和牛燒肉‧純

营业中

休息中

又到放假嘅時候，相約好友到尖沙咀食和牛燒肉。 呢間餐廳地點十分方便，位於尖沙咀中心！餐廳坐位好寬敞，装修以淺木色為住，有日式風格！首先點了個前菜，野菜醋物！主要有紫菜，紫洋蔥等配料，酸酸地，好開胃！醬料有，鹽，燒肉燒，檸檬！而肉類方面就選了三牛一豬！特選日本產和牛肉眼$550, 肉質鮮奶脂肪比例均勻，唔會太肥,好味！特選日本產和牛牛排肉$320, 入口即溶,相當唔錯. 呢個比較喜歡日本產和牛上牛扒肉$250, 唔會太肥,肉質嫩滑.日本產豬五花肉$98, 呢個五花肉有驚喜燒肉配上白飯一起食，感覺唔會太肥膩！最後叫咗杯梅酒同一杯可樂

好耐都無食燒肉喇，今日放工經過尖東，見到呢間和牛燒肉，即刻流晒口水，梗係捉住男友入去食啦！入到去環境好舒服，仲有熱毛巾比我抹一抹手，好溫馨。先黎食咗個前菜先，沙律啲菜好新鮮，加埋醋食好開胃。點樣四樣肉加碗白飯，剛剛好！特選日本產和牛排肉最喜歡呢款，超級重和牛味，好軟身，油脂入口即溶，簡單溶化咗我既味蕾特選日本產和牛肉眼呢款係扒既關係，肉感豐富，油脂相對較長時間先浩.溶，會留係口入面耐啲。日本和牛上牛排肉同樣都係好軟滑，牛味薄小小，但肉感又多返啲，呢款適合有啲口感又想要油脂味都平衡既人日本產豚腩肉係高級豬腩肉，非常香口，脂肪厚薄均勻，係牛以外另一好選擇好想再帶朋友黎食，和牛燒肉真係要試過先知唔同架

我在網路上看過這裡的食評，印象深刻，今天終於可以一嘗心願。這裡裝修設計非常日本式，全部以木為主，感覺如置身於日本。每枱有個叫人鐘，只需一按侍應就很快出現，這個安排免除侍應經常在客人身邊行走，影響客人談天說地，我覺得這個安排非常貼心。野菜醋物$78，未上和牛之前，先來一客以菜、紫菜和醋的前菜，為今晚和牛盛宴揭開序幕。醬料有三種：海鹽、檸檬🍋、醬油。我覺得這麼優質的和牛，點海鹽就最能帶出牛肉的鮮味。Solei levant yama Sauvignon $68，吃和牛配紅酒🍷是常態，這個紅酒用上優質水晶杯，令人覺得很專業，而紅酒酒味香濃，果味十足，配上和牛，是人生一大享受。特選日本產和牛肉眼$550，肉質偏腍，脂肪豐富，我比較喜歡燒的時間長一點，因為不會太肥膩。特選日本產和牛牛排肉$320，脂肪分佈均勻，帶一點嚼勁，每一口都要細嚼，感受一下油脂在口落溶化的感覺。日本產和牛上牛扒肉$250，肉質偏腍，脂肪分佈如雲石般，三款和牛中，我最喜歡這個。吃完有種幸福的感覺在心中充滿著。日本產豬五花肉$98，薄薄的一片，只需燒兩分鐘，就已經帶點焦脆，香口又滋味。Suntory 啤酒🍻$58，燒完和牛來一

說到日本菜，日本燒肉是我最愛之一 這間【和牛燒肉·純】很有日本燒肉的水準 內裡環境不錯，有獨立卡位及大房間，寬敞不擠迫 而且店內空調做得不錯，不會成間店一陣油煙 我們叫了幾款和牛，分別有特選日本產和牛肉眼、特選日本產和牛牛排肉、日本產和牛上牛排肉 另外也叫了日本產豚腩肉，每款賣相都十分之吸引，雪花般的脂肪分佈，令人垂涎三尺 【特選日本產和牛肉眼】油脂比例較重 有陣陣牛油香氣，單吃油脂感較重，配埋日本珍珠飯一起可以中和牛油的膩 和牛肉眼肉質軟腍，一口咬下牛油咇晒出嚟，喺口腔不停打滾，滿口都是和牛的香氣 【特選日本產和牛牛肉排 及 日本產和牛上牛排肉】 脂肪比和牛肉眼少，而特選牛排肉的雪花脂肪比上牛排肉更均勻 兩者都會較有牛味多一點，而油脂感則較輕，沒有肉眼般油膩 如果鍾意油膩感輕D可以選牛排肉較合胃口 【日本豚腩肉】肥瘦比例剛剛好，吃得出豚肉本身的質感 值得一提是這裡的白米，粒粒飽滿，而且很有米的香氣 配埋燒肉一起吃簡直是prefect！

嘻嘻，又到左出糧去食和牛既日子啦今次同朋友黎左尖咀既和牛純，貪佢方便就腳兼質素有保證食肉之先就食返碗開胃既沙律菜打個底先然後我地揀左四款肉，自製左個燒肉拼盤我地分別揀左：$320既特選日本產和牛牛排肉$205既日本產和牛上牛排肉$550既特選日本產和牛西冷仲揀左款豬：$98既日本產豚肉眼，唔洗淨係食牛咁dry嘛見到啲牛既雪花分佈就知入口即溶係點解面對油脂旺盛既肉肉，香軟白米就係佢地既好拍檔而飲品方便就要左杯$58檸檬味梳打gur一gur呢啲咪叫滿足同爽歪歪------------------------------食物質素：🤤🤤🤤🤤(5🤤最優)價格水平：💰💰💰💰(5💰最貴)環境裝修：✨✨✨✨(5✨最好)服務態度：🌟🌟🌟🌟(5🌟最佳)整體評分：❤❤❤❤❤❤❤❤(10❤滿分)是次評論及分數視乎進餐當天的品質而訂，亦同為個人觀感：）------------------------------

今日lunch係尖東附近見到呢間和牛燒肉店！！見到有好多和牛餐都好吸引，好正咁！一於入去食下！😋😋好多唔同既餐，我地兩個人就揀左個“豪華燒肉二人餐”，貪佢除左有三款和牛，仲有海鮮食。唔洗咁膩 😋呢個餐都包埋前菜，湯，沙律，白飯同飲品。🍹先食沙律🥗開開胃！前菜：有好多塊牛， 醬汁非常入味！海鮮和牛拼盤黎喇！✌有三款牛：1.特選和牛牛排肉 2.和牛上牛排肉3.和牛壼漬牛排 賣相都非常靚。好多雪花紋，好肥美！一睇就知一定好好味！😋和牛肉唔洗燒好耐，多油脂燒哂出黎。好快就熟！一啖放入口，有即溶既感覺！😋好嫩肉呀！！壼漬牛排用左醬油浸住，牛排好入味！燒完味道好香，唔洗再沾燒汁都夠味！海鮮 有兩大隻虎蝦，帶子，魷魚。仲有日本雞肉，粟米，南瓜，洋葱等等！虎蝦啖啖肉，肉質爽口彈牙！🦐好惹味！帶子連殼慢慢燒，逼哂d汁出黎！食落好鮮甜。幾好味 😊最後仲叫左 桃味梳打🍑茘枝梳打🍹

和老婆慶祝生日，決定豪一豪，到和牛燒肉純吃晚餐。餐廳環境寬敞，坐得非常舒適。野菜漬物有多款蔬菜的配搭，口感清新健康。特選日本產和牛肉眼牛脂味重，牛肉味香濃，非常香口，老婆很滿意。日本產和牛上牛排比第一隻牛脂味更重，燒起來比較搶火。口感嫩滑，入口即溶。日本產和牛牛排肉對比之前兩款，這款和牛牛味更濃，無論燒多久也不韌，用料極之上乘。牛舌牛舌也我的至愛，質感比較爽口，但又不減其牛味。白飯是來自日本的珍珠米，米飯香軟，每一啖都有飯香。蘋果汁味道鮮甜，有陣陣陣蘋果香。凍檸檬茶茶味香濃，甜度可自行調配。

一個落雨嘅星期天，溫度突然下跌幾度，悶在家裏睇日本飲食節目，正在介紹和牛燒，腦海已經浮現出香味及肉汁，拿拿聲上網搵下邊間好，今晚我要食燒肉................搵下搵下就搵到呢間每個月精選唔同日本地方嘅牛肉，今個月係山形牛，而下個月係飛驒牛，自己對號入座啦有套餐有散叫，各式其色枱上放好燒肉工具，醬汁，開著火爐預熱，帶來一絲溫暖先上一客野菜醋物作為前菜，醋汁加埋爽口沙律菜及多汁青瓜片，令人胃口大開!之後和牛呈上，肉色相當靚仔，脂肪份佈尤如雪花般，幾個部位一盤"曬冷"，引得我口水直流包括: 肉眼 ( 一塊都唔細塊，已預先切成一塊塊) ; 上牛排肉 (厚度比較肉眼厚些少); 特上牛排肉 (再厚切些少，脂肪分佈比例為多) ; 牛舌 (薄切)燒牛肉生熟程度任你話事，唔太厚的話真係好快食得肉眼 - 比起其他牛種多帶點脂肪，肉質軟滑，肉味幾出，肉汁加上油份令呢塊肉更為Juicy!!上牛排肉 - 肉質腍，肉汁夠，點燒汁食，確係好味!食得燒肉，點可以唔叫番杯啤酒，一啖飲掉1/4杯日本Suntory，咁先爽皮嘛特上牛排肉 - 肉質超腍滑，一咬肉汁及油脂係口內爆射，四個字.............

和牛燒肉 純在每款食材的選撰，採購，保存，方便也極嚴謹，俗語說好食材必要配上好廚子好爐灶才能成美事。和牛燒肉爐灶是選用爐底抽風，餐廳空氣清新，衣服也不會沾上味道。爐灶也均衡散發熱力，使燒肉能平均遇熱。好爐才不會浪費好食材。店內主要山形牛及雪若丸為主打，食材稀有高質。「山形牛」肉質鬆軟無筋，脂肪豐富，肉質與脂肪比例均勻呈霜降狀態，故有入口即溶之感。此外，「山形牛」脂肪溶點較低，遇熱後，牛脂輕易化開，滲出油香，同時肉質又保持嚼感，達到和牛牛香油潤的極致。野菜醋物野菜入口爽甜帶醋香，是很多日本餐廳的開胃前菜。特選日本產和牛肉眼牛肉眼來自牛胸肋附近的牛肉，油脂比較多。油花豐腴，肉質相當軟嫩，建議燒至五成熟左右，入口鮮嫩柔軟。特選日本產和牛牛排肉、日本產和牛上牛排肉牛排肉包括丁骨,红屋,肋排等，牛排肉可以有三分熟 ，三至四分熟 甚至是全熟等烹煮程度。我喜歡燒三成熟，入口帶化柔軟香口同時又不會太生。日本產豚腩肉每片腩肉紋理公整，肥白相間，咬下爽口彈牙，豬肉味濃郁，肉質結實肥美，入口油潤脂香化嘴里，肉汁豐富。山形縣產雪若丸日本餐廳標榜用日本米是很常見，但用雪若丸米卻是首次聽見。今次難得JRE及MAF

去完日本吃過正宗和牛後, 真的久不久就會掛念那種細膩的肉香, 一想起口水也快要流出來。於是又"借故"紀念日去吃一餐好的， 選了上兩次都沒有失望的純, 只是換上尖沙咀的分店, 更為方便我們。牛的各部位肉質和油花分佈也不同, 交織出不同的口感和味道。雖然MENU 內有詳細的介紹, 但心多多的我們還是未能下決定.......於是就請店員為我們推介了一些。先送來前菜沙律, 配搭看似簡單, 但味道出奇的好吃。用上新鮮的青瓜和羅馬生菜及沙律菜, 打造了爽脆的口感。加上了特調的胡麻沙律汁, 麻香中帶微酸, 清新醒胃。而畫龍點睛是那幾片紫菜, 它的脆口和略帶海水味令整個前菜更豐富, 兩人都很快清碟。冰凍的啤酒和爽口的梳打真是日式燒肉的最佳朋友, 解去燒肉的肥膩, 又可帶來清涼下火的感覺。我們的燒肉盛合送來, 四款不同部位的肉, 看到這樣美麗的雪花紅白間, 真是不自覺地笑起來。和牛排肉脂肪比例均勻, 肉質嫩滑。入口果然是牛味十足, 齒頰留香。不需加太多調味, 只要點點海鹽提味已足夠。這些和牛已切得厚薄適, 烤兩烤約五至成熟便可。燒得太耐就會浪費了這些好肉了。其實燒蔬菜同樣好吃 (可以中和一下), 很愛南

周日晚上，有人想食日式燒肉就search 左附近呢間和牛燒肉純。由於晚上嘅6點，只有一桌客人入座中。我地好順利甘被安排闊落嘅卡位。一落低，座位已經擺放好濕毛巾同醬料。由於都唔算太肚餓嘅關係，就決定散叫。野菜漬物 $78上層舖滿紫菜，下層係淋上漬物醋新鮮嘅野菜，酸酸地、冰冰涼涼都幾開胃。我地總共order 左4款肉。擺盤擺放得非常精緻，仲有新鮮蔬菜伴碟。特選日本產和牛牛排肉 $320 油花分佈好靚，食落3款牛當中油脂最豐富。真係有種入口即溶嘅感覺。日本產和牛上牛排肉 $205相對地油脂感無甘重，但肉質非常軟稔。配白飯一流。燒唔夠1分鐘就可以食得。特選日本產和牛肉眼 $5503種之中牛嘅肉味最濃郁，沾上少少鹽最為適合。日本產豬五花肉 $98日本嘅豬燒起黎唔會有豬果種”酥”味，沾醬汁好夾。白飯大大碗，食和牛還是需要配點飯。 青蘋果梳打 + 巨峰汽酒$55 食燒肉點可以order 酒呢？一個有酒精一個無，飲落飲唔出有酒精。非常順口。非常滿足嘅一餐。

星期日嘅摩擰就梗係要揾間餐廳嘆下啦記得某次經過尖東，係餐廳門口睇過menu，雖然係超吸引，但價錢比較貴。今日好朋友話一於放假食豪D，所以就黎試食午餐。原來午市套餐不貴，性價比超高架一行二人，分別點左特選五色和牛定食$350 & 特上和牛牛排肉定食$220。前菜已經誇啦啦沙律🥗非常新鮮。亮點係牛舌鮮甜、濃郁的牛味特選五色和牛定食，五款和牛各有千秋特選三角牛排肉，被稱為肉的皇上，不膩的脂肪，濃郁的牛肉味，入口快速溶化。朋友就食第一口已經😍心心眼。特選牛排肉，雖然好似是最普通，但都已經好高質。肩眼肉雪花較多，色目鮮明，脂肪較少，口感豐富，濃厚豐富的和牛味。我大愛👍🏻👍🏻上牛排肉，紋理平均，油份平均～牛排肉，筋膜，肉紋較多～好好咬口！特上和牛牛排肉定食優質的脂肪，肉質非常柔軟性價比最高，食到想encore～大推餐廳的日本米，軟熟、米香十足，配上燒肉，無得頂👍🏻環境清靜，非常有私隱，仿佛處身日本。倘若有流水聲，更有傳統日本鄉郊味道。我好快會再黎，等我呀

今年工作順利，年底花紅 有不錯的數字，辛勤工作真係有回報，今晚約咗個老友share開心事，同慰勞下自己，早前同事介紹過尖沙咀呢間日本餐廳，好有口碑，到達門前已經 非常滿座，入座後聽聽員工細心介紹，選擇了適合自己的，當員工端上枱時 即刻眼前一亮，多款牛件閃閃發光地顯現眼前，肉質艷麗奪目，紋理層次分佈均勻。一款特選日本產和牛肉眼，烤的時間不用多久， 便可品嚐到優質食材味道，肉質軟綿蜜甜，肉汁清香，散發着牛香撲鼻。第二款特選日本產和牛牛排肉，超級肥美，在鍋裏燒起的時候bili bala bili bala響不停，放在口中，肥瘦融為一體，鮮甜滑溜，說不出的享受，只能體會，真係冇得輸。第三款日本產和牛上牛排肉都不遑多讓，同是完美食材，佢嘅綿滑油份，肉質柔潤軟綿，只用輕輕一咬，隨即分成兩段，滋味無窮，餐廳嘅純牛真係誇啦啦。但仲有一款日本產豬五花肉都不容忽視，一層一層均勻肥瘦，烤起上嚟聲音 同樣清脆聲響，會令你增添食慾，豬嘅食材都好吸引，香甜軟滑，肉冧冧又滑溜。當然還有沙律及飯～佢嘅凍飲都好出色，非常配合燒烤肉食，一杯巨峰梳打，真材實料巨峰提子打造，甜甜蜜蜜，令人心曠神怡。另一杯梅梳打，正宗日本食材

又帶人妻朋友出動食好西悠閒嘅星期日Lunch食燒肉係開心嘅和牛燒肉純 我都係第一次食我點左三色和牛定食 ($250)有哂沙律前菜同湯而主菜三色和牛就有上牛排肉，肩眼肉同牛排肉 肉質鮮嫩 牛味頗濃的而人妻朋友則點左和牛壽喜燒定食 ($200)大大塊和牛配上甜甜的湯底 不錯呢😬_________________________裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)________________________唔信我嘅可以自己去試試😂

今日老表請我食飯，帶左我黎左呢間燒肉店食和牛呢到坐位舒適，服務員服務不錯我地一共點左5樣野，1款沙津、3款和牛同1款豬首先到來的是野菜醋物：$78食落酸酸甜甜，菜新鮮👍🏻食完沙津之後就到今日既重頭戲和牛同豬了鹽燒特選日本產和牛牛排：$320鹽燒日本產和牛上牛排肉：$205鹽燒特選日本產和牛肉眼：$550鹽燒日本產豬五花肉：$98幾款和牛各有不同口感，肉質鮮嫩，3款都非常好味，我自己就最喜歡鹽燒特選日本產和牛牛排，呢款放落口之後和牛香味係口腔內留好耐好耐，好鬼正食完和牛，立即試埋個鹽燒日本產五花肉我燒到佢好香口先食，五花肉肥瘦分明，入口肉香持久可樂：我真係第一次係香港食到咁好味既和牛，推介