕服務員一送上來，大家都興奮歡呼，因為賣相太可愛了。附上小杯espresso，一淋下去，高高的棉花糖便會極速縮小，很有趣。棉花糖很煙韌，跟底層的冰淇淋和果仁一起吃，口感豐富 : ) 這一餐大家吃得很匆忙(因為要忙

因為白天的時間我不是上學就是上班，跟千島醬從來只能在晚上約會，因此他常打趣道我們倆是不見得光的關係。他一直想到台灣的過江龍人氣店咖啡弄試試，可惜咖啡弄試業期間七時便Last Order，所以他總叫我請假找個下午陪他來。這天無聊瀏覽咖啡弄網站，卻突然發現它終於延長營業至十時，立刻興奮的告訴醬，晚餐地點也就定了下來。上樓梯時不見人龍，起初也有絲害怕它已關門。幸好，它九時才Last Order，只是恰巧門前沒人在等位。我們幾乎不用等位便可入座，坐下不猶豫便點了名物冰鮮果茶($58)，第一口覺得怪怪的不習慣，就像是茶跟橙汁和很多不同的東西混在一起，可是越喝就覺得味越順，想是放的糖都沈澱在下方的原故。果茶裡頭滿是蘋果、熱情果、橙、青檸和話梅，酸甜的味不錯，但個人沒有很喜歡。我在網上看它Menu時便已被OREO 冰沙($52)吸引了，幼細冰沙甜度不高，裡頭佈滿朱古力粒和OREO餅碎，甜甜脆脆最合我那孩子般的口味。味道雖是能預想的，但炎炎夏日喝實在太舒暢。咖哩吞拿魚巧巴達三文治($56)，Ciabatta包暖烘烘的鬆脆不俗，中間夾了厚厚一層咖哩吞拿魚，吞拿魚下方還有蛋沙律和生菜。咖哩吞拿魚味香不太辣