和氣食堂 (黃大仙中心南館)

营业中

休息中

今日接仔仔放學👩‍👦，順道在黃大仙附近吃晚餐🍣，餐廳位於黃大仙中心南館地下，其實這間店舖之前都食過，覺得都唔錯，而且地方濶落坐得舒服😌是晚7時左右，餐廳已坐近8成顧客，幸好不用等位😉餐廳門外展示一幅赤味噌麻辣鍋廣告板，看👀來都幾吸引，於是我們也點選一個來試試，由於怕太辣，店員也很細心💕幫我們改為壽喜湯🥣壽喜湯鍋味道甜甜地，配上脂肪不多的牛肉、豚肉，肉質嫰滑的雞肉、金菇、粟米...等等，已非常入味，不用其他醬汁😋黑松露凍蕃茄沙侓味道清新，平日不喜歡吃蕃茄的我，也感到不錯👍鮮立魚薄切刺身，無腥味新鮮醮一些紅蘿蔔🥕碎和醬汁一起吃👍辛味吞拿魚牛油果卷，卷物上除了有沙律醬還有少許辣椒醬味道特別😋最後來一個阿法奇朵，是雲呢拿軟雪糕配上香氣味濃的咖啡，好味😋

新開張前吃過黑豚肩丼，老公念念不忘當時佈滿燒香的黑豚。 之後也幫襯過試吃壽司和刺身， 但覺得不新鮮而壽司飯也很硬。今日我們中午再去吃番丼，我和老公分別點了黑豚肩丼＄72 和黑豚腩丼＄68， 嚇了一跳，無諗過咁差，同開張時吃過和相片份量完全 天淵之別!!黑豚肩丼＄72，簡直離譜!!!!!!!! 得四片黑豚，Memu 張相起碼有8片黑豚腩丼＄68這個仲離譜!!!!!!!! 又係得4片黑豚仲烧到又乾又硬，而Memu 張相起碼有10多片仲有最離譜是ｄ飯是不夠熱的點解可以仲獲得咁推介，簡直劣評 !!!!!!!!!!!!!! 永無下次

平時好少黎到黃大仙一直感覺係舊區所以應該都唔好有太多好食即餐廳，今次因爲朋友住黃大仙而佢又知我鍾意食日本野所以推介左我一食和氣食堂，雖然唔洗等但入到餐廳都滿晒餐廳好多種類既日本菜式選擇。安格斯牛扒他他沙律分量都幾多牛肉切開一片片鋪係沙律菜上而再配以黑醋味道酸酸甜甜牛肉肉質唔鞋沙律菜新鮮爽脆幾開胃。厚燒鰻魚牛油果卷鰻魚燒得好香而且好嫩滑入口溶化牛油果熟成果肉好軟淋又重牛油果香加上鰻魚上既蟹籽令口感多左層脆卜卜既口感。黃金芝士千層豬扒中間以紫菜同豬扒肉梅花間竹咁分間中間慢慢流出芝士外層炸得好脆又唔會太油膩。三文魚椎茸燒燒得岩岩好唔會太乾而且仲帶有三文魚油香整體當餐前小食幾不錯。櫻花蝦鯛魚湯泡飯好好食湯底好香濃魚湯好好飲而且飲完又唔會覺得好口渴，蝦比想像中大隻又有蝦鮮味帶子都好鮮甜，蝦同帶子都燒過所以特別香，飯粒浸過魚湯後吸晒d湯好好味。宇治抹茶阿法朵奇抹茶味好濃茶味比奶味多而且淋上抹茶令雪糕更香濃同滑作為今餐晚餐做個完美既結局

今日約左男朋友夜晚係黃大仙食飯 等男朋友到達期間 係黃大仙中心行順便揀下夜晚食咩好經過依一間和氣食堂覺得感覺唔錯 又想食日本菜於是就決定左要試依間安格斯牛扒他他沙律安格斯牛扒切開一片片 半生熟 牛肉味濃又夠軟綿 好高質新鮮沙律配上黑醋汁 好味道厚燒鰻魚牛油果卷（6件）牛油果整壽司味道真係好夾加上鰻魚好香亦軟綿 整體口感好豐富豬仔覺得依個卷物好出色櫻花蝦鯛魚湯泡飯服務員會係面前倒入魚汁熱辣辣既石碗令魚湯滾滾 飯粒吸收湯既精華魚湯鮮味濃郁 唔會腥飯粒夾雜好多蝦仔令鮮味更突出面上仲有帶子粒同大蝦旁邊仲有伴料可以隨喜好加入但可能因太多米飯 好快就冇晒d湯兩個人食到好飽 但仲有其他食物想試下次會再黎繼續試埋其他菜式

咖哩吉列蝦丼🍤$38 (下午茶，包熱飲)吉列炸蝦🦐新鮮即炸，熱辣辣嘅👍味道尚可🙂咖哩汁就普普通通，同平時即食咖哩差不多😬不過啲飯就真係比較濕😂呢樣真係好扣分🙈整體算合格，價錢亦合理，可以一試😎

星期日中午想食日本野，決定去食最近大熱既人氣食堂，之前食過一次晚飯，已經覺得好味又多選擇，決定再黎試埋上次無食過既菜式，果然無令我失望！點左三文魚定食，可以再追加刺身，好抵食！仲叫左火炙芝士三文魚壽司同埋火炙吉列蝦芝士壽司，味道好夾，唔會好漏，推介~~上次晚飯食左電擊雞翼，覺得好好味想介紹朋友試下，點知午市原黎無電擊雞翼，唯有下次晚飯黎先再試！整體感覺好好，因為質量高，價錢平日本菜係香港少見，下次絕對會再黎！唯獨係可能午市多人，一開始熱茶都無比我地，要叫哥哥比先有，但都好快比到，所以都可以既~

今次約咗朋友去黃大仙食飯，去南館一睇，原來多咗很多選擇，她推薦日本菜……和氣食堂行入去第一感覺，地方寬敞，整潔，坐得舒服它們有午餐套餐，看似不錯，有三片三文魚和豆腐做前菜，一碗丼，再加飲品，六十至一百蚊内 (因多個選擇)想食黑豚肉，所以叫咗碗炭燒黑豚五花腩丼，再加一杯紅棗参蜜，个醬汁幾好味，令我食多幾啖飯，黑豚五花腩薄切，带少少肥，燒得油香，口感不錯我朋友叫了炭燒黑豚肩丼，加杯檸檬，基本上一樣醬计，只是他選肩肉，夠霖，吾乾，份量对男仕是足夠，反而女仔可能多咗少少飯，可提出少飯，廢事浪費餐牌還有多款壽司套餐，大阪燒等，因為我實在太飽啦，否則一定試吓自家製的宇治枺茶芭菲，相信我會再去試芭菲的

豬仔今日係黃大仙附近整完野夜晚約左男朋友食飯 等男朋友到達期間行住黃大仙中心先 行行街順便揀下夜晚食咩好經過依一間和氣食堂覺得感覺唔錯 又想食日本菜於是心裡面就決定左要試依間 哈哈裡面已經掛上聖誕裝飾仲播住聖誕歌 好有氣氛睇睇menu先 選擇好多亦有期間限定既菜式同男朋友左揀右揀咩都叫d安格斯牛扒他他沙律安格斯牛扒切開一片片 半生熟 牛肉味濃又夠軟綿 好高質新鮮沙律配上黑醋汁 好味道厚燒鰻魚牛油果卷（6件）牛油果整壽司味道真係好夾加上鰻魚好香亦軟綿 整體口感好豐富豬仔覺得依個卷物好出色櫻花蝦鯛魚湯泡飯服務員會係面前倒入魚汁熱辣辣既石碗令魚湯滾滾 飯粒吸收湯既精華魚湯鮮味濃郁 唔會腥飯粒夾雜好多蝦仔令鮮味更突出面上仲有帶子粒同大蝦旁邊仲有伴料可以隨喜好加入燒鱈魚棒烤得又香又脆 不禁食完一條又一條照燒魷魚筒原條魷魚大大條送上 魷魚烤得岩岩好唔會難咬 而且配上醬汁好香電擊雞翼 炸薯條雞翼冰冰涼涼 卻又好鬆脆香香既芝麻味伴點微甜 好味道炸薯條香脆 灑上香蒜粉 帶點點微甜 兩個配搭都好特別 有驚喜兩個人樣樣都想試 唔小心叫到成台都係食到好飽 本身想叫埋甜品 可惜太飽食唔落下次會再黎繼續試埋

是日想吃日本菜，所以來了菜式選擇很多的和氣食堂。餐廳已經開始聖誕的佈置，氣氛好熱鬧哩～均衡飲食，先點了一客安格斯牛排他他沙律～翠綠的蔬菜和車厘茄澆上了酸酸甜甜的黑醋，吃起來清爽開胃給的牛肉份量蠻多的，微微烤過很有肉香然後選了一客4點刺身盛，有三文魚、珍寶赤蝦、海膽和𩶘魚刺身~~ 這裡的刺身水準不錯，刺身厚切大片而且很新鮮呢大大隻又晶瑩剔透的珍寶赤蝦膠質豐富，蝦味好岀，肉質札實彈牙海膽質感細膩綿密，入口鮮甜的滋味佈滿口腔~~點了一客唐揚魷魚軟骨過過口癮，炸得酥脆，很有咬口很愛吃這裡的芝士軟殼蟹卷，有粒粒蟹籽、濃郁沙律醬、炙燒過的芝士和炸得極脆的軟殼蟹，一層又一層極多元化的口感最後是櫻花蝦鯛魚湯泡飯～ 店員先幫忙將熱騰騰的鯛魚湯倒在鍋裡，可再按喜好加入蔥花、飯素和脆米。配料除了有海蝦和櫻花蝦之外，還有厚肉飽滿的帶子呢。清甜順口的鯛魚湯加上粒粒分明的米飯，真的令人食慾大開，不消一會就連湯帶料吃清光了～ 每樣食物都保持水準，回頭率很高的一間餐廳👍🏼

今日去開黃大仙，順便搵朋友食Lunch，朋友介紹說一定要食呢間和氣食堂，中午1點，呢間餐廳人氣最勁，差不多坐滿啦，好彩還有兩個位餐廳闊落干淨，坐得舒服，台面夠大，可以叫多小小野食，好怕那些日本餐廳勁細張台，叫多樣小食都放唔落。朋友食了多次，所以就由朋友決定食咩啦，樣樣都幾吸引。和氣*極強*特盛定食$138好豐富啊我們太餓了，這個餐真是極強👍燒黑豚腩丼👍軟殼蟹沙律👍蒸蛋👍火灸左口魚邊壽司🍣油甘魚壽司🍣海膽壽司🍣帆立貝壽司🍣珍寶赤蝦壽司🍣三文魚籽壽司🍣燒黑豚腩肉好正啊，小小肥邊豚肉咬落去甘香可口，薄薄一塊，醬汁香甜，配蔥花一口一口飯食，一定要試啊。刺身壽司夠新鮮，左口魚邊入口融，三文魚籽勁大粒，足料。茶碗蒸，蛋很滑，很香的蛋味，里面有明太子，雞肉，菇，略微咸了一點。整個餐分量多，十分滿足。壽喜牛肉鍋定食$78配胡麻冷奴，白飯壽喜燒都是我最愛，份量好多，$78抵食，里面有粗粉絲，豆腐，菇，好多肥牛，肥牛在滾燙里慢慢浸熟，嫩滑，壽喜燒湯底不會太甜。胡麻豆腐很滑，口感像雪米磁，好特別，好鍾意食。跟餐可以半價叫特飲，我們點了凍朱古力咖啡，熱泡沫咖啡，半價飲咖啡，價錢抵讚👍非常豐富的午餐，有質素，唔

今日同朋友隨便入一間日本餐廳食晚飯，點知有驚喜。餐廳幾大幾寬敞，食物選擇超多(menu 揭好耐先睇哂)，而且質素唔錯。香芒燻鴨胸沙律（黑醋）份量超大！芒果好甜，黑醋汁酸酸地，鴨胸啖啖肉，兩者可以互相平衡，感覺好fresh又juicy。四點刺身盛（三文魚 鮮𩶘魚 海膽 珍寶赤蝦）三文魚係厚切，肥美鮮甜。海膽好甘甜好回味。珍寶赤蝦夠份量，又新鮮。照燒魷魚筒原條魷魚切件上，燒得好香，又入味，最重要係唔太韌。櫻花蝦鯛魚湯泡飯有驚喜，魚湯好香，配上飽滿嘅珍珠米，真係好正海鮮份量足，櫻花蝦，海蝦，帆立貝都好入味。

朋友圈一直都有講開黃大仙有間食日本野食不錯，難得今日工作正正就在黃大仙，當然就捉幾個同事和我一齊去食啦，好彩我地來到有最後一張桌不用等位就可以入去，入面都有不海報優惠，見到有個甜品加小食價錢勁抵食當然我地都叫了一個再加其也食物，食完十分之飽地離開，而且價錢都吾貴，怪不知朋友推介這間餐廳啦。白咖喱烏冬，來到有點驚訝，當上面白色的忌簾混合下面的咖喱後，可以令到咖喱再滑些但又保留到咖喱的香十分好味道，而且烏冬口感都不錯。芒果三文魚蟹籽沙律，很多蟹籽!! 最愛，青瓜絲都不少又幼身，芒果夠甜身而且沙律醬吾太多，岩岩好，十分清新。三點刺身盛，三文魚的魚香不錯而且甜蝦十分鮮甜，帶子大隻解凍不錯好軟熟又甜，抵食喎。金蒜燒日本米茄子，金蒜在表面好野好惹味，茄子吸晒醬汁味不錯的小。吃鹽味燒牛舌的不好錯過，燒得乾身又軟熟，表面仲有少少黑椒提升不少牛舌的味道。最後當然是甜品：宇治抹茶芭菲啦，抺茶味濃又滑身，仲有不少甜小食令到口感層次不同，而且大大杯，二人食就岩岩好。電擊雞翼和薯條，電擊雞翼原來是凍食好特，別少少脆口幾特別，薯條有少少芝士粉，少少甜幾得意。

同朋友行完獅子山 近近地黎呢到開餐呢間日式餐廳吾止食壽司刺身仲有好多熟食選擇推介黑松露香芒甜蝦卷 食過一次就愛上黑松露既香氣 加通芒果既鮮甜入口十分清新一客份量吾少 足夠大家分享黑松露凍番茄沙律解暑一流凍冰冰既蕃茄 加上生菜表瓜等配料大量黑松露真材實料不過食落會咸小小 好彩沙律落左黑醋中和下呢餐既驚喜菜式一定係田樂麵鼓燒日本米茄子睇菜名完全無諗過係燒茄子上有甜麻醬同肉碎食落十分開胃 而且吾同平時蒜蓉燒咁重口味主食揀左櫻花蝦鯛魚湯泡飯 值得一讚湯底十分清甜 有一壺可以跟自己喜好添配料有帶子同大蝦加埋所有野鮮味十足至於海膽冷素麵 麵條夠幼撈勻甜甜地既黃色海膽汁一流黑洞無諗過麵量咁多 好似食極都有 面頭仲有真海膽 食落都幾新鮮呢個價錢食物質素都吾錯 推介

住喺黃大仙個頭，成日覺得依度冇咩好食，點知行行下商場，見到和氣食堂，就要去試吓，見到佢好多野食，有刺身，定食，甜品。定食$40幾就有一個，有湯有小食仲有主食，好抵食，正。

已是第四次到這間和氣食堂, 這裡環境舒適，價格也不貴, 食物質素也不錯, 每次都是吃得滿意。飲品點了凍咖啡，飲落既香濃又滑溜, 感覺唔錯。先來牛油燒栗米, 做到燒得外層微焦而口感帶點點糯口，粒粒金黃色、飽滿的粟米散發出牛油香味，每一口咬下去都係甜美, 爽口非常。再來一客鹽燒開邊雞翼, 燒得雞皮脆身還帶點焦香, 雞肉口感很嫩滑，燒香後撒上鹽去調味, 吃起來就更加惹味。海鮮項目是帆立貝黃金燒, 表面的芝士燒至略焦, 入口芝士味濃，帆立貝大粒厚身，帆立貝肉質不算腍嫩, 略為結實, 越食越鮮味。店員送上海鮮四色丼, 多款刺身堆得滿滿的, 包括有甜蝦、帆立貝、油甘魚及三文魚。甜蝦夠大隻，吃起來鮮味也啖啖肉;帆立貝厚肉而鮮味十足;油甘魚爽口;三文魚肥美, 整體來講是有水準的。就這晚所見人客也不少, 是相當旺場。