和花亭壽司 (已結業)

上星期三的下午，要去尖沙咀搞點瑣碎事，搞完都一點四個字。一個人，求其一餐，吃迥轉壽司就最適合。沒有人等位，兼夾有吧檯位，就坐了下來。這裡的壽司，價錢不貴，印象中比板前壽司還要便宜。看著幾位年青的壽司師傅，態度都算謹慎，但第一次幫襯，還是少吃點未熟的穩陣。是日推介有四款，叫了其中兩款，是芥辣蟹子壽司及檸檬鹽烤鯖魚壽司。芥辣蟹子壽司是蟹子混合了芥辣，凍成一塊再切粒放在卷物壽司上，綠得非常之假，味道亦麻麻；烤鯖魚壽司就唔錯，鯖魚烤過幾香口，加了幼鹽亦去除了腥味，連壽司也略烤過，任何醬油也不用再下，幾好味，不過吃完才記起，沒有檸檬的味道；還要了甜蝦及特大熟蝦兩款手握壽司，都算不錯，分別是15蚊及25蚊，都算幾抵食。正想拿個餐單再叫其他，可惜公司急電，要班師回朝，唯有結賬，下次再吃。埋單77蚊，都不算很貴。總結而言，這裡是可以一試，要正正經經吃壽司當然不要來這裡，更不值得花任何時間排隊來試，話到尾都不是什麼不試不可的店子。不過與其去元X系列，來這裡也是不錯的選擇。題外話：走時又碰到FoodKing，真巧合！

上個星期天…本人從祖國回港，相約朋友們去旺角開飯。朋友提議和花亭食壽司，我原本都幫親過開尖沙嘴個間認為ok，原來世事無絕對，我和朋友們到達該店開飯。同樣地落單、同樣食物。其怪異物首先發現魚鱗黏住壽司魚肉，其間又發現頭髮黏住壽司飯。從旁發現有位司父無帶頭冒！有點可怕。天呀！這樣完全破壞我們吃食物信心！

I went their with my friend for lunch on saturday, we got there around 12:45pm, no line up and lots of space. The sushi were fresh. The sushi were different then standard sushi outside restaurant. I guess they were trying to give some surprise for people.I really like the little surprise from the chief annouced, only limited 5 offers. And we ordered one of them, it was nice.The service were good, but it was quite expensive.

排隊唔算耐,排左三十分鐘第一個order,order左好多野,除左普通d既野之外,其他果d全部都話無貨第二個order,又係咁,攪到我碟碟都係三文魚,蝦果d普通貨色食左十幾碟野埋單四舊幾,好貴啊,去元氣食仲好鬼過佢d材料算係新鮮既,但係太貴咯塊menu印得幾靚幾多野食都無用,乜都話無貨,晒鬼氣佢有個推介山葵蝦壽司就好好食,不過要$45

上星期六晚和朋友到這店晚飯，為怕等了又等才能入座，我們五點半就到達。很久沒在此留言，這次純為友人要求，非寫不可。壽司款式不算新，也不算多，味道一般，用料水平一般，其中鮮魷魚更是肉韌多筋。開店初期在報章、雜誌食評常介紹的鱈場蟹腳壽司，較峰壽司的蟹柳還差勁，更遑論跟北海道的壽司店（就是一般的迴轉店）比較。店員服務尚算殷勤，環境衛生。吃了19 碟，幾乎包括最普遍的壽司，結賬616元，我們認為以這個價錢可以有更多、更好的選擇。

『唔好要我提！』要在附近買野，呢排又反日情緒高漲，就不如揀呢間日本野食壽司。穩陣計，都係自己落呵打好d，但呢度唔係同侍應講，係直接同師傅講得喇。叫左薰鴨胸、炸蠔、和其他壽司款。薰鴨胸一碟五塊，賣相不俗，不太韌，但卻嫌薰得不夠，香味不足。炸蠔的炸粉就太鬆散又太厚了，沒有早幾日在hokahoka 食到的好。壽司都幾港式化，份量算大，完全是遷就港人。另外反而想一提的是那個腐皮壽司，在其他店的腐皮壽司是整塊皮包著飯的，這裡做法的是卷物，上層還加上蟹子和蟹柳絲，味道唔錯，唯獨是賣相差d，可以再整靚d。一路食，一路睇住面前的師傅個鼻索索聲，又低咳左幾下，我終於忍唔住問：「師傅，你傷風呀？」，師傅：「咩呀？少少啦」，我：「帶番口罩好喎！」，師傅然後左望右望，然後唔見左，第二個師傅代左佢既位，聽見話佢自己想掉入廚房。我心想，問題還未解決喎！

本人及女友都係壽司迷, 呢排最hit迴轉壽司係和花庭, 緊係要試試啦, 上星期四晚到此店晚餐, 等位等到花兒也謝了, 等左50min終於有位; 三文魚壽司新鮮肉厚($10); 魷魚鬚壽司($10)過得去; 鮮帶子壽司($35)都新鮮, 不過去峰壽司食$25抵d; 玉子(蛋)壽司($10)味道一般不過大件夾抵食, 填肚最o岩; 有位壽司師傅向我地推介鰻魚芝士卷($25), 果然無介紹錯, 鰻魚大片口感好好, 飯中夾著的cream cheese幾香, 配合得好好; 另外食左三文魚湯(好似$25), 湯味同元氣差不多, 不過唔夠熱, 呢度係用三文魚腩近骨的部分, 所以都幾多骨, 元氣用三文魚頭的肉質比較滑; 都係鍾意元氣o既三文魚湯多d; 呢度做壽司o既飯味道唔錯, 又唔易散; $10平價壽司有好多款; 有客人離開時會響鐘及全部員工叫”多謝”…幾好; 兩人食左10碟壽司+1湯, 埋單$170, 我會再來食過……如果排隊唔耐!

尋晚係佢收工前45鐘入去和花亭壽司食野, 入到去, 運輸帶上面都無乜壽司LU~~ 我地為有落order啦! 食物味道普通, 款式普通過普通, 食物種類不多, 最激氣就係...我叫左一個蒸蛋(因為聽到隔離個人叫, 我又想食), 之後淨坐, 無叫野, 無食野, 個侍應走埋黎問我地仲有無野未黎, 我地話蒸蛋, 佢行埋個收錢機睇, 之後話俾我地知賣晒!!!! 唔知佢係睇下有無落單丫, 定係O係陪收銀機到就睇到賣晒呢! 我地直接同整壽司O個人人落order架嘛! 點解賣晒佢都唔知既呢!? 如果係賣晒, 咁佢叫人地整既時候, 佢都應該知賣晒架~~! 咁點解唔話我知呢!? 等我等左咁耐, 好啦! 之後叫又叫多兩個壽司囉, 黎左一個, 另一個又未黎, 今次我就主動同佢講有一客壽司仲未到, 佢check都未check又~~~~話賣晒!!! 今次我又係同整壽司個人落order, 真係激鬼死我呀!!!!! 食餐飯都食得咁谷氣!!!! 仲有, 我睇佢洗針板, 過水既時候, 係咁二沖兩沖, D洗潔精都未沖走晒咁就算!! 都唔知有無搞錯!! 話晒係要黎切魚生, 之後唔會再攞去煮架啦嘛~~~都唔明點解呢間野每日都咁

壽司很新鮮,但飯略軟身,價錢亦不太貴,只比元氣貴少少,但質數差好遠,一個是手握,一個是機製,另和花亭的魚生較厚,元氣很薄,元氣d蓋又污穢,好似好唔衛生,香港多一些好似和花亭,峰及板前呢d手握迴轉壽司就好啦!

星期六下午5點幾,食tea又晏,食dinner又早諗住過和花亭望下,點知已經有十幾人排緊隊結果有得食,都已經6點幾第一次幫襯和花亭,坐order(木台)點左下列食物:八爪魚頭sushi—不太新鮮柚子鹽炙章紅魚sushi—其實幾好味,不過章紅魚不太新鮮三文魚sushi—普通鰻魚芝士卷—當晚廚師推介,我同朋友擔心兩種口味不夾,但食落又ok喎,後來朋友仲再叫了鰻魚芝士手卷!迷你壽司飯—用料得三文魚,蟹子,日式魚蛋,買$35,算係咁象拔蚌軍艦卷—係個Japanese captain向食客推介,我覺得成晚最好食就係這個白魚軍艦卷—幾新鮮,不過有d腥吞拿魚手卷—竟然係鐵火卷那類sushi的包法(即係一條圓柱體的sushi,而非一般手卷的圓錐體包法),我從來未食過這樣做法的手卷,味道普通甜品:白雪蘋果—問過個waiteress 是什麼,她詳細地講了做法,但我忘記了.只可以講係凍的甜品,不似食蘋果,朋友話可能染了色(因為我們食過用紅酒煮的蘋果是深紅色,這個是櫻桃紅)香蕉新地—沒有特別, vanilla ice cream幾好吃服務ok,加茶速度好快唯一唔好就係一食完甜品,就有人好禮貌地叫我們埋單(又唔

價錢頗貴！一般都是水準的作品，其他小吃都算不錯。因水準都差不多，所以不是有什麼心水。甜蛋壽司好大件。

比元氣近乎double的價錢, 和元氣相若的長龍，和花亭的整體感覺是一般的同意柚子系列是頗特別軍艦系列亦是新鮮即做, 比元氣的「林pat pat」紫菜要好得多但絕大部份刺身選料與元氣近乎沒分別但個別壽司價錢卻是後者的二至三倍這一來勢難成為常駐食店另一問題係員工真的有點拉雜成軍的感覺，很亂今次我同女友夜去食由於肚餓又怕last order便吹他們快點來壽司點知不同人不斷拿已經有了的壽司來好似冇乜coordination咁overall黎講, 咁o既價錢, 我會要求在一家更舒服更高級的地方慢慢嘆囉

同4 個朋友去食過一次最好食係"柚子燒系列" 真係好好食又係即刻整, 所以好新鮮呀而且可直接同師傅落order , 好快就有得食啦個度d 師傅幾好人丫, 好有禮貌, 好nice ~只係入面好焗, 好熱><而我地拎no. 等位時等左好好好耐!好多no. 遲過我地的人都有得食, 我地仲等緊!因為人多, 要等大枱可取的係幾抵食, 好過GENKI ~

岩岩有個同我一樣咁大食的朋友返左香港, 第一件事搵佢陪我食sushi. 因為驚要等位, 所以6:20pm 已經入定去. 唔駛6:45pm 已經坐滿人開始有人排隊. 我覺得d sushi 都ok, 帶子壽司又大件又好味. 其他款式都唔錯. 不過價錢就貴左少少, 以我們兩個人以前係元氣食廿碟壽司都係三百幾蚊, 今次埋單要五百蚊, 不過呢度d 壽司比元氣大件囉. 之前都有幾個人提過d 師傅唔夠專業, 我都非常認同, 因為我睇住一個師傅攞左條魚出黎預備切片做刺身, 點知佢將d 魚生攪左好耐都未擺到上碟, d 魚生比佢咁摸法都熟晒啦, 見到都唔想食啦.

They can't even make the cheapest kind of sushi well! The eel was bitter, and the octopus was not fresh. >_< And they charged me $30 extra, fortunately my sister spotted that! Service was quite bad...the managers (dressed in black) were okay, but the waitresses were like dreaming! >_< NOT RECOMMENDED !!!!