影片
更多
2013-06-06
14 浏览
其實一直都想去咖啡弄好耐，奈何一直未搵到時間去，今日放假，就決定同班好姊妹去食聽朋友講，呢間嘢要排好耐隊先至食到>< (之前朋友去過，都排咗兩個鐘...)因為唔想排太耐既關係，同兩個姊妹就決定早啲去，心諗系開舖前到咁就應該冇咁多人;)我哋十一點三就到左，前面已經有三十幾人排緊隊-.-"，真係估唔到星期日平日都咁多人-0-排隊排左九個字，間舖係十二點鐘準時開門!!好慶幸，我地係第一批人入到去,, hehehe;D服務員同我地講用餐時間為一個半鐘...(P.S. 聽佢地講野嘅口音，服務員都似係臺灣人，佢地會同你講普通話，但唔使擔心，你可以講廣東話，因為佢地係聽得明廣東話嘅)間舖環境舒適，唔會好迫人，係一流嘅咖啡店，好有台灣風味!!!睇下將餐牌先0o0，將餐牌設計得好靚，而且D食物全部都有附圖，好好ar而且D食物，賣相好靚，會令你胃口大增,, 因為我哋都係得三個人，所以都唔敢叫咁多野...我哋叫咗(1)里肌起士可頌-> 呢個係要推介既!! 牛角酥好鬆軟，加埋佢裏面好豐富嗰啲餡 (有啲溶嘅芝士，好爽脆嘅生菜，加埋D ham)... 簡直係perfect match!!!
其實一直都想去咖啡弄好耐，奈何一直未搵到時間去，今日放假，就決定同班好姊妹去食聽朋友講，呢間嘢要排好耐隊先至食到>< (之前朋友去過，都排咗兩個鐘...)
因為唔想排太耐既關係，同兩個姊妹就決定早啲去，心諗系開舖前到咁就應該冇咁多人;)
我哋十一點三就到左，前面已經有三十幾人排緊隊-.-"，真係估唔到星期日平日都咁多人-0-
排隊排左九個字，間舖係十二點鐘準時開門!!
好慶幸，我地係第一批人入到去,, hehehe;D
服務員同我地講用餐時間為一個半鐘...
(P.S. 聽佢地講野嘅口音，服務員都似係臺灣人，佢地會同你講普通話，但唔使擔心，你可以講廣東話，因為佢地係聽得明廣東話嘅)
間舖環境舒適，唔會好迫人，係一流嘅咖啡店，好有台灣風味!!!
睇下將餐牌先0o0，將餐牌設計得好靚，而且D食物全部都有附圖，好好ar
而且D食物，賣相好靚，會令你胃口大增,,
因為我哋都係得三個人，所以都唔敢叫咁多野...
我哋叫咗(1)里肌起士可頌-> 呢個係要推介既!! 牛角酥好鬆軟，加埋佢裏面好豐富嗰啲餡 (有啲溶嘅芝士，好爽脆嘅生菜，加埋D ham)... 簡直係perfect match!!!
(2)法國麵包佐咖哩牛腩-> 雖然法式麵包外層唔夠脆,, 但其實呢個咖喱牛腩配埋啲法式麵包真係好夾，係好味嘅!! 咖喱有香草味，牛腩好林...雖然係咁，但真係好普通，冇咩特別... [同大家樂嗰啲差不多] ._.' 而且越食越辣
當然少不了嘅梗係甜品啦!!! 我哋要咗個度最出名嘅(3)草莓冰淇淋鬆餅-> 真係唔係我誇張，真係超級超級好食!!! 佢嗰個waffle餅，係我食過最好嘅!!! Waffle餅好鬆軟，而且Waffle好厚，食完之後真係好飽 Waffle配埋甜甜嘅士多啤梨味雪糕再加上草莓果肉，啖淡士多啤梨味，令你食到停唔到口>.<
仲有(4)草莓千層酥-> 千層酥真係好酥好酥，係水準之上!! 草莓亦都好多，好味道!!!
#士多啤梨迷一定要試呢兩樣，包你愛上!!!**唔好低估食物啲份量，碟碟都好大碟，好適合幾個人share!!!
另外，間餐廳有最低消費，一定要一個人叫一杯野飲!!! 我就要左一杯(5)Oreo沙冰-> 濃濃嘅Oreo味!!! 三個人都覺得杯沙冰真係好好飲，可能系因為我哋鍾意cookie and cream la;P
佢地一人叫咗一杯(6)冰美式Mocha咖啡-> 呢杯野好多cream，都好好飲，係一杯有水準嘅Mocha，但就冇乜特別... 同 (7)茉香蜜桃冰茶-> 好特別!! 好有水蜜桃味，好fresh，有好多水果，係一杯好健康又好飲嘅特飲...
#三杯野飲都唔會好甜，都好有水準，但比較之下，我哋就會叫你試Oreo沙冰la!!我哋埋單都係，每個人都係$140... 食到咁飽，啲食物有咁有水準，價錢都係可以接受嘅
Btw,, 服務員好有禮貌，見我哋啲嘢食唔晒，都有問我哋需唔需要打包攞走... 服務非常周到!!! 另外，食完主菜服務員會幫你換個新餐具食甜品
總之呢間餐廳，有機會我一定會再去，啲嘢真係好食!! 間餐廳好適合同朋友傾計聚會，係排隊排得耐左少少:/ 有機會嘅，我都想試下其他野食，例如: 總𣿬三文治，冰滴咖啡,,同烤燻雞吐司pizza,, kekekeke
张贴
