和花亭壽司 (已結業)

昨晚原訂了魚一丁, 但上個星期才剛吃完, 所以走來和花亭碰運氣, 之前想來, 但等位實在人太多了。看上餐牌, 其實價錢和元氣差不多, 但食物質素明顯新鮮d! 試過三文魚, 特大帶子, 松葉蟹等, 質素都幾好, 如果唔駛等位絕對食得過!

繼續迴轉壽司, 今次目標係開左好耐都未有機會試的和花亭.坐低之後, 先睇迴轉帶上有咩野食, 見到幾款推介係當造魚類, 有d好少見, 已經幾有好感. 再睇menu, 先叫左客豆腐沙律, 豆腐+生菜+海藻+芝麻沙律汁, 預左唔會有驚喜, 但當然亦唔會難食先.落order果陣先知, 有唔少款式都無, 聽到隔離左右都係咁既情況, 呢點要改善.卒之只係點左生鱈場蟹同海膽, 前者一般, 後者就幾新鮮, 軍艦卷既紫菜入口仲脆既.之後響迴轉帶上拎, 花魚同的鯛魚可能少見, 所以唔係好受歡迎, 但我未食過, 所以見個樣好似擺\得比較耐都照試. 前者幾甘香, 後者就\"削\"左d. 池魚唔錯, 劍魚雖然都肥美, 但可能解凍得唔係幾好, 食落有d水咁.壽司飯軟糯有黏性, 真係似番壽司飯囉, 不過放響迴轉帶上面果d, 放耐左的話就變乾, 都係落order穩陣. 呢個現象響呢間同類型迴轉壽司店都出現, 真係本末倒置, 唉.我鍾意呢隻有d出面少見既款式, 材料既新鮮度又ok, 係我響同類型店鋪之中既首選.

去完商場辦點東西, 順便join 返兩位同事吃飯.有人不願行得遠遠吃叻沙, 於是黎左呢間食.我來到的時候還再要等多十分鐘, 看條人龍還長長的.先來吞拿魚, 仲乎唔夠肥美; 魚子三文魚壽司普普通通.池魚壽司太多薑絲蓋了魚的鮮味.軟殼蟹手卷飯和蟹太少, 食到尾紫菜又係韌.小柱如元氣一樣, 太少汁乾左d.芝士燒三文魚壽司同事話應該d芝士溶左會好食, 而家係咁二燒過唔得, 我又覺得還可以, 吃得出芝士味.辣三文魚壽司好少辣都夾硬逼到的味出來.剌身飯, 特大元貝等等都是一貫壽司店水準.侍應多次硬銷我三個人, 每逢有限量壽司總會走到我們熱烈推介, 我可不是水魚啊!叫了的食物又漏單, 有些又不知放到那裏, 幸好有醒目的同事才不致白等.有些壽司在迴轉帶上又沒有蓋著, 唔係好得喎... ...而且食得出迴轉帶上的飯硬得滯, 而order 果的又太軟.吃迴轉壽司還是峰壽司較好.後記: 1. 唔該同事等飛仔排大隊2. 食完第二朝肚痛, 食物似乎唔係好岩個肚.3. 隔離間habitu 希望有機會試試.

鹽燒系列既壽司清清地﹐幾開胃。辣三文魚軍艦壽司正﹗毛茄明太子軍艦壽司都幾特別。上次去時有小小失望﹐紫菜唔夠脆﹐三文魚子又唔夠脆﹐魚又唔夠肥美(季節問題﹖)。我和女友都覺得這裡既食物質數下降了﹐可惜可惜。為什麼Wellmart其下既食肆都是這樣現在比較喜歡峰壽司和千兩。

17 January 2006 (Mon) - 晩飯尋晚好友心情好請我黎呢度食，雖然評語麻麻，我哋都想試好耐，不過我終於明白點解食評普遍麻麻啦，因為我都只係會比OK分！食晒想食既嘢之後，發現原來冇乜款揀，個肚仲餓餓地，但又唔想食重覆，但係最終都係要食重覆．．．　佢既鰻魚卷真既好好味，我都食多咗碟！不過我覺得佢好衰，有好多種相同既壽司都會分幾種顏色既碟擺，即係例如帆立貝壽司，居然有$25 同$35 兩種，但係因為攞之前唔知，所以攞咗碟貴既，後尾見到碟平既，其實我都唔知究竟有乜分別，但我估係肥美啲！仲有三文魚呀都有同樣情況，好似有三隻價錢添！但係最唔好係佢個menu裏冇提及到，大部份menu啲嘢食出面又冇，大部份出面有既menu又冇，永遠都唔知真實價錢係幾多，好似被人吖咁！仲有佢既價錢明顯比起元氣呀，甚至峰壽司貴。所以我對此店麻麻地！Menu真既要update同改善！而且店裏既waitress真既好大懵，又會攪錯我哋係三位黎食，又會落錯單．．．真係．．．唉！

多款式, 價錢又合理, 而且o的料又新鮮, (唯一唔好o既係多人, 要等好耐位...) 絕對可以一去再去呀~

之前撞岩同個朋友一齊放假,於是約埋一齊去食日本野,其實已經係上個月既事,不過仲係想寫番出黎^_^,大約下午一點到去到啦,等位用左15分鐘到,我地叫左兩個天(父)羅配迷你烏冬,兩客玉子蛋,一個三文魚壽司,一個軟殼蟹手卷,仲有個唔記得咩貝壽司同一個蔥吞拿魚壽司,大約十分鐘後開始有野食,先來既係玉子蛋~~好味,三文魚同蟹手卷朋友話幾好,個"咩貝"壽司就一般啦,再來係天(父羅)配迷你烏冬,烏冬一般般,不過份量都ok,湯底都唔錯,天(父羅)方面,蝦唔夠熱,件大蔥就幾好食,無錯,講左咁耐都係未有件蔥吞拿魚既出現,好明顯係落漏單,而最離譜既係~~期間我分別搵左3個唔同既侍應"跟進',而結果係食左個幾鐘都未跟進到件吞拿魚番黎,不過其實佢地既服務係ok同有禮貌,食物都唔錯,應該會再食過既!

除夕兜兜轉轉下來了這裡吃晚飯，原本六時經過時不用等位，但我們行了一會兒後，約到了六時半，已多了很多人等位，我們足足等了半小時才能入座。六時半到都要等半小時，難道真是這麼好吃？個人喜歡和花亭卷及鰻魚卷，很大件又好味，裡面加了芝士幾香及可口，不過二十五元兩件都唔平。其他魚生比起元氣、元錄大件，例如三文魚，但價錢都不是貴很多。我們不斷一碟接一碟，但很多都是二十及二十五元為主，所以計落都係比元氣、元錄貴。最後我們要了個芝麻雪糕做甜品，芝麻味很濃，值得一試。

已經去過幾次，但仍然覺得好好味，最鍾意就係試呢度嘅廚師推介。每次都差不多一定叫以下呢幾款食物，因為實在太好味喇:1) 鹽燒三文魚鮫2) 甜蝦刺身3) 滑子菇味增湯4) 四色軍艦壽司5) 三文魚子壽司6) 三文魚壽司鹽燒三文魚鮫係我嘅至愛，其它分店冇得食架，件魚鮫外層燒得好香脆，裡面啲魚肉又鮮味，一路食啲三文魚油就慢慢滲出嚟，真係諗起都流晒口水呀。不過如果想外層脆卜卜，裡面又熟透的話，記住同waiter講燒耐少少。甜蝦刺身夠晒鮮甜同抵食，超級推介﹗其實和花亭啲湯真係唔錯架，滑子菇味增湯係其中一款，有好多菇菇，仲有兩三舊好滑嘅豆腐，正﹗四色軍艦壽司呢，唔.....其實味道就冇乜特別，不過賣相幾好。呢度啲三文魚子算幾大粒，好好好新鮮，所以次次都要食，好似只係廿五蚊一碟，ok抵哎﹗三文魚壽司只買九蚊碟，但就絕對冇將貨就價，大大件仲有脂肪，好抵﹗呢間有時仲有冷麵食，我本身對冷麵冇乜興趣，但係撈埋啲麻油食又真係幾好味架。最衰嘅就係次次都排長龍。不過我就一定會繼續支持﹗

連續幾日勞碌後，假期最後一日，終於可以休息下，行下街過下二人世界。係海運影相兼睇燈飾，索性在這裡搵食。近來有西餐恐懼症，所以冇揀stonegrill、Habitu同Panash，最後選擇和花亭，大約6點已經要排隊等位，差不多等了15分鍾。當中以卷物最好食，鰻魚芝士卷-鰻魚又大又肥，芝士細細件，但好夠香，本來想食多一碟，但之後一直都冇再出。海鮮卷-以薄薄pancake皮包住外層，多飯少，我o地仲食了兩碟。三文魚腩、劍魚腩同鰻魚壽司好肥美，口感非常，十幾廿蚊碟好低。反而35蚊一件的toro壽司就唔得，唔夠肥美、唔鮮甜。軟殼蟹手卷及炸軟殼蟹卷兩款同一問題，就是軟殼蟹份量不夠多，又不太熱，唔算係新鮮炸起。最後到甜品，竟然有魚一丁的綠茶大福餅，當然係必食之選，另外芝麻雪榚雖然係來貨，但係好濃芝麻味，又夠香。可能是地區唔同，總覺得旺角分店冇呢間水準咁好。

近期和男友&母親大人分別來了兩次,壽司質素不錯,由$9-35不等,價格和元乜元物一樣,但壽司賣相和口感明顯較好,尢其讚賞半熟蝦壽司,很爽口,在其他壽司店較少見,服務也很好,在回轉的座位有按鈕,即時有,服務員跟進 唯一不好的地方是等候的時間長,夜晚七點幾八點鐘排長龍,但以此價錢始終很值得一試

今次等左粒幾鐘至入到去,真係要狂食補番數最好味既係帶子,板燒玉子,海膽, 帶子肉質夠厚而且好鮮味, 所以食左4碟, 玉子又香又甜, 海膽亦都好新鮮,唔會有腥味,都食4碟, 其他既都好好食,可以睇下d相,因為和花亭既壽司勝在舊飯細但刺身好大件今次食左三十幾碟,d相只係一部分炸, 好好味, 一定要試呀!!

英國果邊要到近兩三年才開始流行迴轉壽司,London的"YO Sushi"算係大眾化,越開越多,連Selfridge等高級百貨公司,一樣有其蹤影.由九十年代初,元祿一手帶起的迴轉壽司熱潮,近年似乎再闖高峰.同埋似乎路線比以前走得更高級,繼峰,板前等打正日本人主理的旗號外,就連元氣集團,在IFC整左間唔記得咩名的迴轉,北上擺花街,一樣有間由老外主理的迴轉壽司....今日講,就係有三間分店的和花亭.前聚講得太多,反而入到正題,便語塞起來..因為,除左個海膽三文魚子兩溝,食得比較過癮之外,其他真係同峰差不多.點都好過板前,起碼壽司飯,唔係一夾即散.就連講到話不時不食的松葉蟹壽司,隻蟹腳一點味也沒有.家下迴轉又唔係收得平,兩口子大食一點拍拖光顧,分分鐘四五百落樓,質素又不見特出.呢個價位比多少少,可能連壽司廣,見城,孝勢也能踏足.當然,味蕾得到滿足,肚皮不能滿足啦.但係門前人龍,依然好似晒馬般,究竟係而家D人錢多,定係人云亦云,比個潮流牽住個鼻走?再一次引証,迴轉壽司,只係一個HYPE.

同友人在ocean shopping完又唔知去邊度食, 所以決定試下新餐廳. 這間壽司店會隔十幾二十分鐘就有1款壽司特價只限唔知10-20碟, 要即刻向店員落order, 手快有手慢無. 同友人叫左一款連我自己都唔知咩魚壽司回來後, 都覺得d魚唔係好新鮮好正, 大致上壽司真係麻麻, 反而個味噌湯就幾好飲. 不過我地2個人都係覺得峄壽司好味好多好多.

去過幾次，次次都覺得好好味。魚類壽司，款款都很鮮味。我最鍾意係和花亭卷，每次都會食。近日精選北海道四色軍艦壽司，好抵食，二十元，有四種謂四色-辣三文魚，小蝦，芥辣八爪魚同三文魚籽，壽司仲包得好別緻，是近期精選中值得一試！