和牛燒肉‧純

平時朋友問我食和牛燒肉邊度好，我都會推介佢去呢間～因為真係好高質！店員首先奉上豆腐沙律開開胃，好清新嘅味道！除左燒肉外都要點酒啊！日本酒中除左清酒就最鐘意飲梅酒，鐘意佢梅嘅香氣加上甜甜地易入口！加冰就最好！朋友點左白桃梳打，隻色好少女呢！燒肉點左幾款，幾款都好唔錯！分別係特選日本產和牛肉眼、特選日本產和牛牛排肉、日本產和牛上牛排肉同埋豬五花。和牛既口味都揀左鹽燒，咁就可以食返佢既原汁原味啦！牛嘅肉質都好腍嫩，油脂香好重，充滿邪惡嘅感覺！但卻食極唔停口，仲要配白飯就係絕配！豬五花肉有醃制過，醬汁味好夾，送飯一流！最後仲點左個白桃雪葩清涼一下～食物質素同服務都好好，岩晒同朋友慶祝嚟大食一番！

食生日飯，揀返間高質啲先～講真，畀幾百蚊食一份定食真係好貴， 得幾片肉，但係一分錢一分貨， 試咗兩份定食之後，價錢高啲真係好食啲。佢哋和牛嘅品質比較高，牛味好重，油香味都好足， 但唔識燒就搵人幫手，唔好自己毀咗塊肉haha。 雖然佢未去到話極頂級，但係以呢個價錢食到喺日本嘅幾分滋味，真係唔錯。十分之喜歡佢哋嘅配菜，金平牛蒡絲真係好正好入味，甜甜地， 又有少少芝麻，好香。推～如果同一班朋友去就嗌多啲唔同款嘅定食，追加靚牛，一齊share仲抵！

早前趁放假, 同A先生去了位於尖沙咀的和牛燒肉純食晚飯. 我地先點了兩杯蘋果汁. 再來就係野菜醋物. 蔬菜夠新鮮爽脆, 混入帶有酸酸的醋, 兩者不但夾, 而且仲夠開胃, 好適合作為前菜.我地一共點了四款牛.當中包括特選日本產和牛牛肉眼, 日本產和牛上牛排肉, 日本產和牛牛排肉和牛舌. 賣相相當精緻.特選日本產和牛牛肉眼和日本產和牛上牛排肉. 日本產和牛牛排肉和牛舌.枱上放有不同醬汁, 客人可以因應自己喜愛而點醬汁.  四款牛各有特色, 即使我係燒到全熟, 肉質仍然嫩滑, 完全唔會覺得硬和乾身, 當中我特別鍾意特選日本產和牛牛肉眼和牛舌. 而牛肉配上飯一齊食係最夾. 這裡環境舒服, 食物質素又不錯.

朋友生日🎂價錢略貴但絕對值得一分錢 一分貨和牛非常美味，入口即溶冷麵及和牛炒飯味道一般冷麵很淡和牛炒飯炒得唔夠乾身菠蘿雪葩好香甜😋淡淡香味環境舒適服務員非常好👍🏻

和牛高質，選擇夠多性價比不錯服務幾好地方坐得舒服唯一要改善係個汁唔夠好，無論係點同淹那種汁味道也同D肉唔太夾，不過可以點鹽就帶返出個肉味可以再到此一試值得俾正評

好友見面， 不用節目排得滿滿，唱下k ，食個飯，談談近況，就已開心滿足~ 上次見面講起想食和牛，今次即刻book我最愛既和牛燒肉純~呢度既和牛係日本直送，有證書，正宗既日本產和牛，質素有保證~唱完k就出發la，7：30pm去到，都好full，好在book左位。唱完k好肚餓！野菜醋物 $78酸酸甜甜既野菜沙律，非常清新開胃~今日同朋友都想飲少少酒，揀d易入口既果汁汽酒~梅汽酒 $55呢個酒味比較重~白桃汽酒 $55白桃就甜得多，易入口，岩女仔飲~我地揀左4款不同和牛部位~全部揀鹽燒~和牛赤肉 $150因為揀左三款脂肪較多既，都怕太膩，店員介紹呢款赤肉，油脂較少，牛味濃，適合怕太油既人食~日本產和牛上牛排肉 $205上牛排肉，就咁睇已經見到好靚既雪花紋路，入口油脂甘香，肉質有彈性~特選日本產和牛牛排肉 $320呢款比上牛排肉油脂更見豐富，入口同樣甘香，口感軟嫩~特選日本產和牛肉眼 $550油脂最豐富既一款，入口基乎即溶，滿口充滿牛肉同油脂香，超級幸福啊！牛非常靚，每邊燒十秒就好~和牛配日本白飯，是絕配~就是幸福的感覺~

平日放假嘅好處就係可以輕輕鬆鬆咁食個優質午餐中午時間人唔算多，坐位都幾舒適。望住份menu樣樣都想試，又到左頭痛嘅時間⋯還好朋友喜歡食牛舌，所以就立刻揀左個特選和牛肉眼&牛舌定食，至於我尼啲貪心嘅人就只有揀特選五色和牛定食前菜都有兩片醃漬牛舌，味道都唔錯食焼肉一定要配一杯梳打飮品今日個主角終於出現喇啲和牛嘅油花靚到呢基本上除左牛舌之外，和牛兩面燒一下已經可以入口，真係入口即溶，個和牛肉眼係咁多款和牛中最出色嘅絶對值得推薦俾大家！

難得月頭，當然要對自己好啲！食餐好嘅lunch！呢間餐廳想食好耐！主打正宗日本和牛！見佢dinner set都唔平，幾百到過千都有，lunch set相對平好多，有d百幾蚊有找！我就揀左個二百蚊左右嘅和牛上牛排肉因爲餐牌張相實在太靚，油脂分佈好正，好正吸引！上到枱的確係好靚！同相一樣！個餐包前菜，沙律，白飯同麵豉湯。上菜後係自己焼嘅，可以按照自己嘅喜好燒至幾成熟！雖然唔係好大舊，但份量對於正常女仔來講已經好夠！好香牛味同油脂味，入口嫩滑！正！麵豉湯都唔會太咸，幾好。唯一係當日我哋比較早去，未算好多人，但係已經油煙味好重，可能抽風唔係話好好，如果再多人d可能仲勁！同埋男同事食就話份量唔係好夠，只係剛剛好，未叫飽。（男同事平時唔係好大食果隻）

老公話好耐無食過燒肉,本來我話不如去食韓燒既,不過又話嫌肉質唔夠正,口感唔夠好,reject左我。。既然係佢比錢既,我就揾間好野食! 上op見到TST的和牛燒好似幾正,又好多人食過話純正日本和牛喎,咁當然要去試吓啦! 食之前見到menu有介紹呢度拿到"Wagyu"日本和牛認證,確保呢度食到既100% come from Japan!由于呢度真係專門食牛,所以個menu都好pro咁介紹牛既不同部位,同牛肉的特點,直頭好似食牛之前先上一堂咁啊! 不過係正式燒之前,我見和牛燒個爐都有d唔同,爐火無出面燒得咁快咁易overcook,反而係好似煤爐火咁,keep到個火好穩定,但唔會過猛! 咁先好,食靚牛當然個爐要靚,唔係好易浪費左!好!!! 正式開始燒之前,先食個好夠凍既蔬菜沙律!係呢個咁熱既天時,真係透心涼! 食完salad,我同老公決定今晚叫3款牛+1款豬!和牛上牛排肉 ($205)呢個望menu已經想食! 話係用左牛小肋排肉,所以雪花/筋膜/肉紋好多!確實係,望落去以為自己食緊午餐肉咁, 好靚,直頭唔捨得食! 靚既牛其實放落去每邊燒一陣,就叫到d油出晒黎,勁香啊! 而且,牛味非常之濃!入口

朋友是牛魔王，最喜歡周圍揾靚牛肉食，今次約我去尖東食和牛，我當然欣然赴約喇！店名叫和牛燒肉 . 純，顧名思義係食燒和牛。餐廳位於尖東噴水池附近，日式雅緻裝修，入門即見大量日本牛肉認証，是日本各名種牛肉的指定店，証明大有來頭。朋友很有經驗，提議先下單吃開胃沙律，才慢慢品嚐美味和牛。野菜醋物 ~ $78新鮮蔬菜配自家制醋汁，拌海苔，令人胃口大開。巨峰梳打/白桃梳打 ~ $55因為駕車關係，改飲無酒精飲品，巨峰香甜，白桃清香，仲帶粒粒果肉㖭。打開餐牌，好多款牛肉，不同部位都有，特選和牛肉眼 ~ $550和牛上牛排肉 ~ $205特選和牛牛排肉 ~ $320日本產豬五花肉 ~ $98不愧是特選日本產和牛肉眼，油脂分佈均勻，入口即溶，充滿油脂香。牛排肉是牛腹部的肉，比肉眼重牛味，較有口，我不喜歡太熟，只燒十多秒左右，沾海鹽吃，細細品嘗牛的滋味，感覺好幸福唷。五花肉看似肥膩，但燒完迫出肥油後，沾檸檬汁配白飯吃，又幾甘香喎。這個晚餐，吃著正宗和牛燒肉，才真正領會到和牛的最高境界。

💁🏼‍♀️🌟熊本豪華燒肉套餐 $1880 今期有來自熊本既黑毛和牛🐂及熊本Rindo豚🐖 超級喜歡油脂分佈均勻既和牛西冷！😍入口滿口油香 肉質嫩腍 燒至medium熟就夠👌🏼豚肉就還好 肉眼口感較韌🤔*🌟和牛上牛排肉 $228見大家都推薦呢款肉 肉紋與脂肪相間 牛味十足 果然不錯🥳*🌟厚切牛舌 $188 豚頸肉$88一直都覺得燒厚切牛舌既火喉較難掌握 所以一般燒至7成熟 牛舌有咬口又不會過韌😚 豚頸肉就正正常常～

今日是媽媽的生日，一早已經諗好同佢去邊到慶祝，咁樣先係好女兒嘛！媽媽很喜歡吃日本和牛，又很喜歡日本燒肉，香港貴為美食天堂，餐廳多不聲數，幸好有朋友的介紹下，我們來到這裡吃一餐美味又滿足的晩餐。餐廳是以和牛出名，全部由日本直運到香港，聽至依點，已經令我們滿心期待啦。最近更有加人入熊本縣的和牛，以後唔洗去日本食啦。一次過叫左四款牛肉，放晒上一個日式大碟上，氣派十足，即時要影相留念呀。特選日本產和牛肉眼 $550切成八片的和牛肉眼，賣相好靚呀! 脂肪勁豐盈，肉片切到好薄，一燒很快就可以吃，超香的脂肪在嘴裡，很好吃！特選日本產和牛牛排肉 $320同樣是和牛的牛肉，但我們選擇不同部位，可以試多一點味道。牛排肉比肉眼的脂肪更多，整片肉更粉紅色，牛排肉一入囗就勁多油香，超正！日本產和牛上牛排肉 $205牛舌 $108牛舌的味道也合乎水準，薄燒牛舌好煙靭，燒至格仔紋，好吸引呀！每次食日本燒牛，最好係配純正的日本米，好夾又去油膩。

以前的好同事自從轉左工之後都好少見面。難得今日大家都係市區做嘢，收咗工之後約佢學一間轉系食日本黃牛的燒肉店大擦一餐。整番杯Suntory 生啤飲下先！為咗準備稍後的和牛盛宴，先用一個沙律清下腸胃。配上黑醋汁的沙律，爽脆的沙律菜，開胃可口。枱上的醬個人比較喜歡左邊的燒肉汁，檸檬點綴一下也不錯啊！主菜方面，點了四款肉！特選日本產和牛カルビ看那雪花紋就知油脂味香濃，入口即溶！果然是認證過的和牛。上カルビ這個都幾好食！肉味重d反而油花就無特選咁多，感覺上無咁邪惡，仲有後面的和牛肉眼牛舌牛舌薄切左，加上少許鹽巴，加點檸檬汁畫龍點睛。上網睇過，食燒肉點先可以燒得好食，就係減少反的次數。將一邊燒得少少焦香，然後才將另外一面燒十多秒，上枱就係最好味的質感，又不會過熟，恰到好處。不要看份量好似不多，加兩碗日本珍珠的白飯，真係好飽，又滿足。可能和牛都有相當重份量的油分，所以食到最後都有少少滯！所以大家記得量力而為咁點餐，唔好浪費食物啊☺️

恰好想吃日本燒肉，周圍打電話詢問位置，剛好這間有最後的桌，雖然在門口但也接受了。之前一直有念頭想試這間，不過每次都預訂不了，竟然今次即興有位，十分幸運。雖然餐單一大本，但其實真正屬於上等牛肉的只有兩版，就是分為肉眼／牛排肉兩類，十分可惜身為一間和牛專門店，竟然沒有牛肩的位置，令我無恨懷念在日本的燒肉體驗。兩類之間我比較喜好牛排肉的關係，所以點了三份牛排肉（特選日本產和牛牛排肉$320、日本產和牛上牛排肉 $205、特選日本產和牛三角牛排肉$350）和日本產雞腿肉$98，今次就只說牛排肉。得出的結論是，只有肥肉油脂味，而失去了和牛本身濃郁的牛肉味，不過肥美程度可算是入口即融，平時吃燒肉的我一定能吃掉一碗白飯，可是這次實在太肥美太膩了，我吃了一半就停下了。連啤酒都飲不下，三個人的份量，其實是剛剛好，但因為實在太肥漏，好像吃了十包朱古力一樣漏，我們每個人走的時候都是捧著肚子，我的友人更說笑再吃下去便要吐了，所以我們是不爭氣地吃剩２場塊肉的，現在想起也有點罪過。

不經不覺，上一次光顧依間餐廳已經係差唔多四年前。呢四年變化真係好大，而我亦由二人世界「進化」為三口子的幸福小家庭！言歸正傳，「和牛燒肉‧純」位於尖東正中心，由港鐵尖東站出發約十分鐘就到，唔算難搵。唔講唔知，「純」原來已經喺東京開業15年，喺千田同都港區都有分店。呢度標榜只售賣高級日本和牛食材，「不時不食」供應好似佐賀、宮崎、飛驒等地既和牛品種，一切以優質行先！野菜醋物 ($78)︰非常開胃的餐前小食！紫菜同埋雜菜混合埋酸汁同日本醋一起入口時夠晒醒神，作為正餐前的點綴實在最適合不過。巨峰梳打 ($55)︰巨峰梳打非常之易入口，甜甜地非常適合食和牛時淡化口腔既油脂感。檸檬梳打 ($55)︰相對巨峰梳打，檸檬梳打比較清淡，而且無前者咁甜。由於用上新鮮檸檬，清新的感覺特別與眾不同！特選日本產和牛肉眼 ($550)︰貨真價實的「Made in Japan」肉眼只需要放喺爐上面燒約三十秒至五成熟左右即可食用。肉質非常鮮嫰易入口，而且肉既紋理同脂肪比例剛好，整體質感唔錯。不過，整體感覺好似略為肥左少少，對於鍾意食D較瘦既肉既朋友可以over左，但間唔中一次無所謂啦！特選日本產和牛牛排肉 ($320)