和氣食堂 (黃大仙中心南館)

营业中

休息中

燒鱈魚片好快就上咗脆卜卜咁食唔停～唔經唔覺食住等其他嘢食上就好快清咗一碟4 點刺身盛好新鮮 ✨三文魚片片都好厚，好肥美～甜蝦同廣島蠔都勁大隻！甜蝦好有膠質，生蠔就好 creamy 🤤剩低嗰款鱆紅魚雖然唔係貴價魚但勝在有八片咁多，而且砌成花咁幾靚鴨胸香芒沙律都幾好鴨胸肥瘦度啱啱好，燻得好味又嫩滑我好怕食嗰啲好嚡嘅鴨胸 🤣啲芒果真係好甜，感覺好 fresh！下面係黑醋汁沙律，有好多沙律菜同青瓜片，非常爽甜呀呢個櫻花蝦鯛魚湯泡飯不得了！好食！壺鯛魚湯倒出嚟係奶白色，魚味好濃郁我同老公仲斟一小碗出嚟當湯飲 😋湯泡飯有櫻花蝦、大蝦同帆立貝，又浸住魚湯海鮮大雜燴咁呀 👍🏻 啲飯吸咗啲湯好入味，同時又 keep 到口感彈牙我幫老公裝到碗飯勁精緻，再加咗啲蔥花、飯素同脆米應該係我最賢淑嘅一刻 😂蕨餅白玉宇治抹茶雪糕係 mix 咗牛奶同抹茶嘅雙色雪糕兩個 flavours 都正，雪糕好幼滑～抹茶蕨餅味道幾出，口感煙煙韌韌

今日去咗黃大仙中心和氣食堂 一入到去環境整潔， 雖然已坐滿了人客 但仍覺 舒適和諧首先嚟咗第一道菜火焰左口魚邊牛油果沙律. 左口魚鮮甜美味， 牛油果沙律 醬汁配合適中 ，食落去有清新感覺四口刺身， 海膽鮮甜 ，石斑魚有口感， 三文魚厚身多油， 刺身蝦大隻肥美， 食落口淡淡香甜黑松露鵝肝帆立貝卷， 黑松露味濃， 配鵝肝帆立貝 咬落口 多重口味， 值得一試鹽味燒牛舌 咸道適中 有咬口 食多幾串都嫌唔夠三文魚椎茸燒， 三文魚除咗生食 原來火燒都有另一種美味地雞大蔥燒， 雞肉 鮮甜多汁 一口雞肉一口蔥， 真的不錯安格斯牛肉串， 燒製牛肉火候啱啱好， 食落口鬆軟 又美味燒鱈魚棒， 可以將鱈魚切成條 燒到卜卜脆 又唔覺得油膩 再點少少醬汁 如果用嚟送酒 效果更好安格斯牛肉炒飯， 將安格斯牛肉切細 配合其他材料炒 首先感覺佢唔油膩 但又可以將飯粒分開 食落口 感覺牛味濃厚， 非常可口， 值得大家一試嘅餐廳

呢間黃大仙日本料理，之前聽好多住附近嘅朋友話選擇又多又抵食。性價比超高，今次同朋友嚟試叫咗幾樣嘢食！🤣第一樣香芒煙燻鴨胸沙律配黑醋，賣相好靚吸睛，有五舊鴨胸！下面有啲沙律菜仲有黑醋，清清淡淡好適合做前菜。刺身三點盛，有三文魚、甜蝦、章紅魚薄切！佢餐牌會寫埋有幾多件絕對唔會騙人！我好欣賞佢地既做法☺️ 三文魚好肥美😆 甜蝦鮮甜！章紅魚都新鮮！高質！有個櫻花蝦鯛魚湯泡飯新出好似好吸引🤔就叫左來試下！有職員會將泡飯送來枱面然後將啲湯加入去。泡飯有兩隻大蝦同帶子！配一啲櫻花蝦同埋一啲紫菜嘅配料。雖然係石鍋泡飯但係同以往嘅石鍋飯好唔同嘅地方就係唔會痴底！我地都覺得好抵食！味道啱啱好唔會過鹹亦都唔會過淡，飯嘅份量都超多抵食，應該有2/3碗飯🍚我朋友係魷魚🦑迷，所以叫咗一個照燒魷魚筒！差唔多有一個前手臂咁大，燒得唔錯味道！份量有點多！多人可以share🤣😍叫左火灸黑松露 ，鵝肝，帆立貝，左口魚裙邊超好食!! 好肥美☺️ 本身想再叫壽司但真係食唔落了😂😂甜品叫左個雪糕，頂到上心口😂 個抺茶好濃味唔甜又滑！紅豆唔甜🤣

黃大仙中心不嬲都有好多各式各樣嘅食肆，平時經過和氣食堂都會見到好多人排隊，今日咁岩媽咪六點幾就放工嚟到黃大仙，未需要等位，我哋就決定入嚟試一試👍首先食嘅係火焰左口魚邊牛油果沙律🥗加咗啲黑松露係上面令到個沙律好香，而且啲蔬果都好新鮮，絕對係一個好嘅開始之後就叫咗幾款唔同嘅串燒，特別鍾意安格斯牛肉串同埋燒牛舌，鹽味好均勻咁散佈係成個串燒上面，而且唔會話太鹹，亦都唔會太肥膩，絕對值得推介刺身拼盤包括左好多唔同種類嘅刺身，平時一般都係食放題嘅時候先會食一大盤刺身，不過今次就多咗放題比較少食到嘅海膽，好鮮甜可口安格斯牛肉炒飯相對就比較普通，但係勝在夠大碟又抵食又飽肚黑松露鵝肝帆立貝卷細細地一舊就已經包括左好多正野食最後係燒雪魚棒，食落有啲似係零食咁，脆脆地點埋沙律醬食都幾得意

<< 和氣食堂 >>黃大仙正德街103號黃大仙中心南館地下G12A號舖 “刺身好新鮮，品質比一般放題質素高！！！ “加洲卷，經典壽司之選，蟹子既口感，青 瓜既清新爽口，食日本菜總會點黎食，百食不厭！！！茶碗蒸蛋，蛋蒸得超滑溜！！！ “雜錦壽司拼盤，“三文魚子同海膽同帶子壽司無得頂！！！ “炸軟殼蟹，軟殼蟹黎講算大隻，唔會炸到乾曬食到裏面既蟹肉！！！ “紫薯鮮奶好新潮，個賣相粉粉紫紫好浪漫，紫薯同鮮奶兩者味道好夾，甜甜地但又唔會飲到膩，推介推介！！！ “烏冬湯底味較淡，烏冬質感煙韌！！！ “炸雞，炸粉不厚，咬落去有仍肉汁肉質幾嫩！！！總結：當日好爆場好多人，但服務方便都做得好好，有禮同笑容，上菜方便都好快，價錢親民食物質素不錯。

黃大仙中心不斷翻新，不斷有新食店，第一次見呢間想試但太多人排隊，無食到之後再去唔使排隊，終於試到，原先唔去食以sushi 為主㗎sushi,所以就試呢間睇下有無特色，但最後都變左叫sushi為主，sushi唔錯幾新鮮，叫左燒粟米點知中伏了，好生唔熟果陣味好怪，之後見到有生蠔諗左好耐最食蒜蓉/芝士，後悔了味道好一般，圖話增大號點知隻蠔俾芝士/蒜蓉蓋住，好細隻，早知一直叫生蠔食算，總括都過得去，可以一試但佢啲特色嘢食唔太好試……

約舊朋友吃飯又唔想出油尖旺同人迫，所以揀左係黃大仙中心南館人氣幾高嘅和氣日本料理。之前同朋友食過午餐，覺得性價比高，所以再食！三個人，叫左六樣野食。首先小食唐揚魷魚軟骨$45，嘩，入口好多麵粉，而且成口油。好似比之前差左好多。之後重有個壽司卷- 黑松露鵝肝帆立貝壽司$65，望落都幾足料，尚算唔錯。重有個牛舌， 鐵板燒鬆軟牛舌 $58，份量唔少，有6、7塊，有時好怕牛舌會煮得唔好太硬，但今次有驚喜，煮得剛剛好，味道也很好，係全晚最好食嘅。自家製芝士厚燒玉子$42，每次必點，芝士同蛋兩者配合得唔錯，芝士亦都無蓋哂蛋香，水準保持到。主食方面，叫左豚肉丼，我叫之前都知係燒肉，但無諗過係豬肉乾啲朋友，塊肉太乾了至於另一個鵝肝雜菌石頭窩飯更加失望，賣相已經好令我不安，食落口完全無味，好似將啲菌煮熟擺係面咁，底下全白飯，我同朋友食左兩啖後都食唔到落去，放棄左。最後埋單四百幾蚊，三個人食日本野唔算貴，但係唔知係唔係因為客多手腳亂，啲水準好有參差。

接朋友收工，行下見到間幾吸引嘅餐廳，價錢合理，就入左去食。食下個環境，傾下計，下次可以再食過！🤓帆立貝黃金燒不嬲都好中意食呢啲燒元貝、燒帆立貝類嘅野，除左個粒帆立貝好食，個芝士醬都好好食！焗得啱啱好，芝士仲有啲脆邊，好香好好味！ ☺️白咖哩烏冬雖然表面雪白，原來下面係咖哩烏冬😲，個咖哩有輕微辣，朋友唔係好食到辣都完全接受到，個咖哩加埋醬汁好好食，好香濃嘅味道又但唔會覺得太over 太濃味。而佢附送嘅炸雞沾埋咖哩更好食！照燒魷魚筒真係成條咁上，個燒汁都好香，會食到停唔到口呢個菜色。🤤安格斯牛扒他他沙律牛肉好淋，唔會韌，作為前菜很適合。宇治抺茶芭菲個雪糕真係幾驚喜！自己都好中意食抺菜雪糕，食落口中都係有好香嘅茶味，茶味同奶味配合得好好，又好滑，讚！😍千回火鳥呢個雞翼我地擺左一陣先食，都仲係熱辣辣，醬汁惹味。電擊雞呢個不得不讚，雖然感覺好韓國野，唔似日本菜，但係好好食，好香，個味調得好好，甜甜地嘅。而個薯條都好新鮮炸起。

小時候到黃大仙必定係拜神同飲茶，記憶中食肆既選擇都唔多，曾經的黃大仙中心同龍翔中心，已改稱為黃大仙南館同黃大仙北館。 我那日到黃大仙探姨，所以到了附近的和氣堂食晚膳，近近地就揀左呢間好近地鐵站既日本餐廳。見佢價錢都唔貴，就試試佢啦。 佢環境都好舒適 所有野都是乾乾淨淨 整整齊齊坐得好舒服 ！帆立貝黃金燒有蒜蓉同芝士兩種口味，我地就試左芝士！帆立貝好大粒，芝士就非常濃郁，兩者都沒有掩蓋帆立貝本身的鮮味，唔錯唔錯！海膽冷竹炭面海膽好新鮮，面亦都彈牙，岩曬中意食冷面既我！海膽三色丼呢個材料真係夠晒豐富，仲有好少見嘅帶子。配檸檬汁食非常之新鮮而且大小剛好。玉子蛋夠口又鮮甜，仲有大甜蝦樣樣都係好新鮮。食魚生最緊要真係新鮮！呢度絕對做到啊。 安格斯牛他他沙律我細佬嗌咗呢個沙律。牛份量超多！配菜仲要好甜好醒胃！撈埋一齊食，口感非常豐富～黑松露香芒甜蝦卷甜蝦大大粒, 又鮮甜, 同黑松露好夾! 內裏保持軟滑, 黑松露味香濃! 照燒魷魚筒原隻魷魚即煎咁好似，上黎果時仲有聲架，好香，燒汁又夠味，非常唔錯既一個小食！最後就係甜品 宇治抹茶芭菲宇治抹茶芭菲除雪糕還有粟米脆片、mochi、抹茶啫喱、紅豆和威化條～

是日和媽媽來黃大仙祠求籤，中午打算在附近的黃大仙中心覓食，然後才搭地鐵 回家常常被姨甥仔嘲笑，MTR係港鐵唔係地鐵，話唔知咩叫地鐵喎冇辦法，叫左咁多年好難改口，正如 我都係叫慣叮噹，唔習慣叫多啦A夢囉 平時夜晚見到這間和氣食堂成日都有人龍，今日難得避開了午市的繁忙時段，可以直入午市定食選擇十分多價錢基本由$5X 起，魚、牛、雞類任君選擇，也有一些貴價的刺身丼定食最正係有無制限追加，好似以我們今日的狀態，媽媽跟我點一個餐再追加1-2項食品，已經可以捧住個肚了偷偷看了一下 下午茶餐牌，價格更相宜，飯類選擇就少D，但又多了一些輕食類別鹽燒鯖魚定食鯖魚煎至表面稍乾身，入口不會很油膩，魚味濃郁，再擠點檸檬汁提鮮跟餐 蒸蛋表面略為煎老了一點，不算很滑嘟嘟，不過入口尚算滑溜的跟餐加點 三文魚壽司 (2件)三文魚色澤一般，魚油甘香不算濃郁壽司飯醋味偏強芝士厚燒玉子在午市餐牌不見，但見openrice 好多人都推薦這個厚燒玉子，於是問職員拎主餐牌表面的芝士半溶狀態層次分明的蛋漿層，每層可見蛋皮微焦的痕跡入口略帶甜味，可嚐到少許鰹魚高湯的味道厚燒玉子是否用心，很容易便嚐到，不是一道可以馬虎了事的簡單菜式最

今日同細妹一齊放假，一齊自然醒。係無約既情況下，兩條懶蟲走落樓下搵下午茶食 哈哈。見到和氣食堂有Tea set,即刻入去坐。我地叫左和氣極強特盛定食，果然份量十足，夠哂豐富！首先黎客蒸蛋，蒸得好軟滑，好好味。軟殼蟹沙律～軟殼蟹香脆可口，拌上青瓜蕃茄菜，加埋個日式麻醬真係無得頂。跟住有木魚湯烏冬，熱辣辣，味噌湯香濃。細細碗，份量岩岩好。黑豚腩燒丼～黑豚肉燒得剛好，肉質煙韌；配上惹味燒汁，超級可口！！三文魚刺身～～我唔係好中意食三文魚，不過都食左幾件。刺身尚算新鮮，不過略嫌沙律醬太多，有d膩。壽司什錦有驚喜，海膽好新鮮，色澤好靚，入口好滑。另外大蝦刺身同帶子都不錯，大蝦肉質彈牙，幾甜。而帶子都好厚肉，質地結實鮮甜，好味！以平民價錢，有呢個質素既下午茶，絕對係性價比高，可以再試～！

日本野周街都有 唔想食迴轉壽司放題單點叫野食 都係不錯選擇分分鐘食到其他味美野一出地鐵站行遠少少就見到餐廳門外可以攞飛外 仲可以用手機攞飛我去到係晚上8 點幾 都等左大半小時不過有商場行下 時間好快就過一開始叫左個芒果三文魚蟹子沙律好多料 芒果好好味 夠甜唔酸叫左兩款唔同既卷物 牛油果炸蝦（無影相）同 芝士軟殼蟹兩個都包得唔夠實 一夾同點wasabi就散了仲有的是咖哩火灸三文魚 我覺得火灸三文魚一般 但友人就話唔錯特別之後就黎左個驚喜 一眼望到嚇一嚇 咩事純白色其實咖哩係底 好香好滑 一定要試下最後又想過一過口引 所以叫多個雞軟骨 分量唔少 炸得唔錯埋單都多差不多500不過食物真係幾好 對得著個價錢

收工約左人去黃大仙。話說黃大仙本身係冇咩野食，而嘴挑嘅我們想食日本野，據聞黃大仙得兩間餐廳食日本野，呢間和氣食堂係其中一間，望入去都多人食，所以就試試佢。間餐廳都幾大，樓底高，坐得舒服，所以環境ok。沙拉頭盤點左個香芒燻鴨胸沙拉，落左我中意既黑醋，甜甜酸酸好開胃。要讚下個芒果！驚喜地甜！主食叫左個鯛魚湯泡飯，呢個係我今餐最推薦既一道菜！個湯同飯分開上，湯有好香濃既魚味，同個飯好夾。另一個主食係白咖哩烏冬。小食點左鹽燒安格斯牛肉串，吱d檸檬汁落去食好正！照燒魷魚筒係我男朋友既大愛，因為個燒汁好出色。甜品係阿法奇朵（$36），呢個真係平靚正！甜滑既凍雪糕配上香濃熱咖啡，味道好夾！下次既話會想試埋抹茶味。

朋友推介呢間日本野，個日經過黃大仙，終於有機會試。入到去發現餐廳menu勁多選擇，我地樣樣都想試，結果揀左好耐先點到😂首先上菜嘅係沙律，黑松露味好濃，番茄鮮甜，感覺好新鮮。芒果三文魚加州卷不過不失，芒果略酸，魚子配合得宜，整體不錯。火炙鵝肝三點包括三文魚腩、帆立貝、鰻魚，鵝肝比想像中大、配合其他海鮮又出奇地夾，海鮮夠厚切，壽司飯又握得夠實，口感一流。燒鱈魚棒非常出色，好脆口，完全唔油，配合醬汁真係會食到停唔到口。照燒魷魚筒比出面食嘅明顯大，味道啱啱好，非常可口。重頭戲鯛魚湯泡飯，職員幫我地加湯，陣陣香濃嘅魚湯傳入鼻內，鯛魚既新鮮又香滑，飯上嘅菠菜卷仲好特別，手工令人驚嘆，第一次食咁特別嘅卷物。玄米脆脆配合煮得剛剛好嘅飯又係另一番滋味！甜品糯米滋紅豆宇治抹茶雪糕亦好出色，糯米滋顏色鮮豔，口感軟熟，抺茶雪糕茶味濃，唔太甜，配合紅豆啱啱好，為晚餐畫上完美句號！

welcome to my tea............let see the menu.......all japanese food......they have rice and noodles.....super size for sashimi rice.....I order this for crab stick....appetizing...!and this is a udon set...with some sushi..jujube tea.....